【里賞航班】20個城市 提供超過45,000個里數機位任換!札幌、首爾、東京、曼谷、名古屋、大阪等熱門城市

國泰里賞航班 里數機位

國泰Asia Miles改表前最後一波里賞航班狂放里數兌換位!國泰「里賞航班」今日7月13日(Thu)下晝12點就開放兌換啦!但留意今次只係得經濟及特選經濟位可以換,頭等位、商務位係無開放架~~!

仲差少少先儲夠里數換機票?大家平時日常簽賬多啲用里數信用卡絕對幫到手。要里數即時到賬就用HSBC信用卡啦!今期HSBC RC換過去仲有Asia Miles bonus可以換過去多10%!

要幫朋友出機票?咁要識用 Asia Miles兌換名單 幫朋友親人/換里數機票

國泰里賞航班20航點包括:

第一階段里賞航班

  • 兌換日期:2023年7月13日中午12時起(香港時間)至8月11日下午6時 (香港時間)
  • 兌換航點:宿霧、成都、重慶、福岡、河內、胡志明市、高雄、吉隆坡、馬尼拉、檳城、布吉(普吉島)、青島、札幌、首爾、東京(成田)、廈門及鄭州
  • 旅遊日期:2023年8月28日至9月23日*

官網詳情:https://flights.cathaypacific.com/zh_HK/cathay-miles-flight.html

第二階段 | 里賞航班新增航點

  • 兌換日期:2023年7月28日中午12時起(香港時間)至8月11日下午6時 (香港時間)
  • 兌換航點:[新增] 曼谷、名古屋、大阪、台北
  • 及所有第一階段仍可兌換航點
  • 旅遊日期:2023年8月28日至9月23日*

官網詳情:https://flights.cathaypacific.com/zh_HK/cathay-miles-flight.html

*詳細航班日期請參閲條款及細則

所有「標準獎勵」機票兌換名額有限,換完即止。

里賞航班兌換方法

  1. https://www.cathaypacific.com/cx/zh_HK/book-a-trip/redeem-flights/redeem-flight-awards.html
  2. 先登入國泰會員
  3. 再Search返你的心水航班
  4. 好似平時咁兌換就得,12點會放位

里賞航班精選推介

話就話係20個城市,不過我哋目標為本要換就揀返啲平時都唔易搵位既城市啦,以下先精選出嚟俾你先:

日本東京HKG-NRT

香港至東京成田(2023年9月4日至2023年9月17日期間)

  • CX526 (逢週一、週二和週三營運)
  • CX500 (逢週二、週三、週四和週日營運)

東京成田至香港(2023年9月7日至2023年9月20日期間)

  • CX527 (逢週三、週四和週五營運)
  • CX509 (逢週一、週二、週五和週六營運)

日本北海道札幌HKG-CTS

香港至札幌(2023年9月4日至2023年9月17日期間)

  • CX580 (逢週二和週四營運)

札幌至香港(2023年9月7日至2023年9月20日期間)

  • CX581 (逢週二和週六營運)

日本福岡HKG-FUK

香港至福岡(2023年9月4日至2023年9月17日期間)

  • CX588 (逢週一、週二、週四和週五營運)
  • CX512 (逢週三和週日營運)

福岡至香港(2023年9月7日至2023年9月20日期間)

  • CX589 (逢週一、週二、週四和週五營運)
  • CX513
>>於新分頁打開全文 “【里賞航班】20個城市 提供超過45,000個里數機位任換!札幌、首爾、東京、曼谷、名古屋、大阪等熱門城市” » Read more

【Asia Miles改表2023】國泰改表不改制!里數換機票加價減價都有 10月起調整!長途Econ減價 日本加價

asia miles改表 改制 新表格

國泰里數重大更新!今次國泰改表但不改制!要來的始終都要來,國泰啱啱公佈咗2大消息,里數換機票加價減價都有 10月起調整:

1. 會係9月份重新推出「國泰航空里賞航班」,仲話有超過45,000個座位可供兌換!

2023年7月13日12pm就可以開始預訂,大家快啲問咗身邊親朋好友9月去唔去到旅行喇!「國泰航空里賞航班」增加咗換到多人機票的機會。仲開咗超過20個熱門航點包括日本北海道札幌,東京、大阪、首爾、台北等指定地區目的地。

2. 將會於2023年10月1日更新「飛行獎勵換算表」(Flight Standard Award Chart)

Asia Miles Award Chart啫係我哋用Asia Miles換機票時需要用幾多里數。我見到個國泰個新Chart都幾surprised,唔係surprise佢上調 (需要里數有朝一日要調整其實都預咗,FYR對上一次調整係2018年),而係中長途地區Econ居然仲有得下調。如果2023年10月1日前的兌換全部都會跟返舊里數。Overall嚟講今次國泰表格調整有人會得益都有人會受損,都真係視乎你要求啲乜嘢,先講個Fact:

Asia Miles改表換票規則及換票方法上變動:

  • Asia Miles換機票的Transit及Stopover rules無變動,每單程仲係包1次24小時內的轉機
  • 仲可以每單程咁出票,你去程搭廉航UO,回程仲可以用里數換張Business Class返嚟
  • 換單程及來回票仲係主力用返online換票系統,夥伴航空公司仲可以換到
  • Asia Miles oneworld換環球機票兌換方法仍然保留,仲係有5個stopovers, 2個transit及2個open-jaw,但需要里數都有調整
【Asia Miles改表2023】國泰改表不改制!里數換機票加價減價都有 10月起調整!長途Econ減價 日本加價

Asia Miles 10月1日起新里數表格(及加價減價幅度)

asia miles需要里數 比較

Asia Miles新表及舊表

以下我哋先主力睇咗Asia Miles兌換國泰航班所需里數:

超短途(1-750哩距離)

  • 完全無變,例如台北、高雄、河內等Econ, Premium Econ及Business都完全不變,每單程7,500里仲飛到台北

短途(751-2,750哩距離)

  • 新表格分拆短途為兩個類別,類別1包括北京、吉隆坡、首爾、上海和新加坡等城市,類別2就包括日本、印尼、印度及尼泊爾等所有城市
  • 就短途類別1城市(如首爾,新加坡) Econ需要里數不變同為10,000里每單程,Premium Econ及Business就分別需要20,000里及28,000里
  • 就短途類別2城市(如東京,印尼峇里) Econ需要里數上調至12,500里每單程,Premium Econ及Business就分別需要23,000里及32,000里

中途(2,751-5,000哩距離)

  • 中途無拆分到咩類別1或2,本身呢個距離到達既城市常用啲既包括馬爾代夫馬累,澳洲悉尼、墨爾本或杜拜等
  • 新表格下飛中途如澳洲悉尼Econ需要里數為20,000里每單程,比起舊表下調咗
  • 飛中途Premium Econ及Business需要里數為38,000里及58,000里每單程,上調咗需要里數

長途(5,001-7,500哩)及超長途(7,501+哩)

  • 長途目的地多數為歐洲城市如倫敦,巴黎等,而美洲嘅長途有溫哥華、三藩市
  • 超長途目的地多數為美洲東岸如紐約、多倫多等
  • 如果你仲記得喺舊表有特別分拆出美加航線需要另外加里數,新表下簡化返夾返埋一齊嚟睇
  • 新表格下飛最大亮點就係長途及超長途Econ都下調,例如飛歐洲的話每單程需要27,000里,而飛美洲東岸需要38,000里,比起舊表都下調咗所需里數
  • 飛長途(歐洲倫敦為例)Premium Econ及Business需要里數為50,000里及84,000里每單程,上調咗需要里數
  • 飛超長途(美國紐約為例)Premium Econ及Business需要里數為75,000里及110,000里每單程,上調咗需要里數

整體嚟講,今次調整有加有減,專業玩家們嚟講就國泰無全面轉為Dynamic (浮動制,所需里數跟票價)就真係可以叫執返身彩。貼地啲嚟講我覺得是次調整fair enough,本身飛行距離長既地方(如札幌或峇里)或者求過於供既熱門艙位(如長途Business Class)上調咗12%-29%不等,但係中途,長途及超長途既Econ都有得下調需要里數,就以多倫多為例唔少朋友都成日要去探親都係搭Econ,現在每人每單程慳咗4,000里來回就慳返8,000里,有大有細4個人就慳咗8,000里*4=32,000里。

長途Business Class無錯係上調咗,但玩里數最梗要係有位換得到,先前一路都話難搵位換唔到既朋友,話唔定上調完之後仲會容易咗換到心水機票呢?是次調整唔算好誇張換Business Class升咗12%-29%相信仲有好多人負擔到,從另一角度可以視作為競爭方式改變咗,舊表下里數平但難搵位,新制下里數相對貴咗但可能易換咗,是好是壞真係未知數,我自己就幾可肯定國泰Asia Miles仲係我既主力里數計劃,因為係香港要儲Asia Miles真係多途徑容易儲到同埋我一直有留意住放位情況係感覺開關後放多咗位易換咗,承接返以上所講,今次既調整都真係視乎你要求啲乜嘢。

飛行距離區域經濟客艙特經客艙商務客艙頭等客艙
超短途
>>於新分頁打開全文 “【Asia Miles改表2023】國泰改表不改制!里數換機票加價減價都有 10月起調整!長途Econ減價 日本加價” » Read more

Asia Miles改機票:退票/改時間/更改航點及重新訂票手續費及方法(包括退稅及燃油附加費)

asia miles改機票 國泰 收費

2023年10月1日起Asia Miles改表 加價減價都有,如果你見你想出既票到時又會加里數你就快啲出咗先,可能到時即使要俾里數改機票都仲抵!如果想換Business Class就快啲係10月1日前出票!

突如其來嘅轉變預計唔到,當行程受阻時無辦法之下都要改機票,又或者退票。Asia Miles都有相關嘅安排。留意返可以改票嘅期限都係以出票日起計的一年內計算。如非CX機位,就要跟返該航空公司既政策。

國泰Asia Miles改機票方法:

  1. 即時對話出票→要先登入 CX官網(需login) search機票,係右下角有個交談icon,click落去就有對話框彈出嚟,建議用Desktop先好用呢個方法
  2. Cathay WhatsApp 2747 2747 聯絡國泰:https://wa.me/85227472747
  3. 睇booking online改: login國泰網去返「行程管理」到改 (只能改時間,不能改出發地或艙等) 連結
  4. 打客服電話:2747 3333

快速連結:按入向下彈


Asia Miles改機票:手續費及分類

國泰Asia Miles 2023起將改機票嘅收費改做劃一收費US$50 或 7,500里,要理解新收費有樣好重要嘅概念要知道:

新收費會以「每機票」per ticket計費,不再以每航段 per sector計費。新收費劃一費用: US$50/ 7,500 Asia Miles

*航段指每一程機,如HKG-TPE轉機TPE-NGO,咁可以理解作兩航段

Asia Miles改機票可以分為3種類別:

  1. Re-booking : 可以理解為改時間 (same itinerary, same airline),曾經飛過用過嘅票可以,可以,可以,做re-booking (費用: US$50/ 7,500 Asia Miles)
  2. Re-issue : 簡單啲睇,re-booking改唔到嘅就要用到re-issue改,留意曾經飛過用過嘅票不可以re-issue (費用: US$50/ 7,500 Asia Miles)
  3. Refund
>>於新分頁打開全文 “Asia Miles改機票:退票/改時間/更改航點及重新訂票手續費及方法(包括退稅及燃油附加費)” » Read more

里數換機票 Asia Miles vs Avios 里數兌換表 比較飛行里數計劃 一表睇晒!

里數換機票 Asia Miles vs Avios 里數兌換表

常用飛行里數計劃,常用機場代碼,常用目的地里程兌換表 一個Award Chart 一目了然!里數換機票無難度!國泰Asia Miles vs 英航Avios Miles

無論你係里數計劃新手老手,準備開始你的儲里數換機票或決定儲國泰Asia Miles 定係英航Avios Miles都應該清晰了解自己希望到達的目的地所需要的里數或哩程,再選擇一個最化算最抵最快可以去到你理想目的地嘅program!各個里數計劃其實各有特色,無一個program係有絕對優勢,所以更加要清楚每個地方嘅里數要求同每個program嘅特色特性,你有睇里先生PayMe 無成本chok里數攻略,再選啱program應該知道要儲里數換機票應該無你想像中咁難。以下準備左個綜合多個常到達目的地嘅機場代碼,Asia Miles vs Avios所需要miles嘅里數兌換表格(仲可以sorting and searching!)。以後plan行程或者搵返個airport code機場代碼,除左去官方要慢慢click嘅Asia Miles Award finder仲可以黎里先生呢到一表睇晒常用目的地既「Mr. Miles里數兌換表」,未識用英航官網搵返Asia Miles可以出到嘅機票同埋有幾多位?記得睇埋里先生嘅用英航系統搵Asia Miles機票圖解教學!想再深入D了解兩個計劃特性可以睇返→【懶人包】Asia Miles vs Avios好處壞處/特性/手續費/條款比較表

使用里數兌換表注意事項

  • CX Asia Miles以單程票「標準賞」計算,有一個FREE 轉機(transit) – (進階: 有10萬Asia Miles或以上抵玩5個stopovers→Oneworld換機票教學)
  • 英航BA Avios 里數只可以出到點對點來回或open jaw,無額外stopover或transit,下表只顯示以直航到達需要里數,如超過1個airline partner需要里數會倍增(如要轉機可分開2程單程解決)
  • 禁表格頂的箭咀可以sorting到數字
  • 因為資料太多…用Desktop版睇會好好多(mobile版可以左右flip/移動)

Asia Miles vs Avios 里數兌換表比較

  • 距離以英里(miles)表達,為單程由香港出發距離
  • 以千位數表達 - AM=Asia Miles/ AV=Avios
Destination
目的地
Code
代碼
Dist.
距離
AM
Y
AV
Y
>>於新分頁打開全文 “里數換機票 Asia Miles vs Avios 里數兌換表 比較飛行里數計劃 一表睇晒!”

» Read more

【Avios教學】申請英國航空BA戶口+Avios換機票教學+household account 全家庭帳戶儲里數全圖解+幫人出機票 家人朋友通用+Avios信用卡

avios換機票教學 註冊申請 household account

Avios 教學 申請英航executive club+Avios換機票教學+household account全家庭帳戶全圖解+幫人出機票 家人朋友通用+Avios信用卡

(除咗BA Avios,仲有Qatar Avios換機票教學可以睇,因為可以1:1互換咁邊間抵就用邊間換,仲要Qatar Avios換機票免燃油附加費)

里先生相信絕大部份香港人最先接觸嘅飛行里數計劃都係國泰嘅Asia Miles亞洲萬里通,英航Executive club Avios就真係無咁大眾化,都唔好話知道可以用Avios換國泰機票,好處有Household account家庭帳戶可以全家一齊儲里數(全家桶), cash+avios換機票, “Avios假換票”低成本買CX Business, (60+航點需要里數兌換清單→里數兌換表)babababa….,無他嘅,香港始終都係國泰(Asia Miles母公司)主場,而且香港最多信用卡最多途徑儲到嘅里數計劃都係Asia Miles,Avios信用卡相對較少,加埋渣打搵天后Sammi推一推,俾多方面媒體洗完腦嘅里數新手都好難無一個概念係「飛行里數=Asia Miles=渣打」。

里先生今次嘅Avios教學可以作為參考睇Asia Miles oneworld partners機票位(而Asia Miles換位系統又睇唔到e.g. 美國航空),啫係英國航空嘅飛行里數計劃,又名British Airways Executive Club,BA叫佢地自家嘅里數做Avios,我都唔知點解改個咁嘅名,就字面上嘅意思睇完都聯想唔到飛行里數(可能呢個係少人識佢嘅原因掛?)。Anyway, 里先先嘅建議係要活用免費工具,就算你唔打算儲英航Avios但係都要識用英航網站黎搵Asia Miles可以出到屬於CX同一個airline聯盟(oneworld)嘅機票(同樣道理可以Avios換國泰機票)!想再深入D了解可以睇返→Asia Miles vs Avios好處壞處/條款/需注意條款比較表

如果唔係玩Asia Miles oneworld表格兌換5個stopovers或者唔識得用Asia Miles 30000里兌換2個trips,儲返啲Avios換英國機票絕對抵玩。

Avios到期?咩係Card Expiry Date

最近大家都少用又少賺咗Avios,唔知有無突然擔心起嚟啲Avios會唔會過期。最近收多咗PM都見讀者問我Avios幾耐要過期,事緣係login英航App後會見到個「Card Expiry Date」就快到。

avios card expiry

你打開應該都見到呢個Card Expiry,唔少朋友都俾呢個expiry嚇親

事實上呢個並唔係Avios到期日嚟,而係指英航嘅Elite status (啫係國泰Marco Polo Club果啲鑽卡金卡銀卡果啲),即使呢個到期都唔會影響到你嘅Avios到期日。

avios到期日 expiry date

英航官網有清楚寫到只要三年內有avios

>>於新分頁打開全文 “【Avios教學】申請英國航空BA戶口+Avios換機票教學+household account 全家庭帳戶儲里數全圖解+幫人出機票 家人朋友通用+Avios信用卡” » Read more

【國泰第五航權】Asia Miles換機票台灣轉機?

【國泰第五航權】Asia Miles換機票台灣轉機?

好耐無寫換機票心得,要寫嘅先前都寫得7788,有睇我先前文章嘅朋友應該都有概念點樣玩Asia Miles混合艙。呢排出咗幾張票想分享啲心得,概念上會比較advance,但耐唔耐都會有讀者問到我。基礎上由Asia Miles換台灣機票而起,再從台北呢個神奇機場睇一睇點運用,或者叫點樣用到台北去慳里數/嘆頭等。

Asia Miles換機票我諗唔少朋友都知道要換去日本的話經常都只出現經台北「轉機」去日本/日本經台北「轉機」去香港。當中涉及國泰嘅第五航權(技術停留)既問題,以下可以解釋下。

經停台北轉機到日本 第五航權常見問題FAQs

第五航權航班/經停航班是否需要落機?

不一定的,但就著需經停TPE的國泰航班,幾年前我係有搭過而呢款台北經停航班係需要落機的,落完機會上返同一班機。我仲有搭過有款係經停BKK的就無需落機。

經停航班需要出入境嗎?

簡單嚟講係不需要的。不過又咁講你係成年人嚟而法治國家不會限制到你人生自由,你坐經停航班的話玩嘢要出境無人阻到你。但正常程序上,去到台北你需要落一落機再過一個簡單安檢去返departure 閘口再上同一架機飛去日本就可以。一般班號都沒有改動的。

於台北機場可以購物或入Lounge嗎?

可以的,最緊要你有足夠時間。台北TPE機場有吸煙區,環亞Lounge及國泰Lounge,仲有牛肉麵食添,有時間可順道到訪。

外地出發免稅店買咗液體超過100ml,過唔過到經停台北安檢?

大部分情況下國泰空姐會要求你拎晒所有手提行李下機的,因為台北機場要過安檢,建議就唔好拎超過100ml的液體。

經停航班有幾多餐飛機餐?

會有2餐的。我仲記得當年我第一次搭Business Class去名古屋就係搭經停台北航班,有2餐business class meal食都幾開心(當年國泰餐飲好食的)。如果第一次換business 想過下受飛機癮,坐下呢啲經停航班唔錯架。

何謂第五航權(5th Freedom flights)?國泰航空第五航權之航線

第五航權 (5th Freedom flights)就是指某國家作為樞紐的航空公司,可以載客並執飛兩個不同國家之間(並非本國)的航線的權利,又可稱作中停權。例如國泰航空作為香港樞紐航空公司,於台北(TPE)起飛至大阪(KIX)之航班,此為第五航權的一種體現。而可以見到此類航班會有「同一航班號」,國泰航空第五航權之航線如下:

  • TPE-KIX (台北-大阪)
  • TPE-NGO (台北-名古屋)
  • TPE-NRT (台北-東京成田)
  • TPE-ICN (台北-首爾)
  • YVR-JFK (溫哥華-紐約)
  • BKK-SIN (曼谷-新加坡)
  • CNS-BNE (開恩茲-布里斯班)
  • DXB-BAH(杜拜-巴林)

另外其他oneworld成員都有啲第五航權可能都多啲機會用到:

  • BKK-HKG (曼谷-香港, RJ)
  • SIN-SYD (新加坡-悉尼, BA)

第五航權好處

  • 航班選擇會多咗。譬如你喺台北都可以用Asia Miles換CX機嚟飛日本,比起換日航會慳咗少少里數
  • 理論上mile位會易換咗。因為比起香港直接飛日本,中停台北會用多咗時間,變相亦都會少咗人選擇咁玩
  • 時間夾得好嘅話飛日本都可以順便快閃玩下台北
  • 可以食兩餐飛機餐

里數回贈比率,越低越好
>>於新分頁打開全文 “【國泰第五航權】Asia Miles換機票台灣轉機?” » Read more

外幣信用卡匯率及海外簽賬手續費| 外遊網上簽賬要注意DCC/CBF 海外簽賬信用卡比較完銀聯未必係最抵

網購CBF 外幣信用卡匯率及海外簽賬手續費 DCC

外幣信用卡匯率及海外簽賬手續費| 外遊網上簽賬要注意DCC/CBF及信用卡優惠 海外簽賬信用卡比較完銀聯未必係最抵。另外,唔想用信用卡碌,都可以兌換外幣,點兌先精明可以睇返外幣兌換攻略

里先生今日寫得呢篇文章都想大家學識正確觀念,請改一改叫法方便日後討論問題,如果硬要用簡寫我地不如叫「港元支付外幣簽賬手續費」做「CBF」, 全寫cross-border fee,多數出現於跨國企業網站的網上簽賬。

相信部份人理解的DCC就代表信用卡以港元支付外幣簽賬手續費,今天可以告訴你這個觀念是不準確的,講錯term沒有問題,但有時要做信用卡比較

  • (a)海外簽賬/外幣簽賬手續費或
  • (b)網上購物時以港元支付海外商戶手續費(包括DCC)
  • (c)信用卡優惠及
  • (d)食唔食到迎新時就會有問題

無錯,DCC呢三隻英文字母太好叫,里先生跟讀者討論book酒店用邊張卡book好,未有時間解釋太多也直接用DCC,反正你明我明其實就無問題。但既然里先生今日寫得呢篇文都想大家學識正確觀念,請改一改叫法方便日後討論問題,如果硬要用簡寫我地不如叫「港元支付外幣簽賬手續費」做CBF, 全寫cross-border fee,多數出現於跨國企業網站的網上交易或網購 (CBF係某D結行月結單上寫Fee-TXN in HKD Incur outside of HK然後收1%)。如果你自問係個網購狂又經常要book酒店,你最好睇晒以下文章清楚知道係發生梗咩事。你用海外簽賬信用卡既主力卡係HSBC, 渣打, AE, Citi, DBS, 東亞, 中銀, 大新嘅Visa, Master, AE, 銀聯都好,以下一一為你分析利弊。

呢篇係一篇解釋DCC, 外幣/海外信用卡手續費/CBP的長文,如果無時間可以睇咗個圖解唔太明白就跟住以下5點做:

信用卡匯率, 海外簽賬手續費(網上) 以港元支付海外註册商戶CBF, DCC圖解

信用卡外幣海外簽賬手續費及CBF DCC圖解

信用卡網上外幣海外及CBF圖解

【懶人points】給無時間睇文章嘅人粗疏的建議:

  1. 到海外實地簽賬用銀聯/AE,一般銀聯外幣手續費會比較低(或無)但匯率較差同埋積分里數回贈都會比較少,銀聯/AE好多時都唔係最著數嘅選擇,最大好處就係唔會俾人收到你DCC(真DCC,唔係CBF,下文解釋)
  2. 如外遊時於海外需用到Visa/Master card,付款時必須叫收銀員用外幣收你錢(e.g. Please pay at local currency, DON’T charge me in Hong Kong dollar.)
  3. 網上簽賬而強行要支付港幣時而且個商戶係跨國企業時就要有戒心到底個商戶是否#海外商戶
>>於新分頁打開全文 “外幣信用卡匯率及海外簽賬手續費| 外遊網上簽賬要注意DCC/CBF 海外簽賬信用卡比較完銀聯未必係最抵” » Read more

國泰航空1月份日本航班安排:改航班/ 取消安排等新聞稿

國泰航空 日本 取消 改票 退票

國泰航空1月份日本航班安排:改航班/ 取消安排等新聞稿

收到國泰新聞稿,配合埋日本政府最新公布資料上又話cancel又話可上機,我跟得貼但都覺得有啲難明,快速整咗個表格方便大家理解。

想了解安排的因由可以理解日本政府的2項政策重點:

  1. 航空公司不可在12月23至29日該星期已運作航班數目的基礎上再額外增加航班,特別受影響為名古屋NGO/福岡FUK的航班,因為本身2023年1月先開始有得飛NGO/FUK
  2. (12月29日下午之更新) 若現有港澳出發直航航班,航空公司確定機上並無過去七天曾逗留內地旅客,可載客入境札幌、福岡、沖繩那霸機場。而現時看似以申報表解決呢個問題。

(參考資料: 日本官方公告 https://www.mhlw.go.jp/content/001032413.pdf )

國泰詳細取消航班狀況:https://www.cathaypacific.com/cx/en_HK/prepare-trip/travel-advisories/latest-travel-policy-change-for-travel-to-jp.html

如果覺得1月都係太多未知數唔飛住要改,可以睇返Asia Miles改機票文章學下點改


國泰航空聲明(2022年12月29日)

根據日本當局的最新資訊,國泰航空確認可繼續運作前往日本所有航點的航班,包括東京(成田及羽田)、大阪、名古屋、福岡*和札幌*。

然而,航空公司不可在12月23至29日該星期已運作航班數目的基礎上,再額外增加航班,因此國泰航空每周只能營運合共65航班前往上述各航點。換言之,我們需要削減約兩成原定於2023年1月份運作的日本航班。為符合日本當局的要求,我們將作出以下的航班變更:

由香港前往日本航班:

  • 由12月30日至另行通知為止,我們將減少由香港前往日本的航班,所有名古屋及福岡航班均會取消,而札幌航班班次則會由每周7班減至5班(週一及週三航班取消)。此外,若干日子的CX500東京成田及CX502大阪航班將會取消。

由日本前往香港航班:

  • 由12月30日至2023年1月8日期間,所有定期航班將如常運作,包括安排不載客航機前往日本協助顧客返港。
  • 由2023年1月9日至另行通知為止,我們將減少由日本前往香港的航班。所有由名古屋出發的航班均會取消,由札幌出發的航班班次則會由每周7班減至5班(星期一及星期三航班由1月11日起取消)。此外,若干日子的CX501東京成田、CX503大阪及福岡航班亦將取消。

受航班取消影響的顧客當中,我們會安排原定往來東京、大阪及札幌的顧客乘搭其他航班;而往來名古屋的顧客將會改為乘搭大阪的航班。因正值旅遊旺季其他航班滿座,我們將為往來福岡的受影響顧客提供全額退款。

直接透過國泰航空預訂航班的顧客,將在數日內收到載有更改航班詳情的電郵。直接透過國泰航空預訂往來福岡機票的顧客,可直接透過電郵的連結辧理退款。如顧客透過第三方預訂航班,請直接聯絡相關的旅行代理跟進。顧客現階段毋須致電我們的顧客服務團隊直接查詢。

國泰航空以港為家,我們繼續盡力維持航班服務運作,並衷心感謝顧客的體諒與支持。

*備註:因應日本當局要求,由2022年12月30日起,前往福岡及札幌的顧客在出發前必須申報,確認於出發前7日內未曾在中國內地逗留。顧客在機場辦理登機手續時,需簽署相關的申報表,而未能乎合有關要求的顧客則可選擇退款或重新預訂航班。

Best Regards,

Corporate Affairs
Cathay Pacific
國泰航空企業事務部

 

Cathay Pacific Statement 29 December 2022

Based on the latest advice from the Japanese authorities, Cathay Pacific can confirm that it will be able to continue operating flights to all airports in Japan, including Tokyo (Narita and Haneda), Osaka, Nagoya, Fukuoka* and Sapporo*.… >>於新分頁打開全文 “國泰航空1月份日本航班安排:改航班/ 取消安排等新聞稿”

» Read more

【國泰實體店 Cathay Retail Space】去太古城實體店攞貨夠$500送3,000里!

國泰實體店 太古城

【國泰實體店 Cathay Retail Space】去太古城實體店攞貨夠$500送3,000里!

開心share!今日去咗新開嘅國泰實體店( Cathay Retail Space) 地址係太古城中心2樓233號舖。我最後買咗嘢啊!因為有送里數promotion,計返條數都抵玩,玩法如下:

  • Cathay online shop/現場買滿HK$500,送個抽扭蛋機會,全部禮品都係2,000里(名額1900個,限1次,唔係所有禮品都可以揀到店取貨啊,最好落去邊睇邊揀)
  • 買完去太古的國泰實體店取貨,送1,000里
  • 每用現金買HK$100送20里
  • 用埋渣打國泰卡HK$4有3里

當你買夠HK$500,咁就回返3,475里喇!抵玩啦!有支香檳PJ白中白都係賣HK$575,正!想賺呢3000里快啲買~~

Promtion網址:https://shopping.cathaypacific.com/zh_HK/cathay-cityplaza.html

✈️里數信用卡 (數字越低越好)

>>於新分頁打開全文 “【國泰實體店 Cathay Retail Space】去太古城實體店攞貨夠$500送3,000里!” » Read more

【Asia Miles online chat改票/退票/出票】Asia Miles電話以外兌換機票途徑即時對話出票及改票/Hotline/網上換機票方法及程序合集

asia miles電話 以外兌換機票途徑

【Asia Miles online chat改票/退票/出票】Asia Miles電話以外兌換機票途徑即時對話出票及改票/Hotline/網上換機票方法及程序合集

Asia Miles電話:2747 3333。我相信你同我都唔會陌生。最出名係咩?成日打唔通或者要等到天昏地暗囉。現時可以online chat「即時對話」出票或改票。每週7日,每日24小時可以透過線上即時對話服務,查詢兌換獎勵或個人賬戶事宜。


Asia Miles電話/網上/真人對話兌換機票方法及途徑

  1. Cathay Pacific 網上系統兌換(直入兌換頁)→CX官網(需login)
  2. 即時對話出票→要先登入 CX官網(需login) search機票係右下角有個交談icon,click落去就有對話框彈出嚟 (文章下半部份有圖)
  3. Asia Miles 網上系統兌換(直入兌換頁)→AM官網(需login)(現在已經可以網上兌換多目的地票, 但stopover不能超過24小時)
  4. Cathay WhatsApp 2747 2747 聯絡國泰:https://wa.me/85227472747
  5. Asia Miles電話: 2747 3333 (如果廣東話真係等到頂唔順,可以選英文一般會快啲)

*Asia Miles混合艙的票並不能用2的方法網上兌換。


Asia Miles電話兌換機票前建議準備功夫

當仲有香港機場Aisle B出票counter嘅職員訴過苦,最需要時間處理嘅客人係唔知自己想要乜而又無做research。如果需要搵真人對話出票前有做功課,有花啲時間搵有位嘅航班的話我都相信Asia Miles hotline唔會長期要等咁耐。

都係到呼籲一下,要打電話出票前可以先到Asia Miles 網上系統都試下查一下位,搵到有位後再打電話去出多城市的票。當然我都知唔係每一間夥伴航空公司都可以Asia Miles網上系統內查位,但Asia Miles網上系統可查位其實為數也不少可以先自行睇一睇再打去,節省大家的時間。網上系統的放位情況同Asia Miles hotline查到嘅位係一樣嘅。

Asia Miles可於網上查位/兌換機票的11家航空夥伴

  1. 國泰航空
  2. 國泰港龍航空
  3. 日本航空
  4. 英國航空
  5. 芬蘭航空
  6. 澳洲航空
  7. 卡塔爾航空
  8. 西班牙國家航空
  9. 皇家約旦航空
  10. 斯里蘭卡航空
  11. 阿拉斯加航空

Asia Miles兌換機票建議應用之各情況

主要為以下三種情況,想出票又快又順利可以諗咗自己係咩情況再決定用邊個方法。

1. 一航段單程機票/ 點對點行程

>>於新分頁打開全文 “【Asia Miles online chat改票/退票/出票】Asia Miles電話以外兌換機票途徑即時對話出票及改票/Hotline/網上換機票方法及程序合集” » Read more
1 2 3 4 5 10