AE白金秘書服務：緊急家居(水浸/冷氣維修/開鎖)、汽車故障(拖車)及本地醫療支援服務
AE白金秘書服務：緊急家居(水浸/冷氣維修/開鎖)、汽車故障(拖車)及本地醫療支援服務
AE白金卡卡主可以透過白金秘書其中有一項服務叫做緊急家居、汽車故障及本地醫療支援服務。當中AE會提供津貼並幫你搵埋師傅去處理。我自己都用過幾項，最新有位讀者屋企水浸，佢話諗起我提過爆水管/拖車可以搵AE咁就嚟問下我知唔知AE白金卡個AE緊急家居支援服務關於水浸就提供免費酒店呢項服務。
我自己真係未用過，而讀者就分享返昨晚屋企出事，佢點都要先住酒店，事後再同AE claim。今日讀者就有書面回覆可以claim得返2晚酒店錢，上限HK$2,000/晚。呢加HK$2,000晚嚟講又真係包埋食都夠，唔知有無朋友都用過知道呢HK$2,000係淨房價計還是有早餐/dining都一樣照claim到呢？
聽呢位讀者講成個過程都幾簡單，有問佢拎proof但係唔算嚴格。出事地點唔係billing address但係都彈性處理到，呢點都真係要讚一讚。就此事嚟睇AE呢項服務真係做野幫緊card members而唔係處處刁難，我諗大原則上都係假設card members係真誠及互信原則 (當然我諗肯俾HK$7,800年費既會員都有返咁上下質素，為claim而claim鑽漏洞既人並唔多先維持到generous policy and practice)
AE緊急家居支援服務(水浸/冷氣維修/開鎖)
官網咁寫：
我們為您提供緊急家居支援服務*，在您急需協助時提供支援。若府上不幸發生火災或水浸，而您及同住家人需要暫住酒店，我們會代您安排並支付多達兩晚酒店房租（上限為每晚HK$2,000）。
實測：
有要求拎proof，影返相同埋有問管理處出唔出到信證明事件咁，但過程不算嚴格，同埋通知AE後一天就拎到approval可以claim得返酒店金額。
有讀者因為屋企水浸成功claim到2晚酒店
如需安排技師上門維修以下各項故障，每次更可獲豁免首HK$1,000的費用：
- 電箱總掣發生故障
- 水管或排水系統淤塞及水管爆裂 （不包括水龍頭）
- 意外被鎖於家門外
- 冷氣機突然失靈（添加雪種及滴漏除外）
以上2,3及4里先生親身都有用過，AE真係幫我搵埋師傅仲墊底咗HK$1,000。
AE白金卡開鎖服務實測
我應該實測咗樣大家都唔係好想「experience」嘅服務，話說早幾日屋企個電子鎖失咗靈入唔到屋，醒起AE白金卡有緊急家居支持服務先前我有試過冷氣有問題都有搵過AE幫手順利解決有同大家分享過。
啱啱呢單嘢又搵咗AE幫手，出事後就打咗卡背電話，簡單問咗啲資料就話搵師傅，要一陣再覆我。非常有效率，十分鐘後就call back我話師傅45分鐘至1小時就可以到我屋企。師傅準時到，同我搞幾搞reset就開到門，事後簽返個名就搞掂。
最後AE只email要求我俾返個地址証明就ok，因為個服務費唔超過$1000所以我完全唔需要再俾錢。
AE處理呢啲home assistance service真是每次都咁快手，我每次都相當滿意。可能你會覺得開個鎖啫使乜搵到AE幫手自己求其search下都搵到開鎖佬，是的，自己要搞的確唔困難但係AE俾到我嘅係放心(話晒叫陌生人開鎖入屋，點知search到咩人嚟)同埋當有緊急情況下有人幫你handle晒所有嘢嘅感覺真是很好。在我心目中這就是privilege ，因為用AE卡服務而獲得的privilege。
AE拖車服務：汽車故障支援服務
官網咁寫：
我們為您提供汽車故障支援服務*，令您無需擔心。我們可代為安排以下的服務：
把座駕拖往您指定的車房維修，並代為支付首HK$750費用（不包括更換零件或配件的費用）
若座駕的故障未能於即日修理妥當，我們會安排的士接送各人回家及代為支付有關費用
修理完畢後，我們將免費載送您前往車房取回座駕
實測：
等咗好耐，唔知叫好彩定唔好彩，終於俾我用到AE個拖車服務。嚴格嚟講都唔係我用，而係我張AE白金卡的附屬卡持有人用。咁我就有得同大家分享下個實測。
AE白金卡(細頭)包咗一項benefits叫「緊急家居、汽車故障及本地醫療支援服務」
而汽車故障支援服務介紹就咁寫既：
- 把座駕拖往您指定的車房維修，並代為支付首HK$750費用（不包括更換零件或配件的費用）
- 若座駕的故障未能於即日修理妥當，我們會安排的士接送各人回家及代為支付有關費用
- 修理完畢後，我們將免費載送您前往車房取回座駕
啱啱我個附屬卡持有人架車既電池壞壞哋著唔到車，好彩佢係停車場到咁就打咗去AE問有咩幫到手，其實好簡單卡主只要打返卡背電話搵返白金秘書就會幫你處理，今次幾樣嘢：
- 因為係停車場到出事唔係咁趕，所以AE到幫手搵咗3個報價，價錢由HK$500至HK$1,600不等，有啲只幫你搭下電有啲就試完搭電再拖咁
- 拖車服務當然係外判，但幾多錢都好AE都會幫你找數先，而條數係會扣除返HK$750先至收你
- 呢HK$750係無限次俾你claim，當然無人希望日日claim啦我諗haha
- 除咗貼HK$750，仲會包埋離開+去拎車的士錢$350，但呢個的士錢限每曆年2次
AE都真係算係咁，我個附屬卡持有人就話服務好好超好用，除咗細頭有呢個service，年費包埋果張AE白金信用卡都有AE Shell優惠，入油超抵。AE對駕駛人士都真係相當唔錯。
11月14日前出卡仲有有史以嚟最抵回返HK$6,600，想試玩呢張卡都真係快手喇！
要寄返啲單去claim的士錢
本地醫療支援服務
此外，您更可隨時致電醫護人員，讓您在有需要時可獲得最合適的照顧。透過本地醫療支援服務*，任何時候均有醫護人員給予一般醫療意見，或轉介至有關醫生或專科醫生。
… >>於新分頁打開全文 “AE白金秘書服務：緊急家居(水浸/冷氣維修/開鎖)、汽車故障(拖車)及本地醫療支援服務” » Read more
