HSBC交稅 | 特選專有簽賬獎賞(2017年11月至2018年2月)中選有$5=1里/$3.3=1 Avios

信用卡交稅

HSBC交稅 特選專有簽賬獎賞(11月) 有$5=1里/$3.3=1 Avios

如果有留意開HSBC信用卡做嘅優惠應該都會知佢耐唔耐都做「特選客戶」簽賬獎賞,官方名稱叫「專有簽賬獎賞」。佢個玩法通常係set左個spending target per month (每月個人目標消費額),當你當月嘅簽賬超過左佢係寄俾你嘅信件又或SMS短訊上嘅目標消費額,超額簽賬會有額外獎賞錢,而係呢個交稅季節HSBC信用卡今次交稅多有機票送咁滯,成個promo 4個月由2017至2018,如果你中選又要交$60,000稅嘅話(有18,000 Avios)送你2張台灣來回機票或者叫做差唔多送你1張日本來回機票(Avios換機票需要里數→里數兌換表),當然事實係殘酷…因為首先你要夠運氣中選加上埋你或身邊人有HSBC Premier玩Avios。如果你或你身邊人符合以上條件,下文就會為你一一拆解成個簽賬策略。如果唔符合…都係返去玩PayMe chok里數啦…

有時我真係覺得HSBC玩積分好蝦懶人,直頭玩到走火入魔,又最紅乜最紅默都仲唔夠,呢加仲要整個專有A餐/專有B餐,A餐每月上限$10K,B餐上限$15K,我就C都無得食,你呢?

呢個特選活動透明度好低,里先生打過去hotline問點先可以增加入選機會,個客服小姐答我話係電腦隨機抽,同用得多唔多張滙豐信用卡無關係。所以中選機會應該係均等(如果你信)。

HSBC交稅 專有簽賬獎賞詳情及條件

  • 中選條件 – 官方回覆電腦隨機抽(唔中只能無奈…或睇下身邊人中唔中)
  • 所需資格 – 收到信件或SMS後憑卡登記並消費/交稅達到「每月個人目標消費額」
  • 消費定義 – 合資格信用卡交易及現金貸款(PayMe/八達通唔計,詳見下文)
  • 交稅定義 – 合資格信用卡透過滙豐網上理財向香港稅務局繳交之個人入息稅款
  • 專有A餐$10,000上限版本登記→官方連結/ 電話8228 3118
  • 專有B餐$15,000上限版本登記→官方連結/ 電話8228 3118
  • 簽賬禮遇 – 超過目標簽賬,額外2% RC (每簽$100有多2 RC)
  • 推廣期 – 2017年11月1日至2月28日 (每個月有$10,000或$15,000額外交稅/簽賬2% bonus)
  • 特快查詢中唔中電話: 2748 8033(HSBC獎賞錢Hotline)
  • 查完中咗記得按以下策略去用HSBC交稅!

如果怕自己miss左信件/SMS,想確認返中唔中可以打去問下,比平常熱線快可以直接駁到去獎賞錢啲Staff。如果你次次都唔中可能係opt out咗HSBC promotion materials, 需更改可以用ebanking login(click我的銀行>管理網上戶口>剔選全部)

如果你自己/身邊人都唔中呢一輪HSBC特選交稅,HSBC交稅仲有第二輪特選0.4%/0.8%,詳情及其他信用卡交稅回贈可以睇返→信用卡交稅積分全集

打完電話問都係唔中,仲有無計?

如果有睇里先生「善用HSBC附屬卡賺到盡」應該知道HSBC一向都係用人頭計優惠限額,果D最紅自主5X都係按個人身份證計算(不論主卡附屬卡),所以會唔會你身邊人中咗呢個特選專有A或者B餐啊?假設老公中咗而老婆唔中,可以咁做:-

  • 老公要交稅→用老公張HSBC信用卡交
  • 老婆要交稅→都係用老公張HSBC信用卡交,得咗
  • 因為HSBC條款上只係話交個人入息稅款就合資格,無話交邊個嘅稅所以可以咁做
  • 溫馨提示: 記得按以下例子分4個月斬件交,簽最少,賺最多

HSBC特選信用卡交稅A餐(800 RC)

A餐(每月上限$10,000),假設目標簽賬為每月$2,000,個人入息稅$40,000(如果唔交稅可以簽賬)。每月先簽$2,000,分成4個月交稅每月交$1萬(每月所得2% RC 每月簽盡賺200 RC),可以賺盡8,000里或12,000 Avios (計返交稅部份$5=1AM/$3.33=1AV)
*AM= Asia Miles/ AV=Avios (以千位表示)
月份目標簽賬$交稅$所得RCAMAV
Nov-172,00010,00020023
Dec-172,00010,00020023
Jan-182,00010,00020023
Feb-182,00010,00020023
Total8,00040,000800812

HSBC特選信用卡交稅B餐(1,200 RC)

B餐(每月上限$15,000),假設目標簽賬為每月$2,000,個人入息稅$60,000(如果唔交稅可以簽賬)。每月先簽$2,000,分成4個月交稅每月交$1.5萬(每月所得2% RC 每月簽盡賺300 RC),可以賺盡12,000里或18,000 Avios (計返交稅部份$5=1AM/$3.33=1AV)
*AM= Asia Miles/ AV=Avios (以千位表示)
月份目標簽賬$交稅$所得RC$AMAV
Nov-172,00015,00030034.5
Dec-172,00015,00030034.5
Jan-182,00015,00030034.5
Feb-182,00015,00030034.5
Total8,00060,0001,2001218

*Last tip: 如果中選又有HSBC Premier,最好用HSBC Premier交稅,因為呢張卡嘅獎賞錢有效期比Visa Signature/白金卡長1年,而HSBC個人名下所有信用卡可以合併使用,所以有得選梗係用張時間長D

匯豐信用卡→申請條件及里先生分析

HSBC Premier信用卡→申請條件及里先生分析

HSBC信用卡特選需注意之條款細則

注意!由於以下字太多既關係可能令閣下情緒不安。其實上面所寫既已經係簡化左既條款,以下可以作參考或日後翻查既條款及細則(節錄自銀行官方網站):

合資格信用卡簽賬/稅款

只有於推廣期內已誌賬的合資格信用卡交易、現金貸款及合資格稅款(「合資格簽賬」),方合資格參與是項推廣。不會被視為合資格簽賬: 其他交易包括但不限於透過電話訂購、傳真訂購、郵購、年費、財務費 用、逾期費用、於非金融機構的半現金交易(包括購買外匯、匯票及旅行支票)、於金融機構 的半現金交易(包括購買銀行產品及服務)、電匯、賭博交易、合資格稅款以外之稅項、透過 滙豐網上理財繳費、購買及╱或充值儲值卡或電子錢包、在各「最紅熱捧限定」推廣之相關推 廣期內於相關商戶進行的任何簽賬(有關優惠詳情請瀏覽www.hsbc.com.hk/creditcard)、於 「獎賞錢」購物網及其他推廣進行的換購交易、八達通自動增值、自動轉賬、循環付款、「現 金套現分期計劃」的提款金額或分期付款,於此推廣優惠中均。 未誌賬╱取消╱退款的交易,均不會列為推廣的合資格簽賬。
「合資格稅款」之定義為於推廣期內以合資格信用卡透過滙豐網上理財向香港稅務局繳交之個人入息稅款。其他包括但不限於繳付電子儲稅券、印花稅及商業登記費均不會被列為合資格稅款。

HSBC信用卡交稅 特選A餐上限

持卡人必須於推廣期內致電8228 3188或透過本行的網頁 www.hsbc.com.hk/spendingrewards-tax 進行登記(「登記」)一次,方合資格參加推廣。持卡人需於登記時輸入其名下任何一張於 2017年10月1日或以前發出的合資格信用卡號碼。登記不限於有關簽賬前或之後進行。
持卡人於推廣期間以合資格信用卡簽賬,並超出每月個人目標消費額的任何合資格簽賬,除基本「獎賞錢」外,可以享有額外2%「獎賞錢」回贈(「專有簽賬獎賞」)。每月額外簽賬額 最高計算至首港幣10,000元或人民幣10,000元(只適用於銀聯雙幣信用卡)。持卡人於整個推 廣期內從每月額外簽賬中,合共可獲之「專有簽賬獎賞」最高金額為$800「獎賞錢」

HSBC信用卡交稅 特選B餐上限

持卡人必須於推廣期內致電8228 3188或透過本行的網頁 www.hsbc.com.hk/exclusive-rewards-tax 進行登記(「登記」)一次,方合資格參加推廣。持卡人需於登記時輸入其名下任何一張於 2017年10月1日或以前發出的合資格信用卡號碼。登記不限於有關簽賬前或之後進行。
持卡人於推廣期間以合資格信用卡簽賬,並超出每月個人目標消費額的任何合資格簽賬,除基本「獎賞錢」外,可以享有額外2%「獎賞錢」回贈(「專有簽賬獎賞」)。每月額外簽賬額 最高計算至首港幣15,000元。持卡人於整個推廣期內從每月額外簽賬中,合共可獲之「專有簽賬獎賞」最高金額為$1,200「獎賞錢」

交稅所得獎賞錢到手時間

如有關簽賬獲本行核實後確認為合資格可獲取「專有簽賬獎賞」的交易,獲取的「獎賞錢」將 於2018年5月31日或之前自動誌入合資格持卡人用以登記的合資格信用卡賬戶內。

Source: 官網條款A/ 官網條款B

其他信用卡優惠或里數攻略



Leave a Reply

Your email address will not be published. Required fields are marked *