Citi八達通信用卡|巴士/港鐵/綠色小巴/渡輪/電車15%車費回贈 仲有5%隧道費/泊車回贈!迎新簽HK$2,000有AirPods Pro 2!
如果你未曾有Citi信用卡,我會建議你唔好出Citi八達通信用卡先,要出就出咗Citibank主打現金回贈嘅信用卡Citi Cash Back先,因為Cash Back個迎新可以chok PayMe食。拎咗食完Citi Cash Back迎新先再拎Citi八達通信用卡。呢張卡最大賣點就係主力用係嚟搭公共交通工具,搭巴士/港鐵/綠色小巴/渡輪/電車,都有15%車費回贈(有條件,以下再解說),如果會揸吓車而達到指定簽賬額仲有5%隧道、增值「易通行」、泊停車場同咪錶回贈啊,加埋政府交通津貼玩就啱晒!如果年薪唔夠都係要申請呢張先,呢張卡迎新做緊3個月內簽滿HK$6,000或以上並完成一次自動增值,可獲得HK$900現金回贈。加Citi八達通入iPhone/Apple Watch,仲有限時賺HK$100八達通增值額!
如果申請到其他更高回贈嘅Cash Back card,呢張八達通信用卡就講唔上好有用,因為呢張卡個回贈比率只有0.5%,係信用卡連八達通二合一方便D,但用嚟玩八達通錢包就唔建議喇。
Citi八達通信用卡分析索引(按入向下彈)
- 第一部份: Citi八達通信用卡年薪/迎新/年費解說
- 第二部份: Citi八達通信用卡優點缺點及基本資料
- 第三部份: Citi八達通信用卡魔鬼條款
Citibank八達通信用卡迎新/年薪/年費(第一部份)
Citibank八達通信用卡迎新條件及冷河期
- 白金卡:Citi信用卡新客只要成功申請,3個月內簽滿HK$6,000或以上並完成一次自動增值,可獲得HK$900現金回贈
- 學生卡:Citi信用卡新客只要成功申請,3個月內簽滿HK$1,000或以上並完成一次自動增值,可獲得HK$300現金回贈
- 電子錢包PayMe/WeChat Pay/支付寶都計迎新!所以基本上係無成本拎
- 過去12個月內未持有或取消過任何Citibank主卡之申請人
Citi八達通信用卡年薪,冷河期及年費詳情
- 白金卡: 年薪$120,000 (見過家庭主婦無收入都批,作為入門卡幾好)
- 冷河期12個月,過去12個月內都無Citi主卡就賺到迎新
- 年費: 我的經驗首年無收,其後如果收取打電話去就免到(白金卡$1,800) (豁免唔到無人會keep卡,Citibank年費容易waive – 電話:2860 0360) (我自己習慣耐唔耐睇下卡面個Vaild Thru 月份,夠期就打去)
Citi八達通信用卡迎新到手時間
- 迎新回贈於達成簽賬條件後,4個月內存入信用卡帳戶
- 基本回贈0.5%當月反映
Citibank Octopus card迎新認可簽賬包括
Citibank Octopus card迎新非認可之簽賬包括
- 留意!八達通增值款項(包括透過電子錢包或任何其他途徑增值 Smart Octopus)係不計算入迎新認可簽賬
- 任何繳費(交稅/保險/公共事務費用/網上銀行繳費都唔得啊!)
- 現金透支、信用卡結餘轉賬之金額、折現計劃之金額
$200超市現金券活動填呢張:www.mrmiles.hk/citi-form
限時活動Apple Gift Card/超市現金券申請步驟及條款→ www.mrmiles.hk/citi-apple-gift-card/
Citibank八達通信用卡優點缺點及基本資料(第二部份)
Citibank八達通信用卡優點
- 每月簽賬滿$3,000當月巴士/港鐵/綠色小巴/渡輪/電車有額外15%回贈,變相85折搭公共交通工具
- 每月簽賬滿HK$10,000,當月可享隧道費/泊車費5%回贈,等於95折養車
- 迎新計PayMe,無成本拎迎新
- 年薪要求低,用嚟做入門卡建立正面信貸資料報告紀錄唔錯
Citi八達通信用卡缺點
- 其他本地港幣簽賬現金回贈0.5% (包括chok PayMe/Wechat Pay/支付寶HK)
- DCC無積分→里先生DCC解說
- ebanking網上繳費無回贈 (→交水電煤信用卡串較)
- 無得儲里數 (Sorry囉,我知off-topic但對我嚟講真係)
Citi八達通信用卡基本資料
年薪要求: $120,000(白金卡),呢張卡賺取嘅現金回贈會以八達通現金回贈,所賺取之八達通現金會於下期月結單直接抵銷八達通自動增值金額
- 巴士/港鐵/綠色小巴/渡輪/電車交通費回贈: 15%(持卡人名下所有Citi信用卡主卡(包括其主卡賬戶下之附屬卡) 每月合資格簽賬需滿$3,000[見以下**],上限每月回$300,啫係$2,000車費就爆
- 隧道費/泊車回贈: 5% (持卡人名下所有Citi信用卡主卡(包括其主卡賬戶下之附屬卡)每月合資格簽賬需滿$10,000[見以下**],上限每月回$500,啫係$10,000隧道費就爆
- 港幣簽賬: 0.5%
- 外幣簽賬: 0.5%
- 網上購物(港幣): 0.5%
- 網上購物(外幣): 0.5%
- PayMe: 0.5% (→PayMe攻略)
- 支付寶HK: 0.5% (→支付寶HK攻略)
- Wechat Pay: 0.5% (→Wechat Pay攻略)
- ebanking繳費: 無 (水費電費交稅交保費乜都無啊!)
15%交通費回贈登記網址→https://www.citibank.com.hk/form/cards/octopus/multi-transport/chi/registration-form.html
**適用於持卡人名下所有Citi信用卡主卡(包括其主卡賬戶下之附屬卡)。就車費回贈而言,「不合資格簽賬」包括外幣匯率折算為港幣之「動態貨幣兌換交易」、八達通自動增值服務交易(里生按: 啫係你用呢張卡扣八仔唔計,要另外簽)、購買現金券或禮物卡、禮物卡增值、 微信支付之流動支付及增值服務、繳付予稅務局之稅項、繳費、繳交公共事務費用、自動轉賬、繳交基金之供款、銀行手續費、保險費用、賭場交易etc.。有關回贈將於完成條件之每個月份後3個月內存入。
(里生按: 以上無寫PayMe唔計,有讀者實測過PayMe都當作九巴月票/新巴/城巴15% promote的合資格交易)
Citi Octopus Card官網魔鬼細節條款TnC(第三部份)(節錄)
注意!由於以下字太多既關係可能令閣下情緒不安。其實上面所寫既已經係簡化左既條款,以下可以作參考或日後翻查既條款及細則(節錄自銀行官方網站):
迎新認可簽賬
簽賬條件之計算包括基本卡及附屬卡(如適用)之所有已誌賬的簽賬
Source: 迎新TnC item 7 (English version)
15%港鐵、巴士、渡輪、綠色專線小巴、電車車費及5%隧道及泊車收費回贈推廣 (「推廣」)條款及細則:
- 此推廣由2023年1月1日至2023年12月31日 (包括首尾兩日)(「推廣期」) (以交易日計算)。
- 此推廣只適用於由花旗銀行(香港)有限公司(「花旗銀行」)所發出之Citi八達通信用卡(「指定信用卡」)的主卡持卡人(「持卡人」)。
- 持卡人須於推廣期內透過指定登記網頁(citibank.hk/transreg)成功輸入指定信用卡主卡號碼及確認接受所有此推廣的條款及細則、或透過短訊/Citi Mobile App (如適用),以進行登記一次(「登記」),方可獲資格參加此推廣。成功登記後,該指定信用卡名下之所有附屬卡(「附屬卡」) 及指定信用卡與附屬卡在iPhone / Apple Watch內的Citi八達通卡(「指定八達通」) (如適用)將會被自動登記。所有於早前已成功登記「九巴龍運15%車費回贈推廣」、「15%九巴、龍運、城巴及新巴車費回贈推廣」或「15%港鐵、巴士、渡輪、綠色專線小巴、電車車費及5%隧道收費回贈推廣」的持卡人將會自動登記此推廣。
- 完成登記後,於成功登記之月份的第一天起至推廣期完結,持卡人:
a. 於每個月份內累積HK$3,000或以上之合資格簽賬(請參考以下第5、6及7項)後,該月份憑(i)指定信用卡及附屬卡之八達通功能及(ii)指定八達通於香港指定公共交通服務之付款(「車費付款」)可獲得15%八達通現金回贈 (「車費回贈」),每個月份內之車費回贈上限為HK$300;或
b. 於每個月份內累積HK$10,000或以上之合資格簽賬後,該月份憑(i)指定信用卡及附屬卡之八達通功能,及(ii)指定八達通之車費付款可獲得車費回贈、於香港指定收費隧道之付款及於香港指定泊車服務(「隧道及泊車收費付款」)可獲得5%八達通現金回贈 (「隧道及泊車收費回贈」),每個月份內之車費及/或隧道及泊車收費回贈上限為HK$500。
每個指定信用卡賬戶每月最多可獲HK$300的車費回贈或HK$500的車費及/或隧道及泊車收費回贈(視乎情況而定)(包括包括指定信用卡之主卡、附屬卡及指定八達通所獲得之車費回贈及隧道及泊車收費回贈)。車費回贈及/或隧道及泊車收費回贈按月計算(以相關之車費付款及/或隧道及泊車收費付款之交易日計算)。
不符合此推廣之車費付款包括但不限於: 中環5、6號碼頭的新渡輪服務有限公司售票處或 7-Eleven便利店購買的巴士車票、於碼頭購買新渡輪月票、渡輪貨物收費、於港鐵客務中心購買之所有產品、港鐵附加費(包括但不限於以未取得乘坐東鐵綫頭等車廂確認的八達通乘坐頭等車廂而衍生之附加費,以及乘車超過限定時間之附加費)、港鐵城際直通車車票及港鐵車費扣減或折扣之款項。
指定公共交通服務及指定收費隧道及泊車服務之詳情請參閱以下列表。「指定公共交通服務」指: 港鐵 包括以下港鐵路線及服務: – 機場快綫
– 迪士尼綫
– 東鐵綫
– 港島綫
– 觀塘綫
– 馬鞍山綫
– 南港島綫– 將軍澳綫
– 荃灣綫
– 東涌綫
– 西鐵綫
– 輕鐵
– 屯馬綫
– 輕鐵接駁巴士服務巴士 以下專營巴士提供之所有路線:
– 城巴
– 九巴
– 龍運巴士
– 新巴渡輪 以下專營及持牌渡輪服務提供之所有航線:
– 新渡輪服務有限公司
– 天星小輪
– 港九小輪(包括Islands Ferry及城永渡輪)綠色專線小巴 綠色專線小巴提供之所有路線 電車 所有電車路線 「指定收費隧道」指: 收費隧道 – 香港仔隧道
– 海底隧道
– 東區海底隧道
– 青嶼幹線(大嶼山收費廣場/馬灣收費廣場)– 獅子山隧道
– 城門隧道
– 青沙公路(沙田嶺隧道/尖山隧道/大圍隧道)泊車服務 停車場及咪錶 車費付款及/或隧道及泊車收費付款不包括八達通卡公司(「八達通」)於處理此推廣之數據時未能從有關指定公共交通服務供應商、指定收費隧道營辦商或指定泊車服務營辦商(視乎情況而定)收到的任何付款交易,及已經取消的付款交易。車費付款及/或隧道及泊車收費付款只包括根據有關指定公共交通服務供應商、指定收費隧道營辦商或指定泊車服務營辦商(視乎情況而定)釐定為車費付款及/或隧道及泊車收費的交易類別。花旗銀行沒有義務在持卡人進行交易之前釐定該項交易是否為車費付款及/或隧道及泊車收費。
- 「合資格簽賬」包括以持卡人名下所有由花旗銀行所發行之Citi信用卡主卡及其主卡賬戶下之附屬卡(「認可信用卡」)於推廣期內誌賬之本地及海外零售簽賬、商戶分期計劃及現金透支。不合資格簽賬包括(但不限於)動態貨幣兌換交易(即涉及以外幣轉換成港幣而進行的交易)、八達通自動增值服務交易、八達通於手機付款如ApplePay之增值、信用卡結餘轉賬之金額、折現計劃之金額、賬單「分期更好使」計劃、簽賬「分期更好使」計劃、「Quick Cash」套現分期計劃之金額、「Pay All」服務、繳付予稅務局之稅項、繳費、繳交公共事務費用、自動轉賬及循環付款、繳交基金之供款、銀行手續費、保險費用、賭場交易、透過快速支付系統(「轉數快」)進行之交易、未誌賬/取消/退款的交易及其他未經許可或有舞弊/欺詐成份之簽賬。
- 此外,合資格簽賬亦包括使用由花旗銀行 (香港) 有限公司發出之 Citibank Mastercard® 扣賬卡 (「合資格扣賬卡」) 透過 Mastercard® 網絡進行並已誌賬至相關存款戶口 (「結算戶口」) 之實體店商戶購物簽賬、感應式付款、流動電話付款及網上購物簽賬 (「合資格扣賬卡交易」)。只有於交易日下月第5個日曆日或之前誌賬至相關結算戶口之合資格扣賬卡交易之簽賬淨額 (定義見下列第8條),方可用作計算車費回贈及/或隧道及泊車收費回贈。不合資格交易亦包括但不限於透過動態貨幣兌換交易(即涉及以外幣轉換成港幣而進行的交易)、增值八達通之交易、八達通自動增值服務之交易、捐款予慈善機構、電話 / 傳真 / 郵寄購物、繳付予稅務局之稅項、繳交公共事務費用、自動轉賬、保險之供款、賭場交易、未誌賬 / 取消 / 退款的交易、分拆賬單交易、其他未經許可之交易、有舞弊及欺詐成份之簽賬,以及因為結算戶口金額不足所致而未能取消的之交易。
- 每月之合資格簽賬須於該曆月內完成(以交易日計算)。持卡人名下所有之認可信用卡及認可扣賬卡所作之合資格簽賬將合併計算。
- 「簽賬淨額」指 (就透過 Citibank Global Wallet 進行之合資格海外交易而言) 扣除所有折扣及現金券後之合資格扣賬卡的最終外幣簽賬金額並以本行之當前兌換率折算為港元等值,或 (就非透過 Citibank Global Wallet 進行之合資格海外交易而言) 扣除所有折扣及現金券後之合資格扣賬卡的最後簽賬金額。
- 任何由次戶口持有人進行並誌賬到聯名結算戶口的合資格扣賬卡交易,均被視作為主戶口持有人進行之合資格扣賬卡交易。
- 所有獲取之車費回贈及/或隧道及泊車收費回贈將於持卡人完成條款4所列明之條件後之每個月份後3個月內存入指定信用卡主卡賬戶內 (「回贈存入期」) 。
- 已累積於月結單之車費回贈及/或隧道及泊車收費回贈將會用以繳付誌賬於下一期或以後之月結單之自動增值服務金額。
- 在任何情況下,有關之車費回贈及/或隧道及泊車收費回贈均不可轉讓予任何其他信用卡賬戶,不得更換或兌換為現金或其他形式之獎品。
- Citi八達通信用卡八達通現金計劃條款與細則適用。詳情請瀏citibank.hk/octopus。
- 持卡人必須保留所有合資格簽賬之信用卡簽賬存根及商戶購物單據正本。如有任何爭議,花旗銀行保留要求持卡人提供有關合資格簽賬之文件的權利,以作核實。所提供有關合資格簽賬之文件將不獲退回。
- 持卡人之認可信用卡賬戶、指定信用卡賬戶、合資格扣賬卡及相關結算戶口 (如適用)必須於推廣期及回贈存入期內保持有效及信用狀況良好以獲得車費回贈及/或隧道及泊車收費回贈。如有任何爭議,花旗銀行保留取消獲取車費回贈及/或隧道及泊車收費回贈之權利而毋須另行通知。
- 如任何用作計算車費回贈及/或隧道收費及泊車回贈之有關交易及/或有關合資格簽賬之交易有任何舞弊/欺詐成分或被取消,花旗銀行有權從有關信用卡賬戶內扣取有關已領取之車費回贈及/或隧道及泊車收費回贈而毋須另行通知。
- 花旗銀行將會根據儲存於花旗銀行之紀錄,以決定及核實持卡人是否合資格參加此推廣,及其交易是否合資格獲得有關之車費回贈及/或隧道及泊車收費回贈。在任何情況下,持卡人或其他人士不可因為或就此推廣活動所引致的事件而對花旗銀行、八達通卡有限公司及/或任何一方作出任何索償或訴訟。
- 個人資料收集聲明
花旗銀行及八達通 (受不時修訂之八達通發卡條款約束的指定信用卡及指定八達通的八達通功能之發出者)將互相披露每位持卡人的(a)指定信用卡之主卡、附屬卡及指定八達通(如適用)之八達通號碼,及(b)與該等卡的車費付款及/或隧道收費付款總額之交易資料,該資料會被(i)花旗銀行用作核對持卡人參加此推廣之資格及存入有關之車費回贈及/或隧道及泊車收費回贈,(ii)被八達通用作識別相關指定八達通的八達通號碼,並向花旗銀行披露該等卡之交易資料,及/或(iii)於適用的情況下,回應您對此推廣之查詢。用作以上目的之資料將會於2024年9月30日前銷毀。花旗銀行保留完全及絕對決定權隨時(a)更改此等條款及細則、(b)更改、取消、終止或暫停本推廣的任何部份及/或(c)更改或取代本推廣之車費回贈及/或隧道及泊車收費回贈或手推廣的任何部份的權利而不須作另行通知或解釋原因。 - 如有任何關於此推廣活動的爭議,花旗銀行保留最終決定權。
- 如中英文條款有所差異,一概以英文版本為準。
Citi八達通信用卡八達通現金計劃(車費回贈同一般回贈條款不同):
Citi八達通信用卡的八達通現金計劃(簡稱「八達通現金計劃」)只適用於Citi八達通 信用卡的基本卡持有人。
憑八達通現金計劃,基本卡持有人使用此卡累積簽賬每港幣200元正便可獲得價值港幣1元八達通現金回贈(「八達通現金」)並以上述的比率以下捨入方式兌換至仙位數值,信用卡累積簽賬包括自動增值服務,但不包括一般不被發卡公司接受為信用卡簽賬項目(包括,但不限於現金透支、銀行費用、信用卡結餘轉賬金額、折現計劃、「Dial-a-Check」套現分期計劃、繳付稅務局之稅項、以
八達通現金之有效期為三年(或發卡公司有酌情權不時修訂之任何時限),未被換取之八達通現金將會被取消。
官網條款→連結(底部)
Citi八達通信用卡常見問題FAQs
Citi 八達通信用卡迎新優惠喺咩?
- Citi信用卡新客只要成功申請,3個月內簽滿HK$6,000或以上並完成一次自動增值,可獲得HK$900現金回贈
Citi 八達通信用卡迎新可唔可以用電子錢包 chok?
- 電子錢包PayMe/支付寶HK/WeChat Pay都計迎新!所以基本上係無成本拎!
Citi 八達通信用卡年費要幾多?
- 首年免費,之後就HK$1,800,但基本上打電話去Card Center就waive到!
Citi 八達悄信用卡年薪要求喺幾多?
- 年薪$120,000 (見過家庭主婦無收入都批,作為入門卡幾好)
Citi八達通信用卡分析索引(按入向上彈)
- 第一部份: Citi八達通信用卡年薪/迎新/年費解說
- 第二部份: Citi八達通信用卡優點缺點及基本資料
- 第三部份: Citi八達通信用卡魔鬼條款
citi pay all 計唔計果1500蚊簽賬?
唔肯定, 應該計
請問經里先生申請Citi 八達通信用卡的著數 “現時新客成功經裡先生連結成功申請及批卡有額外$200超市現金券”是否已經沒有了?按上面的連結redirect去申請另外幾款卡
有八達通選架喎
申請了八達通信用卡,請問這優惠「現時新客成功經里先生連結成功申請及批卡有額外$200超市現金券!」是否已經沒有了?按條link後去左個website係申請另外一張卡?
正常返喇
想問下85折撘巴士 係唔係去到8月31號就完
通常會extend, 要到時再睇了
佢啲車費點回贈?
直接去左八達通到?
所賺取之八達通現金會於下期月結單直接抵銷八達通自動增值金額
里先生你好,
月結單上的REBATE CREDIT 是否等於 15%的車費回贈的金額? 因為我自己計算過車費的折扣金額和REBATE CREDIT有出入,所以想請教一下.
唔肯定
呢啲問題最好打去hotline 問
個月份內完成HK$1,500或以上之合資格簽賬
<< 呢個計唔計Payme/wechat/alipay 個d ??
你好,我本身有citibank既clear card,咁係咪唔可以用全新信用卡客戶登記?
迎新就更加應該冇啦,因為佢要15/10前?
唔該晒~
你係舊客,必定無welcome offer
剛申請依張卡
玩法就係payme HKD2000(附合要求)
1個月自動增值一次(拎回增)
其他座車錢用earnmore —>八達通app–>citibank 八達通
你好,
請問15%車費的每月1500合資格簽帳,是指有實體簽帳單的交易嗎?網上交易算例如foodpanda,算是合資格簽帳嗎?謝謝。
都算合資格
特別留意只係唔計八達通自動增值
請問乘搭巴士的車資會計算在$1500的消費額內嗎?還是要用信用卡簽帳才計算?
信用卡簽賬先計
自動增值唔計
想問下我出左cash back 仲係個迎新個兩個月入面
再申請呢張八達通係咪唔會影響本身cash back個迎新?
唔會影響
請問wechatpay 轉帳果$1000計唔計15%合資格簽帳? thanks!
無寫唔計,我覺得計
請問每月頭Alipay or Payme 轉賬1500俾自己戶口,可唔可以用來計該月15%車費回贈的合資格簽賬?
可以
請問Alipay 轉賬$1500 計唔計?
計
給payme賬戶增值也可以嘛?
可以
此推廣由2019年1月1日至2019年12月31日。
咁12月31日之後就冇15%回贈優惠?有冇得renew/re-register 之類?
按以往經驗,會再extend
睇到,所賺取之八達通現金會於下期月結單直接抵銷八達通自動增值金額
即係要靠自動增值嚟攞取回贈?
係
您好,里先生
想問下呢張卡賺取嘅現金回贈會以八達通現金回贈,所賺取之八達通現金會於下期月結單直接抵銷八達通自動增值金額
即係係自動增值嘅時候回贈埋,定係自動增值完之後月結單會減返自動增值金額個數?
請問如果用手機app繳款嗰度還學貸計唔計入$1500巴士車費回贈嗰部分嘅合資格簽賬?
唔算,咁樣交算繳費嚟,不合資格
咁係咪即係收到卡後每月用呢張卡經payme 過5000俾自己,每月就可以有 15% 車費回贈?謝謝^^
係啊
請問係咪收到卡後每月用呢張卡經payme 過5000俾自己,每月就可以有5000*0.5% 現金回贈 同 15% 車費回贈,另加$200迎新
呢d回贈係直接入落信用卡定會入落八達通?
15%車費回贈只有搭巴士果啲錢先有
呢張信用卡同八達通合併咗喎
多謝你既回覆
我明白實體卡係合併左,但d 回贈係入落信用卡戶口定係八達通戶口入面呢?
此八達通現金會被存入及累積於基本卡戶口
你好, 想confirm一下
如果我就咁一個月用呢張信用卡八達通買九巴月票x2($1560), 會唔會有15%回贈?
如果上面嘅情況無, 我係唔係可以係同一個月用payme碌$2000黎拎買月票嘅回贈?
同埋你話建議出左張cash back先
咁出完張cash back拎左$1000回贈係唔係就無得再拎八達通嘅$200回贈?
係,迎新只有一份
係,你理解正確
買icloud/apple music等每月自動扣數既簽帳計落 “繳費” 定 “海外零售簽賬” 呢?
同埋寛頻月費每月係信用卡自動扣除, 又計 “繳費” 定 “零售簽賬” 呢?
icloud/apple music俾港幣除HSBC外無銀行計海外零售。以上的繳費係指網上繳費
會計零售簽賬
里先生你好,想問下我可唔可以用另一張信用卡 (例如渣打Simply Cash Card) 做呢張八達通卡嘅自動增值?
如果可以嘅話,我Citi八達通信用卡部分照樣每個月簽HK$1500,我仲拎唔拎到15%車費回贈?
唔可以,呢張citi連住既八達通先計做有車費回贈
Hello, 想問呢如果4月我去到4月15先用到1500,咁我4月1日至15日搭巴士會有15% discount嗎?thx
用指合資格簽賬?如是者會有15% rebate
想問問除左搭巴士個15%外,我可唔可以拎呢張卡(都叫做係八達通)去拎埋政苦個交通津貼?
可以啊
里先生
你好, 如果我上月低申請,剛剛收到張卡,不經oepay增值呢張八達通,而用payme碌5000,會有15%回贈?
你搭巴士的部份會有15%回贈
唔好意思,呢條問題可能好白痴,但係我唔記得有冇幫張卡register個巴士15%回贈,如果我register 多過一次有無問題?
唔會白痴啦,問乜都得
Ok啊,照register多次
我見最新份15%回贈tnc【不合資格簽帳】冇寫wechat,alipay,payme等,是否代表都可以?
我覺得係
但我未試過,只知payme ok
(先講sorry 小弟少用信用卡) 想請教如果假設3月買2次九巴月票 total 1560, 然後我買月票前1-2days用左payme over1.5K, 到4月我唔玩payme 當月0消費, 再到5月又重覆3月既payme+買月票x2動作, 6月又0消費, 咁做可行嗎? (因想賺盡政府津貼), 謝謝
Citi計是否符合九巴回贈係按曆月計,我覺得你既方法都works啊
Hello 里先生,
想問用payme做夠$2500, 計唔計到落迎新優惠?
計啊
而家好似城巴 新巴 都有15% discount
係喎,城巴新巴都有!
條款及細則:”推廣期每個月份內簽賬HK$1,500以上,方可獲得該月份之巴士付款之15%八達通現金回贈”
請問沒簽滿HK$1,500的月份只是該月沒有15%回贈,還是整個推廣期沒有15%回贈?
該月無
里先生你好。請問用呢張citi octopus card來買九巴月票計唔計$1500消費? 因爲買月票要用八逹通來比錢
用八達通就唔計入$1500消費
你用payme做夠$5000啦
里先生
你好, 如果我喺經oepay幫呢張八達通增值,而冇用過佢內置的自動增值,不過我會用payme碌5000,咁搭九巴會唔會有15%回贈
有啊,payme都計合資格交易
近期迎新PayMe仲計唔計
計
請問以 Apple Pay 付款計不計合資格簽帳?
計
「不合資格簽賬」微信支付之流動支付及增值服務
里先生你好,想問下每月簽滿1500拎既15%九巴回贈,見到你寫wechat唔得,咁如果用alipay/payme洗1500得唔得?
我無試
但有師兄表示可以
有冇人試過alipay 得唔得?