信用卡交稅 | 2018交稅優惠合集+薪俸稅延遲交稅你要識

信用卡交稅2018

信用卡交稅優惠合集 薪俸稅延遲交稅攻略 2017 2018年度適用

想交少D稅?可惜因為你已經報咗稅,教你點樣用多D扣稅項目呢加教你已經太遲,現時可以做嘅只係利用信用卡交稅優惠或有限度延遲交稅減輕痛楚!2017出嘅薪俸稅稅單salaries tax都有2個deadlines,分別係2018年頭同4月,如果唔係睇完優惠都唔好傻更更咁早走去咁早交蝕利息啊!留返D錢嚟抽新股好過啦!其實呢加每間銀用信用卡條款都寫到明交稅係無積分回贈或里數,但每到交稅季節各家銀行都會相繼出唔同交稅優惠,暫時就HSBC、渣打、建行、恒生、大新、中銀、Citibank、交通、東亞、中信、華僑永亨、工銀、創興 13間銀行出咗(DBS信用卡一向進取,估唔到仲未出…),以下會由優惠/回贈/里數優惠程度等你一次睇晒用咩信用卡交稅優惠最多,你嘅策略應該係check咗問咗中唔中HSBC/SCB特選先,唔中先考慮其他(其實未到死線都仲可以等下有無其他銀行出,里先生會持續update呢篇文章,你like實里先生Facebook隨時有update!) 另外,里先生是一位執葉會計師,雖然多數做audit工作但都有少少稅務知識,以下可以同大家分享下如果你符合特定條件下其實可以延遲暫繳稅(2017/2018預估果part),係最後部份解釋。


2017/2018信用卡交稅優惠排名(按鍵向下彈索引)

  1. HSBC信用卡交稅一 (限特選客戶)
  2. 渣打Visa卡交稅(限特選客戶)
  3. 建行信用卡交稅(12月15日已完)
  4. HSBC信用卡交稅二 (限特選客戶)
  5. 恒生信用卡交稅(12月28日已完)
  6. 工銀信用卡交稅
  7. 渣打信用卡交稅
  8. 大新信用卡交稅(1月31日已完)
  9. 東亞信用卡交稅(12月29日已完)
  10. 交通銀行信用卡交稅(12月31日已完)
  11. Citi信用卡交稅(登記已完,先前有登記可以用Citi交)
  12. 中銀信用卡交稅(12月31日已完)
  13. 華僑永亨信用卡交稅(12月31日已完)
  14. 中信信用卡交稅(特選)…里先生都係聽,需簽大額回$200,無其他資料
  15. 創興信用卡交稅(得幾百名額-已完,網頁都無埋)

仲想睇其他銀行最新交稅update就睇實里先生Facebook賺盡回贈啦!


HSBC匯豐銀行用信用卡 交稅$60,000 高至1,200獎賞錢或18,000里(特選)

  • 信用卡交稅$60,000,有高至1,200獎賞錢或18,000里(要斬開不同月份交)
  • HSBC特選詳細玩法/幫家人交賺到盡請睇→ HSBC信用卡交稅全攻略
  • 特選客所需資格 – 收到信件或SMS後憑卡登記並消費/交稅達到「每月個人目標消費額」
  • 特快查詢中唔中電話: 2748 8033(HSBC獎賞錢Hotline),如果你次次特選都唔中可能係你申請卡時選擇咗唔收任何promotion materials,順便可以問埋有無opt out,需更改可以用ebanking(我的銀行>管理網上戶口>剔選全部)
  • 專有A餐$10,000上限版本登記→官方連結/ 電話8228 3118
  • 專有B餐$15,000上限版本登記→官方連結/ 電話8228 3118

里先生信用卡分析
HSBC信用卡
HSBC Premier信用卡


渣打銀行信用卡 交稅指定金額 高至25,000里數或$2,250現金回贈(特選)

渣打特選係所有簽賬四個月一齊加埋嚟計(2017年10月16日至2018年2月28日),留意要

  1. 先中特選選客戶 (如果個額太大可以夾埋家人一齊交)
  2. 登記(電話: 2209 5566)
  3. 經網上或電話理財繳稅達目標金額

方可獲額外里數或現金回贈(櫃員機交唔得),目標金額分成3級,每級差$17,000-$20,000,按照客戶最終達到之級別送出獎賞

  • 第一級目標達到:2,500里數 / $225
  • 第二級目標達到:10,000里數 / $900
  • 第三級目標達到:25,000里數 / $2,250

目標金額人人唔同,如果想check中唔中可以打返2886 4111(普通客)/ 2886 8866 (優先理財客)問返自己中唔中選。如果你次次特選都得個睇字可能係你申請卡時選擇咗唔收任何promotion materials,順便可以問埋有無opt out到,改返做收取宣傳。

詳情及條款→ 連結

里先生信用卡分析
渣打Asia Miles信用卡: 迎新10萬里屈機,用渣打收埋條鬼鼠link申請多2000里
渣打Simply Cash: 所有港幣簽幣賬1.5%現金回贈/迎新簽$1回贈$1,合適唔玩里數唔追優惠


CCB建行信用卡 交稅最高賺$200現金回贈(特選)

CCB建行玩法好簡單,無需要登記不過要收到email中特選,入面會寫咗你邊張信用卡中選,係2017年11月15日至2017年12月15日(早過deadlines)期間交稅就有回贈,最低交$3,000蚊有$50(呢個抵玩,夠親民),最高$200(交$80,001或以上先有)。如下圖:

ccb建行信用卡交稅2017

*怕miss咗查詢中唔中電話: 317 95533(按1,1,8再入卡號果…bababa)

里先生信用卡分析
CCB Eye信用卡 (chok PayMe最快9個月CX台灣來回機票)

Source: 官網連結

 


HSBC匯豐銀行用信用卡交稅(二)$37,500 有300獎賞錢(特選)

hsbc tax 2017 v2

  • HSBC信用卡交稅第二次特選,信件於2017年11月20日收到(無第一次咁抵,但中到好過無)
  • 無需登記,只要你收到信就有份
  • 於11月20日至12月31日期間合資格消費或貸款要夠$5,000,可以夾埋HSBC萬寧11-12月優惠玩(HSBC想借機sell稅貸?)
  • 用Visa網上交稅要夠$10,000,有0.8%回贈,交夠$37,500就爆最多拎300獎賞錢(可參考上圖
  • 可以幫家人一齊交稅
  • 注意!唔好用HSBC Premier (Master)或銀聯卡交,因為得200獎賞錢上限
  • 查詢中唔中電話: 2748 8033(HSBC獎賞錢Hotline),如果你次次特選都唔中可能係你申請卡時選擇咗唔收任何promotion materials,順便可以問埋有無opt out,需更改可以用ebanking(我的銀行>管理網上戶口>剔選全部)

*於2018年1月1日至2月28日期間合資格消費或貸款夠$5,000+交稅$10,000以上得0.4%回贈,上圖table減半

里先生信用卡分析
HSBC信用卡及日常合資格消費
HSBC Premier信用卡: 富貴卡,玩Avios屈機


恒生信用卡 交稅$10,000都有回贈!(全民)

  • 需登記,2998 6000 (選擇語言後按「1」>「1」進行登記,優惠由登記日起計)
  • 於12月1日至12月28日期間用恒生ebanking交稅
  • 可以幫家人一齊交稅
  • 夠簡單親民,記得打電話去就得喇!
  • 全民有份,無需中選,唔係特選嚟講係現時咁多間銀行回贈最高果間
  • 魔鬼條款: 寫到明登記咗果日先開始計!記住!記住!記住登記咗先好交!

恒生交稅2017

Source: 官網連結

里先生信用卡分析
→ 恒生信用卡: 未得閒寫T^T,另一張現金回贈卡頂住先↓
渣打Simply Cash: 所有港幣簽幣賬1.5%現金回贈/迎新簽$1回贈$1,合適唔玩里數唔追優惠

 


工銀信用卡 交稅最低回贈$100(全民)

  • 只限ICBC工銀銀聯卡
  • 按每張卡計,每張卡限回$100!
  • 優惠期至2018年4年15日
  • ICBC個玩法好奇怪,回贈只係得0.3%但佢補咗底交任何金額都回$100(根據條款係咁寫)
  • 啫係話你要拎超過$100蚊嘅回贈要交$33,333以上
  • 所以策略係你有工銀卡就點都交D啦,唔好再交多,留返個額去第間銀行交
  • 最高回贈$600

Source: 官網連結


大新信用卡 累積$10,000起有0.20%/0.25%

  • 無需登記
  • 於2017年12月1日至2018年1月30日期間用大新online banking繳費Net交稅
  • 無寫唔可以幫家人一齊交稅
  • 比其他銀行親民簡單,全用standard rate 0.20%/0.25%回贈計算
  • 上限交$120,000就爆,最高現金回贈$240(0.2%)/$300(0.25%)
  • 回贈以免找數方式入落信用卡戶口
  • 如果想有0.25%回贈需要提交稅單copy俾大新
  • 可以email俾大新,算係容易搞
  • 不過留意日後可能你會收多咗叫你借錢嘅電話(估架咋,里先生提提你: 俾定唔俾,肯接貸款電話先好俾!)

*不適用於附屬卡、人民幣信用卡、公司卡、現金卡、扣賬卡、簽賬卡、GOSmart卡、貴賓卡、採購卡、Gift卡、國際學生證萬事達卡、國際教師證萬事達卡、銀聯雙幣信用卡之人民幣信用卡賬戶及結欠轉賬戶口

大新交稅

里先生信用卡分析

大新英航BA白金卡: 賺Avios里數低成本換國泰CX機票

Source: 官網連結

嚟緊仲會有其他銀行交稅update架!記得like實里先生Facebook睇住有無新交稅offer啊


東亞信用卡 上限$300現金回贈

bea tax 201718

東亞信用卡交稅好在夠親民個個卡主都有份,交$10,000都有回贈!(不過真幾少…唔中特選的話就用咗交行銀聯卡交$5,000先(以下有寫),有$100回贈,東亞記得要係2017年12月29日前信用卡交稅!我覺得東亞個宣傳網頁都幾XX,唔計出嚟俾人睇啫係交幾多有幾多回贈同埋個上限。我唔知有心定無意喇,記得如果你打算用BEA交都唔好交超過$120,000,因為上限$300回贈

  1. 無需要登記,有東亞卡就有份
  2. 2017年12月29日前透過電子網絡銀行服務成功繳交2016/2017年度薪俸稅及個人入息課稅
  3. 每個主卡賬戶及任何有關附屬卡賬戶會被視為1個合資格賬戶以計算交易及現金回贈。不同合資格賬戶之交易金額不得轉讓/合併。
  4. 每個主卡賬戶於推廣期內最多可享HK$300現金回贈
  5. 現金回贈將於2018年2月5日存入有關主卡賬戶,並顯示於有關結單。

Source: 官網連結

里先生信用卡分析

東亞BEA Flyer World: 主力繳費有回贈


交通銀行信用卡 交稅$5,000賺$100現金回贈

交銀信用卡呢個雖然上限唔高,但勝在夠親民個個卡主都有份,仲交要交$5,000就有回贈添!不過記得要係2017年12月31日前信用卡交稅啊!

  1. 無需要登記
  2. 2017年12月31日前網上交稅/政府/公用事業機構,累積夠$5,000(幫家人一齊交都無話唔得)
  3. 再加一次單筆$400合資格簽賬
  4. 簽賬回贈有HK$100(銀聯卡)/HK$50(Visa card)

交通銀行信用卡交稅*「合資格單筆零售簽賬」不包括:本地及/或海外現金透支交易、八達通自動增值金額、電子錢包的簽賬交易包括但不限於WeChat Pay、PayMe 及支付寶、所有分期計劃交易之每月供款、商戶分期之每月供款、自積金及 / 或強積金供款、結餘轉戶交易、所有網上繳費、購買賭場籌碼、稅款、購買旅行支票、保費、所有信用卡收費繳款(例如:年費、財務收費等)、其他推廣優惠之換領費用及銀聯雙幣信用卡內地交易包括內地購買物業、汽車、機票、燃油、批發、超市交易、支付醫院費用、繳交學費的交易及銀行不時指定之信用卡交易。卡戶如持有多於一張主卡,其多張主卡之簽賬不得轉讓或合併計算在累積簽賬金額以獲享是次「網上銀行繳費獎賞」之獎賞。銀行將於2018年3月內將簽賬回贈誌入合資格主卡賬戶。
詳情→官網宣傳單張

里先生信用卡分析
→ 交通信用卡: 未得閒寫T^T,另一張現金回贈卡頂住先↓
渣打Simply Cash: 所有港幣簽幣賬1.5%現金回贈/迎新簽$1回贈$1,合適唔玩里數唔追優惠


Citibank Visa信用卡 交稅最高賺$500現金劵

至2018年2月28日,Citibank個玩法又有少少唔同,唔洗中特選個個有份都幾親民

  1. 先登記(限首15,000名)→登記網址
  2. 登記已完,先前有登記可以繼續用Citi交仲有回贈 (唔想再錯過記得like里先生facebook喇 😛 )
  3. 網上交稅最少夠$30,000(可以斬開唔同月份交,幫家人一齊交都無話唔得)
  4. 再加一次$500合資格簽賬先至有現金券

交唔同稅款,唔同時間交都有唔同嘅回贈現金券,不同級別如下圖(提早交稅額外現金券延長至2018年1月31日):

Citi信用卡 交稅

*留意Citibank只限交薪俸稅(Salaries tax)先有現金券回贈-我都唔confirm個人入息課稅(Personal Assessment)佢計唔計還是唔夠專業寫唔清楚

**不合資格簽賬包括(但不限於) 現金透支、於交易時涉及外幣匯率折算為港幣之「動態貨幣兌換交易」、購買現金券、購買或增值禮物卡、購買或充值儲值卡、八達通自動增值服務之費用、旅行支票之金額、以信用卡支付外幣兌換交易(例如但不限於Forex.com)、信用卡結餘轉賬之金額、折現計劃之金額、「分期更好使」計劃、「Dial-a-Check」套現分期計劃之金額、繳付予稅務局之稅項、以網上、網上銀行或支付系統繳交公共事務費用、自動轉賬、繳交基金之供款、銀行手續費、保險費用、賭場交易、未誌賬/取消/退款的交易、分拆賬單交易及其他未經許可或有舞弊/欺詐成份之簽賬。

里先生信用卡分析
Citi PremierMiles信用卡: 玩Avios可考慮
→Citi Prestige: 快有喇快有喇….
→Citi Rewards: Ditto

 


BOC中銀信用卡交稅 $1.5萬稅有$50簽賬獎賞

至12月31日,中銀信用卡登記完透過網上銀行或銀通櫃員機交稅有現金回贈(注意!要一次交晒唔可以斬開不同月份交,所以要夾家人一齊交就唔得),詳情如下:

  • $15k-$50k: 回贈$50
  • $50k-$100k: 回賭$100
  • $100k-$200k: 回贈$150
  • $200k或以上: 回贈$200

登記方法:電話2820 6222 或 中銀網頁登記→登記網址

*中銀特別少少,寫到明「繳交稅款」包括繳付個人或第三者的個人入息薪俸稅、個人入息課稅、利得稅及物業稅,但不適用於繳付商業登記費及購買儲稅券

里先生信用卡分析
→ 中銀信用卡: 未得閒寫T^T,另一張現金回贈卡頂住先↓
渣打Simply Cash: 所有港幣簽幣賬1.5%現金回贈/迎新簽$1回贈$1,合適唔玩里數唔追優惠


OCBC華僑永享信用卡交稅 $3,000+簽賬有回贈

2017年11月15日至12月31日,網上交稅優惠,以華僑永亨萬事達卡透過(a)個人電子理財「易繳費」服務繳交2016/2017年度個人薪俸稅,並以(b)同一張信用卡簽賬滿指定金額,可賺現金回贈,保證獲享最少HK$20現金回贈。

  • 消費$1,000, 再交稅有0.2%回贈, 上限回$100
  • 消費$2,000, 再交稅有0.25%回贈, 上限回$200
  • 消費$3,000, 再交稅有0.3%回贈, 上限回$300
  • 消費$10,000, 再交稅有0.5%回贈, 上限回$500

Source: 官網連結(pdf)

仲想睇其他銀行交稅update就睇實里先生Facebook賺盡回贈啦


暫繳薪俸稅條件及申請方法

其實呢個方法唔係個個啱用,主要為收入不穩定人士(如commission basis出糧人士)、啱啱生咗小朋友多咗免稅額但今年又未反映到嘅人或突然收入大減/失業人士而設,下面俾你參考返有咩條件(詳情應向專業會計師查詢)。

暫繳薪俸稅申請緩繳條件

你有資格得到未有在暫繳稅通知書中計算的免稅額。例如:在暫繳稅課稅年度內新生子女的子女免稅額,或因父母屆滿合資格的年齡而可得到的供養父母免稅額。

有關申索免稅額所需的資料必須清楚填寫在申請書內,例如新生子女的姓名及出生日期,或受養父母或祖父母或外祖父母的姓名、出生日期、香港身分證號碼和在有關年度是否通常在香港居住。

你在暫繳稅課稅年度的應課稅入息實額,少於或可能會少於前一年度的應課稅入息實額的90%,又或少於或可能會少於暫繳稅課稅年度估計入息的90% (啫係2017/18暫繳評稅$10,000,你要估計下年實際暫繳評稅為$9,000先可以申請)。稅局網頁→例子

你已停止或會在暫繳稅課稅年度終結前停止賺取應課薪俸稅入息。

你須在申請書內清楚填寫整個課稅年度估計入息的數額。例如:你打算申請暫緩繳交2017/18課稅年度的暫繳薪俸稅,你須列明你於2017年4月1日至2018年3月31日的估計入息,並提供入息减少的原因,例如失業、退休及減薪。

暫繳薪俸稅申請緩繳方法

如果你用e-tax就好簡單,上網禁幾個制寫返原因就得(如下圖),但如果無用eTax,你就要填表郵寄或Fax去申請→申請表格

tax postpone 1

tax postpone 2

tax postpone 3

tax postpone 4


2017/2018信用卡交稅優惠排名(按鍵向上彈索引)

  1. HSBC信用卡交稅一 (限特選客戶)
  2. 渣打Visa卡交稅(限特選客戶)
  3. 建行信用卡交稅(12月15日已完)
  4. HSBC信用卡交稅二 (限特選客戶)
  5. 恒生信用卡交稅(12月28日已完)
  6. 工銀信用卡交稅
  7. 渣打信用卡交稅
  8. 大新信用卡交稅(1月31日已完)
  9. 東亞信用卡交稅(12月29日已完)
  10. 交通銀行信用卡交稅(12月31日已完)
  11. Citi信用卡交稅
  12. 中銀信用卡交稅(12月31日已完)
  13. 華僑永亨信用卡交稅(12月31日已完)

暫繳稅申請暫緩條件及方法

 


其他信用卡優惠或里數攻略

11 comments

Leave a Reply

Your email address will not be published. Required fields are marked *