【食飯信用卡】食飯卡比較 2024 餐飲食肆信用卡分析
餐飲食肆信用卡分析
先唔講金額,餐飲類簽賬應該係大部份香港人使用頻率最高嘅簽賬類別之一。可能金額細但積少成多,搵張好嘅食飯信用卡對於儲里數/賺現金回贈就變到好必要。最廣為人熟識嘅里數食飯卡的確要數到渣打Cathay卡,無上限$4/里的確係幾好。其實儲里數嚟講有張HSBC Visa Signature放晒5X賞滋味會更好,計返落條數有$2.78/里,其他滙豐卡滙豐白金Visa卡、滙豐Pulse銀聯雙幣鑽石信用卡、滙豐滙財金卡或者滙豐學生金卡都有高達$4.17/里。但留意,HSBC信用卡係相對難玩少少因為有每曆年嘅最紅自主獎賞額外回贈簽賬上限$10萬,最壞嘅情況會變到得返$25/里,如果唔明白點玩或者唔肯定有無爆上限就用返啲穩陣卡吧!
現金回贈類別就有張DBS Eminent信用卡,食肆簽賬有成5%回贈,食飯卡裡面都算係回得比較多嘅。而用HSBC Visa Signature放晒5X賞滋味計返落條數都有3.6%回贈,其他滙豐卡就2.4%回贈,另外有張信銀國際Motion卡,食肆簽賬有6%回贈,平時嚟講應該算係最高回贈嘅,但係佢寫明快餐店唔計落食肆到,又無講明邊啲食肆係屬於快餐店。所以我就對呢樣嘢有啲保留。
但留意,好多朋友都可能會以為「酒店餐廳」、「會所餐廳」同埋「百貨公司餐廳」(即係收埋喺一田、Aeon入面嗰啲餐廳)都當咗做食肆咁就中咗伏,好多銀行嘅信用卡都唔當呢啲簽賬係食肆簽賬,用咗食肆高回贈卡嚟簽最後都只係可以賺到基本回贈。
另外大家應留意到有唔少餐廳有做信用卡優惠,用指定信用卡簽賬即享折扣優惠,通常都有7折8折不等,但要寫晒出嚟就太長氣,有好嘅餐飲優惠我再係Facebook分享。以下就先就著回贈比率嚟比較吧!
食飯信用卡比較
食飯現金回贈信用卡比較
餐飲信用卡 | 回贈 | 簽賬上限 |
信銀Motion卡 | 6% | 每曆月$3,636 |
DBS Eminent Card (Visa Signature) |