Simply Cash Visa 渣打 現金回贈信用卡 迎新125%回贈 (連里先生額外$250) 本地1.5% 海外2%

simply cash visa card

渣打Simply Cash Visa 全新SCB Cash Back 現金回贈信用卡

千呼萬喚,渣打張Cash Back現金回贈卡終於出現了!不過個名就叫Simply Cash Visa唔叫Cash Back!里先生一直都好期待到底渣打會出張點嘅信用卡嚟fight其他銀行嘅現金回贈信用卡,老實講我真心覺得張渣打Asia Miles信用卡做得好成功,可以做到令人諗起飛行里數就諗起渣打真係唔簡單。今次再一次驗證到competition is good!銀行鬥得你死我活嘅時候又係我地消費者得益嘅時候,因為今次渣打新卡再次以土豪式高姿態高回贈完勝其他銀行cash back信用卡,連自己張1%回贈嘅行政人員白金卡都K.O.埋真係要贏人先要贏自己。今次渣打張Simply Cash Visa Signature card搵咗周柏豪同楊丞琳做代言,仲一反傳統可以俾你選擇「直卡」(其實有D壞處,以下解釋),最重要係當市面上其他cash back card只做到1-1.2%嘅時候,渣打simply cash個回贈比率有1.5%!1.5%!1.5%!啫係你簽$100佢就回返$1.5俾你,仲要係無上限!里先生就覺得呢張卡最啱唔儲里數又唔追突發優惠嘅朋友,因為呢張卡係無論任何港幣簽賬都做到1.5%!我自己就本身已經有張渣打Asia Miles信用卡…所以今次呢張卡嘅迎新就同我無緣喇…個綽頭做得幾好,100%回贈,無最低下限要求簽$1送$1…不過…最高$1,000,申請埋渣打銀聯多送$100及7月4日前可以登記抽獎最少有$100(以下有登記網址),如果呢加經里先生申請仲有額外$250現金券回贈。簡單嚟講,迎新共送$1,450(你無睇錯,簽$1,000渣打回$1,200,嘔凸$200俾你,里先生再送你$250現金券!)。里先生因為鐘意里數,要選擇我都會選渣打Asia Miles信用卡大額里數迎新。(睇到尾有彩旦)


渣打Simply Cash Visa 信用卡分析三步曲

Citi Cash Back Visa 信用卡 迎新PayMe食$1,470 (連里先生額外$150現金回贈)

Citi cash back 信用卡 迎新 payme

Citi Cash Back Visa 信用卡 迎新PayMe食$1,470 (包括里先生額外$150現金回贈)

Citibank主打現金回贈嘅信用卡Citi Cash Back Visa,呢張卡最正既地方係chok PayMe都食到迎新,所以你係Citi新客既話基本上係送$1,200俾你洗,呢加新客經里先生連結再送多額外$150現金回贈俾你(新客無成本拎到$1,350)!呢張卡日常使用上比較出色既地方係無論食肆,酒店都有2%現金回贈!Cash Back卡嚟講飲食類別係全城最高現金回贈,確實係無飯夫妻必備既食飯卡!除此之後,Citi一向係電子錢包方面都好慷慨,日常chok PayMe/支付寶HK/Wechat Pay都有1%回贈!啫係你PayMe+Wechat+支付寶玩 $20,000一個月就無成本執到$200!里先生就覺得呢張卡最啱唔儲里數又唔追突發優惠嘅朋友,因為呢張卡係無論任何港幣簽賬都做到1%,食飯簽賬又有2%!我自己就本身已經有張Citi PremierMiles信用卡…所以今次呢張卡嘅迎新我就無份喇…但都拎埋呢張卡嚟玩電子錢包同埋去酒店食自助餐時唔洗擔心唔中食肆類別,點都拎到2%現金回贈。


Citi Cash Back Visa 信用卡分析索引(按入向下彈)

DBS Eminent (迎新10%現金回贈)Visa Platinum Card/ Visa Signature Card

dbs eminent 年薪 迎新

DBS Eminent | Visa Platinum Card/ Visa Signature 信用卡迎新高達$910

DBS Eminent Card最深刻嘅應該係子華幫佢賣嘅廣告「一張又如何」,主力玩現金回贈。呢張卡最抵用嘅係每季keep住會做特選類別簽賬3%簽賬回贈,4月-6月份係電子產品/電器簽賬回贈3%,用嚟買iPhone就啱晒(1月-3月係網上簽賬回贈)!DBS Eminent Visa Platinum Card個申請門檻好親民,年薪要求$150,000已經申請到,年薪未到Visa Signature又想搵張高現金回贈嘅平日簽賬信用卡DBS Eminent Visa 白金卡 (Platinum Card) 的確係好選擇。新客戶現時有10%現金回贈迎新(最多回贈HK$700),簽賬期內如果累積特選類別簽賬滿$7,000,就可以賺$210基本回贈,加埋迎新回贈就有HK$910,不過要小心DCC/海外註册商戶港元付款係無回贈。

另外呢張卡都有個迎新俾現有客戶,首$2,000有10%現金回贈,連埋高達3%特選簽賬基本回贈就$260!啱晒本身已經有DBS信用卡嘅舊客!


DBS Eminent 分析三步曲(快速連結向下彈)