外幣信用卡匯率及海外簽賬手續費| 外遊網上簽賬要注意DCC/CBF 海外簽賬信用卡比較完銀聯未必係最抵

網購CBF 外幣信用卡匯率及海外簽賬手續費 DCC

外幣信用卡匯率及海外簽賬手續費| 外遊網上簽賬要注意DCC/CBF及信用卡優惠 海外簽賬信用卡比較完銀聯未必係最抵。另外,唔想用信用卡碌,都可以兌換外幣,點兌先精明可以睇返外幣兌換攻略

里先生今日寫得呢篇文章都想大家學識正確觀念,請改一改叫法方便日後討論問題,如果硬要用簡寫我地不如叫「港元支付外幣簽賬手續費」做「CBF」, 全寫cross-border fee,多數出現於跨國企業網站的網上簽賬。

相信部份人理解的DCC就代表信用卡以港元支付外幣簽賬手續費,今天可以告訴你這個觀念是不準確的,講錯term沒有問題,但有時要做信用卡比較

  • (a)海外簽賬/外幣簽賬手續費或
  • (b)網上購物時以港元支付海外商戶手續費(包括DCC)
  • (c)信用卡優惠及
  • (d)食唔食到迎新時就會有問題

無錯,DCC呢三隻英文字母太好叫,里先生跟讀者討論book酒店用邊張卡book好,未有時間解釋太多也直接用DCC,反正你明我明其實就無問題。但既然里先生今日寫得呢篇文都想大家學識正確觀念,請改一改叫法方便日後討論問題,如果硬要用簡寫我地不如叫「港元支付外幣簽賬手續費」做CBF, 全寫cross-border fee,多數出現於跨國企業網站的網上交易或網購 (CBF係某D結行月結單上寫Fee-TXN in HKD Incur outside of HK然後收1%)。如果你自問係個網購狂又經常要book酒店,你最好睇晒以下文章清楚知道係發生梗咩事。你用海外簽賬信用卡既主力卡係HSBC, 渣打, AE, Citi, DBS, 東亞, 中銀, 大新嘅Visa, Master, AE, 銀聯都好,以下一一為你分析利弊。

呢篇係一篇解釋DCC, 外幣/海外信用卡手續費/CBP的長文,如果無時間可以睇咗個圖解唔太明白就跟住以下5點做:

信用卡匯率, 海外簽賬手續費(網上) 以港元支付海外註册商戶CBF, DCC圖解

信用卡外幣海外簽賬手續費及CBF DCC圖解

信用卡網上外幣海外及CBF圖解

【懶人points】給無時間睇文章嘅人粗疏的建議:

  1. 到海外實地簽賬用銀聯/AE,一般銀聯外幣手續費會比較低(或無)但匯率較差同埋積分里數回贈都會比較少,銀聯/AE好多時都唔係最著數嘅選擇,最大好處就係唔會俾人收到你DCC(真DCC,唔係CBF,下文解釋)
  2. 如外遊時於海外需用到Visa/Master card,付款時必須叫收銀員用外幣收你錢(e.g. Please pay at local currency, DON’T charge me in Hong Kong dollar.)
  3. 網上簽賬而強行要支付港幣時而且個商戶係跨國企業時就要有戒心到底個商戶是否#海外商戶
>>於新分頁打開全文 “外幣信用卡匯率及海外簽賬手續費| 外遊網上簽賬要注意DCC/CBF 海外簽賬信用卡比較完銀聯未必係最抵” » Read more

儲Asia Miles方法合集!信用卡以外7個生活化儲里數途徑 Asia Miles唔再怕過期!

儲 asia miles 方法

儲Asia Miles方法合集!信用卡以外7個生活化儲里數途徑 Asia Miles唔再怕過期!

相信大家都知道Asia Miles會係2020年開始新賺取嘅里數可以唔需要再擔心過期。因為下年度開始賺返嚟嘅Asia Miles將會改動為「活動為本」,只要於18個月內有賺取或兌換里數就會自動延長里數有效期。簡單嚟講只要「郁」過個Asia Miles戶口內變相里數永不過期。有信用卡的話用渣打亞洲萬里通萬事達卡持續地有用基本上都已經滿足到「郁」戶口嘅條件。我都知用信用卡儲里數係最高效,不過除咗信用卡之外,今次想特別集合返其他可能被忽略嘅賺里數途徑,同樣地都可以保住Asia Miles戶口里數不過期!賺Asia Miles途徑真係多到數唔晒,作為香港人,2020年開始賺嘅里數真係想過期都幾難!


快速連結(按鍵向下彈)

  1. OpenRice訂枱食飯儲里數
  2. 食飯儲里數:Asia Miles賺里餐廳
  3. 網購賺里數:shop.asiamiles.com
  4. 叫外賣賺里數:foodpanda
  5. 入油賺里數:Shell
  6. 百佳買餸都賺里數
  7. TripAdvisor寫評論賺里數

*直接選張卡用→Asia Miles信用卡比較


1. OpenRice訂枱食飯儲里數

Asia Miles一早已經同OpenRice有合作,只需透過OpenRice預約餐廳(個別餐廳除外)並如期出席即可參與開飯喇獎賞計劃,可選定連結「亞洲萬里通」戶口,從此訂座自動賺取里數。小小地每次賺25里數,唔係多但都係個額外里數又可以keep到里數唔過期。

詳情→OpenRice訂枱賺Asia Miles

2. 食飯儲里數:Asia Miles賺里餐廳

Asia Miles有超過350間「賺里餐廳」。同上面所講嘅OpenRice訂枱又唔同架,去「賺里餐廳」埋單直接俾會員QR code/號碼餐廳就可以賺到里數,無需訂枱。逢星期一去「亞洲萬里通」賺里餐廳可享HK$1=1里,而星期二至日亦享HK$2=1里。有啲可能你去開嘅餐廳隨時係有得賺里數但你錯過咗都有可能架!

啱啱個最愛香港食府會員投選結果就出咗爐,有無邊間你啱食?

  • 二人世界:仙后餐廳*、Rech by Alain Ducasse、Alto
  • 全家開餐:利苑酒家、Outback*、莆田
  • 友飲友食:老鍋台式火鍋、飲茶Yumcha、The Coffee Academics
  • 慶祝首選:Wooloomooloo Steakhouse*、The Promenade、JW cafe
  • 打卡必到:Dear Lilly、PIQNIQ、NOBU Intercontinental HK
  • 食得奄尖:鮨月、阿一海景飯店、橘焱胡同燒肉夜食

*非「亞洲萬里通」賺里餐廳

詳情→Asia Miles之食飯賺里數

指定「亞洲萬里通」餐廳→Directory

3. 網購賺里數:shop.asiamiles.com

一直亞洲萬里通網購平台shop.asiamiles.com,可以一路網購一路賺額外里數,當中有Apple、百佳網店、Nike、ASOS、Selfridges等等耳熟能詳既商戶相信大家都唔會陌生。雖然里數唔係即時到賬,但係鐘意網購嘅朋友呢個都不失為一個好好賺里數嘅機會。

詳情→Asia >>於新分頁打開全文 “儲Asia Miles方法合集!信用卡以外7個生活化儲里數途徑 Asia Miles唔再怕過期!”

» Read more

八達通銀包(前稱O!epay)轉賬/繳費交稅/線上線下付款教學(包括買港鐵九巴月票同增值)+信用卡自動增值儲現金回贈/積分/里數攻略

oepay 八達通app 儲里數回贈教學

八達通銀包(前稱O!epay)轉賬/繳費交稅/線上線下付款教學(包括買港鐵九巴月票同增值)+信用卡自動增值儲現金回贈/積分/里數攻略

電子錢包近年已經開始普及,加上疫情呢2年同政府派消費券,相信唔少香港人已經裝左1個甚至多個電子錢包,減少左拎實體銀紙嚟用。八達通卡呢個作為香港第一代電子支付工具都跟上時代嘅發展,有個電子錢包app叫「八達通銀包Octopus Wallet」(前稱O!epay好易畀)。可以P2P轉賬俾親友、繳費交稅、線上線下付款(包括買港鐵九巴月票同增值)同派利是。月頭月尾買港鐵全月通唔洗再排隊,買九巴月票仲可以set提示下個月買,好爽!幫小朋友八達通增值又勁方便!不過,同PayMe/WeChat Pay/Alipay比較嘅話就少啲人用,最大原因係因為增值落去「八達通銀包」度無其他電子錢包咁方便,唔可以直接用綁定信用卡增值,要經「八達通自動增值」啪錢入八達通銀包間接嚟用信用卡增值。要好似螞蟻搬家咁一日一日咁$250, $500, $1,000…咁啪八達通嚟做充值。

成個logic係「已設置自動增值嘅八達通*→每日啪錢入八達通銀包→用餘額嚟轉返戶口/繳費/交稅/付款(注意銀包最高儲值限額提升到$30,000),成個流程係一個circle。所以只要你夠勤力,一日一日咁啪八達通嚟做充值,就會碌到卡賺到回贈/積分。然後「八達通銀包」啲錢點用呢?有幾個用處:

  • 1. 轉錢入返銀行戶口: 每月轉$3,000零成本賺分(頭$3,000免手續費,其後收1%)
  • 2. 繳費:交稅/政府費用/電話費(轉$3,000入戶口後)
  • 3. 線上線下付款: 線下掃QR code,線上係八達通app買野(港鐵九巴月票同增值)/網購app(e.g.HKTV Mall)揀八達通付款(轉$3,000入戶口後)

*提提大家,「八達通自動增值」依家大部分銀行信用卡都做到$250/$500,而星展銀行同富邦銀行就做到$1,000。增值額可以參考下面個信用卡積分表格,不過因為keep住會update,大家改用信用卡自動增值前最好打電話去同銀行confirm下先。優惠就去呢度睇八達通自動增值優惠比較


八達通銀包(前稱O!epay好易畀)教學快速索引(按入向下彈)

最新優惠→八達通自動增值最新登記優惠八達通銀包(前稱O!epay)轉賬/繳費交稅/線上線下付款教學(包括買港鐵九巴月票同增值)+信用卡自動增值儲現金回贈/積分/里數攻略


八達通自動增值信用卡 回贈/積分/里數列表

用「八達通銀包」儲分chok分個原理就係要由你張八達通轉錢去個銀包度,從而trigger到你張八達通嘅自動增值(負錢就增值),咁樣就變相可以有回贈/積分/里數。所以睇邊張信用卡有無積分其實只要睇本身張信用卡八達通自動增值AAVS有幾多積分/里數就可以。申請自動增值方法及表格可以睇返→八達通官方網站

八達通自動增值信用卡

-Cash: 現金回贈百分比%
-AM: 每1里 Asia Miles需要幾多$
-Max: 每次最高自動增值金額
-「-」代表無積分/里數/或未能加入信用卡
-→信用卡分析/年薪/申請網址請按下名稱←
Credit_Cards
信用卡
CashAM/$
>>於新分頁打開全文 “八達通銀包(前稱O!epay)轉賬/繳費交稅/線上線下付款教學(包括買港鐵九巴月票同增值)+信用卡自動增值儲現金回贈/積分/里數攻略” » Read more

【AE附屬卡優惠】賺$800!申請AE Explorer附屬卡+AE Blue Cash附屬卡享$800消費回贈

【AE附屬卡優惠】賺$800!申請AE Explorer附屬卡+AE Blue Cash附屬卡享$800消費回贈

【AE附屬卡】申請AE Explorer附屬卡+AE Blue Cash附屬卡享$800消費回贈

AE Explorer 同埋 AE Blue Cash信用卡推出咗附屬卡出卡優惠高達HK$800簽賬回贈,拎定卡到時夾埋AE酒店優惠一齊玩一流啊!Amex最正就係就算有其他Amex嘅卡都唔影響你拎主卡優惠,啫係舊客都有迎新。而且攞完附屬卡再拎主卡,一樣會有主卡迎新的。

而且即使持有附屬卡,再申請主卡都有迎新。例如: 2022年2月7日你出咗張AE Blue Cash主卡,2022年2月15日申請咗張AE Blue Cash附屬卡俾另一半,而另一半於2022年2月28日攞張AE Blue Cash主卡咁另一半都會食到張Blue Cash嘅迎新。

只要你係指定AE信用卡嘅主卡人係推廣期內幫你嘅親友申請兩張附屬信用卡,即可享以下回贈:

  • AE Explorer附屬卡2張+各簽1次:HK$400消費回贈
  • AE Blue Cash附屬卡2張+各簽1次:HK$400消費回贈

留意!如果想賺到今次優惠,記得唔好係申請主卡果陣申請埋附屬卡,一定要係主卡批咗之後先好申請!

文章下半部份同你再重溫附屬卡入lounge攻略。

另外,AE本身都有唔少信用卡簽賬優惠,想了解更多記快啲重溫返→ AE信用卡優惠合集


文章索引


(優惠已完)AE Blue Cash附屬卡限時出卡優惠

【AE附屬卡優惠】賺$800!申請AE Explorer附屬卡+AE Blue Cash附屬卡享$800消費回贈

>>於新分頁打開全文 “【AE附屬卡優惠】賺$800!申請AE Explorer附屬卡+AE Blue Cash附屬卡享$800消費回贈” » Read more

【實測】環聯信貸評級付費版報告睇真啲!付費版TU報告內容

環聯信貸報告 付費版

環聯信貸報告-付費版報告睇真啲!【實測】付費版TU報告內容

大家有玩開信用卡嘅,都應該對環聯唔會陌生。作為香港最大嘅個人信貸評級機構,我哋申請信用卡/有無遲交貸款或信用卡卡數,大部份係環聯都有紀錄。銀行決定批唔批你申請果張信用卡時,亦都有機會參考你係TU入面嘅評分。今次特登買咗環聯個付費版報告,實測同大家一齊睇下入面有咩可以睇到。

**Full Report→官方購買網址

環聯信貸報告-評級同分數

最基本同最重要嘅係睇到你嘅信貸評級,由A-J,A為最好,當中會俾埋個百分比你,可以睇到你嘅分數係高過幾多%嘅香港人。購買付費版後更會開始紀錄低你每個月個分數方便你做返自己信貸狀況嘅分析。(有無見我個chart係6月突然暴跌? 以下再解釋)

tu score
【實測】環聯信貸評級付費版報告睇真啲!付費版TU報告內容
另外環聯會有一少段文字去分析你嘅評分,里先生果段係咁:

「根據您的信貸資料,您的信貸評分受以下的評分因素影響。評分因素對您的信貸評分之影響程度各異

  • 相對可用信用額,您的循環信用或信用卡賬戶結欠偏高。循環貸款賬戶的使用率,是信貸評分的其一元素。貸款人或傾向借貸予有較低債務信貸比率的客戶。 (參考編號:031U)
  • 在過往一年中,您的信用卡消費模式出現顯著的變動。這些變動或讓信貸提供機構難以預測您未來的消費模式,而視之為較大的(信貸)風險。 (參考編號:192A)」

環聯信貸報告-付費版詳盡報告

除咗個英文字母A-J外,仲可以睇到以下資料

  • 現有信貸賬戶
  • 已結束信貸賬戶
  • 信貸申請查詢資料

信貸報告 付費

所有信貸申請紀錄,不論成功與否都會睇到(Tips: 如果係短期內有太多申請紀錄,係會有可能降低你個信貸評分)

【實測】環聯信貸評級付費版報告睇真啲!付費版TU報告內容現時我係咁多間銀行/財務機構嘅賬戶,都可以係環聯個付費版報告入面睇到。每張信用卡為1個賬戶,按入去就可以睇返你個信貸賬戶有無被銀行呈報過遲還錢或者有幾多credit limit同幾時開呢個賬戶等等嘅資料。

【實測】環聯信貸評級付費版報告睇真啲!付費版TU報告內容以下就係我其中一個賬戶…睇返5月份時因為過數cut-off問題,遲咗1日還錢…所以我係6月份個評級分數就跌咗。雖然事後有打返電話去銀行waive咗late charge,但record就仍然留咗係到,影響咗個評分…但係到7月個評分就升返喇。不過我都唔係太擔心呢一日嘅record會影響到日後申請信用卡/mortgage嘅審批,因為我覺得批貸款嘅都唔係傻嘅…我遲咗1日啫應該唔會咁判我死刑掛?

信貸報告 逾期還款

當你可以睇返你每個信貸賬戶入面有無遲還紀錄/遲咗幾多而俾銀行做咗filing其實都幾有趣,同時可以照住自己個record睇返係咪成日自己大頭蝦遲還錢,搞到無啦啦被扣咗分就唔抵。

信貸提示

當你用咗付費版,肯俾月費,環聯會包埋個信貸提示服務比你。你申請信用卡/銀行查閱你的報告等等,大部份會郁到你個人信貸資料嘅活動時,都會有SMS通知,對於防止盜用你資料去申請貸款係十分有用。如果你有買樓按揭/借大錢等等嘅重大事件準備要做,就要睇實啲你自己個信貸評級喇。(或者驚你啲舊男友舊女友偷你資料去借錢都要睇實 😛 )

【實測】環聯信貸評級付費版報告睇真啲!付費版TU報告內容

信貸評分計算機

呢個係新function嚟,可以用嚟project如果你唔還錢/申請信用卡/申請貸款會點影響到你個信貸評級。但要留意呢個係一個簡單計算器,可以選擇嘅variables唔多,上限只係睇到10萬貸款或者3個新賬戶。我試玩過下,睇嚟都係遲還錢/拖欠貸款先會對個評級影響大。我試按申請信用卡反而對評級有利,我諗應該係因為咁做會擴大咗我個信用額,令到個credit utilization rate(信貸使用率)下跌嘅關係。

【實測】環聯信貸評級付費版報告睇真啲!付費版TU報告內容 【實測】環聯信貸評級付費版報告睇真啲!付費版TU報告內容

TU 信用卡 貸款

如何提升環聯信貸評分(純粹個人意見)

  • 準時還錢,從不拖欠(借定唔借?還得到先好借!←我buy架)
  • 唔好只還Minimum pay(雖然未必會直接當遲還錢)
  • 唔好只得一張信用卡,或者叫做應該擴大你嘅個人信貸額(因為見到環聯有寫出嚟話信貸評分會考慮埋信貸使用率。所以當你嘅信貸額越大,使用金額不變時,使用率就會下降,咁個信貸評分理論上會上升) (數學題: 分母上升分子不變,比率下跌)
  • (給初哥/學生)及早建立信貸評級,信貸評級嘅建立係由你第一張信用卡/貸款開始。如果你從來未建立過信貸評級,就無機會建立正面信貸評級(準時還錢) ,咁環聯都無basis去評估你嘅信貸評級。
  • 可以嘅話就俾錢買份付費版詳細報告睇一睇。一次過睇晒自己過住嘅習慣同當前賬戶有無問題/經常性遲還紀錄等等。再去諗一諗點樣可以提升返個評級…唔好到真係要申請貸款/買樓按揭時先嚟臨急抱佛腳。

購買信貸報告步驟

  • 首先唔好睇少呢部份,因為你要答問題…
  • 去環聯官網 https://www.transunion.hk/ 購買
  • 入完你嘅information後就繼續
  • 有幾條選擇題要答(以下有示意圖) ,肯定先好答,錯咗你就唔可以online買,要打電話/親身上環聯買!

購買環聯報告 問題

  • 付費版報告每月要HK$280

稅貸/私人貸款對TU的影響

有睇開里先生嘅朋友應該知我有課金買TU信貸報告睇。今次拎稅貸有幾個observations :

申請完息口唔啱,如果唔拎個貸款對TU有無影響?

我有申請完見恒生查完我TU再check TU有無跌grade,答案係無跌grade。本身係B,跌完都係B。分數有無跌唔記得,就算有都唔多。但想提返想攞私人貸款嘅朋友都係申請最多2-3間做比較好喇,短期內查太多次TU都唔係咁好(私人貸款only, 我見信用卡的影響係無乜)

攞完私人貸款,TU點?

攞完即睇,無跌,個原因我諗係銀行無咁快update 到去TU,所以即時唔會睇到,今日啱啱再睇又真是由B跌咗去C頭。期內我仲成功申請咗2張信用卡。雖然跌咗但我都唔太擔心,相信好快升返,到時再update你。

好驚TU跌,跌咗申請唔到信用卡?

呢個概念其實都錯錯地,上面提咗,我拎完私人貸款跌埋TU一樣仲申請到信用卡(HSBC Visa白金剛批)。TU有A-C嘅話又有穩定工作批信用卡理應不成問題。如果要準備買樓做按揭,我同意唔好有私人貸款係手,因為會直接減低攞到嘅按揭貸款及計壓測有影響。信用卡貨仔就唔洗擔心太多。

TU係A嘅人貸款利率一定低過B或更低嘅人?

錯錯錯。TU只係俾銀行作參考資料。我申請呢個稅貸時TU係B,但我一樣申請到恒生offer給12個月$20萬呢個range的最低利率2.01% APR。唔好再咁天真以為TU代表信貸的一切。買樓按揭唔會因為你TU A或TU B呢少少差別俾唔同利率你。銀行信嘅係層樓嘅抵押價值而唔係你TU。私人貸款同理。

如何改善信貸評級?TU點升grade?

TU變化

上個月提到我係1月尾攞咗個$20萬私人貸款,對TU既變化由1月紀錄到既A尾B頭3,5xx分,插咗落去3月的紀錄C grade既3,350分。啫係跌咗成180分。今日再睇TU估唔到好快就谷底反彈70分去得返C尾3,427分。
 
TU付費版可以無限次睇分數,generate report及接收查閱信貸提示,坊間成日講既TU report就係TU紀錄到generate出嚟,用付費版的話你鐘意既每日gen 10份都得。我自己習慣就留意信貸提示,耐唔耐Login睇完分有個譜就算,report就唔係每次都有keep。
>>於新分頁打開全文 “【實測】環聯信貸評級付費版報告睇真啲!付費版TU報告內容” » Read more

【Asia Miles候補機位Waitlist】於2021年10月22日取消 只保留客艙提升獎勵機票及同行貴賓獎勵機票

asia miles waitlist 候補機位 取消

【Asia Miles候補機位Waitlist】於2021年10月22日取消 只保留客艙提升獎勵機票及同行貴賓獎勵機票

慘,Asia Miles無得再用waitlist等機位了。本身呢個候補機位我覺得幾好用可以唔洗日日睇住有咩位換。對我好咗既地方係本身我只係綠卡仔會員,呢加係全部鑽石卡金卡銀卡會員都無得wait。呢班高級會員就慘啲…有朋友係高級會員又真係真日都wait到@@

我比較好奇取消咗之後係咪會多咗last minutes執雞位。呢加都飛唔到,到時再算吧~~

取消候補機位服務

1. 由2021年10月22日起,所有會籍級別的會員都不能獲享候補機位服務嗎?

由2021年10月22日起,所有會籍級別的會員都不再享有候補機位的服務。目前已預訂的候補機位仍然有效,只要有可供兌換的機位,你的預訂即可獲得確認。

2. 所有飛行獎勵機票都不再提供候補機位服務嗎?

候補機位服務僅不適用於標準賞飛行獎勵機票。客艙提升獎勵機票及同行貴賓獎勵機票仍可使用候補機位服務。

3. 客戶服務人員可繼續協助馬可孛羅會銀卡(或更高會籍級別)會員及其家人安排候補機位服務嗎?

很抱歉,由於候補機位服務於2021年10月22日起取消,所以我們不能在此日期之後安排標準賞之候補機位服務。但你可以選擇在國泰航空網頁使用「里數加現金」預訂機票,更可即時獲得機位確認。

4. 如果正處旅遊旺季,我要如何在飛行獎勵機位已滿的情況下,獲得預訂確認?

你可以選擇在國泰航空網頁使用「里數加現金」購買機票,除可即時獲得機位確認,更可讓你自由靈活地預訂心儀航班。

5. 如我兌換的航班因服務受阻而被取消,我可以選擇更換航班並安排候補機位嗎?

對於所有非自願性預訂更改, 包括航班服務受阻和取消,會員可以致電我們的服務熱線進行查詢。由於候補機位服務於2021年10月22日起取消,我們建議你在飛行獎勵機位已滿的情況下,在國泰航空網頁使用「里數加現金」預訂心儀航班之機票。

官網:https://www.asiamiles.com/zh/support/help-centre/faq.html#/general/1

asia miles候補機位 waitlist 成功機會 限額

【Asia Miles候補機位Waitlist及兌換票途徑】4月1日起加入Waitlist上限+候補機位成功率

昨日出咗消息Asia Miles換機票有重大改動,其中包括假單程無得再玩。而Asia Miles waitlist候補機位上都限制咗為10個,一向候補機位嘅死線及機率都多朋友會問到,留意只有國泰CX及國泰港龍KA的Asia Miles兌換機票先有得waitlist,其他航空公司即使可網上兌換但都係不可以候補機位的。

1. Asia Miles換機票waitlist侯補出到票嘅機會大唔大?

  • 其實每次我嘅答覆都係「放位嘅野好難講,答唔到你」
  • 我相信CX會有system計算每班機放幾多位,幾時放位,但並沒有確實嘅pattern
  • 而都係到提返句你問Asia Miles hotline都答你唔到,可以慳返啖氣唔洗問

事實上我見過等半日business就話有位,亦都有試過econ出發前2日有位,當然都有試過等唔到位…張first class 實例就出發前11日先通知我有位。其實我本身已經reserve 咗個位,呢張係時間理想啲嘅機,只係個換票策略嚟,先前於國泰頭等oneworld機票我都有分享過如果我呢加要改就俾US$40/4,000 Asia Miles。

2. 咩情況下用waitlist候補?死線是何時呢?

  • 首先waitlist只係開放予國泰或國泰港龍嘅航班,其他partners無得wait或hold,只能即時confirm機位
  • 無位但某一日想出發就waitlist咗先,唔洗俾錢都唔會扣你里數
  • 當有位時國泰會有人打俾你同埋會有SMS俾你,怕miss咗或者你自己一頭半個月就睇下有無轉到status做confirm,有就可打去出票

3. Waitlist是否有上限?

  • 如未確認任何機位,2020年4月1日起最多只能waitlist 10班機
  • 每個會員賬戶只能同時預訂最多10個候補機位。如已達此限,會員須取消最少一個預訂,方可預訂新的候補機位。

4. Asia Miles Waitlist會馬上扣里數及稅金嗎?

  • 不會,里數及稅金只會於confirm機位時先收取,由waitlist轉做有位就同CS連絡俾信用卡資料同埋乘搭人資料開票,成功開票後會有個email send返俾你

5. 我的來回機票去程已確認,回程未有位,可以Waitlist嗎?是否有出票期限?

  • Waitlist候補機位會俾個時間你,話你知可以wait到幾時,如果來回票有一程已confirm,但另一程未confirm的話個waitlist時間會好短,因為我覺得CX都唔想俾人Hold晒啲位又唔出票,咁好浪費資源(如果你係呢個情況可試下叫CS hold多幾日,睇下有無廉航可補到單程平平地咁完成一個trip)
  • 如果你已有一程confirm,Asia
>>於新分頁打開全文 “【Asia Miles候補機位Waitlist】於2021年10月22日取消 只保留客艙提升獎勵機票及同行貴賓獎勵機票” » Read more

【PPS交電費賺現金回贈】瓜分HK$20萬獎金及PPS繳費教學

【PPS交電費賺現金回贈】瓜分HK$20萬獎金及PPS繳費教學

【PPS交電費賺現金回贈】瓜分HK$20萬獎金及PPS繳費教學

PPS用嚟交水電煤雜費都好方便~現時PPS繳費靈做緊中電電費推廣!只要登記今次推廣再經PPS成功繳交一張滿HK$50中電新賬單,即有機會瓜分HK$200,000現金回贈。未識用PPS嘅朋友都可以睇一睇個PPS教學。我都嗱嗱諗加返我張中電賬單落PPS到交先!

PPS有金同享現金回贈詳情

  • 推廣期: 即日起至2021年7月2日中午12時正
  • 於繳費靈網上服務(ppshk.com)或繳費靈手機服務或繳費靈電話登記優惠(交完之後就有得登記)
  • 並經PPS成功繳交一張金額不少於HK$50之中電新賬單,即有機會瓜分HK$200,000現金回贈
  • 經 PPS 成功登記或繳交中電賬單後,須即時確認本推廣
  • 上限:每位客戶 (以 PPS 戶口計算) 於整個推廣期內最多獲享HK$200,000 現金回贈的瓜分份數 3 份
  • 現金回贈會於2021年8月31日或之前存入PPS戶口
  • 官網詳情:pps_LandingPage.jpg

【PPS交電費賺現金回贈】瓜分HK$20萬獎金及PPS繳費教學

開立PPS交卡數教學

  1. 如果你未有戶口,拎你張「有ATM功能嘅銀行卡」就近搵間有PPS終端機嘅OK開咗戶口先,地點→ https://www.ppshk.com/hkt/prt/Web/ch/
  2. 開完之後去返 www.ppshk.com 到login返你係PPS終端機到拎到果個號碼,入返你當時登記個password
  3. 按以下圖解步驟新增返你張賬單,就可以用PPS找卡數喇!

pps交卡數

pps繳費靈交卡數

pps繳費靈找卡數pps繳費靈交費

優惠條款及細則:

    1. 「PPS x中電現金回贈」(下稱「本推廣」) 由 2021年 5月 3日早上 10時正至 7月 2日中午 12 時正( 以 PPS 系統的時間為準 ),包括首尾兩日(下稱「推廣期」)。
    2. 本推廣只適用於中電的客戶(下稱「客戶」)。
    3. 於推廣期內,客戶每次經 PPS 成功登記或繳交中電(PPS 商戶編號: 02)的賬單,即可獲邀請登

      記本推廣;客戶須按照指示即時確認登記本推廣 1 次, 並於推廣期內首次經 PPS 成功繳交最少 1 張單一金額滿港幣 50 元的中電新賬單(下稱「新賬單」),則可根據下表獲享高達港幣 200,000 元現金回贈的瓜分份數:

    於推廣期內成功繳交的合資格新賬單
    

    可瓜分現金回贈份數

    page1image2389630192

    1張

    1份

    page1image2389636000

    2張

    2份

    3 張或以上

    page1image2390450784 page1image2390452016

    3 份(3 份為上限)

    每張新賬單可瓜分現金回贈份數 1

>>於新分頁打開全文 “【PPS交電費賺現金回贈】瓜分HK$20萬獎金及PPS繳費教學” » Read more

WhatsApp推出流動付款功能 巴西地區率先使用 以Pin或指紋即可完成交易

whatsapp-payment-流動付款功能-巴西

WhatsApp推出流動付款功能 巴西地區率先使用 以Pin或指紋即可輕鬆完成交易

近年流動付款功能大行其道, PayMe, Alipay, WeChat Pay 等等都想信大都耳熟能詳。Facebook 最近亦宣佈旗下既WhatsApp 新增流動付款功能WhatsApp Payment,Mark Zuckerberg就話係透過Facebook Pay嚟做。

成個玩法係用戶可以直接係App內透過對話發送短訊,以點對點方式轉賬到其他人嘅賬戶或者已登記嘅商戶,最緊要係我見WhatsApp官方Youtube係可以綁信用卡嚟做架!!(睇嚟香港推出的話都有一排可玩lol)

至於轉賬比商戶嘅玩法係點?簡單嚟講即係只要間商戶有登記到WhatsApp嘅流動付款功能,你就可以直接係WhatsApp一條龍咁瀏覽商品後直接用WhatsApp比錢,聽落好似都幾方便!呢個功能已經係whatsapp 全球第二大用戶市場巴西率先開放,聽聞係不久嘅將來會續步開放比全球用戶使用,希望香港都快啲推出啦!WhatsApp Pay好唔好用都好,作為消費者有得選擇都係好事嚟嘅!

WhatsApp推出流動付款功能 巴西地區率先使用 以Pin或指紋即可完成交易

WhatsApp新功能-集親友交流、轉賬交易、網購於一身

Facebook創辨人Mark Zuckerberg表示WhatsApp新推出嘅流動付款功能係基於上年推出嘅Facebook Pay進行轉賬。現時係巴西首先推行嘅流動付款功能就同咗巴西金融機構合作包括巴西銀行、Nubank及Sicredi所發行嘅Visa及Mastercard信用卡支援付款功能,並與付款處理商Cielo合作完成交易。相信透過WhatsApp呢種新型一集式嘅營銷手法應該都幫到唔少中小型企業更易同客戶交流同增加佢地嘅購買力。

交易方面,WhatsApp用戶只需輸入返6位數字嘅Pin或者指紋識別功能即可完成交易,Face ID暫時就未用到啦。一般用戶透過WhatsApp進行交易無需任何交易手續費,不過商戶就須於先繳付3.99%手續費先可以收到交易款項。另外,WhatsApp亦表示Facebook解決到因加密貨幣而遇到的監管機構阻力,就可能會根據返唔同地方嘅消費習慣作調整後,嘗試推出市場。

WhatsApp流動支付功能詳情:https://www.whatsapp.com/payments/br

WhatsApp流動付款功能(巴西地區適用)

WhatsApp新增流動付款功能FAQs

WhatsApp新增流動付款功能係咪係香港都用到?

  • 未用到呀,WhatsApp暫時只係巴西試行推出,暫時未知幾時係香港推出。

WhatsApp付款功能大約係點樣運作㗎?

  • 交易方面,WhatsApp用戶只需輸入返6位數字嘅Pin或者指紋識別功能即可完成交易,Face ID暫時就未用到啦。一般用戶透過WhatsApp進行交易無需任何交易手續費,不過商戶就須於先繳付3.99%手續費先可以收到交易款項。

WhatsApp付款功能同PayMe付款有咩分別?

  • PayMe進行交易需要透過PayMe同WhatsApp兩個App先完成到交易,而WhatsApp付款功能就可以直接係對話內進行交易,甚至用作商戶消貴。會比較似WeChat Pay咁可以係對話的欄木上做轉賬。

WhatsApp付款功能是否需要手續費?

  • 暫時所見用戶交易無需手續費,實際係點都要睇到時推出時會點運作。
» Read more

【Asia Miles漏洞級別票】CX+Partner Airlines「假單程大法」換無上限距離票

Asia Miles換歐洲 美國 假單程

【Asia Miles漏洞級別票】CX+Partner Airlines運用無上限距離換「假單程票」

(Update: Asia Miles換機票stopover只能於24小時內會係2020年4月1日起生效,到時無得再用假單程出停留超過24小時的機票)

我諗大家都知Asia Miles新表格係超長途i.e. 7,501+英哩係無上限距離,唔知點解睇返下面解釋。條款寫咗返香港係唔得但無講過換近香港嘅地方唔得喎!咁又轉一轉思維模式,不如去完英國再搭返飛機去日本/韓國/泰國/中國,再自己補程短途單程?無錯,已確認咁樣係做到,有係我facebook留言嘅朋友應該已經知道。呢個就係我介紹嘅新制新概念「假單程大法」,Econ 57,000 Asia Miles已經出到來回London仲停多咗個亞洲城市,90,000 AM出假單程Business,135,000 AM出假單程First。以下係「Asia Miles混合艙及計算器」文章上抽出「假單程大法」同大家分享一下,混合票詳細教學請你去→Asia Miles混合艙篇文章啦!

 

(Update: 2020年3月23日出票)

咁嘅環境其實都無乜心情plan搭咩飛機,不過再唔換4月1日起就無得再玩假單程停留起過24小時(遊機河的話理論上仲可以)…所以我都出咗條期票係下年三月…到時真係飛唔到Asia Miles退票成本都係12,000里或US$120,會退返所有里數及稅及燃油附加費

現時可以直接Asia Miles網上兌換多航段行程,搵完位就出其實好簡單。

asia miles假單程

***唔識計假單程混合艙要幾多里數可以睇→ 里先生Asia Miles計算機 (例子如下,要學原理就睇文章下部)


asia miles換機票 新表格

(假單程大法英國econ)單程變來回,利用partner airlines chart飛英國

  • HKG-LHR, LHR-NRT (CX Econ+BA Econ, 47,000 AM)
  • NRT-HKG (CX Econ, 10,000 AM)
  • 以上係用2條單程票出,57,000 AM!再係日本返香港先自己駁返條單程票搭返Econ由東京返香港!
  • (原理)HKG-LHR距離5,994mi,LHR-NRT 5,974mi,因為7,501+英哩距離上限無封頂,CX Econ+ BA Econ可以用47,000 Asia Miles出到,關鍵在於LHR回港時用BA飛一個近D既地方可以用好少里數換到返香港(以上例子: 日本東京,更多例子看以下)
  • (注意)
>>於新分頁打開全文 “【Asia Miles漏洞級別票】CX+Partner Airlines「假單程大法」換無上限距離票” » Read more

【額外高達50% Avios】活用購買Avios及現金加Avios offer特性 折扣入手國泰商務艙CX Business class

【額外高達50% Avios】活用購買Avios及現金加Avios offer特性 折扣入手國泰商務艙CX Business class

善用Avios買分及現金加Avios換機票特性 低成本買CX Business class

又有購買Avios嘅額外bonus活動喇!今次做高達額外50% bonus,計返個成本唔係特別平。不過如果你搵到位又唔係好夠Avios的話可以襯住呢個機會補返下都得。我嘅建議係最好搵到啱心水嘅機票先好入手。

我寫過比較Asia Miles vs Avios特性 要購買Avios成本相對會低D,里先生都係拎返先前寫過既例子解釋一下點樣活用Avios買分,同埋Avios加現金嘅玩法點樣可以用最低成本買到國泰嘅business機票(全現金支付或稱「Avios假換票」)。有圖解,唔算好複雜,想玩Avios或者鐘意坐business嘅可以睇睇啱唔啱你。如果未有Avios account,可以睇返Avios教學開返個先,再賺一次Avios先有資格買Avios。

買Avios 高達50% bonus活動詳情

  • 購買活動→官方網址(需登入)
  • 活動時間: 於2022年7月10日前買Avios會有 50% bonus
  • 每年可至少購買1,000 Avios﹐上限為200,000 Avios﹐
  • 每Avios成本計算見下表(未考慮信用卡回贈)

50% bonus購買Avios成本

**匯率: US$1=HK$7.9
Buy_AviosHK$_Per_AVUS$[email protected]
1,500 0.279153419
3,000 0.210780632
4,500 0.1896108853
6,000 0.1778135 1,067
7,500 0.1717163 1,288
9,000 0.1668190 1,501
12,000 0.1613245 1,936
15,000 0.1580300 2,370
22,500 0.1538438 3,460
30,000 0.1514575 4,543
37,500
>>於新分頁打開全文 “【額外高達50% Avios】活用購買Avios及現金加Avios offer特性 折扣入手國泰商務艙CX Business class” » Read more
1 2 3 4 5 6