國泰 x 銀聯優惠減$400 + 10kg行李 正常經濟位有Asia Miles

國泰銀聯優惠

國泰 x 銀聯優惠減$400 + 10kg行李 正常經濟位有Asia Miles儲

老老豆豆口價唔係特別正(特別係你識玩里數lol),好多時如果俾得錢又要上到$2,500飛日本我會選返JAL/ANA去日本,今次勝在照有Asia Miles同唔洗迫你咩2人同行先有得減。如果搵得啱記得夾埋DBS Visa expedia 85折code book埋酒店(8折果個Master完咗),你有計劃嚟緊香港飛往大阪、東京、曼谷、新加坡、首爾玩又唔夠里數換住就睇睇,有銀聯卡就得。

預訂日期:2017年11月15日至12月15日

旅遊日期:

  • 17年11月15日 – 17年12月19日
  • 17年12月29日 – 18年02月11日
  • 18年02月21日 – 18年03月25日

適用航點: 香港飛往大阪、東京、曼谷、新加坡及首爾

使用優惠: 去指定網頁憑優惠碼【HKUNIONCUG】預定由之適用航點機票,可享HK$400折扣優惠及額外10公斤/22磅免費寄艙行李限額

詳細價錢(未連稅)及航班限制

  • 港幣1,260元往首爾 -首爾往香港不適用於CX411 / CX419。
  • 港幣2,100元往東京 – 香港往東京適用於CX524/CX500; 東京往香港適用於CX501/CX509。
  • 港幣2,300元往東京 →按入睇全文…

國泰CX由2018年中開始 於所有廣體客機設置Wifi

CX國泰 wifi

國泰集團由2018年中開始 於所有廣體客機設置無線網絡

國泰CX宣布將於2018年年中開始,於波音777客機空中巴士A330客機上提供高速無線網絡,以迎合乘客對機艙網絡服務日益殷切的需求。國泰航空已於空中巴士A350-900客機成功引入機艙寬頻網絡。

國泰航空顧客及商務總裁盧家培表示:「我們一直細心聆聽顧客意見,深明在飛行途中能夠保持連繫對乘客十分重要。我們的顧客可在不久將來,在安全帶指示燈熄滅後,在三萬五千呎高空上不但能安然於客艙內走動,更可寫意漫遊網絡世界。」

「預計到2020年,我們所有廣體客機將會設置無線網絡,讓我們有更多空間為顧客提供更新穎的服務體驗。」

國泰航空及國泰港龍航空將成為亞洲率先採用Gogo 2Ku衛星通信技術連接機艙寬頻網絡的主要航空公司。有關技術將應用於波音777和空中巴士A330機隊。

盧家培補充:「我們旨在讓乘客能夠隨時隨地都能保持網絡聯繫,與Gogo的合作協議讓我們邁進關鍵一步。」

乘客可使用具備無線網絡功能的電子裝置,包括手提電腦、平板電腦和智能手機,透過高速服務在旅途中查閱電子郵件、瀏覽網頁及社交平台,以及網上購物。

里先生有say

我當然樂見CX提升服務水平,永遠都係”軟”服務(因為涉及人)最難改最難進步唔係一時三刻改得嚟,而機內裝wifi “硬”件為改善服務其中一步不失為一個聰明決定。當然,最緊要都係到底收唔收費,如果唔收費梗係like啦!Fair講句國泰本身個inflight entertainment真係唔錯,如果wifi收費嘅話都可以叫得上晒氣睇下戲下覺都唔會走去用佢,真收費嘅話除咗錢多嘅人同埋商務客,仲有邊個用得起?希望國泰真係聽到我地嘅聲音啦 😛

乜野係Gogo 2Ku?

里先生都唔係好識,只見到飛機頂裝咗舊野似拎嚟收wifi,想知睇片啦!

國泰被踢出香港藍籌股行列!因航因到無藍籌做

cx blue chip no more

國泰被踢出香港藍籌股行列!因航藍籌不再

因管理不善而從全球最佳航空公司排名榜節節下跌的國泰航空 (下稱”因航”)再有負面消息,恒生指數公司今日(10日)宣布,將因航剔出恒指成分股,2017年12月4日起生效。

當年因航於1986年5月15日上市,同年6月獲納入恒指成分股內,上市至今31年以來,因航股價以收市價計,於2010年曾升至23.75港元的高位,但隨着近年管理不善且業績表現遜色,過去一年股價大部分時間處於10-15港元左近,較歷史高位跌近60%,今日收報12.34港元,市值約為$485.44億。

啱啱早幾日Qatar先接貨呢加就被踢出藍籌@[email protected],咁搞法都咪話唔甘喎!

里先生斷估亂say – 咁Asia Miles program有無影響?

對於儲里數嘅我嚟講國泰股價點我就唔係好關心,不過老實講我自己認為國泰嘅衰落好大程度上係因為廉航嘅出現,炒期油單野反而其次,係咪管理不善我唔敢講,反而啱啱收到風CX換咗新老細想改善服務,「All passengers are the same」。Anyway點都好,先前有風吹話BA想改avios換機票咗做revenue basis (啫係需要換機票的里數跟隨票價改動),我就唔知CX會唔會跟住個潮流喇,因為咁搬龍門法可以將你同我手上嘅里數壓柞到極點從而提升航空公司收入,我自己認為無論Asia Miles定Avios都好,都唔好諗咁多,要改都肯肯定有一段時間俾你用D里數,呢加擔心都無謂到時真係改先boycott佢轉玩其他航空公司program。其實我仲諗到個方法可以提升CX利潤,就係狂賣多D Asia Miles俾銀行跟住俾我地容易D儲里數飛多D,咁佢係Asia Miles到嘅收入咪可以幫補下集團收入囉 😛