CCB Eye Card 建行信用卡迎新及基本積分 主力網購/超市/PayMe Asia Miles $3=1里

建行eye

CCB Eye Card 網購/超市/PayMe信用卡迎新及基本積分

CCB建行亞洲算係中資銀行入面最進取做Asia Miles飛行里數嘅銀行,而且呢張CCB Eye Card做到網上購物,Visa Paywave付款或”chok” PayMe積分計返有成$3=1里! 正正有呢個優點,呢張係儲Asia Miles卡嘅組合信用卡之一! 就現時所知為止PayMe仲有$3=1里Asia Miles!(里先生打過電話問客服話PayMe無積分但實測過係仍然有架!!下面有實測圖)(PayMe點玩可以睇返→PayMe攻略)不過小心,佢一年簽$75,000網上購物,PayMe或Visa Paywave就爆架喇,爆左就唔好用佢因為會變返做$15=1里。不過呢張卡衰在轉里數有手續費…!

迎新方面,首三個月合資格簽賬滿HK$4,000,即享HK$250現金回贈或Hithot 20 吋行李箱。而家經網上銀行申請更額外多HK$100超市現金券。


建行CCB Eye信用卡分析三步曲


CCB Eye建行信用卡迎新/年薪/年費

CCB Eye建行信用卡迎新$250現金回贈或Hithot行李箱

  • 6個月內並未持有任何建行(亞洲)信用卡
  • 首三個月內簽賬滿HK$4,000或以上,
  • 可享HK$250現金回贈或
  • Hithot 20吋行李箱
  • 經網上申請享額外HK$100超市禮券

CCB Eye 建行信用卡年薪要求及年費

  • $150,000 (平均每月$12,500)
  • 點款上無寫年費資料,打電話去問話暫時免的

建銀信用卡合資格簽賬

  • 已入賬之交易
  • 交稅繳費都計迎新
  • 條款寫到明手機過數應用程式轉賬或付款之交易為不合格(PayMe迎新唔得,但日常暫時仲有$3=1里)
CCB Eye card application

申請時順便登記埋賞即飛天地,唔洗到時又搞咁麻煩


CCB Eye Card優點缺點及基本資料

建設銀行Eye卡優點

  • 真心抵!chok PayMe /網上購物積分計返有$3=1里Asia Miles (每年上限$75,000)
  • 里先生打過去問客服話PayMe無積分,但實測過仲有積分…有時真係驗證少D都中伏…(好希望如果同路人發覺我有野錯/唔update可以facebook message溫馨提示下我…有時真係睇term or打熱線不如實踐)
  • PayWave付款 $3 = 1里!
  • 交稅繳費都計迎新
  • 可以自訂信用卡卡面,呢樣野都幾得意

“Chok” PayMe積分里數

>>於新分頁打開全文 “CCB Eye Card 建行信用卡迎新及基本積分 主力網購/超市/PayMe Asia Miles $3=1里” » 按入查看更多...

【國泰 PayPal優惠】以PayPal付款有額外2,500 Asia Miles

國泰paypal優惠

【國泰 PayPal優惠】以PayPal付款有額外2,500 Asia Miles

繼上個月國泰Visa訂機票優惠,今個月又再有新優惠。只要以PayPal於官網付款訂機票滿HK$2,500,即可賺取額外2,500里 Asia Miles。活動優惠期至8月21日,出發日期至10月31日。如果呢排要訂票就記得用PayPal喇!PayPal開戶→PayPal教學

國泰 PayPal優惠詳情

  • 於香港購買及出發之來回機票
  • 旅遊日期:2019年8月1日至2019年10月31日
  • 訂票日期:2019年8月1日至2019年8月21日
  • 必須於國泰航空網站www.cathaypacific.com/hk購買
  • 以PayPal 香港帳戶,並以港幣付款;
  • 最低交易金額為 HK$2,500;及
  • 會員須於國泰航空網站訂購機票時,輸入符合資格之「亞洲萬里通」會員號碼及姓名。

活動→官網

國泰 PayPal優惠條款

  1. 「亞洲萬里通」會員購買機票時符合以下條款,將有資格賺取2,500「亞洲萬里通」里數(「優惠」):
    • 於香港購買及出發之來回機票,旅遊日期為2019年8月1日至2019年10月31日,包括首尾兩日(「旅遊日期」);
    • 必須於國泰航空網站www.cathaypacific.com/hk購買(「國泰航空網站」);
    • 以PayPal 香港帳戶,並以港幣付款;
    • 最低交易金額為 HK$2,500;及
    • 只適用於居住在香港之現有「亞洲萬里通」會員(「會員」),並持有 PayPal 香港帳戶。會員須於國泰航空網站訂購機票時,輸入符合資格之「亞洲萬里通」會員號碼及姓名。
  2. 居住地乃根據會員於「亞洲萬里通」登記的居住國家/地區而定。
  3. 此優惠須於2019年8月1日(上午0時0分)至8月21日(下午11時59分)預訂,包括首尾兩日並以香港時間為準,並於指定旅遊日期往返(根據以上定義)。
  4. 款項,包括訂金(如適用)必須於國泰航空網站www.cathaypacific.com/hk以 PayPal 付款。無論該款項是訂金或預繳金額,每次訂購只可享用一次優惠。
  5. 此優惠不適用於缺口行程、套票及透過國泰航空手機應用程式或其他方式預訂之機票。
  6. 優惠不能兌換現金、其他貨品或折扣,亦不得轉讓。
  7. 優惠設有限額,只有1,200個名 額。先到先得,額滿即止。
  8. 此優惠視供應情況而定,並須受其他國泰航空及「亞洲萬里通」條款及細則約束。
  9. 此優惠將於指定旅遊日期結束後起計6至8星期內,存入會員的「亞洲萬里通」賬戶。
  10. 國泰航空保留隨時暫停、更改及修訂本條款及細則之權利,而毋須另行通知及負上任何責任。
  11. 此優惠不可與其他優惠推廣或折扣一同使用(除特別聲明外)。
  12. 如有任何爭議,國泰航空擁有最終及具約束力之決定權。
  13. 若此等條款及細則的中、英文版本有任何差異,一概以英文為準。
» 按入查看更多...

【Asia Miles折扣換機票】隨里起飛!渣打亞洲萬里通萬事達卡優先以里數兌換8折歐美機票

AsiaMiles_亞洲萬里通_8折歐美機票

【Asia Miles折扣換機票】隨里起飛!渣打亞洲萬里通萬事達卡優先以里數兌換8折歐美機票

好耐無見Asia Miles有折扣換機票優惠喇!今次「隨里起飛」有得以里數兌換8折歐美機票,可以直飛美國包括洛杉磯, 三藩市(來回只需48,000里數)及紐約(來回只需67,200里數)等地及歐洲熱門旅遊目的地包括蘇黎世, 法蘭克福及阿姆斯特丹(來回只需48,000里數)等等。長途機做8折優惠可以慳番唔少里數,而家用埋渣打亞洲萬里通萬事達卡/AE CX Elite可以係標準兌換期前兩日(即係2019年7月30日)去番指定網站連結優先以8折兌換飛行獎勵,睇啱就優先換咗先啦,廢事到時到標準兌換期先發現無哂位換唔到就蝕喇。


Asia Miles折扣換機票詳情

  • 優先*兌換日期:2019年7月30日至31日
  • 標準兌換日期:2019年8月1日至26日
  • 適用類別:單程/來回經濟客艙機票
  • 每個目的地有不同出發日期期限,一般係2019年10月至11日期間
  • 兌換機票→連結

*馬可孛羅會會員或國泰航空聯營信用卡主卡或渣打亞洲萬里通聯營信用卡持有人

單程機票所需里數及目的地

  • 24,000里數(30,000里數8折後):蘇黎世法蘭克阿姆斯特丹都柏林洛杉磯三藩市西雅圖
  • 33,600里數(42,000里數8折後);波士頓, 紐約(紐瓦克), 華盛頓

機票以先到先得形式兌換。優惠由亞洲萬里通有限公司提供,並須受條款及細則約束。借定唔借?還得到先好借!

條款及細則

此折扣優惠須於網上預訂。透過「亞洲萬里通」/馬可孛羅會會員服務熱線或香港國際機場內之馬可孛羅會及「亞洲萬里通」櫃枱預訂將不可獲享任何推廣折扣優惠。

此折扣優惠適用於單程及來回標經濟客艙標準賞

此折扣優惠不適用於候補機位。

除特別註明外,獎勵機票必須於2019年8月1日至26日兌換及簽發,包括首尾兩天。
以下會員可於2019年7月29日及30日起開始兌換:
2019年7月29日至31日- 持有國泰航空聯營信用卡之馬可孛羅會銀卡及以上級別的會員。
2019年7月30日至31日- 馬可孛羅會會員或國泰航空聯營信用卡主卡或「亞洲萬里通」聯營信用卡持有人。

有關此推廣折扣優惠,如有任何更改,如重新預訂機票或補發機票,必須於2019年7月29日至2019年8月26日之兌換期內處理。如欲在兌換期外重新預訂或補發未經使用的奬勵機票,須補回基本的「亞洲萬里通」里數。會員亦可於兌換期內或以外退款,並須繳付服務費。

» 按入查看更多...

PayMe信用卡chok里數積分回贈賺機票教學+信用卡積分比較表2019 | 7月起可用FPS

payme 積分 信用卡

PayMe信用卡chok里數積分回贈賺機票教學 | 信用卡積分比較表2019

PayMe信用卡chok積分里數回贈logic: 「信用卡→PayMe戶口→任何銀行戶口→信用卡」就係咁簡單,信用卡增值至PayMe係當作日常簽賬有積分而唔係現金透支,完全無需手續費利息

(2019年7月29日update: PayMe信用卡增值上限將下調至HK$2,000) 越來越多人PayMe P2P電子錢包過數,除左方便日常生活食飯AA收錢之餘仲可以用PayMe 儲信用卡積分(無成本!無錯就係Pay me, pay myself)換飛行里數或現金回贈。善用payme儲分是合法的。未識PayMe點用呢篇文章就快速話你知!

成個玩法係每月一次禁幾個制用爆增值上限$5,000 Top-up(真係禁幾個制,以下有圖解!→橙色框) 用Citi PremierMiles「chok」payme都計迎新,或者Citi Cash Back 都係可以payme食迎新賺>$1,100!點解叫無成本?因為電子錢包PayMe轉賬可以隨時過返錢去你個銀行戶口而又無手續費架!以下為你一一拆解點樣用Payme chok積分,善用信用卡及PayMe年年有免費機票!係解釋點玩之前首先睇以下常用里數信用卡積分表格!如果想睇點轉換PayMe信用卡請到→PayMe轉換信用卡圖解

除咗PayMe,Wechat Pay同支付寶HK都可以無成本chok里數,如果PayMe已經再滿足唔到你就快D玩呢其他電子錢包啦!

PayMe信用卡里數回贈比較表

  • AM – 每幾多$簽賬有1 Asia Miles 亞洲萬里通 (“-“代表無分)
  • AV – 每幾多$簽賬有1 Avios 英航里數 (“-“代表無分)
  • 回贈 – 現金回贈信用卡回贈%
  • Fee – 積分換飛行里數手續費
  • 年費 – 相關信用卡嘅年費(免代表最少免首年,其後打電話能waive)
  • 申請網址/詳情/年薪請按入信用卡名稱
信用卡AMAV回贈Fee年費
>>於新分頁打開全文 “PayMe信用卡chok里數積分回贈賺機票教學+信用卡積分比較表2019 | 7月起可用FPS” » 按入查看更多...

【Asia Miles換德國/瑞士】7月17日起可兌換往來法蘭克褔/慕尼黑(德國漢莎航空)及蘇黎世(瑞士國際航空)之航班

asia miles換德國 慕尼黑 法蘭克福

【Asia Miles換德國/瑞士】7月17日起可兌換往來法蘭克褔/慕尼黑(德國漢莎航空)及蘇黎世(瑞士國際航空)之航班

正啊!由2019年7月17日起,Asia Miles可以兌換到更多德國航點!本身德國對於Asia Miles嚟講係一個唔太好換嘅國家因為漢莎航空為星空聯盟(Star Alliance)而非國泰所在之寰宇一家(oneworld)。不過德國漢莎航空集團本身同Asia Miles之間都係合作航空夥伴嚟所以某啲航點都可以用Asia Miles作兌換。

但就著新簽訂的共享代碼(code share)協議,國泰的航班代碼CX將附加於漢莎航空營運的香港-法蘭克福及香港-慕尼黑航班,以及由瑞士航空營運的香港-蘇黎世航班。與此同時,漢莎航空代碼LH將附加於國泰航空香港-法蘭克福航班CX288/289,而瑞航代碼LX亦將附加於國泰航空香港-蘇黎世航班CX382/383。而就著新協議乘搭以上航班可以累積Asia Miles及可以以Asia Miles兌換以上航班!Asia Miles的網頁上都寫咗出嚟喇!但留意漢莎航空及瑞士航空並不是Asia Miles網上兌換機票可以換到的航空公司,所以要搵呢2間嘅票仍然要乖乖打電話囉!

Asia Miles換德國/瑞士之航點

香港

  • 香港-法蘭克褔(FRA) (漢莎/國泰執飛)
  • 香港-慕尼黑(MUC) (漢莎執飛)
  • 香港-蘇黎世(ZRH) (瑞航/國泰執飛)

其他

  • (漢莎) 往來法蘭克褔及柏林、布魯賽爾、布達佩斯、德累斯登、漢堡、漢諾威、慕尼黑、紐倫堡、奧斯陸、斯圖加特
  • (瑞航) 往來蘇黎世及柏林、布魯塞爾、佛羅倫斯、日內瓦、漢堡、斯圖加特、威尼斯
Asia Miles換德國漢莎航空

Asia Miles換德國漢莎航空

asia miles兌換瑞士國際航空

Asia Miles兌換瑞士國際航空

Asia Miles可兌換德國漢莎航空之艙位

  • 商務客艙
  • 特選經濟客艙
  • 經濟客艙

Asia Miles可兌換瑞士國際航空之艙位

  • 頭等客艙
  • 商務客艙
  • 經濟客艙

可以換頭等艙?講係咁講…不過人地放唔放位係另一回事…嗯。再試下睇下

Asia Miles假單程換德國?混合艙?2航段單程票

理論上假單程及混合艙兌換仍然可以用,但留意因為你從香港出發的話坐漢莎去到法蘭克褔但你沒有法子可以兌換回程到亞洲除香港以外的地方。所以香港-德國-亞洲的假單程就無航點可用但你如果由德國或歐洲出發就可以換出德國-香港-歐洲的假單程票。

至於混合航及2航段單程票,並沒有特別條款去阻止你咁換,按返基本概念計劃再打電話去出票就好了。

P.S.: 里先生Asia Miles計算機未更新HKG-MUC的航段,請稍等

» 按入查看更多...

【入油賺Asia Miles】去Shell入油賺額外里數 一簽多賺仲平過HK$1=1里

【入油賺Asia Miles】Shell Bonus 咭會員積分計劃登記兌換Asia Miles方法

  • 首先你要係Shell Bonus咭會員,未係就快啲申請番啦,最方便係去Shell油站申請並即時攞返張實體咭
  • 於→Shell網站登記成為會員完成登記
  • 成功登記後,憑Shell Bonus咭累積消費指定金額,賺取積分兌換里數
  • Bonus分計法:
    ✅($3/里) Shell V-Power HK$1=1.25分,入HK$1,200=1,500分(相等於400里)
    ✅($3/里) Shell Helix Ultra機油都係HK$1=1.25分
    ✅($3.75/里) Shell FuelSave汽油同柴油HK$1=1分,入HK$1,500=1,500分(相等於400里)

Asia Miles x Shell→ 官網詳情

(已完)Shell V-Power賺額外里數 一簽多賺仲平過HK$1=1里

Shell Asia Miles 入油賺里數

車主福音呀!!!而家去Shell入油可以賺額外Asia Miles,幫大家走更多里,發現更多。今年一開始,Shell就同Asia Miles 推出咗個重磅優惠,即日起至3月31日前, Bonus咭會員只要登記參加推廣,入Shell V-Power累積每HK$600就可額外獲得400里Asia Miles,連埋Shell Bonus咭會員積分計劃的話,加加埋埋簽$1,200就有1,200里,啫係低至$1=1里啊!實行入得愈多,賺得愈多!

以上講呢部份都仲未計信用卡簽賺果部份里數,計埋計埋仲低過$1=1里,所以真係入油一簽兩賺

再者,如果你嗰張信用卡係美國運通白金信用卡仲正呀喂!因為而家去Shell用美國運通白金信用卡每$1簽賬仲可勁賺高達額外10積分添😊果到加埋Shell V-Power低至$1=1里嘅推廣,計返最低達至$0.48=1里啦!咁抵真係要嗱嗱聲衝去油站入爆一缸Shell V-Power啊!去Shell入油真係幫你賺盡里數去實現旅遊大計,唔怪得今次promo嘅主題係發掘更多#ThatNewMoment 。

「油」里無里,係Shell Bonus 咭會員就嗱嗱聲登記咗先→ https://www.shell.com.hk/zh_hk/motorists/loyalty-and-payment/shell-bonus-card-promotions/shell-bonus-points-hk.html

Shell Bonus 咭會員賺額外Asia Miles獎賞詳情

  • 即日起至3月31日,凡登記參加Shell V-Power X「亞洲萬里通」額外里數獎賞推廣嘅Bonus咭會員,累積消費以下產品滿HK$600,額外得400里:
    ✅Shell V-Power 汽油
    ✅Shell FuelSave 汽油
    ✅Shell FuelSave 柴油
    ✅Shell 超凡喜力全合成機油(4公升裝),包括0W、5W及Racing系列
>>於新分頁打開全文 “【入油賺Asia Miles】去Shell入油賺額外里數 一簽多賺仲平過HK$1=1里” » 按入查看更多...

【Asia Miles買賣?里數價值?】Citibank可以買Asia Miles|成本HK$0.09=1 Asia Miles

asia miles買賣 里數價值

【Asia Miles買賣?里數價值?】Citibank可以買Asia Miles|成本HK$0.09=1 Asia Miles

啱啱收Citi Rewards嘅特選郵件,Citibank對特選客戶有promotion做「Asia Miles買賣」。點解咁講?玩法同去年Citi PrestigeCiti PremierMiles信用卡持有人相似,不過今次中選嘅係Citi Rewards信用卡,今次可以用HK$1,800買20,000 Asia Miles (300,000積分,15:1),計返HK$0.09=1 Asia Miles(未計Citi Rewards兌換miles手續費)。上年最高可以HK$40,000購買3,840,000積分,以Citi信用卡兌換里數比率12積分=1 Asia Miles計啫係可以換到320,000 Asia Miles,計返啫係$0.125=1 Asia Miles。如果你中選決定買唔買之前,計一計你對Miles嘅價值先。

Asia Miles價值?用值與獲取價值

HK$0.09抵唔抵買?我唔敢講,每個人去value Asia Miles價值都唔同,先講Use Value (用值) 高級玩家去換First Class玩假單程或是用oneworld chart換機票都可以提升到里數價值,反之如果你打算拎Asia Miles換台北Econ來回機票的話我建議你不如自己儲Avios換/真金白銀去買張返嚟仲實際,再複雜啲考慮埋經濟學概念Diminishing Marginal Use Value,我越多里數係手獲取里數嘅MUV越低。不過現時開放埋Asia Miles網上兌換多城市行程,Asia Miles可以算係容易用咗。

從另一角度講,Acquired Value 獲取價值,唔同信用卡/銀行product獲取里數成本都唔同,做下定期可能有$0.1=1 Asia Miles而簽卡拎里數嘅成本都係HK$0.1-HK$0.13左右,當然個局限就係無買里數咁來得直接。Asia Miles官方其實都有補錢買里數,成本大概HK$0.234=1 Asia Miles左右。

一般可以真金白銀直接「買」Asia Miles嘅途徑好少,Asia Miles係呢方面都幾嚴格執行,反之購買Avios容易好多而且經常有bonus。對於Citibank賣里數有咁嘅offer我就覺得幾好,我指嘅好唔係佢貴定平,而係俾多咗個選擇俾信用卡持有人。

是次Citibank賣Asia Miles詳情

>>於新分頁打開全文 “【Asia Miles買賣?里數價值?】Citibank可以買Asia Miles|成本HK$0.09=1 Asia Miles” » 按入查看更多...

Asia Miles會員專機換泰國曼谷 8月30日/9月4日2班往來機+送旅遊體驗/租車!

asia miles專機 泰國曼谷 chartered flight CX

Asia Miles會員專機換泰國曼谷 8月30日/9月4日2班往來機+送旅遊體驗/租車!

Asia Miles又再搞Asia Miles專機活動啊,6月份先搞完北海道專機都有少少估唔到咁快又有下一班會員專機活動。今次8月30日/9月4日來回曼谷! 持有美國運通國泰航空尊尚信用卡(香港)、美國運通國泰航空信用卡(香港) 、渣打亞洲萬里通萬事達卡(香港)可於2019年7月8日至7月10日開始兌換。今次如果兌換會員專機的話仲有加送旅遊體驗添啊!啫係搭飛機送SPA/食返餐/免費租車!都幾有心思真係要讚一讚。

啱啱check過business又真係仲有好多位,用A330-300全部Business都係真J(flat bed)!留意條款話到時機上會影相,條款咁寫「參加者均同意主辦機構保留活動中所有照片及影片作日後於全球的廣告及宣傳品之用途及使用權利,包括但不限於互聯網和社交平台。」

因為已經有Asia Miles網上兌換多航段票,我check過如果想出Asia Miles 30000里換2個tripsAsia Miles混合票拉低Business Class需要里數,就住呢幾班專機係做唔到。

  • CX8653/1200 – 1400 (當地時間),2019年8月30日由香港前往曼谷。(有得搶免費旅遊體驗)
  • CX8054/1500 – 1850 (當地時間), 2019年8月30日由曼谷前往香港。
  • CX8669/1315 – 1520 (當地時間),2019年9月4日由香港前往曼谷。
  • CX8656/1620 – 2030 (當地時間), 2019年9月4日由曼谷前往香港。(有得搶免費旅遊體驗)

Asia Miles專機活動官網及預訂網址連結

asia miles專機 泰國曼谷

Asia Miles專機 泰國曼谷(business)

asia miles專機 泰國曼谷(Econ)

Asia Miles專機 泰國曼谷(Econ)

Asia Miles專機 A330 商務座位

Asia Miles專機 A330 商務座位

Asia Miles專機加送免費旅遊體驗

  • 旅遊體驗包括Wang Hinghoi名廚饗宴體驗/Divana Nurture spa體驗 (Spa Chanti)/Baipai 泰菜烹飪教室/曼谷LINE Village/曼谷及芭堤雅HarborLand/免費3天HERTZ泰國租車…等等
  • 於2019年7月17日或之前已兌換於2019年8月30日由香港飛往曼谷(CX8653),或於2019年9月4日由曼谷飛往香港(CX8656)會員專機航班之會員,可合資格登記免費旅遊體驗
  • 免費旅遊體驗數量有限,以先登記先得形式作分配,送完即止。每位會員只限分配1份免費旅遊體驗。
  • 邀請登記電郵將於2019年7月22日發送至合資格之會員。
  • 會員不論分配成功與否,均會收到電郵通知。電郵通知將於2019年8月7日發送至會員。如有任何未分配的免費旅遊體驗配額,第二輪電郵通知將於2019年8月20日發送至合資格之會員。

條款及細則

  • 此推廣活動適用於所有「亞洲萬里通」會員、馬可孛羅會會員及「兌換名單」成員。
>>於新分頁打開全文 “Asia Miles會員專機換泰國曼谷 8月30日/9月4日2班往來機+送旅遊體驗/租車!” » 按入查看更多...

【Asia Miles食飯賺里數】「美食加落里」邊食邊賺額外12,500里

2019_美食加落里_里數

【Asia Miles食飯賺里數】「美食加落里」邊食邊賺額外12,500里

平時出街食飯多既朋友留意!Asia Miles食飯優惠「美食加落里」又黎啦。只要逢星期一去「亞洲萬里通」指定350間餐廳消費可享HK$1=1里,簽賬滿HK$2,000、HK$5,000或HK$8,000或以上更可享額外里數。想賺里數既話,最好就約埋三五知己星期一飯聚啦!另外,係任何賺里數既餐廳食滿4次或以上仲賺多額外500里,識得玩既記得用埋「亞洲萬里通」或國泰航空聯營信用卡(包括有渣打AM卡AE CX Elite)簽賬食埋何一簽兩賺。舉個例用渣打AM卡係食肆一共簽左HK$8,000並係里數餐廳食滿4次可得14,500里(基本里數HK$4/里=2,000里,加優惠HK$1/里=8,000里,加額外4,500里)。今次優惠分左兩個階段,分別係即日至6月30日及7月1日至31日,兩個階段賺盡既話可得29,000里。如果驚啲里數計得唔清楚既話仲可以下載「亞洲萬里通」App,隨時睇到自己累積左幾多里數啦!

Asia Miles食飯賺里數「美食加落里」玩法詳情

第一階段:2019年6月1日至6月30日
第二階段:2019年7月1日至7月31日

  • 首先要有成為Asia Miles會員
  • 星期一於Asia Miles指定餐廳消費HK$1=1里
  • 其他日子於Asia Miles指定餐廳消費HK$2=1里
  • 累積消費滿HK$2,000即送額外500里
  • 累積消費滿HK$5,000即送額外1500里
  • 累積消費滿HK$8,000即送額外2000里
  • 任何賺里餐廳食滿4次或以上,額外賺500里
  • 憑「亞洲萬里通」或國泰航空聯營信用卡簽賬一簽兩賺
    包括:渣打AM卡AE CX Elite
  • 下載「亞洲萬里通」App可以隨時睇到自己累積左幾多里數

指定「亞洲萬里通」餐廳

條款及細則

會員於夥伴餐廳用膳時,必須達至最低消費額HKD300,方可賺取里數;而會員每次可賺取里數之消費額亦設有上限為 HKD10,000。

會員須於要求結賬及付款時出示印有「亞洲萬里通」會員號碼的會員卡、「亞洲萬里通」/ OpenRice App上的QR code、聯名信用卡或手機電子會員卡,方可累積里數。

於節日期間,惠顧特定推廣套餐或不可賺取「亞洲萬里通」里數。請預先向個別餐廳夥伴查詢。

額外「亞洲萬里通」里數將於惠顧美膳後4-8星期內存入會員賬戶。

Asia Miles食飯賺里數星期一$1/里+6月美食加落里

里先生到莆田分享~~

» 按入查看更多...

Asia Miles新制混合艙/假單程玩法!47,000 Asia Miles換歐洲美國+混合艙位所需里數計算器

asia miles換機票 混合艙 歐洲 美國

Asia Miles換機票混合艙新制玩法!歐洲美國特別抵!混合艙位所需里數計算器

Asia Miles用假單程於早前已討論過可以點玩,不過先前多數用到英航但Asia Miles剛剛改咗條款係2018年11月起就可以日航JAL可直接兌換單程,所以現時用Asia Miles換美國/歐洲嘅超長途行程就方便得多又可以慳到里數。以下包括咗兩個重要換機票概念(1) 利用無上限距離換取「亞洲-歐洲或美國-亞洲」行程,(2) Asia Miles新制下既混合艙位(啫係一程坐Business+一程Econ咁)點樣可以用更低里數嚟出機票。先介紹咗幾條著數行程之後再解釋條款/教學,用呢招Asia Miles換歐洲/美國特別抵。最重要明白個換機票原理係「用里數買距離」,有個simple calculator去計算係混合艙位(mixed cabin)需要嘅里數。再分享幾條我覺得慳到里數會被採用而貼地D既行程。

***唔識計假單程混合艙要幾多里數可以睇→ 里先生Asia Miles計算機 (例子如下,要學原理就睇文章下部)

其他: Asia Miles新制兩航段票free stopover慳里數例子

asia miles換機票 新表格


Asia Miles混合艙/Partner Airlines換機票教學索引(按入向下彈)

其他新制文章(會轉到另一篇文):


Asia Miles換機票教學-運用日航JAL組合假單程行程

以下先睇例子,要明白個概念就睇落去了解乜野叫「無上限距離」再搞清楚個logic。

(假單程JL-美國紐約business)單程變來回,先到美國

  • HKG-JFK, JFK-NRT (CX Business+JL Business, 90,000 AM)
  • NRT-HKG (CX Econ, 10,000 AM)
  • 以上係用2條單程票出,共100,000 AM
  • (原理)HKG-JFK距離8,076mi,JFK-NRT 6,745mi,因為7,501+英哩距離上限無封頂,CX Business+ JL
>>於新分頁打開全文 “Asia Miles新制混合艙/假單程玩法!47,000 Asia Miles換歐洲美國+混合艙位所需里數計算器” » 按入查看更多...
1 2 3 4 5 7