Oepay+八達通自動增值 電子錢包儲信用卡積分/里數教學 (O!ePay/好易畀)

oepay 八達通app 儲里數回贈教學

Oepay+八達通自動增值 電子錢包儲信用卡積分 (O!ePay/好易畀)

八達通公司一直都有個電子錢包app叫做O!ePay好易俾,但要同PayMe/WeChat Pay/Alipay比較嘅話的確係少啲人用,最大原因係因為增值落去oepay到無其他電子錢包咁方便,特別係如果用iPhone的話要另外買一舊讀卡器先可以由八達通轉錢入oepay個App到而有信用卡積分。而Android機就幾方便,有NFC function就可以從電話直接啪落八達通,咁八達通嘅錢就會轉入去個oepay app到。所以記住呢個遊戲要玩落去你就首先最少要有一張AAVS自動增值嘅八達通,用iPhone就要加多個讀卡器。

如果你夠勤力,O!ePay一樣可以幫到你儲分。點解叫做要夠勤力?因為O!ePay唔可以好以PayMe/WeChat Pay/Alipay咁一次就刷到幾千蚊,而係要好似螞蟻搬家咁一日一日咁$500, $500, $500…咁啪嚟做充值。成個logic係「已設置自動增值嘅八達通→每日啪錢入O!ePay→由O!ePay轉賬至銀行」,成個流程又係一個circle而無手續費(每月首$5,000),超過$5,000其後收0.5%轉賬手續費。換句說話每月有$5,000可以無成本儲里數/積分。玩超過$5,000就可以當俾錢買里數,假設過咗免手續費限額後玩$10,000,0.5%成本為$50,可以「買」多1,667里/Avios ($10,000/6,以渣打Asia Miles/DBS Black $6=1里計)。唔係大手玩的話玩頭$5,000其實都必賺。如果現時要多D卡做自動增值就啱晒,最新加新卡$150優惠→八達通自動增值最新登記優惠


Oepay 教學快速索引(按入向下彈)

最新優惠→八達通自動增值最新登記優惠


八達通自動增值信用卡 積分/里數/回贈列表

用Oepay儲分chok分個原理就係要由你張八達通轉錢去個app到從而trigger到你張八達通嘅自動增值(負錢就增值),咁樣就變相可以有里數/積分。所以睇邊張信用卡有無積分其實只要睇本身張信用卡八達通自動增值AAVS有幾多積分/里數就可以。申請自動增值方法及表格可以睇返→八達通官方網站

八達通自動增值里數回贈比較表

-AM: 每1里 Asia Miles需要幾多$
-AV: 每1里 Avios需要幾多$
-Cash: 現金回贈百分比%
-Max: 每次最高自動增值金額
-「-」代表無積分/里數/或未能加入信用卡
-→信用卡分析/年薪/申請網址請按下名稱←
Credit_Cards
信用卡
AM/$Avios/$CashMax
渣打Asia Miles6--500
渣打Simply Cash--1.5%500
Citi Prestige66-500
Citi PremierMiles88-500
Citi Rewards1515-500
Citi Cash Back--1%500
DBS Black Card1212-250
DBS Eminent--1%250
CCB Eye Card15--500
HSBC信用卡2517-500
大新BA白金卡-6-500
恒生enJoy--0.5%500
安信Earnmore--2%(暫時至12月)500
東亞Flyer World8 (每月上限1萬分)--500
AE CX Elite----
AE白金卡----
AE白金信用卡----

OePay 上限及賬戶類別

O!ePay有三種賬戶類別,如果要由oepay賬戶轉錢返銀行就最少要有O!ePay Plus →按入睇全文…

八達通自動增值信用卡優惠比較表 2018+八達通自家送$150 +HSBC登記八達通自動增值送$50

八達通自動增值比較 信用卡 優惠 里數回贈

八達通自動增值優惠比較 2018 +HSBC登記八達通自動增值送$50 +八達通公司送$150

聚沙成塔,儲里數賺回贈又點少得你同我都日日會用到嘅八達通嘟一嘟啊!

啱啱5月份八達通又有做登記優惠喇!如果你張八達通仲未登記自動增值嘅話今次介紹嘅優惠就啱晒你!因為Octopus八達通公司罕有地居然會俾新登記八達通信用卡自動增值(Automatic Add Value Service – AAVS)用戶有現金回贈!可能各家FinTech嘅競爭大左,以前多數係銀行出錢回贈,今次係八達通公司自家回贈啊,啫係話無論你用邊張卡登記都賺到回贈。睇條款寫「合資格八達通」指任何於2018年4月30日或以前從未備有自動增值之有效八達通卡或產品,咁睇落個遊戲係以每張八達通計,而唔係按每個ID計,如你本身已經有一張八達通,再去買張新嘅出租八達通照條款睇都會賺到!識玩梗係登記$500自動增值拎夠$150回贈啦!

而滙豐啱啱做緊優惠至2018年7月31日用HSBC信用卡登記八達通自動增值送$50俾你,!當然啦…怕麻煩就唔好轉嚟轉去,里先生都鐘意日常只用一張信用卡八達通自動增值,夠集中唔洗煩,所以今次介紹優惠玩法之餘,一次過做埋個表俾大家睇下邊張信用卡儲到最多Asia Miles/Avios!


八達通積分/優惠快速索引(按入向下彈)


八達通自動增值AAVS信用卡儲Asia Miles/Avios/現金回贈要選得啱!

你用緊邊張信用卡自動增值?如果你用緊嘅無$6=1里數/Avios或者1.5%現金回贈嘅話我建議你都係俾$20轉一轉啦。睇下面2018八達通里數回贈比較表邊張啱你!選完之後再去八達通官網分類嘅銀行清單check check點申請啦!唔係張張卡都有$500增值的,睇清楚先好申請啊!

八達通自動增值里數回贈比較表

-AM: 每1里 Asia Miles需要幾多$
-AV: 每1里 Avios需要幾多$
-Cash: 現金回贈百分比%
-Max: 每次最高自動增值金額
-「-」代表無積分/里數/或未能加入信用卡
-→信用卡分析/年薪/申請網址請按下名稱←
Credit_Cards
信用卡
AM/$Avios/$CashMax
渣打Asia Miles6--500
渣打Simply Cash--1.5%500
Citi Prestige66-500
Citi PremierMiles88-500
Citi Rewards1515-500
Citi Cash Back--1%500
DBS Black Card1212-250
DBS Eminent--1%250
CCB Eye Card15--500
HSBC信用卡2517-500
大新BA白金卡-6-500
恒生enJoy--0.5%500
安信Earnmore--2%(暫時至12月)500
東亞Flyer World8 (每月上限1萬分)--500
AE CX Elite----
AE白金卡----
AE白金信用卡----

八達通公司送$150詳情及條件(2018年5月起又有啦!)

里先生睇睇下條款發覺原來今次八達通想推埋佢個”八達通App Oepay“,因為玩法一部份話自動增值完要去個”八達通App O!epay“到領取獎品,所以大家留意啊,同以下HSBC個玩法有少少唔同,八達通公司唔會直接俾果$150回贈你,而係你要去download佢個app再拎(我心諗…咁樣反手再推埋自己個App都幾高招…不過都啱嘅,行多一步有$150回贈係著數嘅)

步驟及回贈金額

  1. 去各家銀行不同途徑申請自動增值→八達通官網分類嘅銀行清單
  2. 7月31日前透過八達通登記網頁登記
  3. 8月31日前啟動自動增值功能
  4. 8月31日前成功完成最少一次自動增值交易
  5. 收短訊通知你可以領取回贈 (8月16至10月31日可領取)
  6. Download八達通App Oepay,領取回贈→領取方法

【電子錢包世代】八達通盈利下跌三成 | 從財務數據看八達通經營態度

八達通 利潤下跌

【電子錢包世代】八達通盈利下跌三成 | 從財務數據看八達通經營態度

近兩星期頻頻見到電子錢包既新聞,有人歡喜有人愁。總括一句都係「市場競爭」所導出的結果。近排三大電子支付重大新聞標題如下:

  • 八達通盈利下跌三成
  • 支付寶HK累積用戶超百萬
  • 2月WeChat Pay HK用戶增44%

看到此三段新聞的標題你聯想到什麼?明顯支付寶HK同WeChat Pay成為過去幾個月既大贏家,八達通面對前所未有的市場競爭者的挑戰。無他的,由長江集團+阿里巴巴領投既支付寶HK(無錯,誠哥係有份所以支付寶咁多同長和系搞既優惠)同股王騰訊既WeChat Pay大灑金錢狂出優惠,信用卡積分chok分放題不在話下,狂派利是真金白銀勁送錢吸引新用戶。里先生沒有preference,良禽擇木而棲,理性消費者應處中立,任何新既電子錢包都可以去試下再選擇一個合適自己。

重溫→ WeChat Pay信用卡積分攻略/支付寶HK信用卡積分攻略

八達通交易量上升但盈利下跌三成,何解?

港鐵早兩日出2017業績報告,報告有提及來自八達通控股有限公司的應佔利潤減少 30.5%,但未有解釋原因。里先生職業病發作手痕去搵返2014年至2017年既年報試下一探八達通利潤減少既原因。主要結論有兩點:

  • 2014至2016年八達通利潤持續上升,港鐵應佔利潤維持2億以上,2017年上半年八達通利潤開始下跌,跌覆達39.3%
  • 2014至2017八達通卡及其他儲值八達通產品的流通量及交易平均金額持續上升

從以上兩點事實可以睇到八達通既發行量同交易量都持續上升,但2017年既利潤就下跌,理應日常開支維持constant時,交易量發行量上升應為利潤作出更大貢獻,但利潤澤偏偏下跌,何解?

里先生猜測八達通公司應該意識到市場競爭者(Wechat Pay支付寶HK)已經出現,開始投放更多資源去俾O!epay以及做更多既promotion留住你同我係生活上應用八達通。好簡單,里先生寫八達通自動增值信用卡優惠比較時都有見到增加八達通自動增值金額及2017新申請八達通+登記O!epay App都有額外現金回贈。以前額外現金回贈多數由銀行支付,但2017年做既promotion就罕有地係由八達通公司自己掏荷包。

看到如此局面,作為消費者既你同我都應該開心。因為競爭者的出現往往得益既都係消費者,而八達通作為香港隊既代表我都好希望八達通真係可以一洗過去「hea做」既態度,真係做得出更好既product方便到我地既小市民又長長久久有優惠。

原文節錄(自港鐡2014-2017年報/半年報/業績報告)

  • (2017全年)來自八達通控股有限公司的應佔利潤減少 30.5%至 1.73 億港元。
  • (2017年上半年)應佔八達通控股有限公司的淨利潤下跌39.3%至8,800萬港元。截至2017年6月30日,在香港採用八達通的商戶逾9,000家。期內,八達通卡及其他儲值八達通產品的流通量達3,370萬張,而每日平均交易量及交易金額分別為1,430萬宗及1.884億港元。
  • (2016全年)應佔八達通的淨利潤上升6.0%至2.49億港元。截至年底為止,在香港採用八達通的商戶逾8,000家。年內,八達通卡及其他儲值八達通產品的流通量達3,280萬張,而每日平均交易量及交易金額分別為1,410萬宗及1.792億港元。
  • (2015全年)應佔八達通的淨利潤上升4.0%至2.35億港元。截至年底為止,在香港採用八達通的商戶逾7,000家。年內,八達通卡及其他儲值八達通產品的流通量達3,050萬張,而每日平均交易量及交易金額分別為1,370萬宗及1.653億港元。
  • (2014全年)應佔八達通的淨利潤微升0.4%至2.26億港元。截至2014年12月31日為止,在香港採用八達通的商戶逾6,000家。年內,八達通卡及其他儲值八達通產品的流通量達2,760萬張,而每日平均交易量及交易金額分別為1,340萬宗及1.521億港元。