銀聯 Expedia 10% off 9折hotel discount promotion code 酒店折扣推廣優惠代碼 2018

銀聯 Expedia hotel discount promotion code 酒店折扣推廣優惠代碼 2018

銀聯呢個Expedia code好正!所有銀聯卡適用有9折10% off同埋本身銀聯勝在一定唔會「跨境商戶手續費CBF」,唔洗擔心無lala被收多1%手續費(出月結單時先見到)!如果無神卡HSBC Premier,里先生推薦用銀聯Unionpay呢個酒店折扣推廣優惠代碼promo code!

**如果有HSBC Premier,用→HSBC Expedia 85折 promo code仲低
****如果無銀聯: Mr. Miles折扣代碼全集→Expedia code

銀聯信用卡 10% 9折 指定連結去Expedia訂房入hotel promo code

  • 預訂日期: 至2018年6月30日
  • 入住日期: 至2018年9月30日

銀聯 expedia

  1. 銀聯Expedia→ 銀聯Expedia指定網址
  2. 如要儲Expedia分又用promo code要先登入Expedia account(如果無account可以訪客身份預訂/免費註册一個先),否則付款前入完code再登入會error (肉身測試過,最後付款金額顯示有折但實收金額無折T^T)
  3. 選酒店,選完到付款頁面(用立刻付款)
  4. 付款頁面中按「輸入優惠或推廣代碼」
  5. 輸入「UNIONPAY17HKH」,按使用
  6. 付款頁面右方會顯示已使用優惠劵,確認做咗9折(上圖右)
  7. 入渣打卡號/姓名/CVV等資料
  8. 再確認真係減左價先好確認付款!
  9. 成功,Email收埋Booking
  10. 【廣告】去 Facebook.com/MrMiles.hk 俾個page like里先生支持下,感謝!

HSBC特選 專有簽賬獎賞 電腦隨機抽選 中選機會均等(2018年3月)

hsbc 特選

HSBC特選專有簽賬獎賞(2018年3月) 中選機會均等 配合全部匯豐優惠可低至$1.25=1 Asia Miles

如果有留意開HSBC信用卡做嘅優惠應該都會知佢耐唔耐都做「特選客戶」簽賬獎賞,官方名稱叫「專有簽賬獎賞」。佢個玩法通常係set左個spending target per month (每月個人目標消費額),當你當月嘅簽賬超過左佢係寄俾你嘅信件又或SMS短訊上嘅目標消費額,特定類別簽賬會有額外6倍獎賞錢。呢個活動透明度比較低,里先生打過去hotline問點先可以增加入選機會,個客服小姐答我話係電腦隨機抽,同用得多唔多張滙豐信用卡無關係,所以中選機會係均等(如果你信)。如果你次次特選都唔中可能係opt out咗HSBC promotion materials, 需更改可以用ebanking login(click我的銀行>管理網上戶口>剔選收取全部materials)

匯豐信用卡專有簽賬獎賞詳情及條件

  • 中選條件 – 官方話電腦隨機抽(唔中只能無奈…)
  • 所需資格 – 收到信件或SMS後憑卡登記
  • 登記→官方連結/ 電話8228 8088
  • 推廣期 – 2018年3月1日至4月30日,分兩階段,每個月為一階段
  • 特快查詢中唔中電話: 2748 8033(HSBC獎賞錢Hotline)

如怕自己miss左信件/SMS,想確認返中唔中可以打去問下,比平常熱線快可以直接駁到去獎賞錢啲Staff。

HSBC特選玩法

  1. 要先合資格信用卡交易達到「每月個人目標消費額(Target)」,再中「特選類別」會有額外2.4%回贈(6X)
  2. 合資格信用卡交易定義包括一般簽賬及現金貸款(電子錢包/八達通動增值唔計,詳見下文)
  3. 如果達成第一點的條件,當月內所有「特選類別」包括飲食簽賬、網上簽賬可享額外2.4%回贈(6X)獎賞錢,每月最高可獲額外$200獎賞錢(啫係每月簽特選類別$8,333就爆)
  4. 留意如果要食埋最紅網上5X及賞世界5X,VS卡變20X的話需要達成某D條件及登記,詳情請睇返→最紅網上5X教學 (基本1X+VS 3X+賞世界5X+自主5X+專有6X)
  5. 簽賬策略: 可以對一對以下個表同你手上有既卡offer比較,如果你預計當月簽得夠個Target,基本上無論白金卡VS卡中唔中類別都好,網上簽賬/食肆簽賬好大部份情況都會用到HSBC信用卡

HSBC特選 現金回贈或每里數所需簽賬

TimesCash%$/里Example_assuming_you_are_selected
1X0.4%25每月簽帳唔夠Target數
4X1.6%6.25VS卡中類別但唔到Target
7X2.8%3.57白金卡唔中5X dining食肆簽賬
10X4.0%2.5VS卡唔中5X dining食肆簽賬
12X4.8%2.081. 白金卡賞滋味5X食肆簽賬
2. 白金卡網上簽賬(HK商戶)
15X6.0%1.671. VS中賞滋味5X食肆簽賬
2. VS網上簽賬(HK商戶)
17X6.8%1.47白金卡賞世界5X網上簽賬(海外商戶)
20X8.0%1.25VS卡賞世界5X網上簽賬(海外商戶)

#如需計算Avios所需里數,只需要用上述數字除1.5,但必需有HSBC Premier先換到Avios

重溫:

HSBC信用卡里先生分析
HSBC Premier里先生分析

HSBC信用卡特選需注意之條款細則

注意!由於以下字太多既關係可能令閣下情緒不安。其實上面所寫既已經係簡化左既條款,以下可以作參考或日後翻查既條款及細則(節錄自銀行官方網站):

4.於推廣期內持卡人成功登記及以合資格信用卡簽賬,並累積每月合資格簽賬(如第7及8條細則 所定義)不少於每月個人目標消費額,該月份的合資格飲食簽賬(如第9條細則所定義)及合資格網上簽賬(如第10條細則所定義),除基本「獎賞錢」外,可以享有額外2.4%「獎賞錢」 回贈(「專有簽賬獎賞」)。持卡人於推廣期內每月從合資格飲食簽賬及合資格網上簽賬中, 合共可獲之「專有簽賬獎賞」最高金額為$200「獎賞錢」
5. 用作計算「專有簽賬獎賞」的每月個人目標消費額已列印於有關的推廣郵件上。每月之定義為 2018年3月1日至2018年3月31日及2018年4月1日至2018年4月30日。
6. 於本推廣所獲得的額外「獎賞錢」會被誌入合資格持卡人用作登記的信用卡賬戶內。如持卡人 為綜合戶口附屬卡持卡人,則主卡及附屬卡持卡人均可享用已誌入該信用卡賬戶內的「專有簽 賬獎賞」。

每月合資格簽賬

7. 只有於推廣期內以合資格信用卡所進行、並於2018年5月31日或之前已誌賬的(i)交易、(ii)「現金套現」分期計劃及/或「簽賬分期計劃」之供款金額及(iii) 現金貸款(「合資格簽賬」),方 合資格參與此推廣。
8. 本行可全權絕對酌情決定哪些是合資格簽賬。透過香港滙豐流動理財應用程式及/或個人網上理 財繳費、購買及/或充值儲值卡或電子錢包的簽賬交易八達通自動增值、於「獎賞錢」購物 網及其他推廣進行的換購交易、其他交易包括但不限於年費、財務費用、逾期費用、郵購、傳真及電話訂購、「現金套現」分期計劃、「簽賬分期計劃」及其他分期計劃的提款金額、於非 金融機構的交易(包括購買外匯、匯票及旅行支票)、於金融機構的交易(包括購買銀行產品 及服務)、電匯、賭博交易、繳稅、自動付款、循環付款及所有未誌賬/取消/退款的交易, 均不會算作本推廣的合資格簽賬
9. 「合資格飲食簽賬」之定義為於推廣期內以合資格信用卡於香港餐廳食肆所作的合資格簽賬。 餐廳食肆將根據VISA國際組織、MasterCard Asia/Pacific (Hong Kong) Limited 及中國銀聯的 商戶編號釐定。合資格飲食簽賬並不包括酒席宴會、私人宴會、包場派對、設於酒店╱百貨公 司╱俱樂部╱會所內的飲食專櫃╱商戶、及於「最紅自主獎賞」推廣之其他簽賬類別(即非「賞 滋味」類別)的指定商戶所提供的餐飲服務。

到手時間

14.如有關簽賬獲本行核實後確認為合資格可獲取「專有簽賬獎賞」的交易,獲取的「獎賞錢」將於2018年7月31日或之前自動誌入合資格持卡人用以登記的合資格信用卡賬戶內。如同一持卡人以其名下不同的合資格信用卡進行多於一次的登記,其所獲贈的「獎賞錢」將會誌入其首張登記的合資格信用卡賬戶。

Source: 官網條款

Asia Miles配搭Avios換機票組合慳更多|俄羅斯/印度/斯里蘭卡/日韓台都搞得掂

asia miles avios換機票組合 攻略

Asia Miles配搭Avios換機票組合慳更多|俄羅斯/印度/斯里蘭卡/日韓台都搞得掂

先前搞果個活動搵出有DBS Black Card嘅DBS$1,500最吸引里先生嘅行程結果有啦!有好多吸引嘅行程…我覺得寫得plan得好嘅行程係唔止呢10個架…不過遊戲歸遊戲始終要選出the best winner. 除咗玩遊戲派出獎品以外,我希望成件事可以變得有意義一D多啲唔同例子俾讀者們參考點樣可以係有限嘅放位情況下都一樣可以plan到好好玩嘅行程。特意節錄整理以下勝出又肯同我地分享讀者嘅行程俾大家參考下。DBS$1,500折算成里數大約31,250里/Avios。一齊睇下點想配搭好玩又夠慳。

“Give a Man a Fish, and You Feed Him for a Day. Teach a Man To Fish, and You Feed Him for a Lifetime.”

Asia Miles換機票可以變化萬千,配搭埋Avios就更加多變化。除咗俾例子你參考更多,希望讀者們睇我寫嘅野可以拎到野走,明白箇中道理而作出相應嘅變化計劃到合適你嘅旅程。

重溫里先生Avios Asia Miles換機票教學快捷連結

其他: Asia Miles改制比較(懶人包)// DBS Black Card分析

(A) 標準港女去Shopping+具挑戰性的俄羅斯行程

  1. hkg-icn (10000Am Econ)
  2. Icn-vvo (4500 Avios Econ)
  3. Vvo-nrt (7500 Avios Econ)
  4. Nrt-hkg (10000Am Econ)

如果有Dbs $1500,我會換一啲平時冇咩人去,比較小眾嘅地方,做一個不一樣的旅程。

依個行程除左係一個不一樣的旅程,而且係四段航程,但有三個目的地。

作為一個標準港女,行程第一站,會由香港出發去韓國,認識下韓仔,睇下美景同美男(誤),然後食下韓式辣雞,食下韓國芝士棒同烤肉,再去明洞買買買!

行程第二站,會由韓國出發去俄羅斯-海參崴,一黎俄羅斯比特區護照免簽證啦,二黎一直都想坐下西伯利亞鐵路,三黎,如果岩季節,當地嘅帝皇蟹肉質超厚超鮮甜,仲要超平,真係好想一試。

行程第三站,會由番海參崴飛番東京,去到東京就當然係食食食,買買買,女士天堂,男士地獄(奸),仲可以參加日本當地嘅手作班,做一件獨一無二嘅紀念品帶番屋企添!

最後就坐國泰航空舒舒服服返香港,國泰行李額度即使係經濟艙都有30kg一個人,點爆買都吾怕啦

最後埋單計數:
用左20000Am另外加12000Avios ,即係只係需要付出 DBS$ 1536 ,就可以去曬日本,韓國同埋俄羅斯,夾埋都吾駛32000里,真係講都冇人信呀!

Credit to Nico Lam

(B)玩盡日韓台越

我會用DBS$1,500飛兩個trips,忙完一年,年底就近近先飛轉峴港relax下。下年就再一次過玩盡韓日台,先去釜山鎮海睇櫻花,之後搭啱啱被評為5星級嘅日本航空直飛東京瘋狂購物,返香港前去埋台北掃夜市,一次過滿足晒食買玩3個願望!

  1. HKG-DAD (4,500 Avios)
  2. DAD-HKG; HKG-PUS (10,000 AM)
  3. PUS-NRT (4,500 Avios)
  4. NRT-TPE-HKG (10,000 AM)

總共要20,000 AM (DBS$960) + 9,000 Avios (DBS$432),即係DBS$1,392!😎

Credit to Ken CK

(C)經典北海道台灣,善用埋iGO Rewards

  1. HKG – CTS (Econ 10,000 AM)
  2. CTS – HKG, HKG – TPE (Econ 10,000 AM)
  3. TPE – HKG (Econ 4,500 Avios)

去北海道睇札幌雪祭.看看他們巨大的雪雕作品,又可到滑雪場滑雪,再去搭纜車上山觀賞函館夜景. 有時間的話,可參加破冰團,欣賞海上的流冰.
去iGO Rewards用DBS$312訂1晚住札幌千歲國際飯店 (假設訂2019年2月6日至2月7日)
回港途中,可停留台北, 去看看台北誠品,西門店有四層高,除了賣各類形書籍也有服飾等等.有時間可探貓兒,猴硐貓村是很多貓兒聚居的地方,黃昏時上台北101大樓,欣賞台北的日與夜.晚上上美麗華摩天輪觀賞台北夜景.
回程返港的機票,要用4,500Avios兌換

DBS$960 = 20,000 Asia Miles
DBS$216 = 4,500 Avios
DBS$312 =1晚住札幌千歲國際飯店
Total: DBS$1488

Credit to Tower Man

(D)馬爾代夫+斯里蘭卡皇帝旅程

  1. HKG-CMB (Econ 10000 AM)
  2. CMB-MLE (Econ 4500Avios)
  3. MLE-CMB (Econ 4500 Avios)
  4. CMB-HKG (Econ 10000AM)

我嘅行程係想用DBS$960換20,000 Asia Miles再用DBS$432換9,000 Avios,組合埋一齊換張機票係去斯里蘭卡兼去埋馬爾代夫,同熱帶魚玩遊戲!跟住吾覺意係馬爾代夫識左個島主,之後再吾覺意同佢拎埋舊錢係斯里蘭卡做皇帝(應該係做皇后hehe),咁就真係不得了啦!

而家AM改制,20000里可以再衝遠啲,識玩就緊係有咁遠去咁遠啦,用完20000之後可以再配合個短途王Avios,去啲近近地又超出小小,又超難換到嘅地方,簡直一流。

自從UL改左冇左stop曼谷之後,連機型都變埋細機,識換就緊係坐邊返CX啦,去到斯里蘭卡,又可以坐下世界有名嘅沿海火車,騎下大笨象,飲下斯里蘭卡紅茶,先斯斯然去馬代,UL由可倫坡去馬累最吸引人嘅地方,係佢每日都最小都有三班機,而且早午晚任你簡,又吾會有果啲兩日先一班果啲衰野,最最最重要係可以停留斯里蘭卡做補吸(休息下)先去馬爾代夫嘛(你懂的)…

Credit to 楊兆愉

(E)濟洲+桂林風景行程

  1. HKG – CJU (7500 avios)
  2. PUS – HKG – KWL (10000 AM)
  3. KWL – HKG – RMQ (7500 AM)
  4. TPE – HKG (4500 avois)

韓國除左首爾,釜山同濟州就相對無咁多人去。所以會揀open jaw去晒呢兩個地方。濟州好多景點都有特色,對地理有興趣的人會更鍾意呢個地方。城山日出峰係必去地方,除了可以睇到獨特的火山口外(雖然已經長滿了植物),如能看到日出就更美好。另外亦都會到萬丈窟,認識下火山形城的熔岩洞。
釜山最出名當然係佢嘅海水浴場同甘川文化村,海雲台嘅沙好幼,喺嗰度望出去大海令人心曠神怡,睇埋日落就更加浪漫。至於甘川文化村,一排排五顏六色嘅屋仔真係非常靚。
桂林以前讀書都有讀過,「桂林山水甲天下」,雖然現在大陸好多地方都變得好假好人工,但係我覺得都應該見識下嘅。象鼻山、灕江同龍脊梯田都會係我想去嘅地方。
至於台灣,我就會想去左台中嘅高美濕地同清境農場,高美濕地嘅日落真係好迷人,而清境農場雖然就變得好商業化,但可以近距離接觸羊咩咩同睇下羊咩show,都幾得意。之後就上返去台北,會去下台北周邊嘅基隆同宜蘭,一來無咁多人,二來去得多台北,都要轉下場去其他地方認識下不同嘅文化。
3個trip 加埋用左29500里(即DBS$1416),仲有DBS$84可以留返下次用添

Credit to Ivan Chan

(F)Yoga朝聖+Hea遊台灣

我想用 DBS$960 換 20,000 Asia Miles,再用DBS$216 換 4,500 Avios,組合埋一齊換機票係秋季去印度嘅 Himalayan region 行山數天,之後玩埋瑜珈,欣賞巍峨的雪山,舒展筋骨,洗滌心靈,再係年尾由台東玩上台北,踏吓單車,欣賞吓美麗的海岸線,逛逛書店,食吓嘢,hea吓,慢活一下!

  1. HKG-DEL (Econ 10,000 AM)
  2. DEL-HKG, HKG-KHH (Econ 10,000 AM)
  3. TPE-HKG (Econ 4,500 Avios)

Credit to Karen Tong

(G)文青台灣+日本潮牌shopping

  1. HKG-TPE (Econ 4500 Avios)
  2. TPE-HKG, HKG-FUK (Econ 10,000 Asia Miles)
  3. FUK-HKG, HKG-KHH (Econ 10,000 Asia Miles)
  4. KHH-HKG (Econ 4500 Avios)

如果有DBS$1,500,我嘅行程會Plan成一個購物爆買為本,再配上慢活體驗,首先用DBS$960換20,000 Asia Miles再用DBS$433換9,000 Avios,組合埋一齊換張機票係寒假即聖誕節前夕去台北夜市掃下街🍦,去東區辦聖誕節禮物🎁,嗰邊多文青Handmade野,朋友實鍾意,台灣買野又平,再係下年8月暑假去多轉福岡買潮牌👕👟,等Supreme開季同CDG秋冬季開賣,去排隊買最新單品,絕不食炒價。最後當然再去高雄租個民宿,體驗慢活既樂趣。咁就既滿足我購物狂嘅物慾,買到曬心頭好🛍,又令到我可以遠離城市的煩囂。

Credit to Cysc Bee

(H)玩CX First Class Lounge去埋日本+輕鬆玩越南

  1. HKG-TPE, TPE-NRT (CX First + CX Econ, 18,000 AM)
  2. NRT-HKG, HKG-DAD (CX Econ, 10,000 AM)
  3. DAD-HKG

如果我有DBS$1500,我就會用其中DBS$1345 換 28,000 Asia Miles。參考里先生之前推薦嘅✈混合艙位玩法+善用Asia Miles可以Stopover嘅特性🛬~務求用最少嘅里數換最多嘅體驗😎!!所以我會喺聖誕節🎅🏼🎄先坐頭等艙飛轉台北,除咗有得免費入埋CX嘅First Class Lounge外🌟,可以享受一轉豪華嘅空中之旅💺,再喺夜市食返幾日😋。然後由台北坐經濟艙飛東京🇯🇵,在浪漫嘅東京鐵塔🗼下倒數跨年,然後再瘋狂搶福袋🛍🛒幾日先返香港~~~

仲淨低嘅DBS$155點用好🤔?如果想玩盡啲,可以換埋Avios再補少少錢換埋張DAD-HKG機票,又或者買張越南廉航單程機票,咁下次就可以去埋轉越南啦🌴!但精明嘅我🤗,就梗係會等埋DBS Black Card💳嘅最新超抵迎新賺咗嗰9,000 Avios先一齊用~咁就除咗稅之外,1蚊都唔洗俾啊😝!!!

Credit to Isabella

(I)三亞嘆酒店+文青玩東南亞

  1. HKG-SYX (4500 Avios)
  2. SYX-HKG-PNH(10000 Am)
  3. REP-KUL (4500 Avios)
  4. KUL-SIN-HKG(10000Am)

我嘅旅遊大計係想用最小嘅里程,去到最多嘅地方,用DBS$960 換20000Asiamiles 再用DBS$432 換9000Avios,組合左之後就可以一票換到五個城市喇!

可以先係今年年尾換張機票去三亞避下冬,而且果度年尾淡季,酒店都平啲。之後三月再由香港飛金邊,睇下當年赤柬歷史,再坐車落番去埋暹粒睇大小吳哥,再去就由暹粒飛去吉隆坡,去到吉隆坡剛剛係當地榴槤季節,當然吾執輸,有咁多食咁多,再用國泰第五航權由由吉隆坡坐國泰機飛新加坡,食埋肉骨茶先返香港,正都不得了!

總共係DBS$1392

Credit to Gloria Cheung

(J)Backpacker越韓日海陸空之旅

我會利用DBS$1176換成24,500里數變成一個海陸空旅行團。

  1. HKG-HAN 4,500 avios
  2. HAN-SGN (火車)
  3. SGN-HKG, HKG-PUS 10,000AM
  4. PUS-FUK (船)
  5. FUK-HKG 10,000am

特區講照入境越南需要簽證,所以背包體驗玩多幾個城市比較伐算。三月出發,仲係旱季,又冇咁熱,河內入胡志明市出,可以玩埋洞海,順化,會安。一定要去洞海,因為個度仲有一個尚未完善發展景點-黑暗洞/天堂洞。個度擁有亞洲最大鐘乳石洞,仲可帶埋頭盔入洞探險。之後火車直落,食盡唔同城市生牛肉河。走完一趟背包火車人生,之後飛番香港唞唞。放低背囊,拎起行李黎個奢華之旅。先去釜山睇景之後船遊福岡,再去福岡大喝大吃,體驗獨有屋台美食,延綿不斷天神地下商場,大買特買,行李有成30kg,一袋二袋都冇問題,最好仲係福岡中心距離機場只係15分鐘,好鬼方便。

短途要用avios,長途中停am,咁先至抵。不過礙於我有10000am到期,所以尾程要用am。

Credit to 羅巧瑩

東亞 Android Pay Apple Pay 快餐/咖啡專門店 9折

bea android pay

東亞 Android Pay Apple Pay 快餐/咖啡專門店 9折

先前同大家介紹咗海外及星期日簽賬東亞9X(連基本分),BEA加卡入Apple Pay/ Android Pay送$20現金回贈。除咗呢兩個優惠之外,東亞成個送9迎新活動仲有一個去「快餐/咖啡專門店9折」。雖然上限回贈得每月$100唔係多,但反正無簽賬下限,去開食老麥或者Starbucks買咖啡不妨用東亞啪Android Pay/ Apple Pay,變相首$1,000消費有9折。條款無寫增值reload Starbucks卡唔計,照條款睇reload都會有現金回贈。

BEA Android Pay Apple Pay 快餐/咖啡專門店拍卡10%現金回贈

  • 活動日期至4月30日→ 登記網址 (如先前已登記海外/星期日9X,無需再登記)
  • 手機付款獎賞 (記得要用Android Pay/Apple Pay啪卡,唔好就咁簽)
  • 只適用於透過Android Pay/Apple Pay作任何有關全數簽賬之持卡人。合資格簽賬只包括根據Visa國際組織/ Mastercard Asia/Pacific (Hong Kong) Limited/銀聯國際之商戶編號釐定的香港快餐店(包括咖啡專門店)之簽賬
  • 每個合資格賬戶於每個曆月最多可享HK$100現金回贈,於整個推廣期最多可享HK$300現金回贈。
  • 現金回贈將於 2018 年 6 月 5 至 8 日存入有關主卡賬戶,並顯示於結單。
  • 優惠不適用於東亞銀行 JCB 白金卡。Android Pay 優惠不適用於東亞銀行銀聯雙幣白金信用卡

官網活動連結(優惠三 加卡賞)

Wechat Pay 利是圖解教學 無成本拎$8.8微信紅包+$8.8保誠紅包

wechat 搶利是

Wechat Pay 利是圖解教學 無成本拎$8.8微信紅包+$8.8保誠紅包

各位新年快樂啊!祝你新一年順順利利!Wechat搶紅包可能聽得多,不過可能你就怕麻煩無去搞。啱啱里先生實測咗,其實只要你禁幾個制就輕鬆有$17.6落你個Wechat Pay錢包到。呢加香港慢慢越嚟越多機會用到Wechat Pay,拎咗先唔洗擔心一定會用得著。阿媽教落,有利是梗係逗咗先!(重點) 今次Wechat Pay利是結咗婚都有份架!快D睇下點逗佢封利是!另外寫緊Wechat Pay信用卡chok積分攻略,完成後會於里先生Facebook同大家討論。

最新$30減$10優惠→ WeChat Pay付款優惠/支援商戶(微信支付HK)

Wechat Pay 搶利是紅包步驟

iPhone用家→Download
Android用家→Download

  1. 首先你要有Wechat
  2. 首先你要拎咗個利是QR code (請於下面圖案做Screen capture)
  3. 打開Wechat,去底部的「發現」
  4. 彈咗個影相出嚟,選「我的相簿」
  5. 選擇返頭先screen capture咗既QR code
  6. 之後跟住指示(以下圖解)禁落去(禁邊到有打圈),咁就逗到利是架喇!
  7. 成功咗記得去Mr. Miles facebook到講聲「恭喜發財」啊!

Screen capture QR code先(wechat QR code)

wechat pay 利是QR code

Wechat利是QR code – Screen Capture咗先!

打開wechat

wechat pay 利是 流程1

跟住wechat指示做(圖解有圈圈禁咩制)

wechat pay hk 利是 流程

 

Wechat 保誠利是QR code

wechat pay 保誠 利是 QR code

保誠利是 QR code : Screen capture咗先

wechat pay 利是 流程1

跟住wechat指示做(圖解有圈圈禁咩制)

wechat pay 保誠 利是 流程1

wechat pay 保誠 利是 流程2

HSBC 最紅新春賞 食飯$500送你額外28RC 必用Reward+ App登記

hsbc 最紅新春賞

HSBC 最紅新春賞 食飯$500送你額外28RC 必要用Reward+ App登記

HSBC出優惠洗唔洗出得咁勤力啊…啱啱最紅冬日賞8%今日完(2月15日),諗住用HSBC食飯可以告一段落…點知由明天開始至2月底又整多個最紅新春賞,玩法好簡單,係HSBC新App Reward+登記完食飯夠$500就送你額外28RC (280 Asia Miles/ 420 Avios),每人只有一次機會。唔計任何倍數只計基本都有$1.67=1里/ $1.11=1 Avios,有VS/最紅自主放咗賞滋味5X就仲抵喇。唔洗諗架喇,如果月底前有一餐超過$500就用HSBC啦!

HSBC 最紅新春賞詳情

  • 活動日期2018 年 2 月 16 日至 2018 年 2 月 28 日
  • (注意)需於Reward+ App作登記
  • 每人只限賺一次,食肆**簽賬需滿$500
  • 找數日期: 2018年6月30日或之前自動誌入

**所有於酒席宴會、私人宴會、包場派對、設於酒店╱百貨公司╱俱樂部╱會所內的飲食專 櫃、於「最紅自主獎賞」其他消費類別的指定商戶所提供的餐飲服務的交易亦不包括在內

官方→活動網址

「滙豐 Reward+最紅新春賞」之條款及細則 (節錄)

1. 本推廣適用於 2018 年 2 月 16 日至 2018 年 2 月 28 日,包括首尾兩日(「推廣期」)。
2. 本推廣適用於所有由香港上海滙豐銀行有限公司(及其繼承人及受讓人)(「本行」)於香港發出的港幣個人 基本卡、綜合、獨立戶口附屬卡及以港幣戶口簽賬的銀聯雙幣信用卡(「合資格信用卡」)的持卡人(「持卡 人」)。持卡人於推廣期內須以合資格信用卡簽賬繳付所有有關費用以享本推廣之優惠。
3. 持卡人須於推廣期內於 HSBC HK Reward+應用程式進行登記(「登記」),方可參與本推廣並獲享額外「獎 賞錢」優惠(定義見下列第 4 條)。登記不限於簽賬前或之後進行。未能於推廣期內成功登記的持卡人將不會
獲享額外「獎賞錢」優惠。每位持卡人只須於推廣期內以其合資格信用卡登記一次。
4. 成功登記的持卡人於推廣期內以合資格信用卡作合資格餐飲簽賬(定義見下列第 6 條)單一簽賬淨額(定義見 下列第 7 條)滿港幣 500 元,可獲享額外$28「獎賞錢」(「額外『獎賞錢』優惠」)。
5. 每位持卡人於整個推廣期內最多可獲額外$28「獎賞錢」。
6. 「合資格餐飲簽賬」為推廣期內以合資格信用卡於香港的餐廳食肆所作的簽賬,並於核實持卡人有資格獲享優 惠時已誌賬的交易。餐廳食肆將根據 VISA 國際組織、MasterCard Asia/Pacific (Hong Kong) Limited 及中國 銀聯的商戶編號釐定。所有於酒席宴會、私人宴會、包場派對、設於酒店╱百貨公司╱俱樂部╱會所內的飲食專 櫃、於「最紅自主獎賞」其他消費類別的指定商戶所提供的餐飲服務的交易亦不包括在內。所有未誌賬、取消 以及退款的交易均不會算作本推廣的合資格餐飲簽賬。本行可全權絕對酌情決定哪些是合資格餐飲簽賬。持卡 人進行簽賬交易前,本行恕不負責澄清該項交易可否獲享額外「獎賞錢」優惠。
11. 本行核實及確認有關合資格餐飲簽賬可獲額外「獎賞錢」後,有關的額外「獎賞錢」將於 2018 年 6 月 30 日或 之前自動誌入持卡人用作登記的合資格信用卡戶口內。如持卡人以其名下不同的合資格信用卡進行多於一次的 登記,有關的額外「獎賞錢」將根據本行的紀錄誌入首張登記的合資格信用卡戶口內。
官網→活動條款

東亞信用卡繳費5月1日起無積分(網上/電話/ATM) 八達通增值獎分設10,000上限

東亞 繳費

東亞信用卡繳費5月1日起無積分(網上/電話/ATM) 八達通增值獎分設10,000上限

東亞信用卡繳費卡不再,5月1日起網上繳費無積分(要轉卡? 必睇→信用卡繳費攻略)!連八達通自動增值積分都cap埋有10,000獎分上限。本身東亞BEA Flyer World $8=1里八通自動增值都唔係特別抵,呢加仲加埋上限添…搵定第張卡做八達通自動增值都得喇。→八達通自動增值信用卡比較

東亞信用卡條款修改詳情

網上/電話/ATM繳費

  • 2018年5月1日起透過電子網絡銀行服務將不獲獎分或現金回贈,包括
  • 互聯網
  • 電話
  • 自動櫃員機及
  • 流動電話渠道進行之所有繳款
  • 就咁睇條款既話當面交費/自動轉賬仲會有分

政府部門及八達通自動增值

  • 2018年5月1日起
  • 設有每曆月上限10,000獎分
  • 按條款字面睇當面交/自動轉賬都係範圍內
  • (留意)八達通AAVS同政府部門payment會加埋一齊計

官網條款連結: https://www.hkbea.com/pdf/tc/noa_201802_cc.pdf

東亞Apple pay Android pay 加卡賞$20今日開始

東亞apple pay android pay

東亞Apple Pay Android Pay 加卡賞$20

早2日向大家介紹咗東亞9X(連基本分),先前文章都有寫到【星期日】果個9X要係簽賬期內做一次手機支付交易。里先生覺得呢條條款可能好多人無為意,特意再提多次大家。另外,除咗9X之外今次東亞仲有個加卡入Apple Pay/ Android Pay送你$20現金回贈的。先前無寫埋出嚟因為怕你手快快無睇條款就加咗卡落去,呢個送你$20現金回贈必須於今日2月11日至4月30日加卡入手機先會有回贈,未加既呢加可以加喇!

重溫→ BEA東亞外幣/星期日9X活動

BEA Apple Pay Android Pay 加卡賞$20

  • 不適用於2018年2月10日或之前曾成功加卡至Android Pay/Apple Pay之持卡人
  • 每個合資格賬戶最多可享HK$20現金回贈
  • 需於4月30日前做一次任何金額Apply Pay/ Android Pay交易
  • 現金回贈將於 2018 年 6 月 5 至 8 日存入有關主卡賬戶,並顯示於結單。
  • 優惠不適用於東亞銀行 JCB 白金卡。Android Pay 優惠不適用於東亞銀行銀聯雙幣白金信用卡
  • 持卡人之合資格賬戶於推廣期內及現金回贈發放時必須維持綁定於 Android Pay/Apple Pay

官網活動連結(優惠三 加卡賞)

BEA信用卡 東亞日(星期日/海外簽賬) 連基本9X積分 (BEA Sunday)

bea sunday

BEA信用卡 東亞日(星期日/海外簽賬) 共9倍獎分

【最新→東亞日11X 4.4%回贈】果然係有競爭有進步!啱啱上星期介紹完渣打外幣特選$1.5/$1=1里,唔中既朋友呢加有Alternative喇! 東亞啱啱出咗個外幣簽賬推廣有9X積分,計返有$0.89=1里!仲抵過渣打特選囉…不過留意東亞通常寫出嚟係total倍數,以BEA Flyer World計,明明額外得7.4X但廣告就大大隻字寫9X(佢無呃你但唔係個個識睇囉),里先生以下再慢慢拆解條款。呢個優惠要係2月11日至4月30日期間,每月累積海外簽賬滿$3,000先有9倍(連基本)獎分。里先生計過條數如果用BEA Flyer World 當月海外簽夠$6,757,就拎到額外6,250 Asia Miles,有三個月俾你玩,啫係如果你個個月個海外簽賬,拎到盡有18,750里!都仲未計埋基本1.6X嘅1,350里(按月)添啊!

如果近排無海外簽賬可以玩另外一個【星期日●東亞日】,我覺得今次個名改得都幾好,因為簡單表達星期日所有簽賬都有9倍(連基本)獎分同埋又俾佢食到個「日」字喎。雖然上限係少D,每個曆月上限額外12,500東亞積分(額外1,562 Asia Miles),以BEA Flyer World計啫係每月加總簽$1,689就爆。注意!每條交易最少要夠$500架。

就咁睇未必明,以下再解釋返幾錢幾里同埋個簽賬策略!

東亞信用卡海外9倍獎分詳情(旅遊日●東亞日)

  • 登記期: 2018年2月9-4月30日
  • 簽賬期: 2018年2月11-4月30日
  • (蝦人唔睇優惠)經東亞指定連結登記→官網活動連結
  • 需要每曆月累積簽賬滿$3,000先有額外,少過呢個數就唔洗特別簽東亞喇!
  • BEA Flyer World計返啫係每月夠$3,000海外簽賬就做到$0.89=1里
  • 每月上限50,000東亞積分(相等於6,250里),啫係簽$6,754就爆
  • 全期上限150,000東亞積分(相等於18,750里)
  • 注意!唔包括網上簽賬架,需要實地簽
  • 注意!登記期同簽賬期唔同架!
  • 官網頁面有寫優惠可同時使用

星期日 東亞日 星期日簽賬9倍獎分詳情

  • 登記期: 2018年2月9-4月30日
  • 簽賬期: 2018年2月11-4月30日
  • (同上)經東亞指定連結登記→官網活動連結
  • 需要於星期日單一簽賬滿$500先有額外,少過呢個數就唔洗特別簽東亞喇!
  • BEA Flyer World計返啫係每月的星期日簽夠$500簽賬就做到$0.89=1里
  • 每月上限12,500東亞積分(相等於1,562里),啫係簽$1,689就爆
  • 全期上限37,500東亞積分(相等於4,686里)
  • 注意!唔包括充值電子錢包/超級市場/百貨公司/旅行社
  • 注意!2月11至4月30日要用東亞卡手機支付(Apply Pay Android Pay)一次(呢條條款好PK,唔好唔記得啊!)
  • 官網頁面有寫優惠可同時使用

不合資格交易包括超級市場/百貨公司/旅行社/Taobao.com/Tmall之零售或網上簽賬、現金透支、網上/自動櫃員機繳款、稅務繳款、循環付款、自動轉帳交易、八達通自動增值服務、轉賬金額、購買及/或充值儲值卡或電子錢包、「好用錢」計劃有關金額、財務費用、逾期手續費、年費、銀行收費及籌碼兌換。

東亞Flyer World Master海外簽賬每月夠$6,757例子所得積分/里數

  • 東亞基本所得里數: $5=1里,$6,757 = 1,351里 ($1 = 1.6分,共10,811獎分)
  • 東亞9X所得里數: 每月50,000額外積分 = 6,250里 (BEA積分兌換率 – 8分=1里)
  • 加總會有7,601里,計返啫係$0.89=1里!(如果鐘意現金劵,50,000積分可換2張百佳$100現金劵)

*海外上限計法(唔想計數可以唔洗理,跟上面做就OK): 正確嚟講9X分係包咗1X基本,0.6X BEA Flyer World。啫係額外其實只係得7.4X。而7.4X bonus每月上限為50,000積分,啫係每月簽$6,757就爆(50,000/7.4)

#星期日上限計法(唔想計數可以唔洗理,跟上面做就OK): 一樣9X分係包咗1X基本,0.6X BEA Flyer World。啫係額外其實只係得7.4X。而7.4X bonus每月上限為12,500積分,啫係每月簽$1,689就爆(12,500/7.4)

東亞Asia Miles信用卡→ BEA Flyer World申請條件/優缺分析

東亞9倍獎分需注意條款

  • 星期日●東亞日獎分將於 2018 年 6 月 19 至 22 日存入有關主卡賬
  • 旅遊日●東亞日獎分將於 2018 年 6 月 27 至 29 日存入有關主卡賬戶
  • 合資格海外交易包括:(i)以港元以外貨幣誌賬之香港境外零售簽賬(ii)以「即時外幣兌換」方式結算之港元交易
  • 不合資格海外交易包括現金透支、網上簽賬、籌碼兌換及電話/郵寄購物。

Source (pdf) → 官網條款

1 21 22 23 24 25 30