St. Regis Zhuhai 珠海瑞吉酒店 (多圖入住報告)豪華房/套房/自助餐/交通/早餐+訂房攻略+海鮮一條街

珠海瑞吉酒店 st regis zhuhai 預訂 周邊 入住體驗報告

St. Regis Zhuhai 珠海瑞吉酒店 (多圖入住報告)豪華房/套房+訂房攻略

(2019年5月21日更新: 訂房code LU4已失效,酒店唔再俾benefits,FHR就仲可以用) St. Regis Zhuhai係二零一八年十月份開幕,所以現在酒店嘅整體設備硬件都非常新穎,最正嘅地方係佢而家個價錢非常之咁抵住千零蚊,同香港瑞吉酒店St. Regis Hong Kong嘅價錢比起真係差天共地,如用AE白金卡FHR已經可以包埋早餐同埋晚餐。 用咁嘅價錢可以入住到萬豪集團裏面最高級嘅奢華品牌St. Regis體驗一下佢地嘅服務同品牌風格,的確係cp值高之選。仲有就係我呢個大鄉里從未搭過港珠澳大橋嘅巴士,今次一炮過可以滿足住酒店,搭金巴同埋食海鮮三個願望真係非常之唔錯呀。因為今次係同屋企人一齊去所以我book咗兩間房而其中有一間房upgrade咗做套房,所以以下落嚟可以同大家一次過睇曬普通豪華房同套房嘅分別。

Marriott Bonvoy萬豪會籍 Category 6,要5萬點,所以現金入住抵過用萬豪積分兌換。


珠海瑞吉酒店價錢比較


st regis zhuhai 價錢

先前三月份四月份好抵!房價只係1,100人仔,遲下應該無咁平


快速捷徑按入向下彈


St. Regis Zhuhai 珠海瑞吉酒店交通

如果由香港出發,我諗最方便都係經港珠澳大橋。我今來來回就用咗兩種唔同方法,都係經大橋。

  • 去程由太子上車,用WeChat Pay入面「交通」>「跨境巴士」到買票$120蚊單程由太子直達珠海口岸(唔用wechat可現場買),大人小童老人同價。再由珠海口岸轉的士到St. Regis Zhuhai,人仔30蚊就到
  • 回程就的士直接到珠海口岸,過境後就會有金巴車票買,成人單程58蚊人仔,小童老人半價。到香港嘅港珠澳大橋就轉返機票出嚟經港珠澳口岸嘅巴士返市區,都幾多車可到返市區,再唔係返機場都會有車轉
  • 另外聽酒店職員講可以係珠海坐船返到尖沙咀中港城,但對我嚟講唔就腳同埋船票貴啲所以就無咁做

港珠澳直通車好還是金巴好/快?

快唔快其實好睇你住邊區,但論質素就會坐金巴舒服啲,因為巴士夠新而直通車我覺得總有啲怪味…而今次同行有老人家咁坐金巴半價就計返仲抵,到香港口岸再轉巴士出市區。如果怕太辛苦其實口岸直上的士返九龍$200-$300其實都有數維

St Regis Zhuhai香港出發珠海交通 (6)

直通車有張貼紙

St Regis Zhuhai香港出發珠海交通 (7)

上車人迫人…不意外吧

St Regis Zhuhai香港出發珠海交通 (13)

跨境巴士啫係直通車

St Regis Zhuhai香港出發珠海交通 (29)

過完大陸關可以係到買金巴車票(過境巴士)

St Regis Zhuhai香港出發珠海交通 (1)

金巴坐位,都唔錯算好坐

St Regis Zhuhai香港出發珠海交通 (21)

珠海口岸出嚟嘅的士站,都無乜人等


St. Regis Zhuhai 珠海瑞吉酒店房間設施

今次同屋企人去珠海住St. Regis訂咗兩間房,里先生本身自己係萬豪鈦金卡會員幸運地有一間被升等至St. Regis Suite. 套房用嘅電視係B&O而淋浴備品都唔同一般房間。而套房有一個客廁一個套廁,房內仲有支望遠鏡可以俾你玩下。睇完之後個人覺得本身Deluxe Room已經非常豪華同夠玩,全雲石裝配廁所,有浴缸又有淋浴…真係唔怪得管家同我講成本差不多要500萬人仔一間…點解叫CP值高? 我去羅馬住St. Regis Rome要500歐羅一晚,硬件配置同級,但去珠海瑞吉用千零蚊人仔就住到…你話抵唔抵喇?

珠海瑞吉酒店 beverage service

Check-in後可以叫管家上beverage service

St. Regis Zhuhai 珠海瑞吉酒店 (多圖入住報告)豪華房/套房/自助餐/交通/早餐+訂房攻略+海鮮一條街

Deluxe Room

珠海瑞吉酒店 St Regis Zhuhai Hotel 套房浴室 suite

St Regis Zhuhai Hotel 套房浴室

珠海瑞吉酒店 St Regis Zhuhai Hotel 套房 suite (1)

珠海瑞吉酒店-由禮賓部帶我到房間並為我介紹(唔係管家嚟)

更多St. Regis Zhuhai相片及相集(記得睇description啊!)


St. Regis Zhuhai 珠海瑞吉酒店早餐

早餐會係41樓嘅Social餐廳到食,景色唔錯但我入住期間天氣麻麻地。早餐嘅整體質素一般,並無乜野特別嘅地方impress到我。


St. Regis Zhuhai 珠海瑞吉酒店設施

成間酒店設施好靚,大大隻嘅水晶燈周圍都係。入住就唔好錯過嘅係6pm由日轉夜馬刀開香檳檥式。無乜特別但去湊下熱鬧也不錯啊。


珠海瑞吉酒店 St. Regis Zhuhai 晚餐及周邊

其實珠海瑞吉間酒店咁靚我都真係唔係幾捨得出去,而呢間珠海瑞吉酒店附近又冇乜嘢好行,所以我都強烈建議去訂一啲package係包含咗有早餐及食飯嘅credit(以下再介紹), 酒店食嘢嘅選擇其實都算多

  1. 自助餐
  2. 意大利餐廳
  3. 中菜廳
  4. 出去食,可以去海鮮一條街

我都有問過唔同已經住過嘅師兄,有位好識玩嘅師兄就推薦我要去意大利餐廳,因為嗰間餐廳嘅意大利主廚曾經係米芝蓮餐廳到做過,而且價錢方面現時做promote所有萬豪會員都可以享有7折仲可以用埋FHR嘅US$100 credit去扣,但自助餐只能夠二選其一七折或扣US$100蚊credit。中菜就嗰位師兄食咗但唔推薦所以我今次都冇食到。

我去到第一晚就訂咗意大利餐廳食,食完之後真係覺得好正,有高級fine dining嘅感覺而且唔算貴,屋企嘅老人家都食得好開心同覺得好值。而我點菜就4人食2人set之後再散叫其他野咁就已經好夠食,飽嘅程度最不下於自助餐。至於到咗第二日我哋5:00pm check out後就搵咗附近有一條街係食海鮮,就咁比較落平過香港食,我哋四個人食咗大概千二蚊人仔,佢嗰度嘅玩法係喺外邊買海鮮跟住再攞去餐廳加工,加工費唔算貴。買海鮮就真係海鮮價㗎喇,所以呢你就記得一定要去講價。我屋企嘅老人家就係因為見到有海鮮食太開心都唔係點講價…所以今次食到有少少貴。咁我食咗啲乜嘢就睇以下相集啦。


St. Regis Zhuhai 珠海瑞吉預訂攻略

訂呢間酒店都有方法平訂?無錯,建議方法有兩個:

  • AE白金卡卡主可以用American Express FHR
  • 非AE白金卡卡主都建議你用Luxury privilege code: LU3

官網預訂→ https://www.marriott.com/hotels/travel/zuhxr-the-st-regis-zhuhai/

其實先前一直都教人訂貴酒店就一定要check下FHR先,先前有位師兄係AE白金卡卡主同我講住咗深圳Ritz-Carlton無用到FHR真係好捉蟲…又無咗早餐又無US$100消費額食野。而訂珠海瑞吉用FHR真係抵到爆,我訂果日價錢同官網無早餐無US$100嘅預訂價錢係一樣!而玩呢間酒店因為周邊無乜野玩同食,極力推介佢間意大利餐廳,現時萬豪會員有7折再扣埋US$100消費額度真係好抵!(下次再分享意大利餐廳食乜)

現時Amex travel個網開放咗FHR直接預訂,AE白金卡主卡人可直接login Platinum account訂,或者你鐘意打電話又得。

st regis zhuhai 珠海瑞吉 AE FHR

(2019年5月21日: 我問咗酒店呢個code已經失效,自己訂的話再用唔到)如果你無AE白金卡,就建議你係官網訂再用Luxury privilege code,係corporate/set/promo#果欄入: 「LU3」,其實呢個本身只能用到上年年底嘅銀聯白金卡優惠代碼,但官網到再用又訂到,再問酒店又肯認數。用法如下圖

 

st regis zhuhai 珠海瑞吉 LU3 st regis zhuhai 珠海瑞吉 LU3 訂房

st regis zhuhai 珠海瑞吉 LU3預訂

我已經幫你問埋酒店係認數架!你入住前建議再confirm一次(2019年5月21日更新: 已失效)


珠海瑞吉酒店價錢比較


快速捷徑按入向上彈

11 comments

Leave a Reply