Category: 里數攻略 知識教學

環聯信貸報告免費查閱App開返喇！(另附付費版報告discount code優惠代碼) 信貸評級同擁有多少信用卡真有關係？

里數攻略 知識教學, 信用卡迎新

環聯信貸 TU 查閱 信貸評級

環聯信貸報告免費查閱TU App開返喇！信貸評級同擁有多少信用卡真有關係？

首先有個好消息，先前停止咗服務既免費查閱環聯信貸報告TU App呢加又可以用得返(三個月內無限次check TU, Mtel website係咁寫)。特別提一提你開立帳戶時會有3條問題，係咪個個一樣我唔知但入面會有可能問你某某信用卡係唔係你手持緊。(注意！)一定要睇清楚要肯定答，錯咗你就用唔到個app要搞一大輪用開通得返。

第二樣想討論一下(係討論，唔係我話，因為我真係唔多熟TU既野)到抵信貸評級同擁有多少張信用卡係咪真係有關係。為此我都做咗少少research同埋拎咗我個case嚟睇睇係咪真係有關係同埋估下應該點樣去解讀。

另外，如有需要睇詳盡報告就需要$280一個月任睇及download，會多咗information，如現有信貸賬戶/已結束信貸賬戶/信貸申請查詢資料/是否已呈報逾期還款etc等詳盡資料。→付款申請環聯full report

環聯信貸報告免費查閱TU App

  • Download link→ iPhone / Android (唔work就去app store search “CreditCheck”)
  • 個App係Mtel開發，同Citi合作所以我都信得過敢用既…
  • 跟住步驟做註册填資料收email開account，下省100字
  • (注意！)你改完password後有三條選擇題要答(以下有示意圖)，肯定先好答，錯咗你就用唔到個app要搞一大輪用開通得返
  • 成功入到去就睇到你有幾多張信用卡
  • 按左上角menu→信貸評分，你就睇到你自己係既信貸評級係乜grade

→付款申請full report

環聯信貸 TU 查閱 信貸評分

信貸評級同擁有多少信用卡真有關係？

里先生做咗少少research，無一個公開而可信既formula話俾你知到底信貸評分點計出嚟，環聯官網都係話計法好複雜，只例出某啲例子出嚟點提升或防止減低信貸評級。都市傳聞越多信用卡個信貸評級越低，里先生認為呢個都係個幾大既謬誤(原因係呢個情況無發生係我身上)，然後又會影響到申請mortgage(我唔肯定)。如果真係我都幾大鑊，成日申請卡又cut card再食迎新，總之以量計或申請信用卡密度計既話我諗我都幾麻煩。

環聯信貸 TU 查閱 transunion 評分 評級

先睇睇我個信貸評分情況

  • 根據個app，現持有26張信用卡(真常用既10張以內)
  • 現時沒有銀行私人借貸或Mortgage(5,6年前曾經有借過做利息套戥，數年前已全部還清)
  • Credit Rating: A
  • 信貸額HK$96萬
  • 信貸使用率17%(截至3月23日)
  • 近三個月有申請5張以上新卡
  • 從來沒有拖欠卡數
  • 一年裡大慨有1-2次因意外無按時還錢被銀行收penalty charge and interest但一個月內還+有打去waive返(未試過唔成功，成世人未試過俾遲還款penalty charge銀行)

雖然26張卡同好多卡精比較既話都真係唔算多，但總可以推翻多卡=信貸評級低吧？至於經常申請信用卡係咪會拖抵信貸評級我真係唔肯定，但我自己就無發生呢個情況。但都小心有見過有師兄要借personal loan搵咗好多間銀行格價，問完好多間之後個評級大降，所以太頻密去check TU都真係會對評級有影響。

環聯付費詳細信貸報告

如有需要睇詳盡報告就需要$280一個月任睇及download，會多咗information，如現有信貸賬戶/已結束信貸賬戶/信貸申請查詢資料/過去48個月還款紀錄/是否已呈報逾期還款etc等詳盡資料，【付費版→實測環聯信貸付費版報告】// 付款申請full report→環聯官網

如何提升信貸評分(純粹個人意見)

  • 準時還錢，從不拖欠(借定唔借?還得到先好借!←我buy架)
  • 唔好只還Minimum pay(雖然未必會直接當遲還錢，但絕對唔係好習慣)
  • 唔好只得一張卡，或者叫做擴大你的個人信貸額(因為見到環聯有寫出嚟話信貸評分會考慮信貸使用率，所以當你既信貸額越大，使用率就會下降咁個信貸評分理論上會上升) (數學題: 分母上升分子不變，比率下跌)
  • (給初哥/學生)及早建立信貸評級，信貸評級的開始係由你第一張信用卡/貸款開始，如果你從來未建立過信貸評級，無機會建立正面信貸評級(準時還錢)，咁環聯都無basis/理由去提升你的信貸評級

參考資料

別過於倚賴一張信用卡

只使用和申請一張信用卡似乎有助理財，但其實在信貸上過於保守未必是一件好事。只使用一張信用卡的話，就有機會因為信貸使用度過高而影響信貸評分。信貸使用度是以信用卡結餘除以信貸額度所得。一張港幣10,000元信貸額度的信用卡，若結餘是港幣7,000元，信貸使用度是70%。如果同時擁有兩張相同信貸額度的信用卡，而結餘同樣是港幣7,000元，信貸使用度就會減少至35%。信貸使用度越低，信貸評分就越高。

Source: … >>於新分頁打開全文 “環聯信貸報告免費查閱App開返喇！(另附付費版報告discount code優惠代碼) 信貸評級同擁有多少信用卡真有關係？”

» Read more
8 comments

【Asia Miles換機票教學】英國/歐洲+日本盡用 stopover 70,000里變出2個trips

里數攻略 知識教學, Asia Miles 亞洲萬里通, Asia Miles 換機票教學

asia miles換機票教學 英國 歐洲

【Asia Miles換機票教學】英國/歐洲+日本盡用 stopover 70,000里變出2個trips

追加玩Asia Miles換英國/歐洲機票新制下玩法教學，正常60,000里出來回票只能住返英國/歐洲等地。加多個trips玩又點？以新制度下睇你加多10,000里70,000 Asia Miles的話就可以加多個日本來回，再送多你2個短途單程。都係將個睇野角度轉一轉由歐洲出發，停香港(一年內)，再到日本，成個玩法又係好多配搭。最緊要係你睇完明白個慨念識得舉一反三。睇返日韓泰台2個trips 30,000里的例子就睇返→Asia Miles換日本+泰國

去歐洲/英國首先記住一個magic number「7,500」英哩為30,000里可以出到嘅每單程距(包1個 stopover)，又可以拎返個里先生里數兌換表嚟睇睇個距離，由HKG出發7,500英哩到抵去到乜野combination地方！里先生嘅思考模式係英國倫敦LHR同香港嘅大圓周距離為6,000英哩左右，向東邊數CX嘅國泰直航點距離如下:

  • 倫敦 LHR – 5,995
  • 法國巴黎 CDG – 5,970
  • 德國法蘭克 FRA – 5,698
  • 意大利羅馬 FCO – 5,778
  • 荷蘭阿姆斯特丹 AMS- 5,773
  • 比利時布魯塞爾 BRU – 5,830
  • 哥本哈根 CPH – 5,385

下一步就將magic number 7,500減出仲有幾多距離可以餘下，以去比利時布魯塞爾為例，減完後你就有1,670英哩未用盡。1,670英哩仲可以去到邊？以下有幾個熱點都好啱以香港以CX/KA出發做短trips:

  • 大阪 KIX 1,539
  • 名古屋 NGO 1,632
  • 首爾 ICN 1,285
  • 釜山 PUS 1,269
  • 泰國布吉 HKT 1,425
  • 泰國曼谷 BKK 1,050
  • 泰國清邁 CNX 999
  • 台北 TPE 502
  • 東京成田 NRT 1,842
  • 北海道札幌 CTS 2131 (過咗距離喇呢個唔得喇！唔洗再問)
  • 再多D就睇返
… >>於新分頁打開全文 “【Asia Miles換機票教學】英國/歐洲+日本盡用 stopover 70,000里變出2個trips” » Read more
66 comments ,

【新制】Asia Miles換機票教學 美國/加拿大+泰國盡用 stopover教學篇

Asia Miles 亞洲萬里通, Asia Miles 換機票教學, 里數攻略 知識教學

asia miles換機票美國 加拿大 教學篇

【新制】Asia Miles換機票教學 美國/加拿大+泰國/日本盡用 stopover教學篇

Asia Miles換美國或加拿大機票新制下玩法教學，正常Econ 60,000里出來回票只能住返美國西岸/加拿大西。加多個trips玩又點？以新制度下睇你加多10,000里70,000 Asia Miles的話就可以加多個泰國來回，再送多你2個短途單程。都係將個睇野角度轉一轉由美洲出發，停香港(出票起計一年內)，再到泰國/日本，成個玩法又係好多配搭。最緊要係你睇完明白個慨念識得舉一反三。睇返日韓泰台2個trips 30,000里的例子就睇返→Asia Miles換日本+泰國

Asia Miles換機票去美國/加拿大(坐CX)分為兩類，第一類為西岸，距離為7,500英哩以內用30,000里可以出到單程，包括

  • 溫哥華 YVR – 6,393英哩
  • 三藩市 SFO – 6,927英哩
  • 洛杉磯 LAX – 7,260英哩

第二類東岸，距離為7,500英哩以上(至無限??未知)用42,000里可以出到單程，包括

  • 多倫多 YYZ – 7,810
  • 芝加哥 ORD – 7,794
  • 紐約 JFK – 8,072
  • 波士頓 BOS – 7,970
  • 華盛頓 IAD – 8,153

先以去溫哥華為例，下一步就將7,500英哩減出仲有幾多距離可以餘下，減完溫哥華的6,393英哩就仲有1,107未用盡。1,107英哩仲可以去到邊？以下有幾個熱點都好啱以香港以CX/KA出發做短trips:

  • 沖繩 OKA – 906
  • 濟洲 CJU – 1,088
  • 泰國曼谷 BKK – 1,050
  • 泰國清邁 CNX – 999
  • 台北 TPE – 502
  • 台中 RMQ – 447
  • 越南胡志明 SGN – 925
… >>於新分頁打開全文 “【新制】Asia Miles換機票教學 美國/加拿大+泰國盡用 stopover教學篇” » Read more
16 comments ,

【新制】Asia Miles換澳洲機票教學篇(或馬爾代夫)+泰國/日本盡用 stopover

里數攻略 知識教學, Asia Miles 換機票教學

asia miles換澳洲機票 教學篇

【新制】Asia Miles換澳洲機票教學篇(或馬爾代夫)+泰國/日本盡用 stopover

Asia Miles換澳洲機票係舊制下係幾抵，新制下又點用盡個stopover? 以下有最新教學攻略，正常Econ 44,000里出來回票只能住返澳洲/馬爾代夫，新西蘭要60,000里。加多個trip玩又點？以新制度下睇你加多10,000里54,000 Asia Miles的話就可以加多個泰國來回或日本來回。都係將個睇野角度轉一轉(假設)由澳洲出發，停香港(出票起計一年內)，再到泰國/日本。但因為澳洲南部城市用嘅距離已經好盡，要用到比較北的城市CNS/PER先至做到2個trips嘅效果。最緊要係你睇完明白個概念識得舉一反三。睇返日韓泰台2個trips 30,000里的例子就睇返→Asia Miles換機票教學(日本+泰國)

Asia Miles換機票去澳洲/馬爾代夫先記住個magic number 「5,000」英哩，22,000里可以換到嘅距離為5,000英哩，地方包括

  • 開恩茲(大堡礁) CNS – 3,451英哩
  • 珀斯 PER – 3,733英哩
  • 悉尼 SYD – 4,581英哩
  • 墨爾本 MEL – 4,591英哩
  • 布里斯本 BNE – 4,306英哩
  • 馬爾代夫 MLE – 2,977英哩
  • 奧克蘭 AKL – 5,689英哩 (已經超過5,000英哩，上一級要用30,000里先換到單程票)

先以去Carins為例，下一步就將5,000英哩減出仲有幾多距離可以餘下，減完CNS的3,451英哩就仲有1,549未用盡。1,549英哩仲可以去到邊？以下有幾個熱點都好啱以香港以CX/KA出發做短trips:

  • 大阪 KIX – 1,539英哩
  • 首爾 ICN – 1,285英哩
  • 釜山 PUS – 1,269英哩
  • 泰國布吉 HKT – 1,425英哩
  • 沖繩 OKA – 906英哩
  • 濟洲 CJU – 1,088英哩
  • 泰國曼谷 BKK – 1,050英哩
  • 泰國清邁
… >>於新分頁打開全文 “【新制】Asia Miles換澳洲機票教學篇(或馬爾代夫)+泰國/日本盡用 stopover” » Read more
24 comments ,

比較Asia Miles vs Avios儲飛行里數計劃 好處壞處/條款/特性/手續費及需注意事項一表睇晒！

里數攻略 知識教學, Asia Miles 亞洲萬里通, Avios BA Executive Club, 里數換機票情報

比較Asia Miles vs Avios儲飛行里數計劃 好處壞處/條款/特性/手續費及需注意事項一表睇晒！

比較常用飛行里數計劃 Asia Miles vs Avios 好處壞處/條款/特性/手續費/需注意事項比較表

相信絕大部份香港人最先接觸嘅飛行里數計劃都係國泰CX嘅Asia Miles亞洲萬里通，英航BA嘅Executive Club Avios就真係無咁大眾化，可以Avios換國泰機票都未必知，都唔好話一般人會知道佢嘅好處仲有Household account可以全家一齊儲里數，低成本現金+Avios換機票，“Avios假換票”低成本買CX Business, 20,000里換國泰日本來回babababa….無他嘅，香港始終都係國泰(Asia Miles母公司)主場。反之，香港最多信用卡最多途徑儲到嘅里數計劃都係Asia Miles，加上埋玩Asia Miles換oneworld票5個stopovers或者玩Asia Miles換機票有2停留2轉機1缺口行程，可以用30,000里換出日本+台灣2個trips又真係正嘅！里先生今次要用嚟比較Asia Miles嘅係Avios，啫係英國航空嘅飛行里數計劃，又名British Airways Executive Club，BA叫佢地自家嘅里數做Avios。以下就一個表幫你總結晒Asia Miles vs Avios上至改行程改時間手續費/特性，下至入會係咪免費，hotline number，多唔多信用卡可以儲等等嘅注意事項/條款，等你可以一表睇晒比較到Asia Miles vs Avios嘅好處壞處俾你分析出到底邊個飛行里數計劃適合你多D！

Asia Miles Avios比較優缺及特性

64航點來回機票需要里數請參閱→里數兌換表
CX AsiaMilesBA Avios
入會會費免費免費
換機票手續費免費-網上免費
-電話$190
更改出發日期-約$195/$312 or
-1,000里(online)
-4,000里(call)		$427
更改行程-約$780 or
-10,000里		-無得改route
-只能cancel
里數有效期3年無限期(只要戶口郁)
短途來回里數(亞洲) - 詳細睇里數兌換表
-Economy15k
… >>於新分頁打開全文 “比較Asia Miles vs Avios儲飛行里數計劃 好處壞處/條款/特性/手續費及需注意事項一表睇晒！” » Read more
33 comments

Expedia Asia Miles 5倍！賺$10=10里 訂房教學與分析

Asia Miles 限時活動, Asia Miles 亞洲萬里通, Promo code 酒店折扣代碼, 里數攻略 知識教學

expedia asia miles

Expedia Asia Miles 賺$10=10里 訂房教學與分析 值得賺嗎?

經Expedia訂房賺Asia Miles亞洲萬里通我諗大家應該都知，一般可以賺$10=2 Asia Miles，先前3倍4倍都做過，現時就做緊promotion可以賺5倍，啫係$10=10 Asia Miles，限量首3,000個訂房(Expedia facebook話現時仲有名額，上圖)。但使用時大家要留意，其實咁樣做變相係用錢買里數，因為基本上好多銀行信用卡都有提供最少9折優惠，以下為你分析到底Expedia訂房賺Asia Miles里數到底抵唔抵。

Expedia Asia Miles 賺里數分析

  • Asia Miles推廣網頁條款列明Expedia訂房賺Asia Miles不能與其他優惠共同使用
  • 現時HSBC Premier Expedia折扣為15%，按$10=10里推廣計算你的成本為$0.15=1里(如一般$10=2里，成本為$0.75=1里)(下表詳列)
  • 現時其他信用卡Expedia折扣為10%，按$10=10里推廣計算你的成本為$0.1=1里(如一般$10=2里，成本為$0.5=1里)(下表詳列)
  • 所以如果你願意付出對應成本(用酒店折扣promo code)去買里數先好用Asia Miles指定link去Expedia訂房啊！而且里數會於check out後的1-2個月先至入落Asia Miles account (我最怕到時無入又要追餐死…)
  • 以下有Expedia Asia Miles訂房教學
  • 所以話用定唔用？肯俾錢買里數先好用！

如果唔想買里數，我建議你睇睇里先生Expedia折扣代碼訂房教學

Expedia Asia Miles 放棄用promo code(成本)

HSBC Premier其他信用卡
假設Expedia房價($) 1,000 1,000
信用卡折扣率15%10%
折扣金額($)150100
可得里數:
-$10=10里(1:1) 1,000 1,000
-$10=4里(1:0.4)400400
… >>於新分頁打開全文 “Expedia Asia Miles 5倍！賺$10=10里 訂房教學與分析” » Read more
10 comments

最紅自主獎賞可以更改 HSBC賞世界有額外10X而無海外商戶港幣付款手續費(包括DCC)圖解

Asia Miles HSBC 信用卡, 信用卡優惠, 里數攻略 知識教學

最紅自主獎賞Red hot rewards of your choices HSBC賞世界有額外10X

hsbc expedia dcc【2018年5月起Expedia/Hotels.com改咗，好大機會出HK】首先通知大家最紅自主獎賞(Red Hot rewards of your choices)可以改選喇！至2017年12月7日止。懶人包/方法/電話請睇落去。今次呢個懶人包想重點講HSBC點樣計海外商戶港幣支付手續費(包括DCC)同埋再簡化D點樣去選擇5X，如果想睇返最紅自主獎賞/海外網上就睇返個→詳細版。Expedia book酒店→HSBC Expedia 8.5折/9折 code及訂房教學

里先生發覺好多人都唔係好清楚到底海外商戶港元計價付款(包括DCC)，例如Expedia.com.hk同埋Hotels.com.hk用港幣俾錢但海外商戶到底:

  1. HSBC當唔當自主5X賞世界
  2. 有無海外商戶港元計價付款(包括DCC) 1%手續費; 及
  3. 如果你開張HSBC附屬卡俾你親友，簽賬包唔包括係主卡持有人每年自主5X $100,000 Quota

藉住今次可以改選，一次過答晒大家呢幾個critical問題去考慮到底改唔改選HSBC自主5X。唔好晒時間，就以上三個問題答案如下:

  1. HSBC信用卡係Expedia.com.hk/ Hotels.com.hk訂房港幣付款都係當海外簽賬，自主5X賞世界係有額外獎賞錢(以上圖解見唔見到FR?呢個係海外註冊商戶code，雖然用港幣俾錢但仍計算作自主5X賞世界)→其他100+海外商戶清單
  2. HSBC信用卡係Expedia.com.hk/ Hotels.com.hk無需要俾海外商戶港元計價付款 1%手續費，所以我經常叫人如果唔係有特別大折扣既discount code，Expedia/Hotels.com等海外訂房網用HSBC有著數，可以慳到錢而長年有→HSBC Expedia 8.5折/9折酒店折扣代碼
  3. HSBC信用卡係以身份証！身份証！身份証！計算年度自主額外積分上限，所以唔包括在你嘅Quota的，你開張附屬卡俾你老公老婆阿爸阿媽阿哥細佬家姐阿妹阿豬阿狗都好，佢地只要身份證號同你唔同都會有每年自主額外5X $100,000 Quota (按他們的身份証計算)

*集思廣益，銀行條款/商戶註册地隨時可以改變，里先生相信知識應該被分享承傳，我就連自己最新果張月結單(冒住被起底/公審嘅危險)都拎埋出嚟話你知喇，如果你知道有邊D常用到商戶都係海外商戶而港元計價(包括DCC)可以下面留言名留此地/Inbox一下里先生Facebook討論下，我會代表廣大讀者感謝你的無私！

HSBC信用卡最紅自主獎賞基本慨念教學

HSBC信用卡正常無倍數情況下$25 = … >>於新分頁打開全文 “最紅自主獎賞可以更改 HSBC賞世界有額外10X而無海外商戶港幣付款手續費(包括DCC)圖解”

» Read more
12 comments , , , , , , ,

Asia Miles配搭Avios換機票組合慳更多|俄羅斯/印度/斯里蘭卡/日韓台都搞得掂

Asia Miles 換機票教學, Asia Miles DBS 信用卡, Asia Miles 亞洲萬里通, 里數攻略 知識教學

asia miles avios換機票組合 攻略

Asia Miles配搭Avios換機票組合慳更多|俄羅斯/印度/斯里蘭卡/日韓台都搞得掂

先前搞果個活動搵出有DBS Black Card嘅DBS$1,500最吸引里先生嘅行程結果有啦！有好多吸引嘅行程…我覺得寫得plan得好嘅行程係唔止呢10個架…不過遊戲歸遊戲始終要選出the best winner. 除咗玩遊戲派出獎品以外，我希望成件事可以變得有意義一D多啲唔同例子俾讀者們參考點樣可以係有限嘅放位情況下都一樣可以plan到好好玩嘅行程。特意節錄整理以下勝出又肯同我地分享讀者嘅行程俾大家參考下。DBS$1,500折算成里數大約31,250里/Avios。一齊睇下點想配搭好玩又夠慳。

“Give a Man a Fish, and You Feed Him for a Day. Teach a Man To Fish, and You Feed Him for a Lifetime.”

Asia Miles換機票可以變化萬千，配搭埋Avios就更加多變化。除咗俾例子你參考更多，希望讀者們睇我寫嘅野可以拎到野走，明白箇中道理而作出相應嘅變化計劃到合適你嘅旅程。

重溫里先生Avios Asia Miles換機票教學快捷連結

其他: Asia Miles改制比較(懶人包)// DBS Black Card分析

(A) 標準港女去Shopping+具挑戰性的俄羅斯行程

  1. hkg-icn (10000Am Econ)
  2. Icn-vvo (4500 Avios Econ)
  3. Vvo-nrt (7500 Avios Econ)
  4. Nrt-hkg (10000Am
… >>於新分頁打開全文 “Asia Miles配搭Avios換機票組合慳更多|俄羅斯/印度/斯里蘭卡/日韓台都搞得掂” » Read more
Leave a comment ,

申請Asia Miles最好方法教學 利用推薦人計劃被推薦就有8,000里贏在起跑線上

Asia Miles 亞洲萬里通, Asia Miles 限時活動, 里數攻略 知識教學

asia miles 申請入會

申請Asia Miles成為亞洲萬里通被推薦人 一入會就有8,000里教學

如果你咁幸運未申請Asia Miles成為亞洲萬里通會員既話而又睇到呢個Post咁你就真係有福喇！因為Asia Miles岩岩推出左個活動俾你贏在起跑線上未入坑玩Asia Miles就已經送你8,000里，只要你搵個人推薦你成為Asia Miles會員而果個人又咁叻前係2017年10月17日前搵到多4個同你一樣都未係Asia Miles會員既話咁你作為被推薦人就會有8,000里喇！咁當然啦，你果個推薦人咁叻叻梗係都有8,000里獎賞啦！8,000里係咩慨念？啫係半張國泰來回台灣機票啊！再求其申請多兩張信用卡賺迎新真係北海道來回機票都話咁易就儲到啊(北海道需要30,000里)！即使你唔想要飛行里數或者你推薦既親友無儲開Asia Miles，你都可以選擇轉換D Asia Miles為百佳易賞錢Money Back再換做現金卷用架！所以今次Asia Miles都真係叫得上係派錢。

(活動已提早完結，現時所知最好嘅方法係經百佳易賞錢專有連結申請有入會送300里(於第一次轉百佳易賞錢至Asia Miles後送，雖然好少但總好過無啦…)唔洗失望，用返PayMe chok里數，一樣可以無成本儲得好快！

Asia Miles亞洲萬里通推薦人計劃詳情

被推薦人需要做的步驟及注意事項

  1. 經呢條連結LINK成為「亞洲萬里通」Asia Miles會員
  2. 輸入推薦者的個人推薦碼，可以找找你身邊有玩Asia Miles既親友
  3. 成功入會後賺一次里數，推介你去睇里先生個post:trip advisor寫評論
  4. 請注意你要搵到個係10月17日限期前搵到多4個被佢推薦既人，否則你拎唔到8,000里 – 提早於9月28日完 
  5. 如果佢已經推薦左5個人你係第6個你會完全無bonus里數(潛台詞:搵個信得過既人)

申請Asia Miles入會被推薦

推薦人需要做的步驟及注意事項

  1. 睇Email獲取推薦碼，唔記得或者無既去Asia Miles呢條Link到攞返
  2. 教下被推薦人點賺佢第一次里數，最簡單推介佢去睇里先生個post:trip advisor寫評論
  3. 誠實，你真係夠人(or無爆5人)先好叫人入你code啊！

首次申請Asia Miles推薦人計劃需注意條款及細則

  • 額外「亞洲萬里通」里數將於活動結束後6至8星期內存入會員賬戶
  • 參與本推廣之受薦人（”受薦人”）必須為非會員，並於登記入會前的過去6個月內未曾取消或持有任何「亞洲萬里通」會籍
  • 所推薦之受薦人亦於推廣期內完成首次與「亞洲萬里通」夥伴機構之認可交易並賺取里數，認可交易涵蓋9個類別：航空、金融及保險、酒店、電訊、汽車及運輸、零售、餐膳及宴會、旅遊及消閒、專業服務
  • 推廣期間於1) 夥伴機構賺取的額外里數及獎賞里數;2)以美國運通國泰航空公司卡賺取里數; 3)透過銀行迎新禮遇及推廣優惠賺取里數，包括積分兌換推廣; 4) 透過其他銀行產品賺取里數; 5)於「亞洲萬里通」iShop消費賺取里數
  • 每位推薦人及受薦人只可登記並賺取推薦獎賞一次
  • 四個額外里數獎賞級別均沒有關連，每位合資格推薦人及受薦人只可獲享其中一個級別的推薦獎賞。推薦獎賞根據最多首5項成功推薦計算，每位合資格推薦人或受薦人只可享最高額外 8,000 里數
  • 如推薦人及受薦人獲享推薦獎賞涉及任何舞弊及/或欺詐成分（由「亞洲萬里通」全權酌情決定），「亞洲萬里通」有權取消推薦人及受薦人享有推薦獎賞的資格及/或取消推薦人及受薦人「亞洲萬里通」會員資格

官方網址連結: http://m.e.asiamiles.com/webApp/mgm2017_tc

» Read more
Leave a comment

英國離境稅貴上貴！善用openjaw避貴稅方法分享

里數攻略 知識教學, Avios BA Executive Club, 航空新聞 其他文章

英國離境稅

英國離境稅貴上貴！善用 openjaw避貴稅方法

大家知唔知英國離境稅一向都比其他國家貴？好多時係英國走嘅話啲離境稅(“APD”)可能仲貴過你搶到果張平機票！啱啱英國又有新聞話下年2018年4月1日起出境稅再進一步提升。有睇里先生里數兌換表應該知道Avios換英國機票(BA) off-peak只需要39,000 Avios來回Econ…可惜你就用唔到Openjaw避英國離境稅，計抵唔抵換時記得考慮埋個離境稅。

目前英國離境稅

  • Short haul economy：13GBP
  • Short haul PE/business/first：26GBP
  • Long haul economy：75GBP (2017 Nov匯率: $780)
  • Long haul PE/business/first：150GBP

*Short haul指2000英里以下

2018年4月1日起英國離境稅

  • Short haul economy：13GBP
  • Short haul PE/business/first：26GBP
  • Long haul economy：78GBP (2017 Nov匯率: $812)
  • Long haul PE/business/first：156GBP

雖然唔係話加好多…但本身已經夠貴…呢加再加落去都係真係越來越重皮，大家可以避都盡量避咗佢啦！

善用openjaw避英國離境稅

英國離境稅

里先生做咗個測試，同樣於2018年1月21日，如果單程由倫敦返香港嘅經濟客位現時需要嘅tax+subcharge係$1,599，如果由巴黎返香港只需$806，差咗成$750！所以想藉此例子話俾大家知無論你係買機票換機票想去英國玩，如果時間就到嘅話出境都盡量唔好用英國機場，你更應該開openjaw機票(現時一般飛歐洲機票都可以)坐個火車玩埋Paris再係CDG走避貴稅！打算用Avios換英國機票都留意，雖然淡季坐英航需要Avios係少咗但係稅果到其實你都係會俾貴返(唔關BA事，政府話要收都無計)。以上圖片由Avios換票系統CAPTURE，教學請看→英航系統睇Asia Miles機票位教學。

加稅新聞來源→ ATW

» Read more
Leave a comment
1 … 3 4 5 6