AE白金卡 (細頭金屬卡) 限時優惠年費成本可低於HK$1,000!經里先生額外10萬美國運通迎新積分 可入Amex獨家Centurion Lounge

ae白金卡 年薪 迎新 年費

AE白金卡(細頭charge card) 入美國運通AE獨家The Centurion Lounge 年費$7,800

經里先生申請AE白金卡(細頭)有額外10萬美國運通積分,細頭+大頭申請可獲高達103萬積分,以現時優惠Pay with points比率150積分=HK$1計,出細頭+大頭可以回贈高達HK$6,866,啫係話HK$933都可以擁有呢兩張卡玩一年!免年費就無喇,不過可以用HK$933試玩張卡一年都算抵玩!

玩AE白金卡之前首先搞清楚Amex卡嘅類別,American Express將D卡分類為「信用卡/credit card」同埋「簽賬卡/charge card」。比較大眾化年費要$2,200果張大頭卡叫美國運通白金信用卡(大頭)(American Express Platinum credit card),至於下文介紹呢張要$7,800年費嘅簽賬卡(細頭)就叫做美國運通白金卡(The Platinum card)。呢張卡最大嘅用處包括

美國運通現時網頁開放AE Platinum Card俾人網上申請有迎新480,000運通積分(相等於32,000 Asia Miles/Avios),呢加經里先生申請有額外100,000運通積分(6,667 Asia Miles/Avios)。呢張卡抵唔抵申請真係見仁見智,好明顯AE想做到呢張AE白金卡俾人感覺係「有品唔洗講出口,拎住呢張卡就夠」,土豪得嚟又夠低調。從實際角度睇,有睇里先生里數兌換表應該知道38,667里再儲多少少里數已經夠換日本來回機票x2,從呢個角度睇呢張卡可以講得上抵因為你肯俾個年費就相等於拎到日本來回機票。覺得里數唔值,可以考慮AE積分兌換酒店積分

呢個網上迎新好過一般俾CS或街站叫你申請個offer架!AE官方網站就無寫清楚個申請條件,先前里先生經過地鐡站嘅AE街站八卦問過呢張卡有咩申請條件,當時得到嘅回覆係年薪$100萬/$250萬cash/$500萬資產/$1,200萬價值嘅樓先有資格申請…問完之後果位街站小姐應該覺得我嚟運吉俾佢黑我面趕走咗我添。 (AE最近批多咗呢張卡容易申請咗,TU正常無遲還款紀錄而係舊客嘅話好大機會批卡!並無想像中咁難,想交流一下我的申請方法/經驗可以facebook inbox我)

AE白金卡申請

以上為里先生AE白金卡額外積分申請連結MrMiles.hk/ae-charge-application

AE白金卡免年費

AE白金卡抵扣年費操作方法

  1. 你的信貸紀錄TU正常無遲還款紀錄,當然你過去12個月並無細頭+大頭 (最新觀察:無需舊客,有讀者年薪$40萬直接網上申請都批到,如果對收入要求有疑慮可以facebook PM里先生傾傾)
  2. 先經→里先生連結申請細頭:簽賬1次任何金額就有58萬迎新運通積分
  3. 第一期月結單會收取年費HK$7,800
  4. 批出細頭後即時搵里先生安排申請AE白金信用卡(大頭),可獲簽賬首3個月HK$30,000取得45萬迎新運通積分而且可免年費HK$2,200,呢個offer無得網上申請,要特別安排先有,可到 里先生facebook PM我教你點做
  5. 以上加埋會有103萬運通積分,於2020年7月20日前以AE積分兌換現金優惠比率150積分=$1,呢到可以用積分抵扣HK$6,867的簽賬(留意首期年費不能直接抵扣,但你細頭的所有其他簽賬都可以抵)
  6. 俾出嘅年費HK$7,800 – 抵扣細頭簽賬HK$6,867 = HK$933成本
  7. 如果你無HK$30,000簽賬都唔緊要,2張卡一齊出,大頭簽賬HK$5,000都可以用HK$2,600成本玩呢兩張卡首年!里先生安排的大頭offer簽$5,000有20萬分,換成錢就$1,333,咁$7,800(年費)-$3,867(細頭迎新)-$1,333(大頭簽$5,000迎新)=HK$2,600成本,都係唔明詳情可問返我

以上程序最大限制在於2020年7月20日前要完成所有操作及你是否達到申請要求(最新觀察:$40萬年薪都批到),操作包括申請2張卡,簽賬HK$5,000或HK$30,000同埋用Pay with points兌換現金,真係想藉呢個機會出卡的話可以facebook PM 我傾下。

限時申請2張AE白金卡附屬卡可享HK$600 citysuper現金券

AE白金卡附屬卡

條款:詳細條款(pdf)


AE白金卡分析三步曲(向下彈)

其他AE白金卡相關文章(去另一頁)


AE白金卡迎新 年費及年薪/資產要求

AE白金卡迎新

  • 年費$7,800,無得傾必需俾
  • (有其他AE卡客戶) 經里先生申請並於遞交基本卡申請表之7個工作天內提交所有所需有效文件,然後於成功批核後首3個月內簽賬一次即享580,000迎新美國運通積分(相等於38,666里數)
  • 有American Express 其他信用卡都無問題照有580,000美國運通積分迎新
  • 迎新優惠不適用於現時或申請日期起12個月內曾為美國運通白金卡/半島白金卡會員

AE白金卡迎新條件及年薪/資產要求

  • 有American Express 其他卡都無問題照有迎新,肯俾年費變相買里數(未計其他benefits)
  • 迎新將於基本卡成功簽賬一次後的8個星期內存入(銀行帶頭盔,唔洗咁耐)
  • 迎新優惠不適用於現時或申請日期起12個月內曾為美國運通白金卡 / 半島白金卡會員
  • (謠傳,官網無寫)申請條件年薪$80萬/$250萬cash/$500萬資產/$1,200萬價值嘅物
  • (無想像中咁難)最新觀察:無需舊客,有讀者年薪$40萬直接網上申請都批到,如果對收入要求有疑慮可以facebook PM里先生傾傾)
AE白金卡申請

以上為里先生AE白金卡額外積分申請連結MrMiles.hk/ae-charge-application

拎完AE細頭後,可以即刻搵里先生攞AE白金信用卡(大頭)

  • 純積分:無得網上申請,可到 里先生facebook PM註明要「AE point offer」 或 電郵至[email protected]查詢 (簽$5,000有150,000分+首3個月內每簽$1=10美國運通積分)

香港機場嘅American Express The Centurion Lounge介紹短片

係內部再有一個食叉燒飯同燕窩蛋撻嘅area要有AE黑卡先入到去食,我就無喇:(


美國運通白金卡優點缺點及基本資料

American Express白金卡優點

  • (主卡及附屬卡)可以無限次入全球The Centurion Lounge及免費帶多2個同伴入,除香港機場外其他The Centurion Lounges位於美國
  • (主卡及附屬卡)全家有保險!無需付旅費有免費全年旅遊保險(主卡人的先生/太太及21歲以下的家人,及附屬卡持有人)→簡短介紹//→保單詳情//→Claim form(pdf)
  • 免費申請2張附屬卡(全部都係金屬卡!)
  • (主卡) 送1張無限次入全球airport VIP lounge既Priority Pass俾你,最新Policy仲打以拎嚟帶多1個guest入(如被收費要打hotline免)! 出發前記得預留1個月時間申請,批卡後要→填form寄去American Express
  • (主卡及附屬卡) 可以無限次入全球Plaza Premium Lounge及多帶2個同行者
  • [少人識但幾好用](主卡及附屬卡) Amex Platinum Travel Service – Fine Hotels & Resorts (FHR) 識玩又夠運嘅住品牌酒店平過官網不但止仲有得upgrade套房,免費早餐,Late check out等等benefits
  • 可以轉積分為多個飛行里數或酒店積分計劃,包括Asia Miles/ Avios/ KrisFlyer/ Marriott Bonvoy/ Hilton Honors Points等等,可以睇返里數兌換表諗諗AM定Avios啱你多D
  • (主卡及附屬卡)酒店會籍 (SPG、Carlson Rezidor、香格里拉、Hilton) – Hilton金卡送早餐,Marriott Bonvoy金→拎會籍登記網址
  • (主卡) 美心美膳會2-3人星期一至四食有六折→AE美膳會及餐廳優惠合集
  • (主卡及附屬卡)星期五係百老匯、PALACE或AMC睇戲買一送一
  • 其他:AE美膳會及餐廳優惠合集
  • 積分無限期
  • 金屬卡!雖然有D土豪但係真係嚇得下鬼(可以睇以下美國版開卡短片)
  • 自動參加「加倍加賞」積分計劃免年費(價值$240),首$160,000簽賬$1=2運通積分($7.5=1里/ Avios)
  • 要上AE Centurion Card (黑卡) 必須要先以AE白金卡作一定簽賬

American Express白金卡缺點

  • 年費$7,800無得豁免
  • 海外簽賬手續費小貴,有2%收費(其他卡做緊1至1.95%)
  • 平日簽賬$7.5=1里,儲里數嚟講唔算吸引
  • 轉換成飛行里數手續費每次$200

美國版Amex Platinum Card金屬卡介紹短片

AE Platinum Card基本資料

以下積分已考慮「加倍加賞」雙倍積分計劃,每年首$160,000簽賬適用以下比率(Turbo program電話22772150)

  • 本地簽賬: $7.5 = 1里/ Avios ($1=2積分)
  • 網上購物: $7.5 = 1里/ Avios ($1=2積分)
  • 外幣簽賬: $3.75 =1里(Turbo program $1=4積分)/ $5 = 1里/ Avios ($1=3積分,用爆Turbo program quota) 
  • 自動轉賬: $7.5 = 1里/ Avios(自動轉賬煤氣水費電費會無積分)($1=2積分)
  • 八達通自動增值: 無
  • 網上繳費: 無 (水費電費交稅交保費乜都無啊)
  • PayMe: 無 (其他PayMe有分卡→PayMe攻略)
  • 國泰/日航/美航/英航/澳航/芬蘭航空官網買機票: $5 = 1里/ Avios ($1=3積分)

AE Platinum Card其他優惠

  • AE積分可以兌換萬豪酒店積分,全香港只有AE可以兌換到,詳情→AE積分兌換
  • (主卡及附屬卡)無需付旅費有免費全年旅遊保險(主卡人的先生/太太及21歲以下的家人,及附屬卡持有人)→簡短介紹//→保單詳情//→Claim form(pdf)
  • (主卡及附屬卡) Amex Platinum Travel Service – Fine Hotels & Resorts (FHR) 識玩又夠運嘅住品牌酒店平過官網不但止仲有得upgrade套房,免費早餐,Late check out等等benefits
  • (主卡及附屬卡)免費全年旅遊保險酒店會籍 (Marriott Bonvoy、Carlson Rezidor、香格里拉、Hilton)
  • (主卡及附屬卡) 可以無限次入全球Plaza Premium Lounge及多帶2個同行者
  • 免費Wellness Spa & Salon 肩背按摩服務或洗髮及吹髮服務 (免費享用15分鐘)
  • (主卡)送無限次入全球超過1,000個airport VIP Lounge的priority pass
  • (主卡)美心美膳會2人或3人星期一至四有六折
  • (主卡及附屬卡)星期五係百老匯、PALACE或AMC睇戲買一送一
  • (主卡及附屬卡)如簽賬機票費用,額外$300萬人生意外保險(連基本共$400萬)→詳細條款

全球Plaza Premium Lounge貴賓室既名單→ www.americanexpress.com/plazanetwork_ch
全球Priority Pass Airport VIP Lounge名單→ www.prioritypass.com

Amex白金卡積分有效期及轉換時間

  • 無限期
  • 約10天

Amex白金卡積分兌換各里數酒店計劃比率

  • Asia Miles/ Avios/ Emirate/ Finnair/ KrisFlyer: 15,000運通積分 = 1,000里
  • 萬豪 Marriott Bonvoy: 9,000運通積分 = 1,000 MR points
  • Hilton Honors Points: 8,000運通積分 = 1,250 HH points
  • 轉換比率→AE積分兌換酒店//及時間→官網詳情
  • 拎會籍→登記網址
AE白金卡申請

以上為額外積分推薦連結或可直入MrMiles.hk/ae-charge-application

拎完AE細頭後,可以即刻搵里先生攞AE白金信用卡(大頭)

  • 純積分:無得網上申請,可到 里先生facebook PM註明要「AE point offer」 或 電郵至[email protected]查詢 (簽$5,000有150,000分+首3個月內每簽$1=10美國運通積分)

AE白金卡常見問題FAQ

AE白金卡有無得免年費?

  • 無,細頭HK$7,800一定要俾。但你有細頭後可以免年費出到AE白金信用卡(大頭),而兩張卡加埋嘅積分可以賺高達103萬積分,現時pay with points優惠比率150分=HK$1,呢到可以換到HK$6,867,咁你嘅出卡成本可以壓低至HK$933。詳情及操作方法見內文。

AE白金卡年薪/資產要幾多先申請到?

  • 聽過年薪$80萬/$250萬cash/$500萬資產/$1,200萬價值嘅樓先有資格申請,但係呢個係只係對AE新客先啱用。如果你持有其他任何AE卡4個月或以上,AE會當咗你係舊客咁你去申請就好容易。

AE白金卡有幾多張免費附屬卡?

  • 兩張附屬卡及一張副卡(AC卡),AC卡suppose係俾你用作商務類簽賬分返清條數。

用咗張AE白金卡一年後如果以HK$7,800年費續會,有無里數/積分可以回到?

  • 無白紙黑字寫出嚟有得回,但你第二年收年費時打去問的話一般會offer 30萬-45萬分俾你做續會積分。

AE白金卡可以入到咩機場Lounge?

AE白金卡嘅酒店旅遊優惠值唔值?

AE白金卡除咗旅遊優惠,仲有咩餐飲生活優惠?

經常被問: 已持有AE白金信用卡(大頭),現時是否應該申請AE白金卡(細頭)?

自從AE白金卡推出咗疫情下的150 AE積分可抵銷HK$1簽賬,多咗手持AE白金信用卡(大頭)朋友問我攞唔攞埋張AE白金卡(細頭),我個人覺得好大程度上取決於你手上有幾多AE積分,以下可以同你分析一下。係現時里數唔知幾時可以用既情況抵下,我會建議優先考慮將積分變成錢,而本身300積分=HK$1的話就唔太建議了,如果用呢個比率換錢不如換返里數,即使唔知幾時換到機票都好過價值跌咗一半。就以上兩種情況可以睇到,大頭卡越多積分係手的話,出埋細頭換做錢會更加著數,因為150 AE積分抵銷HK$1簽賬要有細頭卡嘅朋友先可以受惠。至於值唔值得咁做就自己可以諗諗或者再爬下文,我只係去話你知有咩選擇去釋放應有的積分價值。

獲取AE白金卡(細頭)最大誘因:

  1. 積分價值立即提升,有AE白金卡(細頭)後於2020年7月20日前可以150 AE積分抵銷HK$1簽賬 (大頭只能以300 AE積分抵銷HK$1簽賬)
  2. 退回部份年費,如你的AE白金信用卡(大頭)對上一次交年費於半年內,攞咗細頭後你可以打電話要求按比例退回年費,如你於2020年2月底交了HK$2,200年費,你因為用咗3個月大頭,你可以按比例退返9個月的年費,啫係HK$2,200*9/12 = HK$1,650
  3. 享受到細頭的benefits,雖然呢加預咗嚟緊3-4個月都去唔到旅行好多benefits用唔著
  4. 細頭的58萬迎新只需簽賬任何金額一次,可獲58萬積分(2020年7月20日前相等於HK$3,866簽賬額)
  5. 獲取更好簽賬比率,2020年7月20日前細頭卡的港幣簽賬相當於2%現金回贈/外幣簽賬4.67%回贈
  6. 現時申請2張AE白金卡附屬卡再可以有HK$600 citysuper現金券

如你的AE白金信用卡現有50萬積分:

  • 如題,你有50萬積分的話你拎AE白金卡(細頭)後於2020年7月20日前可以150 AE積分抵銷HK$1簽賬,啫係你會有HK$3,333
  • 連同細頭迎新58萬積分(2020年7月20日前相等於HK$3,866簽賬額),雖然你付出的HK$7,800年費,用積分抵銷簽賬會有HK$7,200的簽賬額,變相多付出HK$600可以玩一年細頭卡
  • 除了以上所提及之HK$7,200簽賬額,AE白金卡免費申請的2張AE白金卡附屬卡再可以有HK$600 citysuper現金券 以及 半年內按比例退回的大頭年費
  • 當然你要計及50萬積分的成本,大頭分換取里數的話可以換到33,333里 (及付一次性HK$300手續費)

AE白金charge卡魔鬼條款細則TnC

注意!由於以下字太多既關係可能令閣下情緒不安。其實上面所寫既已經係簡化左既條款,以下可以作參考或日後翻查既條款及細則(節錄自銀行官方網站):

迎新條款

100,000美國運通積分推薦獎賞於受薦人基本卡批核後8星期內存入受薦人有關美國運通之基本卡賬戶內。(經里先生申請之額外10萬分)
網上額外獎賞:只適用於透過網上申請並於遞交申請表之7個工作天內提交所有所需有效文件之成功批核的基本卡會員,100,000美國運通積分將於基本卡成功批核後的8 個星期內存入會員之基本卡的美國運通積分計劃戶口內。

迎新獎賞:會員須於基本卡批核後之首 3 個月內簽賬方可獲取380,000美國運通積分,積分將於簽賬後8 個星期內存入會員之基本卡的美國運通積分計劃戶口內。(里先生: 簽賬為任何金額)

迎新優惠不適用於現時或申請日期起12個月內曾為美國運通白金卡 / 半島白金卡會員。
如基本卡會員於12個月內取消該美國運通白金卡 / 半島白金卡,美國運通保留從會員之運通卡帳戶內扣除有關迎新優惠價值之權利。

Source: 官網條款

AE Platinum Centurion Lounge Guest policy

Platinum® Card members who receive complimentary access may enter with up to two guests at no additional charge.

Centurion members may enter with up to two guests or immediate family (spouse or domestic partner, and children under 18) at no additional charge.

Guest access is per Card Member, not per Card. Family or guests may not enter or remain in the lounge unless accompanied in the lounge by the Card Member.

Platinum Card and Centurion Members may purchase a day-pass for any additional guests for $50 USD at the time of entry. The $50 one-day pass for additional guests is valid at any location of The Centurion Lounge on the same day, as long as the guest is still accompanied by the Card Member.

Source: 官網條款

合資格積分簽賬及加倍加賞

當綜合登記戶口內的每張合資格美國運通卡簽賬每滿港幣$1,基本積分計劃參加者可獲1分;『加倍加賞』積分計劃參加者可獲2分(在每一個計劃年度,『加倍加賞』積分最高可獲320,000分);『白金卡外幣加賞』計劃參加者之外幣簽賬可獲3分;『無盡獎賞』積分計劃參加者可獲1.5分(本地簽賬) 及3分(外幣簽賬) 而不設最高上限。

外幣簽賬必須以外幣付款。外幣指港元以外的貨幣。若交易於呈交美國運通國際股份有限公司前已轉換成港元簽賬(例如,若商戶於銷售點讓您選擇將交易轉換為港幣付款),外幣簽賬積分轉換率將不適用。以港幣付款之網上交易亦不會當作外幣簽賬。外幣簽賬不適用於費用,包括但不限於「運通財」提款費用和其他費用。下列各項不能獲得美國運通積分:於參加計劃日前已過數及計算了的簽賬、美國運通卡年費、備用信貸及其他現金透支、運通財、購買美國運通旅行支票、購買美國運通禮券或旅遊禮券、因不能兌現支票而收取之費用、財務費用 - 包括運通信用卡賬戶的財務費用、過期繳款附加費及追討欠賬的費用、海外簽賬退稅、繳附稅項及「分 + $」換領禮品之付款部份。

白金卡會員於指定航空公司直接憑卡購買機票每簽賬HK$1可獲享3美國運通積分。透過旅行社購買之機票而該項交易是由指定航空公司之商戶過數,亦可享此優惠。海外簽賬購買指定航空公司機票的外幣消費只可獲享3美國運通積分。「加倍加賞」積分計劃獎賞適用。

雙倍積分適用於每個計劃年度憑卡付款簽付之首HK$160,000。而HK$160,001及其後之簽賬每HK$1可獲1美國運通積分。須受有關之美國運通積分計劃條款及細則約束。

每次兌換飛行里數之手續費為港幣300元。

Source: 官網條款

全年旅遊保受保人(節錄自保單條款)

The following complimentary insurance benefits are offered by American Express International Inc. (herein called “Policyholder”) (Master Policy issued by Chubb Insurance Hong Kong Limited (herein called “Company”) to the AmericanExpress:
(a) Basic Platinum Card members;
(b) Basic Platinum Card members’ spouse regardless of whether he/she is a Supplementary Cardmember;
(c) Basic Platinum Card members’ Child (ren) over thirty (30) days and under the age of twenty-one (21), regardless of whether the Child is a Supplementary Cardmember; and
(d) the Supplementary Platinum Card members under the Basic Platinum Card members’ card account

無需簽賬全年保單→詳細條款

如簽賬機票費用,額外$300萬人生意外保險→詳細條款

美膳會→官網條款


AE白金卡分析三步曲(向上彈)

其他AE白金卡相關文章(去另一頁)

你可能有興趣的文章...

213 comments

Leave a Reply

Your email address will not be published. Required fields are marked *