AE白金卡 (AE Platinum Card/ 美國運通細頭簽賬卡) 經里先生額外10萬迎新積分 入Amex獨家Centurion Lounge

ae白金卡 charge

AE白金卡(charge card) 入美國運通AE獨家The Centurion Lounge 年費$7,800

香港機場嘅American Express The Centurion Lounge 2017年10月2日開幕,大家成日都聽到呢個話係AE黑卡Lounge,又話AE白金卡都入得到,到底係點樣一回事以下同你慢慢分解。首先搞清楚Amex卡嘅類別,American Express將D卡分類為「信用卡/credit card」同埋「簽賬卡/charge card」。比較大眾化年費要$1,980果張大頭卡叫美國運通白金信用卡(American Express Platinum credit card),至於今次介紹呢張要$7,800年費嘅簽賬卡(細頭)就叫做美國運通白金卡(The Platinum card)。呢張卡最大嘅用處就係用嚟買迎新里數+入AE獨家lounge+身份象徵,其次嘅可以食美心半價/玩酒店program SPG/Hilton都OK嘅。食住香港機場The Centurion Lounge開幕嘅勢頭,啱啱美國運通就更新咗網頁開放AE Platinum Card俾人網上申請有迎新700,000運通積分(相等於46,667 Asia Miles/Avios)再加上埋經里先生申請有額外100,000運通積分(6,667 Asia Miles/Avios)。呢張卡抵唔抵申請真係見仁見智,好明顯AE想做到呢張AE白金卡俾人感覺係「有錢唔洗講出口,拎住呢張卡就夠」,土豪得嚟又夠低調,我鐘意但我無資格>”<,從實際角度睇,有睇里先生里數兌換表應該知道40,000 Avios已經夠換日本來回business class有凸,從呢個角度睇呢張卡可以講得上抵因為你肯俾個年費就相等於拎到日本來回business機票。

呢個網上迎新好過一般俾CS或街站叫你申請個offer架!AE官方網站就無寫清楚個申請條件,先前里先生經過地鐡站嘅AE街站八卦問過呢張卡有咩申請條件,當時得到嘅回覆係年薪$100萬/$250萬cash/$500萬資產/$1,200萬價值嘅樓先有資格申請…問完之後果位街站小姐應該覺得我嚟運吉俾佢黑我面趕走咗我添。


AE白金卡分析三步曲

CX AE附屬卡都入得!機場lounge攻略 活用附屬卡避年費入環亞機場貴賓室嘆魚旦粉

cx ae lounge

CX AE 附屬卡都入到環亞機場貴賓室lounge 免年費梗係申請埋

本身CX AE Elite可以免費申請附屬卡(美國運通國泰尊尚信用卡 銀色果張)。識得活用附屬卡仲可以避埋年費但年年有lounge入,以下會用例子講解如何永續入lounge法!睇咗CX AE Elite卡分析應該知道CX AE 附屬卡可以免費無限次入全球環亞機場貴賓室Airport VIP lounge (Plaza Premium Lounge,食魚旦粉果間)。附屬卡都可以免費入lounge!附屬卡都可以免費入lounge!附屬卡都可以免費入lounge!(重要嘅野要講三次,因為真係好多人都唔知呢個benefit會嚟問我…) ,有追開里先生里數攻略應該知道PayMe chok積分里數年年送你一張CX機票架啦?識用附屬卡請埋你屋企人入埋香港機場lounge(嗱,我無教你濫用啊,Amex自己俾Offer架咋)。識玩真係要咁玩,唔洗錢payme chok張CX機票出嚟+AE送埋你入lounge嘆,真係唔好好計劃下就走寶。睇返主卡年薪/申請方法及額外里數推薦連結可以去返→里先生CX AE信用卡分析

CX AE 附屬卡入lounge申請策略及例子

  • 因為附屬卡持有人再申請主卡都有迎新,唔想交年費又想兩夫婦年年出外旅遊都有lounge入嘆魚旦粉,可以隔年申請+出附屬卡俾另一半避年費,賺埋迎新
  • 只要過去12個月內沒有取消或持有過CX AE卡就可以有迎新

永續入lounge法 – 申請附屬卡避年費例子

  • 2017年11月老公申請主卡,出埋附屬卡俾老婆
  • 2018年11月老公首年免年費到期,可以cut card
  • 2018年11月老婆申請主卡,出埋附屬卡俾老公
  • →按入睇全文…

Amex Lucky Draw 美國運通信用卡大抽獎 簽賬滿HK$200就有一次抽獎機會贏取100,000亞洲萬里通

由2017年8月1日至12月31日,只需憑美國運通卡單一簽賬滿HK$200或以上,即可參與一次每月大抽獎, 每月共有10位幸運兒可各獲贈100,000「亞洲萬里通」里數。如果岩岩申請左Amex CX玩緊佢既迎新就岩晒喇! 但記得要每張單HK$200以上有一次機會啊!聰明既你有得分單梗係分單啦!雖然里先生覺得玩抽獎就最搵笨,不過都總算有個機會賺多d無妨既,祝大家好運喇!

美國運通信用卡大抽獎需注意既條款及細則

  • 此推廣活動只適用於持有美國運通國際股份有限公司(「美國運通」)在香港簽發的美國運通卡(「美國運通卡」)之美國運通卡會員。
  • 持有美國運通商務卡、公司卡、美元卡、由美國運通特許發卡公司於香港簽發印有美國運通公司名稱、品牌或商標之美國運通卡如AEON/星展/渣打/花旗,以及在海外簽發的美國運通卡之會員,均不得參加此推廣活動
  • 推廣期內,會員每次憑合資格之美國運通卡於本地或海外單一購物簽賬最少HK$200或相等價值,均可自動獲得一次參加美國運通每月大抽獎(「每月大抽獎」)之抽獎機會。每位參加此推廣活動之會員,只可於推廣期內最多獲得一份每月大抽獎獎品。附屬卡會員之簽賬將被視作為基本卡賬戶之簽賬,且基本卡會員方具有得獎資格。
  • 每月大抽獎 – 每次每月大抽獎將由電腦系統隨機揀選10名得獎者,而此推廣總共有50名得獎者。

詳情: http://www.amexluckydraw.com.hk/tc/index.html#