【最抵海外簽賬/網上外幣信用卡】HSBC最紅網上簽賬 2019+最紅自主獎賞5X

hsbc 最紅海外及網上

【最抵海外簽賬/網上外幣信用卡】HSBC最紅網上簽賬 海外外幣簽賬 2019+最紅自主獎賞Visa Signature $1.79=1里/Premier $1.56=1里

最紅網上簽賬及海外簽賬可以登記喇,做外幣網購/旅行簽賬,去旅行前打算用HSBC信用卡外幣簽賬記得登記開通咗先,因為登記完只要你「當季」簽夠網上及海外簽賬夾埋夠$3,000就可以有額外5X獎賞錢。而2019年再加多咗個優惠,HSBC Premier外幣簽賬的話再有額外5X。HSBC信用卡玩法出名複雜,請花少少時間睇埋以下嘅注意玩法,識玩嘅可變為一張最抵海外簽賬/網上外幣信用卡。近來所見HSBC轉晒D promotion materials用現金回贈%嚟表達,我相信唔少睇慣幾多「X」嘅朋友都未必咁習慣,其實係有數得計,你記住個口訣「每0.4%相等於1X,里先生話嘅。」咁樣睇下會唔會舒服D,唔識都唔緊要,識嚟睇里先生OK啦,唔講咁多,以下兩個表,第一個表集結HSBC長年優惠嘅重點,所得倍數及各自的回贈比率。第二個表包括你中咗乜野幾錢幾里/Avios或所得回贈百分比,方便你拎住去比較到底簽邊張卡先夠精明。

最紅網上簽賬及海外簽賬獎賞→登記網址/或致電8228 8088

HSBC獎賞錢計算倍數回贈

里口訣: 每0.4%回贈相等於1X,留意上下限
Reward_Type
獎賞計劃
Times
倍數
$Rebate%
$回贈%
Maximum_Spend
回贈上限簽賬
Minimum_Spend
簽賬下限
基本獎賞1X0.4%無限
網上或外幣5X2.0%每季$15,000每季$3,000
自主全中類別5X2.0%每年$100,000
VS中類別3X1.2%每年$100,000
加總14X5.6%

HSBC Premier獎賞錢計算倍數回贈

-里口訣: 每0.4%回贈相等於1X,留意上下限
-主要分別為HSBC Premier再有外幣簽賬5X(需為海外註册商戶)
Reward_Type
獎賞計劃
Times
倍數
$Rebate%
$回贈%
Maximum_Spend
回贈上限簽賬
Minimum_Spend
簽賬下限
基本獎賞1X0.4%無限
網上或外幣5X2.0%每季$15,000每季$3,000
自主全中類別5X2.0%每年$100,000
Premier外幣
(為海外商戶)
5X2.0%每季$15,000每季$3,000
加總16X6.4%

(先講結論)有HSBC Premier同埋HSBC Visa Signature,咁我應該幾時簽乜?

如果你有HSBC Premier又有HSBC Visa Signature,由2019年開始你應該:

  • 所有外幣簽賬用HSBC Premier,你放咗5X賞世界的話會有6.4%回贈(啫係16X, $1.56=1 AM),條款上需要商戶為海外商戶但我諗用外幣俾得錢的話絕大部份情況下都係海外商戶啦
  • 如果係網上港幣的話,照樣用返HSBC Visa Signature,如果個商戶係非香港註册商戶的話有機會食多3X
  • 其他簽賬都係主力用返Visa Signature,因為有可能中咗HSBC最紅自主六類別

HSBC網上簽賬 海外簽賬 詳情及需注意玩法:

 注意! 最紅海外最紅自主賞世界個「海外」定義有唔同,最紅海外必需要為外幣的,但賞世界係以商戶收款註册地區分,包括網上交易以HK$付款但為海外商戶的(但不包括RMB)

簽賬階段分為4期,全部獨立計算

  • 2019年1月1日至3月31日 (6月入賬)
  • 2019年4月1日至6月30日 (9月入賬)
  • 2019年7月1日至9月30日 (12月入賬)
  • 2019年10月1日至12月31日(3月入賬)

最紅海外及網上簽賬需注意玩法:

  • 每階段最少要網上及海外累積簽夠$3,000先有額外獎賞錢
  • 網上及海外加埋一齊計
  • 每個階段上限額外300獎賞錢,啫係每階段簽夠$15,000就爆
  • 海外簽賬: 必須為非港幣之付款(包括人仔,但人仔計銀聯俾錢)
  • 網上簽賬: 簽賬之交易地點及貨幣種類均不限 (所以賞世界5X用VS卡加埋呢個最紅網上係海外商戶可以做到$1.79=1里)
  • 獎賞錢不會於當月反映,會之後先入
  • 簽外幣記得留意→外幣簽賬手續費1.95%

注意! 最紅海外最紅自主賞世界個「海外」定義有唔同,最紅海外必需要為外幣的包括人民幣的,但賞世界係以商戶收款註册地區分所以網購港幣俾錢外地商戶都計算作賞世界中類別(但不包括中國商戶及以人民幣支付)

#銀聯卡不包括人仔戶口RMB簽賬

最紅網上簽賬及海外簽賬獎賞→登記網址/或致電8228 8088

HSBC獎賞錢計算里數Avios現金回贈

*HSBC 白金卡/銀聯卡/Premier card所得里數,Avios必需為HSBC Premier卡戶(包括附屬卡)先換到
#唔要里數就睇你中咗乜野對應最右每簽$100回到幾錢
HSBC_
信用卡
Type_of_your_spending
你中咗乜野?
Times
倍數
$PerMiles
幾$=1里
$PerAvios
幾$=1AV
$Rebate%
現金回贈%
All乜都唔中1X2516.670.4%
VS中六類別但不全中5X4X6.254.171.6%
白金中5X自主類別/最紅網上或外幣6X4.172.782.4%
VS中5X自主類別/最紅網上或外幣9X2.781.853.6%
Premier最紅外幣+Premier外幣11X2.271.524.4%
白金中5X自主類別+最紅網上或外幣11X2.271.524.4%
VS中5X自主類別+最紅網上或外幣14X1.791.195.6%
Premier中5X自主類別+最紅外幣+Premier外幣16X1.561.046.4%

就睇上表,如果玩現金回贈就好簡單,只要唔中類別基本上你用渣打Simply Cash Visa都會係著數D。長年無上限1.5%本地簽賬回贈,2%海外簽賬回贈。如果怕煩唔識玩HSBC都建議你死用渣打Simply Cash Visa算喇!

1X例子(伏!):

  • VS卡或白金卡去舖頭仔,非HSBC 6個類別商戶買野
  • VS卡或白金卡於唔count作食肆code的酒店食飯/擺酒
  • VS卡或白金卡用爆咗以上所講最紅自主/網上及海外嘅quota的所有簽賬
  • 重要!唔肯定係咪6類別/有無用爆quota就用其他銀行信用卡簽(玩現金回贈建議渣打Simply Cash Visa),如果唔係你就中咗【消委會】講果D簽75萬先換到張日本機票

4X例子:

  • VS卡全中賞滋味dining於食肆簽賬
  • VS卡全中賞滋味dining或賞世界於萬寧/屈臣氐/百佳購物

9X例子:

  • VS卡全中賞世界於海外註册收款商戶訂房或簽賬
  • VS卡全中賞中華於中國大陸Visa簽賬
  • VS卡全中賞世界於於歐洲日本泰國等地實地簽賬中咗DCC交易

11X例子:

  • 白金卡/銀聯鑽石卡全中賞世界於海外註册收款商戶訂房或簽賬
  • 白金卡/銀聯鑽石卡全中賞世界於海外以外幣付款
  • HSBC Premier海外實地簽賬非港元之交易(最紅自主無選賞世界或賞中華)

14X例子:

16X例子:

  • HSBC Premier到海外商戶(如AirBnB/iHerb等海外註冊商戶)用外幣付款
  • HSBC Premier外幣簽賬非港元之交易(最紅自主選賞世界5X)
  • HSBC Premier人民幣簽賬交易(最紅自主選賞中華5X)

第日想搵返HSBC倍數里數回贈表,可以去MrMiles.hk,然後再click

  • (Mobile版)頂部左上角Menu→Asia Miles HSBC信用卡→HSBC最紅網上簽賬 海外外幣簽賬post
  • (Desktop版)藍色Menu bar→Asia Miles 信用卡→HSBC最紅網上簽賬 海外外幣簽

重溫Quick link:
最紅自主獎賞分配策略
HSBC附屬卡應用及分析
HSBC Premier信用卡分析

HSBC網上及海外簽賬獎賞網魔鬼條款及細則TnC

注意!由於以下字太多既關係可能令閣下情緒不安。其實上面所寫既已經係簡化左既條款,以下可以作參考或日後翻查既條款及細則(節錄自銀行官方網站):

本推廣優惠適用於2019年1月1日至2019年12月31日(包括首尾兩日)(「推廣期」),並分以下4個階段進行(「階段」):
i. 階段1:2019年1月1日至2019年3月31日
ii. 階段2:2019年4月1 日至2019年6月30日
iii. 階段3:2019年7月1 日至2019年9月30日
iv. 階段4:2019年10月1 日至2019年12月31日
本推廣優惠適用於所有由香港上海滙豐銀行有限公司(及其繼承人及受讓人)(「本行」)於香港發出的港幣個人基本卡、綜合、獨立戶口附屬卡及以港幣戶口簽賬的銀聯雙幣信用卡(「合資格信用卡」)的持卡人(「持卡人」)。
持卡人須於推廣期內致電本行的24小時登記熱線(852)8228 8088或透過本行的網頁www.hsbc.com.hk/creditcard或於HSBC HK Reward+應用程式進行登記(「登記」),方可參與本推廣並獲享額外「獎賞錢」優惠(定義見下列第4條)。每位持卡人只須於推廣期內(任何階段)以其合資格信用卡登記一次,便可由(i)完成登記起及(ii)符合下列第4條所列明之簽賬要求後獲享本推廣的額外「獎賞錢」。登記不限於作合資格簽賬(定義見下列第5條)前或之後進行。未能於推廣期內成功登記的持卡人將不會獲享額外「獎賞錢」。
成功登記的持卡人於推廣期內每階段以合資格信用卡作合資格簽賬並累積簽賬淨額(定義見下列第7條)滿港幣3,000元(「簽賬要求」),

  • i. 可就合資格簽賬獲享額外5倍「獎賞錢」(相等於2%「獎賞錢」回贈)(「2%『獎賞錢』優惠」)。就2%「獎賞錢」優惠而言,每位持卡人於每階段最多可獲額外$300「獎賞錢」回贈。加上基本「獎賞錢」(即每港幣250元可獲$1「獎賞錢」,相等於0.4%「獎賞錢」回贈),持卡人共可獲享高達6倍「獎賞錢」(相等於高達2.4%「獎賞錢」回贈)
  • ii. 可就以合資格滙豐卓越理財信用卡®作的合資格海外簽賬(定義見下列第5條)另獲享額外5倍「獎賞錢」(相等於2%「獎賞錢」回贈)(「卓越理財2%『獎賞錢』優惠」)。就卓越理財2%「獎賞錢」優惠而言,每位持卡人於每階段最多可獲額外$300「獎賞錢」回贈(里先生註: 2個promo分開計)
  • 2%「獎賞錢」優惠及卓越理財2%「獎賞錢」優惠統稱為「額外『獎賞錢』優惠」。

「合資格簽賬」為推廣期內以合資格信用卡所作的合資格網上簽賬或合資格海外簽賬,並於核實持卡人有資格獲享優惠時已誌賬的交易。「合資格網上簽賬」是指於網上進行及附有正式交易紀錄的簽賬,並將根據VISA國際組織、MasterCard Asia/Pacific (Hong Kong) Limited、中國銀聯或個別商戶之收單銀行的商戶編號或交易類別釐定,簽賬之交易地點及貨幣種類均不限。持卡人於進行網上簽賬交易前,本行恕不負責澄清該項交易可否獲享額外「獎賞錢」優惠。若網上簽賬並非以香港貨幣進行,有關簽賬金額將以信用卡月結單上的簽賬貨幣及已折算為港幣之金額為準。

「合資格海外簽賬」是指(i)於海外進行並附有簽賬存根正本或正式交易紀錄的簽賬,有關海外交易是根據VISA國際組織、MasterCard Asia/Pacific (Hong Kong) Limited及中國銀聯所設定的國家代碼釐定,(ii)惟非以(a)香港貨幣進行的簽賬及(b)銀聯雙幣信用卡人民幣戶口進行的人民幣簽賬。簽賬金額以信用卡月結單上的簽賬貨幣及已折算為港幣之金額為準。

本行可全權絕對酌情決定哪些是合資格簽賬。透過滙豐網上理財進行的簽賬交易、購買及/或充值儲值卡或電子錢包的簽賬交易、八達通自動增值、於「獎賞錢」購物網及其他推廣進行的換購交易、在各「最紅熱捧限定」推廣之相關推廣期內於相關商戶進行的任何網上簽賬(本行將不時於「最紅熱捧限定」推廣中列明不適用於本推廣的有關網上簽賬)、不時推出的其他網上簽賬推廣、其他交易包括但不限於現金貸款、年費、財務費用、逾期費用、郵購、傳真及電話訂購、分期付款、於非金融機構的交易(包括購買外匯、匯票及旅行支票)、於金融機構的交易(包括購買銀行產品及服務)、電匯、賭博交易、繳稅、自動付款、循環付款及所有未誌賬/取消/退款的交易,均不會算作本推廣的合資格簽賬及不會計算入簽賬要求內。

Source: 官網條款

你可能有興趣的文章...

141 comments

  • Hims

    已申請VS
    放左落世界賞及
    登記網上海外最紅自主

    如果於香港website 如國泰買機票,係唔係得 5x 網上 加 1x 基本?
    VS bonus 3x 要中世界賞先有吧?

  • TOM仔

    [ HSBC Premier到海外商戶(如AirBnB/iHerb等海外註冊商戶)用外幣付款 ]

    請問呢個組合點解係16x?
    基本1x, airbnb = 網簽 5x, 外幣付款 5x TOTAL 11X, 係咪要中埋自主5X 賞世界先有16X?( AIRBNB GB註冊)

  • Jacky

    請問如果我到一個澳門酒店網站用信用卡訂酒店,但信用卡只是Hold左額,要去到入住check-in先過數,當唔當網上簽賬?(港幣)

  • Lam

    你好,如果我去澳洲生活兩年,有VS卡,VS卡於海外以外幣付款是否無5,6%回贈?

  • Jeff

    Hi, 里先生,

    我需要用外幣交保險費予保險公司, 如果用HSBC網上繳費, 用HSBC Visa Signature 俾錢 (自主類別不是賞世界)支付, 係唔係應該先登記最紅網上簽賬及海外簽賬獎賞, 咁就有1X+3X+5X = 9X (3.6%), 但另外要俾1.95% FCC? 對嗎? 抑或保險費除外?

    如果簽賬獎賞包括保險費, 咁最紅網上簽賬及海外簽賬獎賞內每階段最少要網上及海外累積簽夠$3,000先有額外獎賞錢,咁我在7-9月呢個階段簽夠(用外幣交保險費), 其他階段冇, 可以有5X (2%)簽賬獎賞嗎?

    謝謝!

  • Jeffrey

    Hello 里先生,
    想問下如果用VS係永安個網買機票(HKD),係咪:
    1x + 3x(賞品味) + 5x (最紅網上)?

    Thanks!

  • yanyan

    foodpanda/ 户户送 嗰d簽賬計唔計落賞滋味?

  • H

    請問網上E-BANKING繳費係合資格網上簽賬嗎?

  • melvinlai

    里先生您好
    我是台灣的朋友,想請問如果我擁有premier的卡,一整年在台灣刷,如果一季剛好都刷一萬五港幣,一整年剛好刷六萬港幣,按照回饋率是6.4%所以我會獲得3,840獎賞錢是否?
    還是應該是以下如此計算
    因為我有看到細項每位持卡人於每階段最多可獲額外$300「獎賞錢」回贈
    表示我一個階段最多只能拿到300獎賞錢,一年只能拿1,200將賞錢
    等於說我每個階段其實刷到4,687,5港幣=300將賞錢除以6.4%(premier海外回饋)
    再刷上去就不會有額外的獎賞回饋了對吧?

    • 里先生

      不是,各promotion的額外獎勵不同
      最紅自主2% 每年上限10萬
      最紅海外2.4% 每季上限1.5萬

      • melvin

        HI 里先生
        如果我用我名義幫母親申請副卡
        是否這樣我每年的最紅自主可以刷到20萬都是有最紅自主2%的
        謝謝

  • JAYDEN

    白金卡 放曬賞家居 HKTVMALL 網上買野係
    1X+5X賞家居 + 5X網上=11X?

  • eec

    Hi 想請教一下如果我有三張匯豐卡,是每張有$100000及每季有$15000網上/海外簽賬上限嗎?還是計合共?謝謝。

  • Yummy

    請問登記賞家居如果在豐澤online買Mac air食到1X優惠嗎?

  • JK

    Premier外幣(為海外商戶) 5X

    無需登記?

  • TK

    想請問,我有Premier同VS,全入賞滋味,如果在trip.com訂機票要用邊張卡回贈最扺?是否用HKD?

    另外我都有HS Enjoy, Citi Rewards, 渣打白金Visa,DBS Eminent,Compass,呢d係咪唔扺?Thanks

  • Lucky

    hi里先生,睇完有幾個問題想clarify
    1. 如果我vs揀賞世界,係cheapticket.com買機票有冇14x?因為我見註冊地係GB/HK,如果商戶註冊地係香港而我又係用港幣結算,就冇14x?
    2. 咁如果想買機票or book酒店 揀邊個類別最好?定用其他卡?

  • Vivian

    請問里先生,VS card,deliveroo/foodpanda/agoda app嗰d計唔計最紅網上簽賬?

  • Patricia

    如果簽hotels.com同expedia是不是HSBC premier同Signature都是X6?

  • Nick

    里先生:

    想問問VS附屬卡簽的AM是入落主卡名下AM戶口定附屬卡名下的AM戶口?

  • Addie

    請問在外地簽卡時,exchange rate是由發卡機構決定(visa/master), instead of 由bank 決定,對嗎?

  • Sam

    Hi, 里先生,

    我用淘寶時,而家埋單的時候一般都係through支付寶個平台link up 張HSBC Visa Signature 俾錢的,呢個情況如果我用人民幣俾的話,”賞中華” 類別及網上簽賬promo offer 是否適用,因為之前睇post話用支付寶無分的,謝謝!

  • John

    里先生:
    想問下如果我張premier card全放賞世界,咁我在網上交外國大學學費(美元)是不是有16X?

  • Chrissi

    Hello, 最紅網上及海外有一條條款,第九條。透過網上所作的海外簽賬只會被計算入簽賬要求內一次,及只可獲享 2%「獎賞錢」優惠一次,並須受上列第 4 條之額外「獎賞錢」金額上限限制。
    So meaning 每一期只可以做一次網上嘅海外消費?
    用app 買野,such as hktv mall or movie ticket 當上網消費?
    用app topup 入starbucks or pacific coffee 當網上同當 賞滋味嗎?

    • Chrissi

      仲有,即係話主卡人同附屬咭人可以各自各選擇唔同嘅最紅自主獎賞?
      用海外註冊商戶 such as agoda 應該係用咩幣值結帳最好?

      • 里先生

        係,按hkid計可各自選
        我鐘意用返hkd

        • heky

          hi mr.li

          紅網上及海外有一條條款,第九條。透過網上所作的海外簽賬只會被計算入簽賬要求內一次,及只可獲享 2%「獎賞錢」優惠一次,並須受上列第 4 條之額外「獎賞錢」金額上限限制。
          這條是不是指如果我用expedia訂房但是港幣消費,這個階段只會回饋一次?
          但如果我第二次是用expedia訂房但是是英鎊計價,這樣還會回饋2%嗎?(以上全部都是用premium卡刷)
          感謝@

    • 里先生

      呢條條款係指當最紅網上而用用外幣時,只能有一次額外5x
      我理解呢啲交易都當

  • Peter

    我有premier, VS同VS附屬卡, 如果我最多的消費是:

    1. 出街食飯
    2. 去expedia, hotels.com, hutchgo訂package
    3. 惠康百佳

    咁我應該點分配個最紅自選好呢?

  • Sam

    每階段$15000個上限係咪主卡附屬卡分開計?唔該

  • keith k

    有冇EXCEL睇哂咩網當海外咩網唔計, 岩岩唔心用左VS碌Agoda

  • Brown

    里先生,即係話VS卡外幣簽賬(要做到14X-中5X自主類別+最紅網上或外幣)每季最多只得15,000(全年只得60,000)?

    而100,000就得9X?

  • Stephen

    你好,我想問一問如果我揀左赏家具嘅話,用KeyChain Pay平台交租嘅話,假設每個月要交$30,000租嘅話,係咪連續交3個月租就爆,假設剩下嗰$10,000去買百老匯禮券嘅話。同埋係咪用vs會抵過用premier簽?

    Thx!!

  • Peekaboo

    Hello 里先生:1)如果我有Premier主卡同1 張附屬卡,係咪各人有每階段$15,000共$30,000的16X海外簽帳?定話主卡+1張附屬卡合共得$15,000? 2)我又有Signature卡,係咪Premier 16X簽爆後,可用signature簽每階段$15,000的14X海外簽帳? 3)如果每階段簽爆晒後,海外簽帳應該用Premier定Signature(我係全部放晒入賞世界)?謝謝

  • YING

    你好,
    我剛申請了HSBC白金VS卡,第一次申請HSBC卡,想問下如果到AGODA及BOOKING.com訂酒店,會有9X最紅自主獎賞嗎(=3.6%回贈)?

    另外,到日本消費(以日元付款)亦會有9X最紅自主獎賞嗎?

    還有,到外國網站(如iHerbs,Next,ASOS 等消費)會中14X最紅自主獎賞嗎?

    不好意思,問題較多,謝謝解答!

    • 里先生

      不會,只有網上5x+基本1x, 啫係2.4%

      是,有最少9x,如果全中賞世界有14x

      用外幣付款會有14x, 但留意上限

  • Derek

    4X例子:

    VS卡非全中賞滋味dining於食肆簽賬
    VS卡全中賞滋味dining或賞世界於萬寧/屈臣氐/百佳購物

    其實我唔係好明呢段. VS卡非全中賞滋味 同 VS卡全中賞滋味dining 都係4X?

    我想問, 我係放晒5X 落賞滋味, 用VS 卡係幾多倍? 換AVIO 係4.17 定 2.78? 謝謝

    • 里先生

      你簽乜?呢段我想highlight VS本身有最紅6類別有3x, 加基本1x啫係4x
      咁唔中自主5x於其他類別咪有4x

  • BH

    Hi 里先生

    想問海外網站用Paypal 俾港元算唔算海外簽賬?
    Thanks!

  • Jade

    Hello 里先生 , 我想請問
    1. VS
    1a. 如果自主揀咗5X賞家居, 用VS喺HKTVMALL買嘢, 係咪當14X?
    1b. 承上題, 係咪只要我喺啲”賞家居”商戶嘅官網用VS訂嘢 (=唔落舖買), 都係14X?

    2. Premier
    2a. Premier外幣係講緊i/ii是但一樣定i+ii都計?
    i. 海外實地簽賬 (外幣)
    ii. 網上簽賬 (海外code+外幣)
    2b 承上題, 如果Premier外幣計網上簽賬, 咁姐可以同時食”網上或外幣5X”同埋”Premier外幣5X”?

    Thanks 🙂

    • 里先生

      1a. Yes
      1b. 按條款,是的

      2a. i 或ii都計
      2b. 是,咁咪5x+5x

      • Yee

        Hello Mr Miles,

        最紅海外簽賬 同 PREMIER 係 share 同一個 “合資格海外簽賬” 的定義:
        「合資格海外簽賬」是指(i)於海外進行並附有簽賬存根正本或正式交易紀錄的簽賬,有關海外交易是根據VISA國際組織、MasterCard Asia/Pacific (Hong Kong) Limited及中國銀聯所設定的國家代碼釐定,(ii)惟非以(a)香港貨幣進行的簽賬及(b)銀聯雙幣信用卡人民幣戶口進行的人民幣簽賬。簽賬金額以信用卡月結單上的簽賬貨幣及已折算為港幣之金額為準。

        咁網上既簽賬, 係咪無論是否海外code , 是否外幣 都唔會當做海外簽賬呢? (不附合”並附有簽賬存根正本或正式交易紀錄的簽賬”)
        1, 海外code + 港幣
        2. 海外code + 外幣
        是否都不會是海外簽賬, 而只是網上簽賬?

  • Lau

    請問里先生:

    我剛成功申請 and 攞左 Visa Signature 同 Premier Master card. 之前有 Visa Platinum
    三張都未登記自主類別

    我個人經常在外地同台灣, 我係唔係應該兩張卡都用自主賞世界比較好呢?

    在外地簽帳, 應該全簽當地貨幣 定係同舖頭員工講簽港幣?

    麻煩曬你!!!

  • Kiki

    Hello 里先生 , 我想請問如果我得visa card 買sas airline 既話,高過$3000係唔係會有2.4%回贈? thanks

  • Brown

    Hi Mr.Miles,

    May I know if HSBC Visa Signature can exchange Avios or AsiaMiles only?

  • Mike

    Hello 里先生,
    如果我係香港買 Amazon JP 既野(結算用 JPY) 食唔食到 premier card 的額外 5X rebate 呀?thanks.

  • guybrush

    1) 附屬卡係咪唔使獨立登記?
    2) 據我睇T&C理解,同一戶口主卡同附屬卡可以分別有回贈?

  • Ivan

    里先生好,

    我用VS的,之前已登記左賞家居類別,亦登記左最紅網上,如果我在網上購物(港弊)以VS付款,係咪有9X,即$2.78一里?謝謝!

  • EL

    請問如果用HSBC VS卡於海外商戶用HKD簽賬是否都要支付FCC?

  • WC

    里先生你好
    想問下vs宜家做緊國泰app優惠滿3000 rebate 300
    咁國泰app本身計唔計網上簽帳可以食埋個2.4%回贈呢?

  • Ping

    我在樂天DFS購物,選用Paypal(用港幣結帳)咁當海外,定網上,仲有無2.4%獎賞?

  • Shan

    我用VS (5X賞世界), 係airbnb訂房, 是任何貨幣都是14X?

  • T

    14X –> VS卡全中賞世界於Expedia, Hotelscom 等等的海外註册收款商戶訂房或簽賬.

    Is it that I can use VS to do hotel/flight booking to enjoy 14X at the websites including expedia.com.hk, hotel.com, agoda .com, booking.com, etc? Thank you.

    • 里先生

      Expedia/ hotel com/ agoda has recently tried not surely shown overseas code recently.
      I can only say booking.com and Airbnb will have overseas code and enjoy 14x
      For other 3, you could enjoy 14x only when it show Overseas code after booking

  • Louis

    Hello,我想問最紅網上及海外呢個promotion既三千蚊,係咪要用返單一主卡或者單一附屬卡計,定係兩張卡夾埋簽夠三千都得?

  • Selena

    里先生,想問吓吓用apps買嘢算唔算網上消費?個apps喺HoKoBuy即係以前groupon.

    謝謝你!

  • KAN

    是不是可以這樣說, VS 每1季只有15000可以有14X, 全年只有60000有14X。餘下的40000有9X, 之後的因為爆左10萬,所以應該用其他卡, 對嗎?

  • YAN

    點樣知道酒店的餐廳 包唔包係食肆code?
    THANKS 🙂

  • kk Yeung

    如果去日航官網用VS付款,是否都當中賞世界及外幣簽帳,有14x?

  • Kato Megumi

    Hello里先生,
    我想問
    透過網上所作的海外簽賬只會被計算入簽賬要求內一次,及只可獲享額外「獎賞錢」優惠一次
    即係等於我係jp amazon要一次過買超過3k既野先會有個一期既獎賞錢
    定每個階段不斷累積簽夠15k就得?

    • 里先生

      每個階段不斷累積簽夠3k就得,15k係回贈上限簽賬

      • E LEE

        請問
        此條條款
        透過網上所作的海外簽賬只會被計算入簽賬要求內一次,及只可獲享額外「獎賞錢」優惠一次

        是什麽魔鬼細節??想玩弄什麼?

        • 里先生

          意思指計咗海外就唔會再比5X網上,因為網上及海外各有5X的,但你用外幣網上俾錢就只有5X

  • leung

    淘寶天貓經支付寶(中國)付款係計網上或海外5x
    計賞中華 5x
    VS 3x
    基本 1X
    共 5.6%
    扣除 3% 手續費
    實得 2.6%
    係咪咁計?

    • 里先生

      淘寶有時出CH, 有時出HK商戶code的…如果出CH商戶code你啱用Visa Signature係咁計。但出HK商戶code的話你會無咗自主5x+VS 3X (3.2%),所以淘寶最好唔好用HSBC

  • hamster

    我將要係finnair訂機票大約萬三蚊,有VS all in 賞世界。
    我應該o係香港上網訂還是打熱線去海外office用euro 計數呢?謝謝!

  • dan

    請問里先生
    想問如果係本地網上商店以Paypal結帳 (結算金額為HKD) 是否計作”賞世界”和”海外”簽帳類別的?

  • Mr Ng

    請問里先生,
    1. 網上/海外每季$15000封頂/$3000下限, 係指獨立各項簽帳$15000, 定係加埋簽帳$15000 ? 呢項係今年新加既條款,2017年好似唔覺有呢樣條款?
    2. 如果用visa signiture 簽日本airbnb, 請問係點計算?

  • bmtsang

    Considering I registered 6x overseas spending. Does that mean any overseas online transactions charging HKD or any currencies will earn 14x?

  • Eric

    以上筆者寫”每階段最少要網上及海外累積簽夠$3,000先有額外獎賞錢”

    應該是[或]不是[及]避免誤會。

    • 里先生

      Eric兄,謝謝指教,你所指出既問題我有考慮過。我知道條款係寫(或)的,但你留意一下條款上只係define合資格簽賬時用(或), 我用(及)的原因想表達出網上/海外夾埋夠$3,000就eligible to the promotion. 我理解hsbc條款所講嘅合資格簽賬係指其中一樣或加埋夠$3000就得。

Leave a Reply

Your email address will not be published. Required fields are marked *