台北萬豪酒店 Taipei Marriott Hotel【多圖住宿報告】交通及價錢

台北萬豪酒店_住宿報告

台北萬豪酒店 Taipei Marriott Hotel【多圖住宿報告】交通及價錢

2015年開業既台北萬豪酒店外面依然好新淨而入面就好有設計感。一入到去前檯有幅大型壁畫,非常有藝術感。萬豪旅享家白金或以上會員可以係executive lounge check in, 雖然去到未即時攞到房不過職員態度殷勤,耐心介紹左一下間酒店,再幫手安排好行李暫存。而房間就好闊落,有好大活動空間,窗邊仲有張梳化比你望住美麗華摩天輪。而且浴室都好大,採用乾濕分離設計,加上有兩個洗面盤,咁就唔洗驚有爭洗手間既情況啦:P。不得不提埋酒店泳池,泳池位於酒店19樓,高層加上露天設計可以睇埋台北靚景真係無得彈,就算唔游水都可以躺係池邊曬下太陽一樣咁relax。除左優閒設施,酒店亦設有展廳及宴客廳,適合商務人任使用。

酒店位於中山區,地理上唔算太方便,隔望最近既捷運劍南路站步行約十分鐘,出市中心大約要40-45分鐘車程。不過酒店附近(步行約五分鐘)都有大型商場、食群、超市同便利店,如果唔想去太遠既都可以係附近行下。

台北萬豪比起今次都有入住嘅2間萬豪系內的台北喜來登 Sheraton Taipei台北國泰萬怡 Courtyard Downtown Taipei嘅體驗更加好。

積分換房的話,台北萬豪酒店屬於Marriott Bonvoy Category 5,每晚需35,000積分。

台北萬豪酒店訂房價錢比較:


台北萬豪酒店介紹短片


台北萬豪酒店Homey客房

今次入住台北萬豪嘅Homey客房,房間寬敞加上落地玻璃窗設計景觀開揚,可以望到美麗華摩天輪。呢間酒店亦有房可以望到台北101。

>>於新分頁打開全文 “台北萬豪酒店 Taipei Marriott Hotel【多圖住宿報告】交通及價錢” » 按入查看更多...

【AE酒店優惠回贈2019】AE酒店會籍登記+Hilton/香格里拉/萬豪Luxury Collection/半島酒店

ae 酒店優惠

【AE酒店優惠回贈2019】AE酒店會籍登記+Hilton/香格里拉/萬豪Luxury Collection/半島酒店

期待已久,AE酒店優惠回贈2019出爐喇!由5月2日起可以玩到2019年9月30日,除咗主打嘅Hilton/香格里拉,2019加入萬豪Marriott Bonvoy旗下嘅品牌豪華精選Luxury Collection及半島酒店。對於出行訂酒店嚟講真係好有用,識玩嘅真係APA價錢5星級味道!相信唔少朋友上年都玩得津津樂道。今年仲加多咗卡可以玩,除咗AE白金卡之外,以下再寫咗邊幾張都啱用,但留意個回贈金額同登記網址都唔同,同埋每個集團每卡都要登記一次,佢仲話數量有限架要玩都真係快手。仲有記得係要官網預訂先有回贈啊,有酒店分又有信用卡現金回贈,玩之前記得登記埋酒店會籍啊!


快速連結(按入向下彈)


(AE白金卡)AE酒店優惠回贈2019登記網址

(AE白金卡)各酒店集團回贈金額及次數

  • Hilton: 累積滿HK$2,500可獲HK$1,000簽賬回贈,上限三次→適用酒店清單
  • 香格里拉: 累積滿HK$1,500,可獲HK$600簽賬回贈,上限三次→適用酒店清單
  • Luxury Collection: 累積滿HK$1,200可獲HK$360簽賬回贈,上限一次→適用酒店清單
  • 半島酒店: 累積滿HK$4,000可獲HK$1,200簽賬回贈,上限一次→適用酒店清單

官網預訂網址


AE酒店會籍登記網址及詳情

  • $7,800年費張AE白金卡(細頭)會包括咗主卡及附屬卡持有人嘅中階酒店會籍
  • Effective都要啲時間,拎咗AE白金卡就好去登記喇!
  • Hilton Gold金會籍(有送2人早餐)→登記網址
  • Marriott Bonovy Gold Elite金會籍(有Late check out及額外25%積分)→登記網址
  • 香格里拉貴賓金環會翡翠級Jade會籍(有早餐)→登記網址
  • Radisson Rewards 金會籍(額外積分)→登記網址

(其他AE卡)AE酒店優惠回贈2019登記網址

>>於新分頁打開全文 “【AE酒店優惠回贈2019】AE酒店會籍登記+Hilton/香格里拉/萬豪Luxury Collection/半島酒店” » 按入查看更多...

St. Regis Zhuhai 珠海瑞吉酒店 (多圖入住報告)豪華房/套房/自助餐/交通/早餐+訂房攻略+海鮮一條街

珠海瑞吉酒店 st regis zhuhai 預訂 周邊 入住體驗報告

St. Regis Zhuhai 珠海瑞吉酒店 (多圖入住報告)豪華房/套房+訂房攻略

(2019年5月21日更新: 訂房code LU4已失效,酒店唔再俾benefits,FHR就仲可以用) St. Regis Zhuhai係二零一八年十月份開幕,所以現在酒店嘅整體設備硬件都非常新穎,最正嘅地方係佢而家個價錢非常之咁抵住千零蚊,同香港瑞吉酒店St. Regis Hong Kong嘅價錢比起真係差天共地,如用AE白金卡FHR已經可以包埋早餐同埋晚餐。 用咁嘅價錢可以入住到萬豪集團裏面最高級嘅奢華品牌St. Regis體驗一下佢地嘅服務同品牌風格,的確係cp值高之選。仲有就係我呢個大鄉里從未搭過港珠澳大橋嘅巴士,今次一炮過可以滿足住酒店,搭金巴同埋食海鮮三個願望真係非常之唔錯呀。因為今次係同屋企人一齊去所以我book咗兩間房而其中有一間房upgrade咗做套房,所以以下落嚟可以同大家一次過睇曬普通豪華房同套房嘅分別。

Marriott Bonvoy萬豪會籍 Category 6,要5萬點,所以現金入住抵過用萬豪積分兌換。


珠海瑞吉酒店價錢比較


st regis zhuhai 價錢

先前三月份四月份好抵!房價只係1,100人仔,遲下應該無咁平


快速捷徑按入向下彈


St. Regis Zhuhai 珠海瑞吉酒店交通

如果由香港出發,我諗最方便都係經港珠澳大橋。我今來來回就用咗兩種唔同方法,都係經大橋。

  • 去程由太子上車,用WeChat Pay入面「交通」>「跨境巴士」到買票$120蚊單程由太子直達珠海口岸(唔用wechat可現場買),大人小童老人同價。再由珠海口岸轉的士到St. Regis Zhuhai,人仔30蚊就到
  • 回程就的士直接到珠海口岸,過境後就會有金巴車票買,成人單程58蚊人仔,小童老人半價。到香港嘅港珠澳大橋就轉返機票出嚟經港珠澳口岸嘅巴士返市區,都幾多車可到返市區,再唔係返機場都會有車轉
  • 另外聽酒店職員講可以係珠海坐船返到尖沙咀中港城,但對我嚟講唔就腳同埋船票貴啲所以就無咁做

港珠澳直通車好還是金巴好/快?

快唔快其實好睇你住邊區,但論質素就會坐金巴舒服啲,因為巴士夠新而直通車我覺得總有啲怪味…而今次同行有老人家咁坐金巴半價就計返仲抵,到香港口岸再轉巴士出市區。如果怕太辛苦其實口岸直上的士返九龍$200-$300其實都有數維

St Regis Zhuhai香港出發珠海交通 (6)

直通車有張貼紙

St Regis Zhuhai香港出發珠海交通 (7)

上車人迫人…不意外吧

St Regis Zhuhai香港出發珠海交通 (13)

跨境巴士啫係直通車

St Regis Zhuhai香港出發珠海交通 (29)

過完大陸關可以係到買金巴車票(過境巴士)

St Regis Zhuhai香港出發珠海交通 (1)

金巴坐位,都唔錯算好坐

St Regis Zhuhai香港出發珠海交通 (21)

珠海口岸出嚟嘅的士站,都無乜人等


St. Regis Zhuhai 珠海瑞吉酒店房間設施

今次同屋企人去珠海住St. Regis訂咗兩間房,里先生本身自己係萬豪鈦金卡會員幸運地有一間被升等至St. Regis Suite. 套房用嘅電視係B&O而淋浴備品都唔同一般房間。而套房有一個客廁一個套廁,房內仲有支望遠鏡可以俾你玩下。睇完之後個人覺得本身Deluxe Room已經非常豪華同夠玩,全雲石裝配廁所,有浴缸又有淋浴…真係唔怪得管家同我講成本差不多要500萬人仔一間…點解叫CP值高? 我去羅馬住St. Regis Rome要500歐羅一晚,硬件配置同級,但去珠海瑞吉用千零蚊人仔就住到…你話抵唔抵喇?

珠海瑞吉酒店 beverage service

Check-in後可以叫管家上beverage service

Deluxe Room

珠海瑞吉酒店 St Regis Zhuhai Hotel 套房浴室 suite

St Regis Zhuhai

>>於新分頁打開全文 “St. Regis Zhuhai 珠海瑞吉酒店 (多圖入住報告)豪華房/套房/自助餐/交通/早餐+訂房攻略+海鮮一條街” » 按入查看更多...

台北喜來登大飯店 住宿體驗 Sheraton Grand Taipei Hotel| 鄰近台北車站交通方便!

台北喜來登大飯台店_住宿體驗報告

台北喜來登大飯店 住宿體驗 Sheraton Grand Taipei Hotel| 鄰近台北車站交通方便!

台北喜來登大飯店係間有較長歷史嘅酒店,早於1981年以「台北來來大飯店」之名開幕。於2014年重新裝修過,所以即使開業近四十年,整體設計較傳統但唔會有殘舊嘅感覺。雖然樓底唔算高,不過酒店大堂保留左好多空間比住客坐低休息下,我去到時酒店設有四個前檯,而白金以上會員可以到行政酒廊check in。對於查詢資訊,職員都非常友善回應。另外,酒店空間較大設有東西翼, 而大部分餐廳及酒店設施(健身室&泳池等)都位於東翼。

飯店位於市中心的忠孝東路一段 12 號,於善導寺2號出口旁邊,門外設有有巴士站。酒店位於市中心位置,交通十分方便,距離台北車站只需十分鐘路程,就算玩得太夜亦可步行返酒店。附近步行約五分鐘有7-11便利店可購買日用品、食肆及早餐店。

酒積分換房的話,台北喜來登大飯店屬於Marriott Bonvoy Category 5,每晚需35,000積分。萬豪積分值幾錢?→萬豪買積分/積分價值

台北喜來登大飯店酒店訂房及價錢比較


台北喜來登大飯店體驗短片

台北喜來登大飯店行政總監客房

台北喜來登飯店比較大。今次幸運地upgrade到西翼嘅行政總監客房1521號房,房間非常闊落,以電視櫃分隔床同廳。房景係無其他大廈阻隔,間觀開揚。另外,酒店用左英國品牌Heyland & Whittle作浴室備品。

>>於新分頁打開全文 “台北喜來登大飯店 住宿體驗 Sheraton Grand Taipei Hotel| 鄰近台北車站交通方便!” » 按入查看更多...

St. Regis Hong Kong 香港瑞吉酒店 (多圖入住報告)豪華房/套房/Afternoon Tea下午茶/St. Regis Bar

St regis Hong Kong 香港瑞吉酒店

St. Regis Hong Kong 香港瑞吉酒店 (多圖入住報告)豪華房/套房/Afternoon tea下午茶/St. Regis Bar

The St. Regis Hong Kong 香港瑞吉於2019年4月11日正式開幕。Amazing, 我居然係St. Regis Hong Kong第一位guest。今次入住並非傳媒邀請而作為St. Regis brand lover所以更別具意義。多口問咗句有無special event on opening day而作為guest的身份都被邀請睇佢地opening ceremony,對我來說都係個unique experience,感覺呢次嘅入住值了。

The St. Regis Hong Kong為萬豪集團第7,000間酒店,而都係香港第一間嘅St. Regis。酒店設計由著名建築師Andre Fu 傅厚民操刀。同珠海瑞吉嘅感覺都幾唔同,香港瑞吉整體感覺Modern而我發現酒店用咗好多「木元素」去營造出家嘅感覺(連牙刷都係木牙刷@@)。可能因為設計師想切合返St. Regis呢個品牌來自於St. Regis founder, John Jacob Astor,到來St. Regis就是Welcome to the House of Astor吧。

酒店價錢

St. Regis Hong Kong 香港瑞吉精華介紹短片

本身有諗過配唔配音,不過諗諗下加咗配音反而令到間酒店嘅感覺會low咗,都係留返俾睇片嘅你慢慢感受下好過喇,就算我去講嘅都係廢話嚟。

St. Regis Hong Kong, Grand Deluxe Room 香港瑞吉豪華客房

全酒店房間都慕求做到in-room check in,而我到來嘅時候就一直有butler由入酒店門口至房間都一直為我講解酒店並到房內以ipad check in。整個過程都係感覺備受照顧的。迎賓禮物有椰子水及水果。

>>於新分頁打開全文 “St. Regis Hong Kong 香港瑞吉酒店 (多圖入住報告)豪華房/套房/Afternoon Tea下午茶/St. Regis Bar” » 按入查看更多...

香港沙田萬怡酒店【多圖住宿體驗報告】Courtyard by Marriott Hong Kong Sha Tin

2019_香港萬怡酒店_住宿報告

香港沙田萬怡酒店【多圖住宿體驗報告】Courtyard by Marriott Hong Kong Sha Tin

入住過很多次的香港沙田萬怡酒店(Courtyard by Marriott Hong Kong Sha Tin),我個人很喜歡呢間酒店,無他,價錢相對平早餐豐富,Weekend想轉換一下環境休息下hea下好選擇。酒店於2013年落成,所以整體內外現時仍好新淨,感覺簡潔舒服。酒店位於沙田安平街1號,設有接駁巴士於大學站、科學園、沙田站(新城市廣場)、九龍站(圓方)及尖沙咀站(中間道)接載住客,另外,有多種交通公共直達酒店,交通便利。酒店面積雖然唔算大,但房間大少適中,設計簡約住得舒適,今次間房對到河景,傍晚個陣睇都幾靚架!另外設施都好齊,除左可以去30樓嘅行政酒廊嘆杯咖啡欣賞下城門河景,仲可以去健身室做下Gym或室外泳池游水同焗桑拿放鬆下。對於萬豪新人住二送一或萬豪白金挑戰的新手又或是1Q活動雙倍積分第一stay來說,相對便宜房價而且位於香港,是刷房的好選擇(記得要官網訂才算房晚及有積分)。

酒店房價每晚約HK$950。積分換房的話,萬怡酒店屬於Marriott Bonvoy Category 2,每晚需12,500積分。

沙田萬怡酒店訂房及價錢比較


香港沙田萬怡河景行政房間

基本上Elite member(包括AE白金卡送的Marriott Gold Member)到香港沙田萬怡也能升等到河景房。但套房的升等就白金鈦金會員也非常難,跟酒店職員聊起來主要因為太多長住客人訂了套房…

>>於新分頁打開全文 “香港沙田萬怡酒店【多圖住宿體驗報告】Courtyard by Marriott Hong Kong Sha Tin”

» 按入查看更多...

Marriott Bonvoy 萬豪會員積分房兌換級別調整!2019年3月起實施新積分級別Marriott category change

Marriott Bonvoy 萬豪會員積分房兌換

萬豪會員積分房馬上要貶值了!2019年3月起實施新積分級別Marriott category change

酒店界重磅消息!萬豪公佈2019年3月起萬豪獎勵兌換Marriott Bonvoy將有需要點數的調整,除先前介紹AE積分兌換萬豪酒店積分所提及的Category 7三月起轉為Category 8,現再公布一批酒店於3月5日起積分兌換會作出變動。里先生做了些簡單的數據分析,是次有Category變動的有323間酒店,當中286間為調升(88.6%),37間為調降(11.4%)。意指往後用點數兌換有一堆酒店所需成本又會多了。可幸的是萬豪仍然以固定級別兌換定價(fixed reward pricing),比起Hilton的跟隨房間需求而變動需要點數(dynamic pricing)仍有優勢。

如果你有想兌換下列調升之酒店,或先前介紹的→AE積分兌換萬積將於3月起調升為Category 8的酒店想換,就盡快於2019月3月5日前兌換吧!

萬豪積分房的計算方式

至2019年3月前會以Category 1 – Category 7 區分。2019年3月5日起會正式實行8級制,剛公布有323間酒店也會作出級別調整。

Marriott-category

萬豪積分兌換表格

於2019年3月起會調整之萬豪會員積分兌換之酒店

NAME_OF_HOTELCOUNTRYBRAND
Courtyard Hong KongHong Kong45Courtyard
Hong Kong SkyCity Marriott HotelHong Kong45Marriott Hotels
Renaissance Hong Kong Harbour View HotelHong Kong56Renaissance Hotels
W Hong KongHong Kong78W Hotels
Renaissance Okinawa ResortJapan67Renaissance Hotels
The St.
>>於新分頁打開全文 “Marriott Bonvoy 萬豪會員積分房兌換級別調整!2019年3月起實施新積分級別Marriott category change” » 按入查看更多...

【News sharing】萬豪禮賞、麗思卡爾頓禮賞及SPG俱樂部會藉將於2018年8月18日正式合併

marriott 萬豪 spg 喜來登會籍合併

【News sharing】萬豪禮賞、麗思卡爾頓禮賞及SPG俱樂部將於2018年8月18日正式合併

(最新攻略→ Marriott Bonvoy萬豪旅享家)Marriott Rewards 萬豪會藉, SPG 於8月18日正式合併。里先生收到新聞稿share下出嚟。點樣take到advantages就一言難盡。有玩開嘅師兄應該都心裡有盤數改制前定後去換著數啲,我都未有結論點樣去換好,以下除咗新聞稿外寫返啲基本資料。

  • 呢個表好用,可以search到specific酒店房改制前定後換好: https://points-redemption.marriott.com/category-change 2019前因為未實施新嘅Category 8,最高都係以Category 7計,所以新制於2019換啲特貴酒店都幾有so
  • 8月18日起轉制本身Marriott Rewards Elite member都會自動升一級e.g. Platinum Elite 升做Platinum Elite Premier嚟俾返同等級別禮遇,但留意官網有句咁寫「Note, the chart below does not apply to SPG Gold and SPG Platinum members who received Rewards Elite status due to linking and status matching.」啫係話本身SPG一晚升金/AE白金卡match返嚟嘅Marriott Gold幾可肯定係無得升,但我都建議未身有AE白金卡既朋友同埋你嘅附屬卡持有人去申請返攞返SPG Gold再match去Marriott Gold先,無啦啦有bug升咗你又懶得搞無份嘅話真係揼春都揼死你。(如果你未玩過Marriott嘅lounge你有機會試返次就知點解咁多朋友無所不用其極都要保住個入lounge資格,又早餐又tea又happy hours食到你嘔,近近地泰國曼谷,再唔係沙田Courtyard都可以一試)

spg marriott matching gold

  • 香港有咩信用卡玩到Marriott Rewards? 改制前可以由AE白金卡AE白金信用卡轉去SPG (8,000積分=330 SPG starpoints),再由SPG以1:3轉到Marriott Rewards (啫係每8,000積分換到990萬豪積分)。改制後就未知香港AE會點處理,估計都係用返8,000 AE積分換做990 MR計。(AE同Marriott對美國卡就簽咗agreement→News)
  • AE白金卡(細頭卡)本身附帶咗match to SPG Gold嘅benefits,可以再match去Marriott Gold。改制前去Marriott Gold有免費早餐+lounge+room
>>於新分頁打開全文 “【News sharing】萬豪禮賞、麗思卡爾頓禮賞及SPG俱樂部會藉將於2018年8月18日正式合併” » 按入查看更多...
1 2 3