DBS Eminent (迎新10%現金回贈)Visa Platinum Card/ Visa Signature Card
DBS Eminent | Visa Platinum Card/ Visa Signature Card迎新高達$910
DBS Eminent Card最深刻嘅應該係子華幫佢賣嘅廣告「一張又如何」，主力玩現金回贈。呢張卡最抵用嘅係每季keep住會做特選類別簽賬3%簽賬回贈仲要回贈無上限，同埋無最低簽賬要求。7月-9月份係零售服飾/百貨公司回贈3%(1月-3月係網上簽賬回贈/3-6月係電器類別)！DBS Eminent Visa Platinum Card個申請門檻好親民，年薪要求$150,000已經申請到，年薪未到Visa Signature又想搵張高現金回贈嘅平日簽賬信用卡DBS Eminent Visa 白金卡 (Platinum Card) 的確係好選擇。新客戶現時有10%現金回贈迎新(最多回贈HK$700)，簽賬期內如果累積特選類別簽賬滿$7,000，就可以賺$210基本回贈，加埋迎新回贈就有HK$910，不過要小心DCC/海外註册商戶港元付款係無回贈。
另外呢張卡都有個迎新俾現有客戶，首$2,000有10%現金回贈，連埋高達3%特選簽賬基本回贈就$260！啱晒本身已經有DBS信用卡嘅舊客！
DBS Eminent Card分析三步曲(快速連結向下彈)
- 第一部份: DBS Eminent Card 年薪/年費/迎新
- 第二部份: DBS Eminent Card 優點缺點及基本資料
- 第三部份: DBS Eminent Card 魔鬼細節
DBS Eminent 年薪/年費/迎新
DBS Eminent 年薪及年費
- DBS Eminent Visa Platinum Card年薪: $150,000 (平均月入$12,500)
- DBS Eminent Visa Signature Card年薪: $360,000 (平均月入$30,000)
- 豁免首年年費
- 過咗一年後每年年費$2,000(VS)/ $1,800(VP) (白金卡一般夠期打去都免到，VS有DBS豐盛理財戶口就一定免到)(我自己習慣耐唔耐睇下卡面個Vaild Thru 月份，夠期就打去)
DBS Eminent Visa Platinum/Visa Signature Card迎新及獲取條件
全新客戶迎新 – 高達$910奬賞，以下解說:
- 迎新部份 – $700: 首2個月內簽賬10%現金回贈，無需一定要簽幾多先有回贈，簽$100回贈$10，啫係簽夠$7,000就爆
- 基本部份 – $210: 如果迎新簽$7,000係簽中當期嘅特選簽賬，就會有3%回贈(需上DBS Omni登記，7-9月嘅特選簽賬係零售服飾及百貨公司簽賬)(如屬外幣就有2%回贈，如屬其他本地簽賬就有1%回贈)
- 例子: 如果首2個月內簽夠$7,000零售服飾及百貨公司，就可以賺盡$700迎新回贈 + $210基本回贈，加埋合共$910
現有客戶迎新 – $2,000回贈$200(10%)，連特選簽賬3%回贈就有$260。
特別注意！所有迎新回贈要求有DBS Omni戶口，記得收到卡就download DBS Omni App，兩個月內登記及啟動Omni戶口，否則將不能獲贈迎新回贈
- iPhone→ Download連結
- Android→ Download連結
迎新條件/冷河期: 12個月內未曾持有及/或取消任何DBS信用卡主卡先拎到全新客戶迎新，否則只有現有客戶迎新
DBS Eminent Card迎新回贈合資格迎新簽賬
- 零售交易
- 八達通自動增值
- 信用卡免息分期貸款下的購物交易 (已誌賬)
- 附屬卡交易一齊計
DBS Eminent Card迎新回贈不合資格迎新簽賬
- 認購基金、籌碼兌換、外幣兌換、財務費用
- 沖正簽賬、逾期費用、信用卡年費
- 於香港以外的銷售點/非香港註冊商戶所進行的港幣交易 (如Booking.com用港幣付款，詳情睇→商戶註冊地清單)
- 電子錢包增值（包括PayMe、WeChat Pay及支付寶）
- 繳費交易、繳付保費、繳付稅項
DBS Eminent Platinum Card/Visa Signature Card優點缺點及基本回贈
DBS Eminent Card優點
- 定期有特選簽賬3%回贈！今個季度7-9月係零售服飾/百貨公司簽賬3%回贈！(記得要係Omni登記咗先！推廣期至9月30日)
- 白金卡年薪要求低又有1%回贈
- 唔洗煩，簡單記住1本地-2外幣-3特選，啱晒唔儲里數又怕追優惠嘅朋友
- Visa Card，DBS有時只做Visa exclusive promotion，Master無份，可以食盡突發優惠
- Expedia訂房長期9折，曾經有做限時8.5折！→ DBS Expedia酒店折扣代碼實例
DBS Eminent Card缺點
- 港幣支付外國註册商戶(如Expedia)及DCC交易無回贈 (網購前查一下→商戶註冊地清單)
- 淨睇本地簽賬回贈1%未算市場上最高，高年薪有其他選擇
- 有得儲里數但手續費貴 (Sorry囉，我知off-topic但對我嚟講真係)
- 交保費無回贈
DBS Eminent Visa Platinum/Visa Signature Card現金回贈計算
- 本地簽賬: 1%
- 食肆簽賬: 1%
- 特選簽賬: 3% (今期7月1日至9月30日係零售服飾/百貨公司，記得去DBS Omni登記)
- 外幣簽賬: 2%
- 八達通自動增值: 1%
- PayMe/WeChat Pay/Alipay: 1%
- iBanking繳費付款: 無
- 繳付保費:無
- 網購港元支付海外商戶/DCC交易: 無
*用DBS網購要特別小心結算所在地，雖然唔收charge(東亞收1%)但無積分，詳細攻略→網上購物信用卡費用及積分解釋
DBS Eminent Visa Signature Card專享優惠
- 香港君悅酒店/香港沙田凱悅酒店/澳門文華東方酒店→買一送一或折扣
DBS Eminent Card其他優惠
- Hotels.com 優惠代碼酒店code長期有88折
- Zuji code 折扣優惠代碼 酒店長期有95折
重溫DBS Eminent Card 100毛 子華神一張又如何廣告
子華神金句真係睇極都唔厭，里先生真係Like爆呢條片，一齊重溫下。
DBS Eminent Platinum Card/Visa Signature Card官網魔鬼細節條款TnC
注意！由於字太多既關係可能令閣下情緒不安。以下為里先生認為值得注意/經常需要查既條款及細則(節錄自銀行官方網站):
迎新合資格簽賬
就迎新優惠而言，「合資格簽賬」是指已誌賬的零售交易，包括八達通自動增值服務交易金額。就信用卡免息分期貸款下的購物交易，只有當供款金額誌賬入新卡賬戶時方被計算在內。為免產生疑問，以下類別的交易將不屬於合資格簽賬：認購基金、現金透支及其手續費/行政費、籌碼兌換、外幣兌換、財務費用、沖正簽賬、逾期費用、信用卡年費、「迅用錢」、「結餘轉戶」、「現金轉戶」、「輕鬆分期付款」計劃、於香港以外的銷售點（就網上交易而言，指商戶的登記及/或結算所在地）所進行的港幣交易、電子錢包增值（包括但不限於PayMe、WeChat Pay及支付寶）、繳付保費、繳付稅項、透過「星展iBanking網上理財」、銀通櫃員機的「繳費易」服務或其他不時由本行指定方法進行的任何繳費交易、已被取消、正在進行索償、退貨及/或退款的簽賬或本行不時指定的其他類別簽賬。
在計算現金回贈時，將根據在推廣期內成功申請的每張新卡所進行的合資格簽賬獨立計算。即使客戶成功申請多於一張新卡，以不同的新卡進行的合資格簽賬也不得合併計算。經新卡的任何附屬卡進行任何合資格簽賬交易的金額將與新卡的主卡的合資格簽賬金額合併計算現金回贈。
Source: 官網連結
基本簽賬回贈
於成功登記後翌日起至計劃終結期間，持卡人以適用信用卡完成並已誌賬的「合資格簽賬」可獲以下獎賞：
1%本地零售簽賬回贈
「本地零售簽賬」是指於香港及澳門的銷售點（就網上交易而言，指商戶的登記及/或結算所在地）所進行的港幣及澳門幣合資格簽賬。持卡人每HK$250本地零售簽賬，可獲DBS$2.5（即HK$100可獲DBS$1）（「本地零售簽賬獎賞」）。
2%外幣零售簽賬回贈
「外幣零售簽賬」是指於香港以外的銷售點（就網上交易而言，指商戶的登記及/或結算所在地）所進行的外幣（不包括澳門幣）合資格簽賬。持卡人每HK$250外幣零售簽賬，可獲DBS$5 （即HK$50可獲DBS$1）（「外幣零售簽賬獎賞」）。為免產生疑問，就本計劃而言，澳門幣的合資格簽賬將計算為本地零售簽賬，而於香港以外的銷售點（就網上交易而言，指商戶的登記及/或結算所在地）所進行的港幣交易（「DCC交易」），並不計算為合資格簽賬或外幣零售簽賬。
「合資格簽賬」是指於商戶的任何銷售點（實體或網上）所進行並已誌賬的零售購買交易，包括八達通自動增值服務交易金額、電子錢包增值（如PayMe及WeChat Pay）。就信用卡免息分期貸款下的購物交易，當供款金額誌賬入適用信用卡賬戶時，持卡人可賺取獎賞。為免產生疑問，以下類別的交易將不屬於合資格簽賬：認購基金、現金透支及其手續費/行政費、籌碼兌換、外幣兌換、財務費用、沖正簽賬、逾期費用、信用卡年費、「迅用錢」、「結餘轉戶」、「現金轉戶」、「輕鬆分期付款」、DCC交易、繳付保費、繳付稅項、透過「星展iBanking網上理財」、銀通櫃員機的「繳費易」服務或其他不時由銀行指定的方法進行的任何繳費交易、已被取消、正在進行索償、退貨及/或退款的簽賬或銀行不時指定的其他類別簽賬。就認購基金，持卡人將根據DBS$獎賞計劃獲得獎賞；就其他類別的交易，不論按本計劃或DBS$獎賞計劃，持卡人均不會獲得獎賞。有關DBS$獎賞計劃的詳情，可參閱載於銀行網址的DBS$獎賞計劃條款及細則。
Source: 官網條款
3%零售服飾及百貨公司回贈
就本推廣而言，「零售服飾及百貨公司簽賬」是指根據VISA國際組織之商戶編號釐定為零售服飾及百貨公司的零售交易(「零售服飾及百貨公司簽賬」)，沒有貨幣限制。為免產生疑問，以下類別的簽賬並不屬於零售服飾及百貨公司：於香港以外的銷售點（就網上交易而言， 指商戶的登記及/或結算所在地）所進行的港幣交易(「DCC交易」)、網上繳費、已被取消、正在進行索償、退貨及/或退款的簽賬或銀行不時指定的其他類別簽賬。持卡人的簽賬是否界定為零售服飾及百貨公司簽賬，由銀行全權及絕對酌情決定。
如持卡人的零售服飾及百貨公司簽賬為港幣或澳門幣，持卡人於本推廣可獲額外2%回贈(「額外獎賞」)；如持卡人的零售服飾及百貨公司簽賬為外幣，持卡人可於本推廣獲額外1%回贈(「額外獎賞」)。額外
獎賞將以現金回贈方式於2018年12月或以前存入適用信用卡戶口並顯示於月結單上。額外獎賞的計算將截至整數，小數位不被計算。
Source: 官網條款
DBS Eminent Card分析三步曲(快速連結向上彈)
- 第一部份: DBS Eminent Card 年薪/年費/迎新
- 第二部份: DBS Eminent Card 優點缺點及基本資料
- 第三部份: DBS Eminent Card 魔鬼細節
請問如果我上網買野而嗰個網係外國網站 我用外幣結算 有冇得拎迎新嗰10%回贈？
定係無論用港幣/外幣都冇得拎？
用外幣的話有得拎
请问wechat, payme, alipay每月计分限额是多少? 谢谢
請到各錢包攻略睇
請問下paypal計唔計迎新?
唔肯定
里先生, 我想問1% 回贈係回贈DBS$ 嗎? 如果係, 係咪可以用黎啲DBS$ 換番Asia Miles? 我見你話Wechat Pay 都可以chok 1%回贈, 咁咪即係都可以chok asia mile? 對嗎?
呢張卡換AM有手續費
請問用電子錢包買野咁計唔計迎新?
唔肯定
當咗唔計先，無謂搏
里先生, 請問如果我打算簽3萬蚊卡, 咁滿足到HKD7000 最底消費取得迎新HKD700, 其餘果2萬3, 可否獲得1% 回贈定已封頂HKD700? (因為平時如果冇迎新, 3萬蚊1% 回贈得300蚊)。謝謝!
其後可以有1%的
但如果你可分卡簽申請第張食welcome offer好過
如果我係數碼通出 IPHONE 算唔算電子產品簽脹?? 有無3 % 回贈??
佢無明確define
百老匯 fortress 果d我覺得中
建議出前打上hotline問一下
打左上去問, CS 答左等於無答,佢叫我自己睇條款……..
如果Hotels.com, Agoda用DBS卡book酒店計唔計迎新? 見佢好似有92折
要睇佢返單出咩code,如果返單出HK就計
或者用外幣俾錢，咁就一定計welcome offer
任何時候8達通自動增值都1%回贈?
Yes
里先生 你好 除左Citibank Cash Back Visa我已經申請左
我都打算申請埋呢張DBS Eminent Card同埋渣打Simply Cash Visa拎盡迎新 (因為有一筆18,000既大數要今個月內碌，打算分開個payment用三張卡）
想問所有新開既卡(Citibank,DBS,渣打) 我要 keep幾耐先可以Cut而又攞盡d迎新? 有冇條款限我要keep幾多年？因為唔想keep too many cards,怕唔記得waive年費就大穫。有冇advice畀到我呢？
期待你既回覆！ 謝謝你！
都係keep 1年
年費唔洗咁擔心既 有睇單收咗都waive到
請問ZUJI買機票計唔計？
計迎新啊
唔係好識分香港以外銷售點/非香港註冊商戶所進行的港幣交易..
都係按經驗…你想去邊到買可以問下我睇下答唔答到你
如果訂酒店的話邊個網先算係？thanks~
俾外幣就一定算
呢加D網唔知會出咩code估佢唔到
反而俾外幣就算，好複雜🙈
請問簽唔夠7000蚊係唔係都會照收到黃子華飛?只要俾返760+64蚊就得?
係啊無錯
信用卡免息分期貸款下的購物交易即係我碌咗7000千蚊分期做12個月還都算簽夠7000?期待解答,thx
唔算，只計已誌賬入咗單部份
DBS換黃子華飛，迎新要簽七千先可以換，payme.支付寶那些過數又唔計，但係又無七千蚊嘅嘢想買，請問有咩方法可以儲到？跪求🙏🏻
拎$7000買現金券（百老匯或萬寧等）再93折或以上賣返出去