【The Pier 玉衡堂】CX First Class Lounge 國泰頭等貴賓室 Video and Map

the pier 玉衡堂 cx first class lounge

【The Pier 玉衡堂】CX First Class Lounge 國泰頭等貴賓室 Video and Map

國泰於香港機場有兩個First Class Lounge,今次介紹呢個係位於63號閘口嘅The Pier玉衡堂。而呢個The Pier嘅First Class Lounge同個Business Lounge好相近,但兩者並不相通而個入口(電梯口)都係兩個唔同嘅位置,呢個Lounge有A La Carte menu即點即制食物同埋有個酒吧可以點cocktail/香檳/紅白酒飲。

我覺得The Pier First叫得上係國泰係香港機場最好嘅Lounge。人唔多亦都係國泰Lounge裡面我覺得最舒適果一個。入到去第一時間就記得約咗個15分鐘按摩先,因為一般都要等1-3小時不等先至有位可以按摩。食方面要試一試個Signature burger。我自己食過兩次就覺得一般般(最近2018年6月),好食定唔好食就等你入去試下喇。

The Pier Lounge衰在太遠,如果你個登機閘口唔係六十幾附近嘅話就真係要行幾遠走過去。由security 落去搭列車再要行一段路先到。最難搞唔係去個Lounge而係行返出嚟去security方向嘅閘口的話就無列車搭,要行返出嚟。趕時間的話可能近近地用返而係1-4號閘口嘅The Wing 寰宇堂或者The Deck 玲瓏堂就算喇。

台北國泰貴賓室嘅風格同香港嘅The Pier 玉衡堂或者The Deck 玲瓏堂好一致,都係以木材裝潢營造溫暖感覺。同The Wing 寰宇堂The Bridge 逸連堂又有啲分別。

【The Pier 玉衡堂】國泰頭等貴賓室短片

The Pier First Class Lounge 玉衡堂頭等貴賓室入口

the pier 玉衡堂位置 國泰頭等lounge

CX First Lounge進入資格

  • 國泰航班的First Class (想玩lounge最簡單可以換張台灣First Class!用Asia Miles換又要抵玩就睇返→Asia Miles混合票),手持first class機票可以帶多1位guest進入
  • Marco
>>於新分頁打開全文 “【The Pier 玉衡堂】CX First Class Lounge 國泰頭等貴賓室 Video and Map” » Read more

環聯信貸報告免費查閱App開返喇!(另附付費版報告discount code優惠代碼) 信貸評級同擁有多少信用卡真有關係?

環聯信貸 TU 查閱 信貸評級

環聯信貸報告免費查閱TU App開返喇!信貸評級同擁有多少信用卡真有關係?

首先有個好消息,先前停止咗服務既免費查閱環聯信貸報告TU App呢加又可以用得返(三個月內無限次check TU, Mtel website係咁寫)。特別提一提你開立帳戶時會有3條問題,係咪個個一樣我唔知但入面會有可能問你某某信用卡係唔係你手持緊。(注意!)一定要睇清楚要肯定答,錯咗你就用唔到個app要搞一大輪用開通得返。

第二樣想討論一下(係討論,唔係我話,因為我真係唔多熟TU既野)到抵信貸評級同擁有多少張信用卡係咪真係有關係。為此我都做咗少少research同埋拎咗我個case嚟睇睇係咪真係有關係同埋估下應該點樣去解讀。

另外,如有需要睇詳盡報告就需要$280一個月任睇及download,會多咗information,如現有信貸賬戶/已結束信貸賬戶/信貸申請查詢資料/是否已呈報逾期還款etc等詳盡資料。→付款申請環聯full report

環聯信貸報告免費查閱TU App

  • Download link→ iPhone / Android (唔work就去app store search “CreditCheck”)
  • 個App係Mtel開發,同Citi合作所以我都信得過敢用既…
  • 跟住步驟做註册填資料收email開account,下省100字
  • (注意!)你改完password後有三條選擇題要答(以下有示意圖),肯定先好答,錯咗你就用唔到個app要搞一大輪用開通得返
  • 成功入到去就睇到你有幾多張信用卡
  • 按左上角menu→信貸評分,你就睇到你自己係既信貸評級係乜grade

付款申請full report

環聯信貸 TU 查閱 信貸評分

信貸評級同擁有多少信用卡真有關係?

里先生做咗少少research,無一個公開而可信既formula話俾你知到底信貸評分點計出嚟,環聯官網都係話計法好複雜,只例出某啲例子出嚟點提升或防止減低信貸評級。都市傳聞越多信用卡個信貸評級越低,里先生認為呢個都係個幾大既謬誤(原因係呢個情況無發生係我身上),然後又會影響到申請mortgage(我唔肯定)。如果真係我都幾大鑊,成日申請卡又cut card再食迎新,總之以量計或申請信用卡密度計既話我諗我都幾麻煩。

環聯信貸 TU 查閱 transunion 評分 評級

先睇睇我個信貸評分情況

  • 根據個app,現持有26張信用卡(真常用既10張以內)
  • 現時沒有銀行私人借貸或Mortgage(5,6年前曾經有借過做利息套戥,數年前已全部還清)
  • Credit Rating: A
  • 信貸額HK$96萬
  • 信貸使用率17%(截至3月23日)
  • 近三個月有申請5張以上新卡
  • 從來沒有拖欠卡數
  • 一年裡大慨有1-2次因意外無按時還錢被銀行收penalty charge and interest但一個月內還+有打去waive返(未試過唔成功,成世人未試過俾遲還款penalty charge銀行)

雖然26張卡同好多卡精比較既話都真係唔算多,但總可以推翻多卡=信貸評級低吧?至於經常申請信用卡係咪會拖抵信貸評級我真係唔肯定,但我自己就無發生呢個情況。但都小心有見過有師兄要借personal loan搵咗好多間銀行格價,問完好多間之後個評級大降,所以太頻密去check TU都真係會對評級有影響。

環聯付費詳細信貸報告

如有需要睇詳盡報告就需要$280一個月任睇及download,會多咗information,如現有信貸賬戶/已結束信貸賬戶/信貸申請查詢資料/過去48個月還款紀錄/是否已呈報逾期還款etc等詳盡資料,【付費版→實測環聯信貸付費版報告】// 付款申請full report→環聯官網

如何提升信貸評分(純粹個人意見)

  • 準時還錢,從不拖欠(借定唔借?還得到先好借!←我buy架)
  • 唔好只還Minimum pay(雖然未必會直接當遲還錢,但絕對唔係好習慣)
  • 唔好只得一張卡,或者叫做擴大你的個人信貸額(因為見到環聯有寫出嚟話信貸評分會考慮信貸使用率,所以當你既信貸額越大,使用率就會下降咁個信貸評分理論上會上升) (數學題: 分母上升分子不變,比率下跌)
  • (給初哥/學生)及早建立信貸評級,信貸評級的開始係由你第一張信用卡/貸款開始,如果你從來未建立過信貸評級,無機會建立正面信貸評級(準時還錢),咁環聯都無basis/理由去提升你的信貸評級

參考資料

別過於倚賴一張信用卡

只使用和申請一張信用卡似乎有助理財,但其實在信貸上過於保守未必是一件好事。只使用一張信用卡的話,就有機會因為信貸使用度過高而影響信貸評分。信貸使用度是以信用卡結餘除以信貸額度所得。一張港幣10,000元信貸額度的信用卡,若結餘是港幣7,000元,信貸使用度是70%。如果同時擁有兩張相同信貸額度的信用卡,而結餘同樣是港幣7,000元,信貸使用度就會減少至35%。信貸使用度越低,信貸評分就越高。

Source: … >>於新分頁打開全文 “環聯信貸報告免費查閱App開返喇!(另附付費版報告discount code優惠代碼) 信貸評級同擁有多少信用卡真有關係?”

» Read more

【HSBC台灣簽賬/食肆簽賬】銀聯卡專享5%/3%獎賞錢回贈

hsbc台灣簽賬 本地餐飲 銀聯卡

【HSBC台灣簽賬/食肆簽賬】銀聯卡專享5%/3%獎賞錢回贈

HSBC今期優惠除咗先前介紹嘅Apple Pay/Contactless付款5%回贈之外,仲有一個HSBC銀聯卡專享優惠。滿足指定要求後台灣簽賬有額外5%獎賞錢回贈(12.5X),本地食肆簽賬就有3%獎賞錢回贈(7.5X)。本地食肆簽賬最啱係放咗賞滋味嘅朋友去玩。條件及玩法以下再解釋。

HSBC台灣簽賬銀聯卡5%額外回贈

  • 登記網址→連結
  • 推廣期: 2018年9月1日至2018年11月30日
  • 於台灣以合資格信用卡單一簽賬淨額最少滿港幣500元(以台灣貨幣進行,約2,000新台幣)
  • 有5%額外獎賞錢回贈(15X, 啫係乜都唔中銀聯卡都有$1.85=1 Asia Miles)
  • (留意) HSBC銀聯卡有1%海外簽賬手續費
  • 推廣期內最多可獲額外$250「獎賞錢」回贈 (相當於簽$5,000港幣就爆)
  • 所有網上簽賬不會算作本推廣的合資格台灣簽賬

HSBC本地餐飲簽賬銀聯卡3%額外回贈

  • 登記網址→連結
  • 推廣期: 2018年9月1日至2018年11月30日
  • 合資格本地餐飲簽賬淨額最少滿港幣500元
  • 有3%額外獎賞錢回贈(7.5X, 啫係乜都唔中銀聯卡都有$2.94=1 Asia Miles)
  • 推廣期內最多可獲額外$150「獎賞錢」回贈 (相當於簽$5,000港幣就爆)
  • 酒店餐飲未必計

「最紅簽賬獎賞 – 銀聯雙幣信用卡」之條款及細則:

本推廣適用於2018年9月1日至2018年11月30日,包括首尾兩日(「推廣期」)。

於推廣期內,成功以合資格信用卡登記並符合以下簽賬要求的持卡人可享以下優惠:
(i) 就合資格台灣簽賬可獲享額外5%「獎賞錢」回贈(「5%『獎賞錢』優惠」);及/或
(ii) 就合資格本地餐飲簽賬可獲享額外3%「獎賞錢」回贈(「3%『獎賞錢』優惠」)。
為免存疑,5%「獎賞錢」優惠及3%「獎賞錢」優惠可同時獲享,並統稱為「額外『獎賞錢』回贈優惠」。

就5%「獎賞錢」優惠而言,每位持卡人於整個推廣期內最多可獲額外$250「獎賞錢」回贈。就3%「獎賞錢」優惠而言,每位持卡人於整個推廣期內最多可獲額外$150「獎賞錢」回贈。為免存疑,每位持卡人於整個推廣期內就額外「獎賞錢」回贈優惠而言最多可獲總共額外$400「獎賞錢」回贈。

「合資格台灣簽賬」為推廣期內於台灣以合資格信用卡單一簽賬淨額最少滿港幣500元並附有以台灣貨幣進行的簽賬存根正本或正式交易紀錄,並於核實持卡人有資格獲享優惠時已誌賬的交易。簽賬金額以信用卡月結單上的簽賬貨幣及已折算為港幣之金額為準。所有網上簽賬、現金貸款、年費、財務費用、逾期費用、賭博交易、購買及/或充值儲值卡或電子錢包的簽賬交易、自動增值、分期付款、於非金融機構的交易(包括購買外匯、匯票及旅行支票)、於金融機構的交易(包括購買銀行產品及服務)、郵購、傳真及電話訂購、電匯、自動付款、循環付款及所有未誌賬/取消/退款的交易,均不會算作本推廣的合資格台灣簽賬

「合資格本地餐飲簽賬」為推廣期內於香港的餐廳食肆以合資格信用卡單一簽賬淨額最少滿港幣500元的簽賬,並於核實持卡人有資格獲享優惠時已誌賬的交易。餐廳食肆將根據銀聯國際的商戶編號釐定。所有於酒席宴會、私人宴會、包場派對、設於酒店/百貨公司/俱樂部/會所內的飲食專櫃、於「最紅自主獎賞」其他消費類別的指定商戶所提供的餐飲服務的交易及所有未誌賬/取消/退款的交易,均不會算作本推廣的合資格本地餐飲簽賬。

本推廣的「獎賞錢」回贈將根據合資格台灣簽賬及/或合資格本地餐飲簽賬交易日期計算,所有有關簽賬均須在推廣期內完成。同一持卡人(以同一身分證明文件為準)名下不同合資格信用卡的所有合資格台灣簽賬及/或合資格本地餐飲簽賬將會合併計算,以釐定持卡人於推廣期內最多可獲的「獎賞錢」回贈。在本推廣中,同一合資格信用卡戶口下的基本卡持卡人與附屬卡持卡人會被視為獨立的持卡人,並可各自以其合資格信用卡獲享額外「獎賞錢」回贈優惠。

本行核實及確認有關合資格台灣簽賬及/或合資格本地餐飲簽賬可獲「獎賞錢」回贈後,有關的「獎賞錢」回贈將於2019年2月28日或之前自動誌入持卡人用作登記的合資格信用卡戶口內。如持卡人以其名下不同的合資格信用卡進行多於一次的登記,有關「獎賞錢」將根據本行的紀錄誌入首張登記的合資格信用卡戶口內。

整個推廣期內的「獎賞錢」回贈總金額將上調至最接近的整數。如持卡人為綜合戶口附屬卡持卡人,則主卡及附屬卡持卡人均可享用已誌入該附屬卡戶口內的「獎賞錢」回贈。

» Read more