去旅行最緊要係咩?當然就係唱錢去當地消費嗰陣用啦!但係究竟係去銀行唱錢,定去找換店匯率好?等里先生教你點樣睇外幣匯率比較,做個精明嘅消費者啦!
首先講咗里先生最推薦用嘅方法先,唔計碌外幣信用卡,里先生會用Ebanking唱定啲外幣落Citibank嘅外幣戶口到,然後用Citibank嘅扣賬卡或者提款卡免手續費咁係海外Citi或萬事達卡網絡嘅自動櫃員機提取現鈔。Citi Plus、Citigold戶口會預設出張Mastercard Debit Card俾你,如果你發現手上嗰張唔係Mastercard Debit Card,可以直接聯絡銀行申請一張,費用全免。HSBC One / HSBC Premier戶口 debit card都做到同樣效果。
呢個方法嘅好處係當你用Citibank嘅扣賬卡或者提款卡從你嘅外幣戶口到提款,而要撳嘅外幣係指定嘅貨幣*,咁樣就會直接係你嘅外幣戶口到扣除餘額。即係話當你係日本撳10,000Yen,而你嘅外幣戶口又有10000Yen係到嘅話,佢係會直接係你嘅外幣戶口到扣數。即係話你可以趁匯率靚嘅時候唱定啲外幣等到旅行再係外地到用。另外Mastercard嘅提款網路遍佈全世界,基本上係大部份國家嘅提款機你都可以免手續費咁提款,十分方便!
當然要注意嘅係當你嘅外幣戶口唔夠錢而你又要撳外幣嘅時候,ATM係會即時幫你係港幣戶口到做兌換,個匯率係好貴的!所以大家可以係Ebanking唱定錢再去撳。另外雖然Citi係唔收手續費,但部分櫃員機都會收返少少手續費。如果你要撳嘅外幣唔係指定貨幣,咁當你撳外幣嘅時候ATM都係會即時幫你係港幣戶口到做兌換,咁就唔係咁抵,建議都係係找換店到唱返錢會抵啲。
*指定貨幣包括港元、美元、英鎊、日元、人民幣、歐元、泰銖、澳元、新西蘭元、新加坡元、加拿大元及瑞士法郎
外幣兌換索引(按入向下彈)
外幣兌換方法比較
首先,外幣兌換不外乎都係幾種方法,分別係:
- 方法1: 香港本地找換店兌換外幣
- 方法2: 當地找換店兌換外幣
- 方法3: 銀行提取外幣
- 方法4: 海外ATM提款(透過Mastercard Circus或Visa Plus或銀聯網絡直接提取外幣 – 最推薦!)
- 方法5: 香港機場/當地機場兌換
而係唱錢之前,不妨上ttrate等嘅匯率網站,參考咗個價錢之後再去唱錢都未遲。
方法1: 香港本地找換店兌換
香港本地有不少知名嘅找換店,如牛記、發達鳥、景緻、重慶大廈嘅找換店如堅成等等,匯率通常都會比銀行好少少,而且大部份係銀行閂咗門之後都繼續營業,方便打工仔收工之後去唱錢。不過呢D知名嘅找換店通常都只係開係人流比較多或者商業區,好似尖沙咀、深水埗、中上環等等。係附近住或者返工都還好,如果特登過去唱錢,車錢時間等等都係成本嚟㗎。
方法2: 當地找換店兌換
除非你好熟悉當地嘅環境,或者係要唱D係香港比較冷門嘅貨幣,譬如係土耳其里拉/俄羅斯盧布等,否則都唔建議到埗之後先到當地嘅找換店唱錢。因為一嚟浪費你寶貴嘅旅遊時間、二嚟係當地唱錢你亦唔清楚個匯率係好定唔定。如果要兌換係香港比較冷門嘅貨幣,建議係香港唱做美金/歐羅等流通量比較大嘅貨幣先再攞去當地唱,因為當地嘅找換店未必認識港幣、而且美金/歐羅等嘅匯率係當地一般都會比港幣好D。
方法3: 係銀行嘅Ebanking兌換好外幣,跟住去銀行嘅外幣櫃員機/櫃檯提取外幣
如果本身開咗銀行嘅綜合戶口或者外幣戶口… >>於新分頁打開全文 “【外幣ATM最抵】外幣兌換攻略!旅行去銀行唱錢/找換店匯率好?幾個方法教你睇外幣匯率比較!”
» Read more