支付寶HK「轉賬」 新功能 Search email/電話號碼轉賬俾朋友

支付寶HK轉帳 alipay

支付寶HK「轉賬」新功能 Search email/電話號碼轉賬俾朋友

支付寶HK加入新功能「轉賬」,好明顯係追住WeChat Pay嚟打,食花生等睇PayMe幾時加入埋戰場,如果PayMe再唔加多D function我諗先前建立嘅first-mover advantage好快會消失。先前支付寶HK一直以嚟只有QR code收款付款做朋友之間嘅過數,啱啱見到佢加入新功能「轉賬」,可以係你電話簿入面search返你朋友個account做轉帳付款。以下有幾點要留意嘅implication:

  1. 每月每戶口用信用卡Alipay QR code付款/轉賬免手續費限額不變,維持$5,000
  2. 暫時未知轉帳係咪同QR code收款計積分方法一樣(下月有返quota試完再update)
  3. (如果同QR code玩法一樣有積分)朋友間過數唔再需要用QR code收款,可以用新嘅「轉賬」功能

重溫里先生→支付寶HK Alipay信用卡積分教學 / WeChat Pay信用卡積分教學PayMe信用卡積分教

***如果未有支付寶HK,記得領取迎新都要小心選唔係會浪費咗,詳情→支付寶HK優惠/Alipay HK付款解說

支付寶HK 信用卡 積分/里數/現金回贈列表 Alipay HK

  • AM: 每1里 Asia Miles需要幾多$
  • AV: 每1里 Avios需要幾多$
  • Cash: 現金回贈百分比%
  • 「-」代表無積分/里數/或未能加入信用卡
  • →信用卡分析/年薪/申請網址請按下名稱←

Credit_Cards
信用卡
AMAVCash
渣打AM4
(不穩定**)
--
Simply Cash--1.5%**
Citi Prestige66-
Citi PM88-
>>於新分頁打開全文 “支付寶HK「轉賬」 新功能 Search email/電話號碼轉賬俾朋友”

» 按入查看更多...

國泰航空香港機場新Lounge「The Deck 玲瓏堂」 介紹短片及基本資料

國泰航空 香港機場 lounge 玲瓏堂 The Deck

國泰航空香港機場新lounge「The Deck 玲瓏堂」

有幸受國泰航空邀請到佢地既新lounge啟用禮,呢個新lounge名為「The Deck 玲瓏堂」,近16號閘口,於2018年3月22日開幕,聽咗好多野但老實講唔係句句記得,最有印象果句係叫「玲瓏堂」既原因係地方雖然玲瓏,但五臟俱全。有即點食物,有休閒區,有開放式露台,地方相對細但都有淋浴間!呢個lounge最好既地方係勝在夠近,如果時間太趕又想入一入lounge既話呢個lounge係好選擇。寫既野就唔寫咁多喇,睇片啦!以下再加啲開放時間/入lounge資格等等既基本資料方便你參考下。

台北國泰貴賓室嘅風格同香港嘅The Pier 玉衡堂或者The Deck 玲瓏堂好一致,都係以木材裝潢營造溫暖感覺。同The Wing 寰宇堂The Bridge 逸連堂又有啲分別。

國泰玲瓏堂The Deck

玲瓏堂基本資料

  • 位置: 鄰近16號登機閘口(after security)
  • 面積: 823平方米(8858呎)
  • 開放時間: 5:30am – 0:30am (5月1日起開放至最後一班機)
  • 淋浴間7個+1無障礙

入lounge資格

  • 買或國泰航班的First Class或Business Class (想玩lounge最簡單梗係換張台灣business啦!睇返需要幾多里→里數換機票)
  • Marco Polo Club 銀卡或以上級別會員(CX AE Elite card只免綠卡申請費,要上銀卡要搭國泰或Oneworld航班累積)
  • Oneworld 綠寶石藍寶石會藉級別會員

點餐食物

  • 4款麵: 包括雲吞麵/魚旦河/擔擔麵/素菜麵
  • 點心: 蝦餃/豬肉蝦燒賣/牛肉燒賣/叉燒包/奶皇包
  • (里先生本身好鐘意食雲吞麵/魚旦河,食咗覺得好味有茶餐廰風味,擔擔麵都有試,口味比街外食清淡但保留到香味,值得一試)

自助餐區

  • 里先生參觀時為午餐時間有隻西檸雞幾好味
  • 各式芝士/西式三文治
  • 多款紅酒白酒,有Champagne
  • 啤酒有Hoegaarden加分 (無酒吧位所以無draft beer,相對澳航lounge有Pale Ale on tap飲呢點CX係有少少失色)
» 按入查看更多...

【電子錢包世代】八達通盈利下跌三成 | 從財務數據看八達通經營態度

八達通 利潤下跌

【電子錢包世代】八達通盈利下跌三成 | 從財務數據看八達通經營態度

近兩星期頻頻見到電子錢包既新聞,有人歡喜有人愁。總括一句都係「市場競爭」所導出的結果。近排三大電子支付重大新聞標題如下:

  • 八達通盈利下跌三成
  • 支付寶HK累積用戶超百萬
  • 2月WeChat Pay HK用戶增44%

看到此三段新聞的標題你聯想到什麼?明顯支付寶HK同WeChat Pay成為過去幾個月既大贏家,八達通面對前所未有的市場競爭者的挑戰。無他的,由長江集團+阿里巴巴領投既支付寶HK(無錯,誠哥係有份所以支付寶咁多同長和系搞既優惠)同股王騰訊既WeChat Pay大灑金錢狂出優惠,信用卡積分chok分放題不在話下,狂派利是真金白銀勁送錢吸引新用戶。里先生沒有preference,良禽擇木而棲,理性消費者應處中立,任何新既電子錢包都可以去試下再選擇一個合適自己。

重溫→ WeChat Pay信用卡積分攻略/支付寶HK信用卡積分攻略

八達通交易量上升但盈利下跌三成,何解?

港鐵早兩日出2017業績報告,報告有提及來自八達通控股有限公司的應佔利潤減少 30.5%,但未有解釋原因。里先生職業病發作手痕去搵返2014年至2017年既年報試下一探八達通利潤減少既原因。主要結論有兩點:

  • 2014至2016年八達通利潤持續上升,港鐵應佔利潤維持2億以上,2017年上半年八達通利潤開始下跌,跌覆達39.3%
  • 2014至2017八達通卡及其他儲值八達通產品的流通量及交易平均金額持續上升

從以上兩點事實可以睇到八達通既發行量同交易量都持續上升,但2017年既利潤就下跌,理應日常開支維持constant時,交易量發行量上升應為利潤作出更大貢獻,但利潤澤偏偏下跌,何解?

里先生猜測八達通公司應該意識到市場競爭者(Wechat Pay支付寶HK)已經出現,開始投放更多資源去俾O!epay以及做更多既promotion留住你同我係生活上應用八達通。好簡單,里先生寫八達通自動增值信用卡優惠比較時都有見到增加八達通自動增值金額及2017新申請八達通+登記O!epay App都有額外現金回贈。以前額外現金回贈多數由銀行支付,但2017年做既promotion就罕有地係由八達通公司自己掏荷包。

看到如此局面,作為消費者既你同我都應該開心。因為競爭者的出現往往得益既都係消費者,而八達通作為香港隊既代表我都好希望八達通真係可以一洗過去「hea做」既態度,真係做得出更好既product方便到我地既小市民又長長久久有優惠。

原文節錄(自港鐡2014-2017年報/半年報/業績報告)

  • (2017全年)來自八達通控股有限公司的應佔利潤減少 30.5%至 1.73 億港元。
  • (2017年上半年)應佔八達通控股有限公司的淨利潤下跌39.3%至8,800萬港元。截至2017年6月30日,在香港採用八達通的商戶逾9,000家。期內,八達通卡及其他儲值八達通產品的流通量達3,370萬張,而每日平均交易量及交易金額分別為1,430萬宗及1.884億港元。
  • (2016全年)應佔八達通的淨利潤上升6.0%至2.49億港元。截至年底為止,在香港採用八達通的商戶逾8,000家。年內,八達通卡及其他儲值八達通產品的流通量達3,280萬張,而每日平均交易量及交易金額分別為1,410萬宗及1.792億港元。
  • (2015全年)應佔八達通的淨利潤上升4.0%至2.35億港元。截至年底為止,在香港採用八達通的商戶逾7,000家。年內,八達通卡及其他儲值八達通產品的流通量達3,050萬張,而每日平均交易量及交易金額分別為1,370萬宗及1.653億港元。
  • (2014全年)應佔八達通的淨利潤微升0.4%至2.26億港元。截至2014年12月31日為止,在香港採用八達通的商戶逾6,000家。年內,八達通卡及其他儲值八達通產品的流通量達2,760萬張,而每日平均交易量及交易金額分別為1,340萬宗及1.521億港元。
» 按入查看更多...

PayMe系統升級+PayMe點用點換信用卡圖解

payme換卡

PayMe系統升級+PayMe點用點換信用卡圖解

啱啱收到email話: 「PayMe 服務現已恢復正常,並為您帶來更快更好的過數體驗。我們的系統剛完成重大的升級,而您亦可能發現系統的表現有所提升(尤其在午飯及晚飯等繁忙時段)。如您在使用時遇到任何問題,請與我們聯絡。」

里先生啱啱試過加卡,過錢俾朋友,感覺速度係快咗。你自己都可以體驗下啦!

除咗PayMe點用→PayMe詳細攻略,今次順手整埋個PayMe轉換信用卡圖解,見以下。注意!PayMe account信用卡可以隨時轉換,但你張信用卡加過落一個戶口就唔可以再加去其他PayMe戶口。

PayMe轉換信用卡圖解教學

payme轉信用卡 教學

 

payme換信用卡 教學

PayMe信用卡里數回贈比較表

  • AM – 每幾多$簽賬有1 Asia Miles 亞洲萬里通 (“-“代表無分)
  • AV – 每幾多$簽賬有1 Avios 英航里數 (“-“代表無分)
  • 回贈 – 現金回贈信用卡回贈%
  • 需時 – 需Payme幾個月換取一張CX台灣來回機票(Citi以Avios計)
  • Fee – 積分換飛行里數手續費)
  • 年費 – 相關信用卡嘅年費
  • 申請網址/詳情/年薪請按入信用卡名稱
信用卡AMAV回贈Fee年費
渣打AM6--No
Simply Cash--1.5%NA
Citi Prestige66-No$3800
Citi PM88-No
Citi Rewards15
>>於新分頁打開全文 “PayMe系統升級+PayMe點用點換信用卡圖解” » 按入查看更多...

英國離境稅貴上貴!善用openjaw避貴稅方法分享

英國離境稅

英國離境稅貴上貴!善用 openjaw避貴稅方法

大家知唔知英國離境稅一向都比其他國家貴?好多時係英國走嘅話啲離境稅(“APD”)可能仲貴過你搶到果張平機票!啱啱英國又有新聞話下年2018年4月1日起出境稅再進一步提升。有睇里先生里數兌換表應該知道Avios換英國機票(BA) off-peak只需要39,000 Avios來回Econ…可惜你就用唔到Openjaw避英國離境稅,計抵唔抵換時記得考慮埋個離境稅。

目前英國離境稅

  • Short haul economy:13GBP
  • Short haul PE/business/first:26GBP
  • Long haul economy:75GBP (2017 Nov匯率: $780)
  • Long haul PE/business/first:150GBP

*Short haul指2000英里以下

2018年4月1日起英國離境稅

  • Short haul economy:13GBP
  • Short haul PE/business/first:26GBP
  • Long haul economy:78GBP (2017 Nov匯率: $812)
  • Long haul PE/business/first:156GBP

雖然唔係話加好多…但本身已經夠貴…呢加再加落去都係真係越來越重皮,大家可以避都盡量避咗佢啦!

善用openjaw避英國離境稅

英國離境稅

里先生做咗個測試,同樣於2018年1月21日,如果單程由倫敦返香港嘅經濟客位現時需要嘅tax+subcharge係$1,599,如果由巴黎返香港只需$806,差咗成$750!所以想藉此例子話俾大家知無論你係買機票換機票想去英國玩,如果時間就到嘅話出境都盡量唔好用英國機場,你更應該開openjaw機票(現時一般飛歐洲機票都可以)坐個火車玩埋Paris再係CDG走避貴稅!打算用Avios換英國機票都留意,雖然淡季坐英航需要Avios係少咗但係稅果到其實你都係會俾貴返(唔關BA事,政府話要收都無計)。以上圖片由Avios換票系統CAPTURE,教學請看→英航系統睇Asia Miles機票位教學

加稅新聞來源→ ATW

» 按入查看更多...

國泰CX由2018年中開始 於所有廣體客機設置Wifi

CX國泰 wifi

國泰集團由2018年中開始 於所有廣體客機設置無線網絡

國泰CX宣布將於2018年年中開始,於波音777客機空中巴士A330客機上提供高速無線網絡,以迎合乘客對機艙網絡服務日益殷切的需求。國泰航空已於空中巴士A350-900客機成功引入機艙寬頻網絡。

國泰航空顧客及商務總裁盧家培表示:「我們一直細心聆聽顧客意見,深明在飛行途中能夠保持連繫對乘客十分重要。我們的顧客可在不久將來,在安全帶指示燈熄滅後,在三萬五千呎高空上不但能安然於客艙內走動,更可寫意漫遊網絡世界。」

「預計到2020年,我們所有廣體客機將會設置無線網絡,讓我們有更多空間為顧客提供更新穎的服務體驗。」

國泰航空及國泰港龍航空將成為亞洲率先採用Gogo 2Ku衛星通信技術連接機艙寬頻網絡的主要航空公司。有關技術將應用於波音777和空中巴士A330機隊。

盧家培補充:「我們旨在讓乘客能夠隨時隨地都能保持網絡聯繫,與Gogo的合作協議讓我們邁進關鍵一步。」

乘客可使用具備無線網絡功能的電子裝置,包括手提電腦、平板電腦和智能手機,透過高速服務在旅途中查閱電子郵件、瀏覽網頁及社交平台,以及網上購物。

里先生有say

我當然樂見CX提升服務水平,永遠都係”軟”服務(因為涉及人)最難改最難進步唔係一時三刻改得嚟,而機內裝wifi “硬”件為改善服務其中一步不失為一個聰明決定。當然,最緊要都係到底收唔收費,如果唔收費梗係like啦!Fair講句國泰本身個inflight entertainment真係唔錯,如果wifi收費嘅話都可以叫得上晒氣睇下戲下覺都唔會走去用佢,真收費嘅話除咗錢多嘅人同埋商務客,仲有邊個用得起?希望國泰真係聽到我地嘅聲音啦 😛

乜野係Gogo 2Ku?

里先生都唔係好識,只見到飛機頂裝咗舊野似拎嚟收wifi,想知睇片啦!

» 按入查看更多...
1 3 4 5