【香格里拉會餐飲3X積分優惠】優惠期內到全球香格里拉指定餐廳/酒吧消費可享雙倍積分，用埋萬事達卡消費更可賺多額外1倍積分獎勵！

🔎優惠詳情： https://bit.ly/47zH41j

就到聖誕新年長假期，除咗要食好西慶祝，嚟緊咁多假緊係要去下旅行住酒店chill吓。喺呢啲時候香格里拉會積分就可以大派用場，慳返唔少！香格里拉旗下餐廳一向都高質深受大家喜愛，而近排香格里拉會就推出咗超抵玩額外積分優惠，用埋Mastercard®到香格里拉指定餐廳/酒吧消費輕鬆就賺到高達3X積分❗️今期啲buffet聚會，fine dining去返香格里拉啲餐廳度食就啱晒！額外條數好易計：

1. 會員基本1X積分
2. 香格里拉會餐飲額外賺取1X積分 (任何付款方式，額外積分無上限)
3. 用埋Mastercard®埋單再有額外1X積分 (最多可賺取300積分)

以上加埋已經有3X喇！啫係平時每消費US$1賺取1積分，現時優惠期內可以每消費US$1賺取3積分！

香格里拉會積分可以用嚟兌換酒店住宿、餐飲、水療禮券，亦可以去香格里拉餐廳15積分=US$1當現金抵扣賬單，簡單至去Cake shop到買個蛋糕都可以抵扣到架！想賺多啲積分就記得喺由即日起至12月15日拎張萬事達卡去香格里拉指定餐廳消費喇！

我啱啱都襯今次優惠去咗九龍香格里拉Café Kool食咗個性價比極高而又高質既自助餐，詳情及相片可以睇返以下，簡單幾句：

1. Weekday去食自助晚餐每位成人都唔使HK$600 隨時真係平過你係香港打邊爐
2. 龍蝦有熱食有冷食，難得冷食都好新鮮肉實而鮮甜，熱食芝士焗都美味
3. 冷食除咗龍蝦之外仲有多款海鮮，蟹腳，大蝦，螺等都有供應
4. 暫時沒有生蠔，用咗即點刺身吞拿魚同埋帆立貝代替，對我嚟講係更加正
5. 有本地特色local bites供應，我最鐘意係同鏞記合作果個「至尊炭火肥膿叉燒」好吃到不得了，以味道同品質計同米芝蓮星級餐廳都有得一較高下，另外個牛腩河就比較普通，胃口可以留返嚟試其他了
6. 甜品有Häagen-Dazs雪糕之外仲有中式甜品，試咗個紅豆沙幾正，細細碗味道很好(一度懷疑係咪樓下香宮出品嚟)
7. 見有3X積分盡興啲，我另行加咗HK$188+10%飲free flow紅白酒，正正常常都抵飲，不過本身自助餐已經包咗果汁bar同涼茶，唔好酒的話都無乜必要加錢飲

Overall嚟講九龍香格里拉Café Kool既自助餐值得一吃，性價比高而平日人唔多服務很周到又坐得舒服，趁住有3X積分優惠快啲食多兩餐！

提多你一次呢個3X積分係全球香格里拉餐廳(除了指定幾間無)都可以用架，即使唔係香港去咗旅行要搵間酒店餐廳fine dining都可以揀返香格里拉既高質餐廳！

#shangrilacircle #shangrilahotels #PointsOnPlates #3XPoints

Cafe Kool自助餐體驗

地點:香港九龍尖沙咀東麼地道64號閣樓

電郵地址:[email protected]

電話:(852) 2733 8753

營業時間:

• 早餐06:30 – 10:30（最後點餐時間為10:00）
• 自助午餐（星期一至五）12:00 – 14:30（最後點餐時間為14:00）
• 週末自助早午餐 （星期六、日及公眾假期）11:45 – 14:30（最後點餐時間為14:00）
• 自助晚餐18:00 – 21:30（最後點餐時間為21:00）

Cafe Kool free flow package

九龍香格里拉Cafe Kool 冷盤

即點刺身有吞拿魚同埋帆立貝，好正！問咗經理話呢排都會用呢兩款代替咗生蠔

冷食同熱食龍蝦都有，冷食龍蝦都好正，肉身超彈牙！啲膏都好香甜

多款海洋任你食

Cafe Kool熱食及local bite

熱食有即煮意粉

Cafe Kool甜品

PayMe 永安旅遊優惠︱機票／酒店買滿HK$1,800即減HK$200！自由行套票買滿HK$3,600即減HK$300！

PayMe最新推出咗旅行優惠！只要喺永安旅遊輸入指定優惠碼，訂購機票／酒店買滿HK$1,800就即減HK$200！而自由行套票買滿HK$3,600即減HK$400！推廣期為即日至2023年12月31日！啱洗嘅朋友就千其唔好錯過啦！

呢排仲有好多吃喝玩樂嘅PayMe優惠，記得唔好錯過！

PayMe 永安旅遊優惠︱詳情

• 推廣期：即日至2023年12月31日
• 優惠一：預訂機票滿港幣1,800元或以上（未連稅），即減港幣200元；優惠碼：PMT200
• 優惠二：預訂酒店滿港幣1,800元或以上（未連稅），即減港幣200元；優惠碼：PMH200
• 優惠三：預訂自由行套票滿港幣3,600元或以上（未連稅），即減港幣400元；優惠碼：PMP400
• 使用方法：於網站或App付款前輸入優惠碼，並以PayMe付款，即享折扣

優惠詳情：http://bit.ly/47jzR5r

PayMe永安旅遊優惠︱常見問題FAQs

PayMe 永安旅遊優惠做到幾時？

• 答：PayMe 永安旅遊優惠只限2023年12月31日！

PayMe 永安旅遊優惠係即時扣減優惠？

• 答：係！只要買滿指定金額再輸入優惠碼就有得即時扣減！

PayMe 永安旅遊優惠可以喺邊用？

• 答：PayMe 永安旅遊優惠喺網站用又得，app用都得！

PayMe永安旅遊優惠︱條款及細則

享受優惠的時間

1. 除另有指明外，PayMe x 永安旅遊優惠的推廣期為 2023 年 11 月 1 日至 2023 年 12 月 31 日。

優惠目標對象

2. 本推廣適用於合資格用戶；合資格用戶須於推廣期內以 PayMe 於永安旅遊付款以享本推廣 之優惠。 優惠內容

3. 在推廣期內，合資格用戶可於永安旅遊使用 PayMe 付款以享受下列優惠 (“推廣”)： • 優惠一：預訂機票滿港幣 1,800 元或以上（未連稅），即減港幣 200 元。兌換優 惠時，請輸入優惠碼：PMT200 • 優惠二：預訂酒店滿港幣 1,800 元或以上（未連稅），即減港幣 200 元。兌換優 … >>於新分頁打開全文 “PayMe 永安旅遊優惠︱機票／酒店買滿HK$1,800即減HK$200！自由行套票買滿HK$3,600即減HK$300！”

TIAD Autograph Collection︱已開放預訂！名古屋酒店位置勁方便！勁抵萬豪積分換HK$1,980+入住！

喺日本有三間萬豪新酒店已開放預訂！今次講嘅就係名古屋TIAD傲途格精選酒店（TIAD, AUTOGRAPH COLLECTION），而另外兩間就分別係福岡麗思卡爾頓酒店同奈良紫翠酒店，可以㩒返各自嘅link睇詳情！講開之前住過東京mesm Autograph Collection，都係同一個系列～

比起另外兩間酒店，睇官方相酒店嘅style係偏各modern簡約少少。酒店有4間餐廳，有bar同日式菜等等，但餐廳資料暫時未有太多，大家可以期待下先～另外地點交通超方便，因為隔離就已經係市營地下鐵名城線嘅矢場野站，近排去名古屋又想住下萬豪嘅不妨試下呢間，去完記住同返里先生分享下～

以最基本房型睇，喺官網睇連稅要JPY$69,795一晚，即大約HK$3,865左右。但以萬豪積分計的話，喺官網check咗7月入住嘅就可以30,000+積分換。如果以宜家做緊萬豪積分bonus優惠嚟睇，每1,000分大約喺US$8.33（即HK$66左右），計返嘅話用積分換大約HK$1,980左右就住到一晚，係平左一半啊！！！！

名古屋TIAD傲途格精選酒店︱預訂詳情

• 酒店預訂網址：https://bit.ly/4666OT2
• 用錢直接預訂：連稅要JPY$69,795一晚，即大約HK$3,865左右
• 用萬豪積分換：計返嘅話用積分換大約HK$1,980左右就住到一晚
  • 7月入住嘅就可以30,000+積分換，以宜家做緊萬豪積分bonus優惠嚟睇，每1,000分大約喺US$8.33（即HK$66左右），即大約HK$1,980左右一晚

名古屋TIAD傲途格精選酒店︱官方圖片

TIAD, AUTOHRAPH COLLECTION － Room

TIAD, AUTOHRAPH COLLECTION – Suites

TIAD, AUTOHRAPH COLLECTION – Dining

TIAD, AUTOHRAPH COLLECTION – Dining

TIAD, AUTOHRAPH COLLECTION – Swimming Pool

奈良紫翠酒店︱已開放預訂！日式典雅酒店 大自然vibe放鬆一流！萬豪積分換HK$3,400+入住！

喺日本有三間萬豪新酒店已開放預訂！今次講嘅就係奈良紫翠酒店（Shisui, a luxury Collection Hotel, Nara），而另外兩間就分別係福岡麗思卡爾頓酒店同名古屋TIAD傲途格精選酒店，可以㩒返各自嘅link睇詳情！

睇官方相酒店嘅style都係走日式古色古香嘅路線，非常之高雅，另外房間仲充份利用咗林景，房內都有落地玻璃俾大家欣賞風景，再配合埋木質裝修傢俬，成個vibe都好舒服，好有大自然氣息，去relax感覺上係一流！當然都要親身去先知，不過就咁睇相的確係吸引！

以最基本房型睇，喺官網睇連稅要JPY$73,763一晚，即大約HK$4,103左右。但以萬豪積分計的話，喺官網check咗2024年入住嘅就可以52,000+積分換。如果以宜家做緊萬豪積分bonus優惠嚟睇，每1,000分大約喺US$8.33（即HK$66左右），計返嘅話用積分換大約HK$3,432左右就住到一晚，都算平左啲，但好抵玩都未到。

奈良紫翠酒店︱預訂詳情

• 酒店預訂網址：https://shorturl.at/apvY7
• 用錢直接預訂：連稅要JPY$73,763一晚，即大約HK$4,103左右
• 用萬豪積分換：計返嘅話用積分換大約HK$3,432左右就住到一晚
  • 2024年入住嘅就可以52,000+積分換，以宜家做緊萬豪積分bonus優惠嚟睇，每1,000分大約喺US$8.33（即HK$66左右），即大約HK$3,432左右一晚

奈良紫翠酒店︱官方圖片

暫時官未有太多相，例如餐廳、spa等等都未有太多詳情～

Shisui, a luxury Collection Hotel, Nara － 酒店外觀

Shisui, a luxury Collection Hotel, Nara －Guest Room

Shisui, a luxury Collection Hotel, Nara －Suite

Shisui, a luxury Collection Hotel, Nara － 附近景點