【airstar 天星銀行 虛擬銀行】於2020年6月11日正式開業 開業期間成功開戶可享3.6%利率 承諾維持一年不變！

愈來愈嚟多虛擬銀行開始浮面，而由小米集團同尚乘集團出資設立嘅天星銀行就喺其中一間，佢喺2020年6月11日正式開業，仲推出咗唔少優惠同產品資訊，當中有高至3.6%活期存款年利率嘅優惠，當然另外仲有提供貪款等等嘅服務，有興趣可以睇埋下文！

其他虛擬銀行包括MOX銀行、ZA Bank、WeLab Bank、livi銀行、螞蟻銀行、富融銀行、平安壹賬通銀行，想知多啲嘅可以click埋連結睇返相關文章！

天星銀行airstar官網：https://www.airstarbank.com/zh-hk/?

里先生申請實測

「星級」存款服務優惠

天星銀行推出嘅存款服務優惠唔算難拎，戶口結餘嘅頭2萬都都可以享有3.6％活期存款利率，airstar仲承諾喺開業期間成功開戶嘅客戶可以享3.6%利率不變嘅保證，直到2021年6月10日！

除咗存款服務之外，天星銀行仲有提供貸款服務，用返佢嘅手機app就可以即時申請貸款，實際年利率可以低至2.99%，會以日息計算，仲冇任何手續費。另外天星銀行亦有提供港幣、美元同人民幣賬戶，而定存提前提取都冇額外收費㗎。

airstar天星銀行

天星銀行喺小米集團同尚乘集團共同出資設立嘅，其中小米集團佔90％，而尚乘集團就佔10％。而呢間虛擬銀行以「創新金融、普惠金融、綠色金融」為宗旨，以「推動香港建設智慧城市，推動金融科技普惠大眾」為使命。

天星銀行嘅營運理念亦都非常清晰，就喺令每個人都可以享受到金融科技嘅樂趣。所以佢開業初期佢會專注於金融科與傳統銀行業務嘅融合，務求接觸到一啲被傳統銀行忽略嘅客戶。

另外天星銀行都喺受到香港金管局及相關法例監管，而且亦都喺存款保障計劃成員銀行之一，所以如果將來倒閉，客戶都會有最高50萬港元保障賠償嘅。

3年「零服務費」承諾

天星銀行承諾推出最少3年「零服務費」嘅零售服務。例如客戶可零手續費咁透過轉數快同即時支付結算系統進行跨銀行轉帳，定期存款客戶可以隨時提前結清家期存款而唔收取任何費用，又例如借貸。利率，日息計算，客戶可以隨時提前還款而唔需要俾額外費用。

試業體驗

airstar天星銀行喺2020年3月31日正式試業，佢地開放咗2,000個名額俾天星銀行、小米香港同尚乘集團內部員工嘅親友參與試業。佢喺試業期間推出咗兩款產品。其中一樣喺港幣活期存款，產品以分層利率定價，金額喺50萬至100萬港元嘅存款客戶將享有高達 1%的年利率。定期存款客戶可靈活自定存款到期日，如 8、19、27 日等。