【銀色債券認購攻略2021】必賺攻略+保證3.5%年息！ 認購詳情、申請方法、認購資格 一文睇盡！

留意到政府推出嘅第六批為長者而設嘅銀色債券開始接受認購喇，今次申請資格更由65歲降至60歲嘅香港居民已經可以認購，認購期由2021年7月20日上午9時開始至2021年7月30日下午2時。同ibond一樣，銀色債券算係好低風險嘅投資產品嚟，一手入場費都係HK$10,000，屋企人唔識搞得閒都幫手搞下去抽下賺下息抗通漲都唔錯。如果屋企有長者(60歲，1962年或之出生)想抽嘅話，記得提提佢地喺指定時間內抽返。而預定發行日會係2021年8月10日。

最新一批銀色債券最低息率保證3.5厘，呢個息率絕對好過就咗放係銀行戶口。今年發行額更提升至300億，預計每人會中到10幾手。假設只係得10手，一年都穩賺HK$3,500。持有人可以選擇持貨3年，每半年收一次息，亦可以隨時以原價賣返比政府，拎返舊錢作其他用途，所以點都有係抽定先有著數。

咩係銀色債券Silver Bond？

• 銀色債券喺香港政府零售債券發行計劃嘅一種通脹掛鈎零售政府債券
• 目的係俾香港市民有一個安全穩定而且抗通漲嘅投資選擇
• 銀債年期為3年，每半年派息一次

銀色債券認購2021詳情及認購方法

• 認購期：2021年7月20日上午9:00（星期二) 至7月30日下午2:00（星期五）
• 分配日：2021年8月6日（星期五）
• 預定發行日：2021年8月10日（星期二）
• 申請資格：
  • (i)持有有效香港身份證
  • (ii)於1962年或之前出生的人士申請
• 入場費：HK$10,000（每單位債券發行價HK$100， 每手100個單位）
• 年期：3年
• 派息：每半年一次
• 息率： 與本地通漲掛勾，但不少於3.5厘
• 目標發行額：HK$300億
• 認購方法：
• 20間指定配售銀行：中國銀行（香港）有限公司、交通銀行（香港）有限公司、東亞銀行有限公司、中信銀行（國際）有限公司、中國建設銀行（亞洲）股份有限公司、集友銀行有限公司、創興銀行有限公司、花旗銀行（香港）有限公司、招商永隆銀行有限公司、大新銀行有限公司、星展銀行（香港）有限公司、富邦銀行（香港）有限公司、恒生銀行有限公司、香港上海滙豐銀行有限公司、中國工商銀行（亞洲）有限公司、南洋商業銀行有限公司、華僑永亨銀行有限公司、大眾銀行（香港）有限公司、上海商業銀行有限公司、渣打銀行（香港）有限公司
• 24間指定證券經紀： 耀才證券國際（香港）有限公司、嘉利證券投資有限公司、時富證券有限公司、展兆投資有限公司、致富證券有限公司、佐雄証券有限公司、長雄證券有限公司、第一金和昇證券有限公司、富昌證券有限公司、豐年証券投資有限公司、大唐資本證券有限公司、香港國際證券有限公司、一通投資者有限公司、環一證券有限公司、輝立証券（香港）有限公局信誠證券有限公司、新富證券有限公司、新寶城證券有限公司、新鴻基投資服務有限公司、T&F Equities Limited (該證券公司並沒有登記中文名稱）、大盛証券投資有限公司、大德證券（亞洲）有限公司、大華繼顯（香港）有限公司、宏高證券有限公司

7月份里先生獨家証券戶口開戶派錢優惠

有點可惜係今次指定證券經紀無啲本身狂派錢同迎新既券商，無得隻重賺。不過如果幫屋企人搞開已經拎開資料同身份証的話可以用佢哋「人頭」襯7月狂做優惠開返幾個賺幾千，富途派1股蘋果同華盛派$750 Apple禮品卡過個今個月就無喇，係開就快手呢2日好開喇！

iBond暗盤交易開始 富途係咪仲高啲？何謂暗盤交易？

華盛同富途暗盤都開咗喇！暗盤交易時間係16:15-18:30，如果今日唔放聽日就去返交易所放，用邊間証券行個價都係一樣。但銀行會自行開盤，個價一般會差啲。

我本來以為富途可以延續到IPO高暗盤價既「傳統」，不過今次又有少少意外居然低過華盛少少，睇嚟係富途相對多啲散戶衝住放。幾點想提下：

• 如果富途個價追唔到華盛(現為102.95)，我覺得可以唔洗放住，理論上一致既…
• 上年個iBond (4239)現價都102.9，如果呢口價都無就等下啦
• 價升價跌都係供求關係，咁你自己諗諗幾時需求最大而無乜貨喇
• 當103賣中3手賺HK$900，輕鬆~~
• 銀行抽iBond的話聽日會有開盤，想即賣就等多陣

咩係暗盤？

所謂暗盤啫係非以香港交易所內做交易，但呢個世界有人買有人賣就衍生咗另類交易途徑，呢個稱之為暗盤或者可以叫做OTC (over-the-counter)

用証券行抽iBond 6月23日出結果，相信用華盛抽位陸續都收到呢個message。我就仲未知結果….中到3手既朋友請報下喜啊

同大家解讀一下呢個message代表咗乜，同我一樣用咗融資(孖展)的話有幾個地方你要注意：

1. 免息期到今日已完，抽3手或以下的話華盛會退返HK$35.33利息俾你，於14個工作天內以卡券形式俾你，先付後回形式，到時可以禁制轉返錢去自己到
2. 香港証券買賣交收日會係T+2，意思指你今日賣出都要2個工作天先收得返錢，今日星期三賣啫係星期五先收錢，而以上圖例子係需要多付2天利息先補夠錢啫係HK$21,335*3.98%/365 = HK$2.35的利息
3. 承上，如果你今日唔賣的話明天少賣，你的交收日會係下星期一，咁你就要食埋星期六日的利息，啫係俾多$2-$3
4. 想於香港交易所內買賣可以等聽日，雖然個人覺得個價唔會差幾多，想快啲回錢星期五就收到錢的話可以選擇今日賣
5. 至於5月經我開戶華盛的$700卡券用暗盤交易可唔可以activate? 答案係可以的，6月開的就係$200*3張卡券要係6/7/8月各交易一次，唔想等咁耐可以買美股，下文有教學
6. 簡單嚟講見到欠款唔洗擔心，你賣出iBond後款項會自動補回，遲一日/早一日賣的差別係你俾多緊10蚊8蚊利息

iBond唔同股票，價格上的浮動相對好細，有借孖展的話我認為都係呢1-2日賣出著數啲，無借到孖展用現金抽又唔等錢用的話就無乜所謂，個人覺得iBond價會係7月-8月的時間理想啲。

【新股孖展】華盛抽iBond融資額度重開！9成槓桿首3手免利息

仲想孖展認購iBond既朋友留意返啊！華盛証券先前開咗幾日個孖展就爆咗額，啱啱見佢又加返額又可以用啊！用華盛抽最正就係首3手既融資利息係免，雖然你申請時係寫咗HK$35.33利息，但呢部份係會係之後回返俾你(14天*)。

如果仲想用HK$3,000抽3手iBond(HK$30,000)的話就快啲抽埋佢啦！但留意你要首日放晒啲iBond先係全免，否則要俾利息。我個人就覺得過一排到7月左右個賣價會靚啲既，想等靚價先賣就用現金抽啦！

都提返你iBond認購係星期五就完，得閒好按埋認購喇唔係就錯過咗政府呢啲派糖嘢！

• 富途認購iBond最後時間：2021年6月11日(Fri)10:30am
• 華盛認購iBond最後時間：2021年6月11日(Fri)10:00am

*費用均採用先收後回的方式，以現金券的方式在上市後14個工作日內返還至華盛通app卡券中