儲Asia Miles/Avios 年薪夠晒親民 DBS Black Mastercard 迎新低至$1=1里 (經里先生申請有額外$150現金券)

dbs black card 年薪 迎新 年費 avios信用卡

儲Asia Miles/Avios 年薪夠晒親民 DBS Black Mastercard 迎新低至$1=1里 (經里先生申請有額外$150現金券)

講到儲Asia Miles信用卡,又點少得星展呢張DBS Black Card,未出渣打Asia Miles聯營卡之前呢張卡都真係好威威,個個都當正佢張World Master係儲里數神卡黎架!因為曾經佢係市面上唯一非AE嘅$6=1里日常簽賬信用卡!黑卡嘅造型又夠靚仔,真係風頭曾一時無兩。呢加DBS Black Card可以換到Asia Miles, Avios, 新航KrisFlyer同埋國航鳯凰知音,真係晒flexible啊!係Asia Miles換機票教學文章到都有解釋到Asia Miles新制後用Asia Miles+Avios夾埋一齊嚟玩就最抵玩,呢加DBS Black又換到Asia Miles又換到Avios真係啱晒。老實講如果要夠$24萬年薪嘅都仲有好多信用卡選擇要突圍而出唔易,但係星展銀行批呢張卡批得都幾鬆手,好多十幾萬年薪都無問題一樣照批到。

現時個welcome offer係新客戶申請新卡頭2個月首$5,000本地簽賬DBS黑卡迎新連基本做緊$1=1里 (本地簽賬),如果超過$5,000都仲有$5=1里。另首2個月首$7萬嘅海外簽賬就有$2.5=1里(留意海外簽賬定義,以下解釋),如果食正你去歐洲掃貨shopping有大額海外簽賬DBS呢個新offer真係不得了。

***呢加經里先生指定連結link額外$150現金券

dbs black 年薪唔夠 avios信用卡 FB


DBS Black World Mastercard分析三步曲(快速連結)

HSBC Premier資格 條件高信用卡 滙豐卓越理財申請難度同Avios優惠度成正比!

 

hsbc premier credit card 申請資格 年薪

HSBC Premier資格 滙豐卓越理財信用卡優點缺點及基本資料

HSBC Premier信用卡用黎儲Avios的確係正到飛起,同時間佢既申請資格都係難到飛起!呢張卡一方面要求係HSBC Premier 匯豐卓越理財有銀行戶口先申請到(正常黎講要有HK$100萬先開到Premier戶口,年薪高都無用),但係你又無佢法, 用佢儲Avios又真係全城最扺,滙豐卓越理財信用卡海外簽賬最低做到$1.04 = 1 Avios (仲未計呢兩年都有出既extra兌換bonus!!)。雖然兌換Avios/Asia Miles要收$300既費用,但里先生就覺得夠資格申請到拎到呢張卡既話一定賺得返啊!如果你係Avios Fans,呢張卡係絕對唔可以錯過之選(當然你或者你屋企人有$100萬閒錢開個卓越理財戶口…)。有人可能會諗下跌一級申請滙豐運籌理財Advance信用卡對儲里數有無幫助,里先生可以話你知唔洗諗喇,Advance都係無得玩Avios但被invite upgrade上HSBC Premier嘅機會係大啲既。

無HK$100萬放HSBC又想拎Premier換Avios仲有無計?

其實都無乜攻略可以俾你…里先生建議可以

  • 如果你係Advance戶口(keep $20萬果個),耐唔耐HSBC都有promotion俾你免最低理財總值及手續費開個premier戶口,得閒Login下eBanking睇下有無或者可以打去HSBC問下有無promotion做
  • 因為HSBC指嘅資產係「全面理財總值」,啫係你放係HSBC嘅存款/股票/債券/儲蓄保險/MPF…都計算入果$100萬入面,所以可以考慮轉部份資產去HSBC
  • 成功需「父」幹,你懂的 😛
  • 利用HSBC信用卡積分按個人名義身份証計(包括附屬卡),叫屋企人開張Premier附屬卡俾你,你可以用自己其他HSBC信用卡積分轉去自己Avios戶口
  • 利用Avios Household account可以全家儲既特性(pooling account),加屋企人入你Household account再用屋企人Premier card兌換Avios

匯豐卓越理財信用卡優點

Citi PremierMiles 信用卡 減年薪要求(推薦申請額外回贈)+迎新簽$10,000有9,000里數Avios夠換來回台灣機票

citi premiermiles 迎新 年薪 年費

Citi PremierMiles 主力Avios信用卡 迎新優惠Citi PM簽$10,000有額外9,000里 年薪收入高必申請

(2019年起年薪要求由HK$36萬降至HK$24萬)Citi PremierMiles花旗信用卡減低年薪要求,先前申請唔到呢加機會嚟喇!PayMe/支付寶HK/Wechat Pay都$8=1 Avios/里。可以玩多個飛行里數計劃同酒店積分計劃,比較熱門嘅計劃為Avios或Asia Miles,Avios飛台灣只需9,000 Avios!Asia Miles/Avios仲換到咩正地方可以參考返里先生→里數兌換表。食佢既迎新既話呢加簽夠$10,000就送108,000積分(啫係可以換9,000 Asia Miles或Avios),呢加經里先生申請多$200現金券!除左Avios,Citi花旗Thank You Rewards積分可兌換Asia Miles/KrisFlyer/Emirate/IHG Points等既飛行里數或酒店常客計劃都得。雖然好處多,不過Citibank PremierMiles要求收入年薪高同埋本地簽賬只可以做到$8 = 1里/Avios,海外簽賬就低至$3 = 1里/Avios!


Citi PremierMiles信用卡分析三步曲

大新BA 英航白金卡新手必備Avios信用卡!迎新簽$14,000有12,333 Avios!

大新英航信用卡

大新BA 英航Avios白金卡 迎新連基本積分簽$14,000送12,333 Avios里數!

加碼喇加碼喇!大新英國航空白金卡推出前所未有甘抵嘅迎新優惠!而家HK$14,000可以賺到12,333 Avios!仲要連八達通自動增值O!ePay都計入合資格簽賬嘅一部份啊!呢張卡簡單直接,每月簽賬積分自動兌換成Avios。另外,只要成功開埋大新銀行嘅優易綜合理財戶口同符合指定要求,仲可獲高達25,000 Avios,夾埋即係總共有37,333 Avios!

Avios有咩可取之處我諗都唔洗多解釋喇,換來回台灣機票只需要9,000 Avios,換來回倫敦機票淡季坐British Airways只需要39,000 Avios!要換來回馬爾代夫機票都係25,000 Avios咋!仲要本身Avios有household account可以全家人一齊儲,集中晒啲Avios一齊換夠晒方便!

平日呢張卡本地簽賬HK$6=1 Avios,八達通自動增值PayMe/WeChat Pay/Alipay HK都有HK$6=1 Avios!想開始儲Avios嘅你機會嚟喇!一定唔可以錯過呢張儲Avios必備信用卡喇!


大新英國航空白金卡分析三步曲(按入直彈落去果part)


大新英國航空白金卡迎新/年薪/年費

大新英國航空白金卡賺迎新獎賞既條件

  • 過去12個月內未曾持有任何大新信用卡主卡或附屬卡
  • (4,000 Avios) 於發卡後首2個月內累積合資格簽賬滿HK$6,000會一次性入4,000 Avios 迎新獎賞去你個BA Executive Club戶口
  • (額外4,000 →按入睇全文…

信用卡積分換里數特選額外10% + Asia Miles兌換手續費/轉換時間/兌換方法 (Points to Miles比率)

信用卡積分換里數 手續費 時間 比率

【2018年3月21日更新 加入特選額外10% Asia Miles活動】里先生相信平時大家比較信用卡抵唔抵簽嘅時候應該睇好多「簽幾多$可以有1里」,呢個每里簽賬比率統一化咗唔同信用卡積分嘅ratio (Points to Miles比率),而呢個比率實際上好能夠幫到大家分析或比較到底某張信用卡/某個promotion抵唔抵簽。每里簽賬比率唯一缺點係你要由信用卡積分換里數變返Asia Miles/Avios里數時就無乜慨念到底可以換到幾多里(其實識唔識無所謂,總之換到Asia Miles又換到機票就得啦!)點都好,今次嘅攻略會由「每1積分可以換到幾多Asia Miles/Avios」出發,同時加入比較信用卡需要嘅實際里數兌換時間,Asia Miles兌換手續費及兌換方法俾大家參考。對於玩限時活動,例如一簽兩賺Miles More Ways to Earn活動嘅時候要留意返D Asia Miles入唔入得切,因為入唔切嘅話你隨時無咗本來應該有嘅bonus幾千里。里數事少,動氣事大。

信用卡積分換里數多10% Asia Miles 活動詳情

  • 首先你要係特選,快啲check下你個email啦!
  • 係你個email入面有條登記Link,按完就會做到登記
  • 2018年3月19日至4月15日期間用信用卡積分轉Asia Miles會多10% (由CX AE及渣打Asia Miles賺取既唔算,迎新都唔算)
  • 里數轉換所賺取之基本里數必須於2018年4月30日存入(考慮到有啲銀行會delay幾日先execute你個換里數order,所以早一星期約4月10日或之前向銀行order會safe D)
  • 額外里數於推廣期結束後6至8星期存入(不遲於6月30日)

「亞洲萬里通」「額外10%里數獎賞」之條款及細則

  • 認可會員須於推廣期內經此電郵內之指定連結登記,每個認可會員只須登記一次;
    顯示於認可會員之「亞洲萬里通」月結單上之認可里數轉換交易日期必須為推廣期間(註:交易日期為有關金融夥伴處理指定信用卡之認可里數轉換的日期(里先生: →按入睇全文…

PayMe 積分 信用卡chok里數回贈教學(積分黨?) 無成本每年一張CX台灣來回 (+PayMe信用卡積分比較表2018)

payme 積分 信用卡

PayMe 積分 信用卡chok里數回贈 快至9個月換到CX台灣來回機票 電子錢包 2018 PayMe積分信用卡一表睇晒 齊齊 Pay me 積分黨?

PayMe信用卡chok積分里數回贈logic: 「信用卡→PayMe戶口→任何銀行戶口→信用卡」就係咁簡單,信用卡增值至PayMe係當作日常簽賬有積分而唔係現金透支,完全無需手續費利息

可能你會擔心PayMe chok積分會俾HSBC ban,但我反而覺得呢個係HSBC嘅策略要多D人用佢個PayMe App(以下小結下再解釋),點都好跟時代進步學咗無壞,正常使用PayMe月頭增值月尾用唔晒先轉賬去自己銀行戶口其實好安全。越來越多人PayMe P2P電子錢包過數,除左方便日常生活食飯AA收錢之餘仲可以用PayMe 儲信用卡積分(無成本!無錯就係Pay me, pay myself)換飛行里數或現金回贈。報紙標籤咗做「積分黨」,我就覺得係銀行拎嚟吸引人用佢張信用卡多D喇,善用payme儲分是合法的。未識PayMe點用呢篇文章就快速話你知!

成個玩法係每月一次禁幾個制用爆增值上限$5,000 Top-up(真係禁幾個制,以下有圖解!→橙色框)你用啱信用卡「chok」夠9個月PayMe Asia Miles就換到張CX台灣機票去掃街喇!唔去台灣?去日本嘆和牛都無問題!用Citi PremierMiles「chok」payme都計迎新,或者Citi Cash Back 都係可以payme食迎新賺$1,420!點解叫無成本?因為電子錢包PayMe轉賬可以隨時過返錢去你個銀行戶口而又無手續費架!以下為你一一拆解點樣用Payme chok積分,善用信用卡及PayMe年年有張免費機票去台灣(一年去一次旅行唞啖氣唔係好過份啫…)!係解釋點玩之前首先睇以下常用里數信用卡積分表格,裡邊包埋要chok PayMe增值幾多個月先有一張CX台灣來回!如果想睇點轉換PayMe信用卡請到→PayMe轉換信用卡圖解

除咗PayMe,Wechat Pay同支付寶HK都可以無成本chok里數,如果PayMe已經再滿足唔到你就快D玩呢其他電子錢包啦!

【Avios換機票】20個Avios的兌換機票例子

avios兌換機票 教學

【Avios換機票】20個Avios的兌換機票例子

又有好值得參考嘅Avios換機票行程分享喇!感謝各位有心讀者參與遊戲分享你嘅應用Avios心得。用咗啲時間執一執整理一下再作個標題方便大家參考。Avios除咗換日本韓國等等熱門地點之外其實都仲有其他好用嘅選擇。始終Avios無限期又有household account可以齊齊儲里數的確有唔少fans,等到佢出換英國半價時換去英國內陸玩就最抵!

重溫Avios相關文章:

1. Avios歐洲駁短途

嗯嗯,又係我標準港女呀,上次就用左里先生果1500 dbs dollar 就去完日本韓國同埋俄羅斯啦~而係俄羅斯港女亦會去坐西伯利亞鐵路由海參崴出發穿越俄羅斯一直坐到莫斯科。(里先註: 上文提要→Asia Miles Avios配合應用)

去到莫斯科,吸著俄國既空氣,心入面諗住吸得越多,個鼻就會高到好似俄妹咁。之後就開始用Avios 環遊歐洲

做個總結先,吾係一陣吾記得

  1. BA 莫斯科 去 倫敦 (8500AV) + 143.16 tax
  2. BA 倫敦 去 馬德里 →按入睇全文…

【額外高達45% Avios】活用購買Avios及現金加Avios offer特性 折扣入手國泰商務艙CX Business class

購買Avios 2018

善用Avios買分及現金加Avios換機票特性 低成本買CX Business class

【送出40,000 Avios遊戲請到→里先生Facebook post睇玩法】提提你買Avios高達45% bonus活動最後數天!如果唔係好夠Avios又趕住出飛去旅行或者要補里數出Business嘅朋友可以考慮下。活動時間至7 Aug 2018 23:59 BST (香港時間8月8日6:59 AM)。

里先生有介紹過比較Asia Miles vs Avios特性 要購買Avios成本相對會低D,里先生都係拎返先前寫過既例子解釋一下點樣活用Avios買分,同埋Avios加現金嘅玩法點樣可以用最低成本買到國泰嘅business機票(全現金支付或稱「Avios假換票」)。有圖解,唔算好複雜,想玩Avios或者鐘意坐business嘅可以睇睇啱唔啱你。如果未有Avios account,可以睇返Avios教學開返個先,再賺一次Avios先有資格買Avios。

買Avios 高達45% bonus活動詳情

  • 購買活動→官方網址(需登入)
  • 活動時間: 於7 Aug 2018 23:59 BST (啫係香港時間8月8日6:59 AM)前買Avios會有 bonus
  • 20% bonus →按入睇全文…

HSBC Avios Bonus 獎賞錢至Avios積分可享額外25% (2018年7-8月)

hsbc avios bonus 2018

HSBC Avios Bonus英航會員俱樂部Executive Club會員轉換「獎賞錢」至Avios積分可享額外25%

HSBC Avios Bonus,Premier信用卡持有人將獎賞錢(“RC”)兌換Avios額外bonus又黎喇!今次有25% bonus(有少少縮咗水喎!)。不過總好過無嘅!記得係2018年8月31日前登記所需要兌換既RC,咁就會從原先既兌換率1RC = 15 Avios 自動變為1RC = 18.75 Avios喇!換句說話講,登記左最紅網上及海外簽賬獎賞又中晒最紅自主獎賞5倍類別簽賬既話,用Visa Signature卡既海外簽賬可以做到HK$0.95 = 1 Avios,就算唔中自選5X類別(但中6類別)或者無登記過任何野,VS Card都做到HK$3.33 = 1 Avios,真係跑贏其他儲Avios信用卡幾條街啊…下次可能要等多半年…不過Asia Miles啱啱改完制短線同Avios睇齊,換國泰CX既位的話Avios少過Asia Miles就好正常,今次要換幾多真係要諗諗先…

25% HSBC Avios Bonus promotion需要注意條款及細則

  • 2018年8月31日前成功登記換領
  • 額外Avios積分會於兌換後4至6星期內與基本Avios積分一同存入BA戶口,趕住Avios出機票既話要預留返多D時間等入賬啊!
  • 要換時直接填兌換Avios表格寄返HSBC(或打Premier →按入睇全文…

Avios換英國機票半額賣大包!淡季抵上抵!只需19,500 Avios換到來回倫敦!

avios換倫敦機票

Avios換英國機票半額賣大包!

英航啱啱搞個活動賣大包半價來回London啊!有儲開Avios應該知道淡季BA來活倫敦只需要39,000 Avios,呢加有限時活動再減半添啊!!!19,500 Avios換英國!今次搵咗條route星期五晚放工出發,回程星期六到達玩足8日,仲要係坐A380!!!要換快手喇,可能轉頭就無喇!

仲未識用英航網搵機票?快D睇返里先生Avios基本攻略啦!Asia Miles玩家都適用架!

Avios半額活動詳情

  • 訂票日期: 17 Jun 2018
  • 出發日期: 1 September 2018 – 31 May 2019
  • 適用seasons: applies to both peak and off-peak Avios prices
  • 適用地點: 需來回英國→ Promotion地點
  • The required amount →按入睇全文…
1 2