Marco Polo Club 馬可孛羅會會籍積分調整及綠卡續會條件club point (附馬可孛羅會及Asia Miles分別官方短片)

mpc new chart and change

Marco Polo Club 馬可孛羅會會籍積分調整 更新航班可賺tier point及綠卡續會條件

Marco Polo Club (MPC/菠蘿會)會藉更新公怖咗喇!係12月8號就會生效!整體嚟講大部份短途/長途客位都可以賺多咗club point (tier point)!唔洗再飛到氣咳先keep到張MPC銀卡,加埋CX AE Elite信用卡免首年綠卡申請費$780,呢加改一改要keep銀卡都叫容易D先啦!除咗坐CX機多咗tier point,今次仲改埋綠卡續會只需20 tier points,咁樣真係親民好多!唔係專業飛客/公幹客都可以受惠!

Marco Polo Club 馬可孛羅會及Asia Miles亞洲萬里通分別 官方介紹短片

MPC新會籍積分計算方法

搭乘任何客艙級別的超短途及短途航班,由香港飛往亞洲區內目的地包括台北、上海及東京,每航段將可額外賺取5至10會籍積分,適用於大部分「子艙位」(fare class)。

搭乘經濟及特選經濟客艙的長途及超長途航班,包括由香港飛往倫敦、洛杉磯及紐約等目的地,以及將於明年開航的都柏林、哥本哈根及布魯塞爾,每航段可額外賺取10至15會籍積分

marco polo club new tier points

*搭乘寰宇一家oneworld聯盟航空公司所賺取的會籍積分將維持不變,只限國泰航班

MPC延續綠卡會籍

綠卡會員在會籍年度延續其綠卡會籍所需的會籍積分將由100調低至20會籍積分。而會籍申請費或延續費將維持現時的100美元。(申請費用可以用CX AE Elite card額免!)

新計算法→ 官方連結

» 按入查看更多...

新福利!Marco Polo Club 馬可孛羅會免費保留網上預訂72小時

marco polo club 免費留位

Marco Polo Club 馬可孛羅會免費保留網上預訂72小時

國泰訂票系統有新功能,啱啱推出咗「保留票價」服務功能,咁以後book國泰機票就可以hold住個位好似保險冷靜期咁諗清楚唔啱72小時內就取消返佢!MPC 馬可孛羅會(以下簡稱菠蘿會)仲要訂金都唔洗俾可以book咗先。提返你先,本來菠蘿會要$780年費但有CX AE Elite卡可以免費送!

菠蘿會免費保留票價詳情

  • 國泰官網訂機票可選擇「保留您的票價」72小時,才決定是否購買。本來此項服務須收取預訂費用,但馬可孛羅會會員可獲豁免收費。
  • 保留票價服務適用於出發前最少7天、在網上預訂的國泰航空或國泰港龍航空航班。
  • 同一預訂中,您的同行親友亦可免費享有全新之票價保留延長期限。
  • 只須登入您的賬戶,或於預訂時在乘客資料中輸入您的會員號碼,即可享此禮遇。
  • 當您保留預訂後,將會收到確認電郵,可於72小時內確認預訂並完成付款;亦可隨時取消預訂,否則預訂在72小時後將自動取消,費用全免

國泰CX保留預訂步驟

  1. 馬可孛羅會會員在開始前先登入
  2. 選擇航班並填寫資料後,將可選擇「保留票價」選項
  3. 輸入付款資料以支付訂金。已登入的馬可孛羅會會員將不會被收取訂金
  4. 預訂一經保留,您將收到通知電郵,而您將有 72 小時決定是否希望完成付款程序以及鎖定預訂

國泰「保留您的票價」 需注意條款

  • 此功能不適用於由中國、印度及加拿大出發的行程
  • 只接受以信用卡支付保留票價的訂金
  • 此功能不適用於在七天(168 小時)內出發的航班
  • 不論是否於 72 小時保留期內,附有「保留票價」選項的預訂均不可更改
  • 如要不付訂金而保留票價,其中一位旅客必須是馬可孛羅會會員
  • 若您決定不再需要此預訂,預訂將於 72 小時保留期結束時自動取消
  • 「保留您的票價」 並不適用於特別優惠、酒店預訂、套票預訂及以「亞洲萬里通」航班獎勵預訂

Source: 官方網址

» 按入查看更多...

IHG新會員送你500 Avios of Iberia+訂三晚升金卡 (洲際酒店集團迎新活動)

IHG Avios IB

洲際酒店集團新登記會員送500 Avios+住三晚升金卡

各位Avios fans注意喇!IHG洲際酒店集團(啫係InterContinental同Holiday Inn母公司),經指定連結登記成為新會員送你500 Avios啊!仲有就係90日內訂三晚IHG集團嘅酒店可以升金卡!(正常情況下要10晚)。無錯係送,真係送Avios,不過今次送嘅Avios唔係BA英國航空嘅Avios而係IB西班牙航空Iberia Airlines嘅Avios (先前有睇Avios教學所教你開嘅戶口係BA Avios),兩者母公司同屬International Airlines Group。有玩開Avios嘅朋友應該知道係咩事,其實簡單嚟講BA同IB都將佢地嘅里數叫做Avios,兩者嘅Avios可以自由互通但係偏偏又唔係夾埋係同一個戶口上面,要你特別去做登記禁幾個制先至可以由IB Avios換成BA Avios,反之亦言。背景講完,唔洗諗到Avios好複雜,總之我地香港成日講嘅Avios,大新白金卡/HSBC Premier/Citi信用卡儲到嘅Avios都係BA Avios。

IHG新會員送500 Avios 詳情及條件

  • 經指定連結進入IHG官網→ 指定連結 (22 Nov 17 update: 多謝有心讀者指醒,此連結現時失效)
  • 需要為西班牙航空Iberia會員及從未成為IHG會員
  • 申請IB戶口→ 西班牙航空官網
  • 需要於將IHG戶口嘅preference改為賺取IB Avios→ 改preference網址 (成為會員後)
  • 登記日期: 需於2017年12月31日前登記
  • 獲得500 Avios時間: 2018年2月15日前 (無需任何預訂/消費,只要新會員及改preference)

Source: 官網條款

IHG X Iberia airline訂三晚升金卡詳情

  • 需於新登記成為會員後90天內有3晚預訂
  • 不能與其他offer同時使用
  • 如果於2018年完成第三晚,金會藉將有效至2019年尾(2年)

Source: 官網條款

IHG金卡主要優勢

  • 延遲退房
  • 積分不過期(普通會員積分會12個月就過期)
  • 優先check-in線(排少D隊)
  • 額外10%住宿獎分
  • 里先生: 其實呢D唔算咩優勢,早餐都無送…無乜誠意…不過總好過無嘅 😛

IHG member benefit

Source: IHG官網

» 按入查看更多...

中銀 銀聯卡 X Apple Pay 華潤Vango買野$30減$15!半價!U購select $300減$100!

中銀銀聯applepay vango promotion

中銀 銀聯卡 X Apple Pay 華潤Vango買野$30減$15!半價!U購select $300減$100!

由現時起至10月31日止用BOC中銀 銀聯卡去華潤便利店Vango或者U購Select用Apple Pay都有著數!係Vango用Apple Pay選擇用銀聯卡俾錢滿$30減$15(半價!),如果U購Select $300減$100添啊!今次優惠無點做廣告比較冷門,有中銀銀聯卡就唔好錯過喇,佢限一日一次但係無封頂用幾多日!如果樓下附近有Vango買早餐/U購Select買餸長用長有,咁計落呢個優惠都幾著數!即享折扣嚟架,記得提下店員啊!

中銀銀聯卡Apple Pay 需注意條款

  • 華潤便利店Vango名額 10,000
  • U購Select 名額 3,000
  • 每人每日限使用此手機優惠1次

Source: 活動官方網址

銀聯卡 X Apple Pay 除左呢個優惠,係7-11買野都有$30減$10!快D賺埋佢啦!

中銀BOC信用卡加入Apple Pay教學

里先生為你精選真。著數限時信用卡優惠,唔想錯過快D Like實跟貼住里先生Facebook啦!

» 按入查看更多...

東亞BEA信用卡 Apple Online Store 買滿$3,000有10倍獎分 買Iphone 必用!

bea apple

BEA信用卡Apple 買滿$3,000有10倍獎分 等買Iphone X 要識

Apple啱啱出左Iphone 8 Iphone X 東亞就食住條水去東亞指定連結去Apple Online Store (AOS) 買野有10倍獎分。里先生計過條數如果用BEA Flyer World Master買一部價值$5,988嘅Iphone 8 64G版可以拎到成6,200 Asia Miles 里數。計落都真係幾著數!不過要留意返如果要有額外bonus獎分就一定要經BEA官網條指定連結去Apple Online Store買先有,所以如果你都準備換iphone 8或遲D換iPhone X嘅話記得經指定連結去Online Store買啊!

東亞信用卡Apple Online Store 8倍/10倍獎分詳情

  • 經東亞指定連結購買→官網活動連結
  • 需要購物滿$3,000 – 基本上Apple Store 求其買件野都夠,所以東亞今次個優惠算親民
  • BEA Master Card 10倍獎分上限40,000東亞積分(相等於5,000里),東亞其他卡就8倍獎分上限300,000東亞積分
  • 需於2017年12月31日前訂購

東亞Flyer World Master買$5,988 Iphone 8 64G例子所得積分/里數

  • 東亞基本所得里數: $5=1里,$5,988 = 1,198里 ($1 = 1.6分,共9,581獎分)
  • 東亞10X所得里數: 40,000額外積分 = 5,000里 (BEA積分兌換率 – 8分=1里)
  • 加總會有6,198里,計返啫係$0.966=1里!(如果鐘意現金劵,50,000積分可換2張百佳$100現金劵)

東亞Asia Miles信用卡→ BEA Flyer World申請條件/優缺分析

東亞AOS 8倍/10倍獎分需注意條款

  • 簽賬獎分將於2018年2月23至28日存入主卡賬戶
  • 購買Bose產品、Apple Store禮品卡、iTunes禮品卡及Apple服務不獲獎分
  • 每個主卡/附屬卡賬戶會被視為1個合資格賬戶以計算簽賬及獎分

Source … >>於新分頁打開全文 “東亞BEA信用卡 Apple Online Store 買滿$3,000有10倍獎分 買Iphone 必用!”

» 按入查看更多...

HSBC Avios Bonus | Premier 信用卡積分「獎賞錢」兌換Avios 35%額外獎勵

獎賞錢轉Avios bonus有35% bonus

HSBC Avios Bonus英航會員俱樂部Executive Club會員轉換「獎賞錢」至Avios積分可享額外35%

HSBC Avios Bonus,Premier信用卡持有人將獎賞錢(“RC”)兌換Avios額外bonus又黎喇!係2016年年底既時候錯過左既話呢加呢加又有機會!記得係2017年9月30日前登記所需要兌換既RC,咁就會從原先既兌換率1RC = 15 Avios 自動升level變為1RC = 20.25 Avios喇!換句說話講,登記左最紅網上及海外簽賬獎賞又中晒最紅自主獎賞5倍類別簽賬既話,用Visa Signature卡既海外簽賬可以做到HK$0.88 = 1 Avios(你無睇錯,真係!),就算唔中自選類別或者無登記過任何野,VS Card都做到HK$3.08 = 1 Avios,真係跑贏其他儲Avios信用卡幾條街啊…有HSBC Premier WorldMaster 呢張富貴卡既你…真係唔好錯過喇!

【2017年12月最新一期Avios bonus請參看→HSBC Avios 25% bonus

35% HSBC Avios Bonus promotion需要注意條款及細則

  • 2017年9 月30日前成功登記換領
  • 額外Avios積分會於兌換後4至6星期內與基本Avios積分一同存入BA戶口,趕住Avios出機票既話要預留返多D時間等入賬啊!
  • 要先登記參加HSBC「飛行優惠計劃」,年費HK$300一年內無限次兌換,無得退
  • HSBC「飛行優惠計劃」登記網址→https://www.hsbc.com.hk/zh-hk/personal/hsbc-mileage-programme.html
  • 成功登記完再填兌換Avios表格寄返HSBC (一定要填同寄,我都唔明HSBC搞咁多FinTech但換Avios又唔做埋網上登記方便用戶…)

計算35% Avios bonus後HSBC Visa Signature信用卡的簽賬兌換Avios比率

用Visa Signature簽賬,利用HSBC Premier換Avios,假設全中Red Hot 5X類別情況下:

  • 本地簽賬  : HK$1.37 = 1 Avios
  • 海外簽賬*: HK$0.88 = 1 Avios
>>於新分頁打開全文 “HSBC Avios Bonus | Premier 信用卡積分「獎賞錢」兌換Avios 35%額外獎勵” » 按入查看更多...

Amex Lucky Draw 美國運通信用卡大抽獎 簽賬滿HK$200就有一次抽獎機會贏取100,000亞洲萬里通

由2017年8月1日至12月31日,只需憑美國運通卡單一簽賬滿HK$200或以上,即可參與一次每月大抽獎, 每月共有10位幸運兒可各獲贈100,000「亞洲萬里通」里數。如果岩岩申請左Amex CX玩緊佢既迎新就岩晒喇! 但記得要每張單HK$200以上有一次機會啊!聰明既你有得分單梗係分單啦!雖然里先生覺得玩抽獎就最搵笨,不過都總算有個機會賺多d無妨既,祝大家好運喇!

美國運通信用卡大抽獎需注意既條款及細則

  • 此推廣活動只適用於持有美國運通國際股份有限公司(「美國運通」)在香港簽發的美國運通卡(「美國運通卡」)之美國運通卡會員。
  • 持有美國運通商務卡、公司卡、美元卡、由美國運通特許發卡公司於香港簽發印有美國運通公司名稱、品牌或商標之美國運通卡如AEON/星展/渣打/花旗,以及在海外簽發的美國運通卡之會員,均不得參加此推廣活動
  • 推廣期內,會員每次憑合資格之美國運通卡於本地或海外單一購物簽賬最少HK$200或相等價值,均可自動獲得一次參加美國運通每月大抽獎(「每月大抽獎」)之抽獎機會。每位參加此推廣活動之會員,只可於推廣期內最多獲得一份每月大抽獎獎品。附屬卡會員之簽賬將被視作為基本卡賬戶之簽賬,且基本卡會員方具有得獎資格。
  • 每月大抽獎 – 每次每月大抽獎將由電腦系統隨機揀選10名得獎者,而此推廣總共有50名得獎者。

詳情: http://www.amexluckydraw.com.hk/tc/index.html#

» 按入查看更多...
1 44 45 46