HSBC匯豐獎賞錢計算

hsbc reward cash choices vote

HSBC信用卡獎賞錢計算基本慨念教學

HSBC信用卡正常無倍數情況下獎賞錢計算為$25 = 1里Asia Miles(呢個又稱之為1倍基本/1X),而HSBC每年搞個「最紅自主獎賞額外5X」,放入6個不同類別,咁啫係話中5X類別既話就會變成$4.17 = 1里 (基本1X+中類別5X=6X, 25除以6)選左之後無得改,另主卡及附屬卡可以自選啱用選別,持有人各人都有一年$100,000既上限可以玩。Visa Signature唔洗中自主類別(但中HSBC 6個類別)都會多3X(連基本果1X有4X),所以Visa Signature唔中任何自主類別但中6個選別中的其中一個都有$6.25 = 1里,中埋額外5X就$2.78=1里。如果想睇返匯豐卡計完5倍之後個比率可以睇返→HSBC信用卡分析。想玩Avios要配合埋→HSBC Premier卡資格及里數分析

I recap in points (lower is better):

  • HSBC白金卡唔中自主六類別: $25=1里
  • HSBC白金卡全中自主六類別: $4.17=1里 (全中指自主5X放入同一類別)
  • HSBC VS唔中自主六類別: $25=1里
  • HSBC VS全中自主六類別: $2.78=1里 (全中指自主5X放入同一類別 加上VS的3X)
  • HSBC VS中自主六類別但唔係全中: $6.25=1里 (啫係你無放任何自主類別 只中VS的3X)
  • 除了以上六個自主類別(5X),HSBC信用卡 HSBC仲有個最紅網上及海外,所有網上及海外簽賬仲有額外(5X),VS中埋(3X)再加基本(1X)就total有14X,$1.79=1里就係咁嚟

HSBC信用卡最紅自主獎賞選擇策略

講到分配策略,里先生主張將5倍既倍數放晒入去同一個類別到,考慮到以下幾點

  • 一年10萬黎講唔係話咁易就簽得爆
  • 唔想煩,全部放晒落同一類別會容易D計數,減低簽錯卡既風險
  • 今時今日已經唔存在一卡走天涯,既然都諗住用呢張食飯用果張超市又用那張網購,咁不如集中晒一個類別將張HSBC信用卡變成某一類別既must use card
  • 考慮你手上的里數組合卡,邊張可以做代替品
  • 獎賞錢計算完一輪後,對於里先生黎講其實得2個類別值得我放落去…哈哈…所以都無心大心細

重溫六類別→… >>於新分頁打開全文 “HSBC匯豐獎賞錢計算”

» 按入查看更多...

賞滋味必玩 HSBC最紅冬日賞食飯額外10% 其他本地簽賬額外4%

hsbc最紅冬日賞 賞滋味

賞滋味必玩 HSBC最紅冬日賞最多額外賺10,000里!食飯額外8% 其他本地簽賬額外4%

【最新2018/2019→最紅冬日賞】匯豐又出招,今次主力玩本地簽賬+食飯有額外積分最少4%最多8%!實係知你12月至2月又要食聖誕餐又要做冬又要團年飯(再加埋2月14日情人節)要你用盡張HSBC信用卡一分一亳,所以今次賞滋味嘅朋友會特別有so!門檻有D高,要簽夠$8,000先有額外回贈,不過好就好在可以累積簽賬加埋一齊嚟計去到2月15日就有份,所以里先生覺得今次都玩得過!最適合梗係D冬至/年飯嘅organisor(辛苦你哋啦),到俾錢嘅時候一筆過俾錢可能搞2次飯局就已經達標!

2018年賞乜乜改選仲有幾日,快D決定要落注去咩類別喇!→里先生HSBC最紅自主獎賞倍數分配策略想睇返里先生HSBC信用卡分析/舊客都有迎新400 RC就睇→HSBC Visa Signature 信用卡分析 (Asia Miles) 換Avios必須→HSBC Premier 信用卡分析 (Avios)

最紅冬日賞最多額外賺10,000里詳情

  • (又蝦人唔睇優惠) 需要登記網址或致電8228 3188
  • 推廣適用於2017年12月1日至2018年2月15日
  • 累積簽賬滿$8,000,合資格簽賬有額外4%獎賞錢回贈(我地叫呢個基本額外-計返$2.5=1里)
  • 係$8,000入面所有嘅飲食類別,用Visa卡可以再有食飯額外4%(呢部份係食飯再俾嘅額外)
  • 所以要拎足8%(基本+食飯額外: 計返$1.25=1里),就要全部合資格簽賬都係食飯額外(賞滋味搞食飯就perfect!)
  • 基本額外上限500獎賞錢,食飯額外又另外有額外上限500獎賞錢,最多可以拎額外上限1,000獎賞錢(啫係額外最外食佢10,000 Asia Miles/15,000 Avios)
  • 注意!每條交易最少滿$500先計入累積簽賬,同埋八達通自動增值/網上簽賬/自動轉賬都唔計
  • 注意!唔可以同HSBC萬寧/ HSBC百老滙/ Sogo一齊玩(無得買萬寧券,但買百佳券都得lol,唔夠數差少少可以考慮入定D券到時辦年貨)
  • 額外基本及食飯獎賞錢於2018年6月30日或之前入賬

簽賬策略Tips:你要決定簽唔簽HSBC好簡單,你唔需要考慮中唔中類別/基本積分,因為你只食額外4%計返就$2.5=1里,額外8%就$1.25=1里。所以你只要覺得你係2月15日前簽得夠$8,000而無卡做到低過$2.5=1里你就應該用HSBC去簽!

HSBC最紅冬日賞 VS或白金卡中賞滋味里數計算

基本=最紅冬日賞基本4%額外,未計基本/自主5X分
食飯=最紅冬日賞食飯4%額外,未計基本/自主5X分
*以下A/B/C為已加總基本/食飯額外+基本/5X總所得里數*
A=Visa Signature卡中5X賞滋味+全部累計簽賬為食飯簽賬所得Asia Miles(計返$0.86=1里)
B=Visa 白金卡中5X賞滋味+全部累計簽賬為食飯簽賬所得Asia Miles(計返$0.96=1里)
C=Visa Signature或白金卡完全不中5X自主+全部累計簽賬都並非食飯簽賬所得Asia Miles(計返$2.27=1里)
簽賬$基本
>>於新分頁打開全文 “賞滋味必玩 HSBC最紅冬日賞食飯額外10% 其他本地簽賬額外4%” » 按入查看更多...

HSBC銀聯卡可以加入Apple Pay喇!加疊萬寧優惠賺過萬里

HSBC銀聯Apple Pay

HSBC銀聯卡可以加入Apple Pay喇!

(HSBC Visa最新優惠6%回贈→2018 HSBC Apple Pay 4%+2%)先前HSBC係個萬寧優惠到仲特登係條款上面話「以銀聯雙幣信用卡透過Apple Pay付款之流動電話付款優惠適用日期有待通告(詳情請留意本行網頁)」,今日就加到銀聯卡落Apple Pay啦!如果你啱啱申請埋HSBC張銀聯鑽石卡食佢個舊客迎新就啱晒!食舊客迎新之餘可以用Apple Pay銀聯玩11-12月個萬寧優惠$1=1 Asia Miles/1.5 Avios (未計基本)。計計條數啫係萬寧買券/簽$6,000有10,000里/15,000 Avios (未計中自主類別)!舊客未有HSBC銀聯鑽石認真可以考慮下(其實唔一定要Apple Pay,Samsung Pay Android Pay都可以咁玩,不過留意返如果Samsung Pay Android Pay未加到銀聯卡就申請白金Visa嚟玩)。持有HSBC銀聯就快D加埋佢啦!去Vango華潤便利店買野有半價啊!→ 銀聯 x Apple Pay x Vango詳情   (12月12日更新: 有讀者報料話成功用HSBC銀聯玩)

銀聯Apple Pay簽$6,000有10,000里/15,000 Avios點計?

  • 舊客出新卡迎新簽$6,000有400獎賞錢 (4,000 Asia Miles/ 6,000 Avios) →迎新詳情
  • 萬寧用銀聯Apple Pay(提提店員用閃付)+星期五六日,簽(買券)$6,000有580獎賞錢, (5,800 Asia Miles/ 8,700 Avios)  →萬寧優惠詳情
  • 基本唔中自主類別$25=1,24獎賞錢 (240 Asia Miles/ 360 Avios)
  • 加總以上,簽$6,000有1,004獎賞錢(10,040 Asia Miles/15,060 Avios) 
  • 跟住你用D券過年買年貨,或者打折賣返出去

*HSBC Premier先玩到Avios→ HSBC Premier資格/分析

溫馨提示: 銀聯卡加入Apple Pay教學短片

» 按入查看更多...
1 3 4 5