HSBC Red Card回贈/迎新/優惠2023！信用卡網上簽賬4%+永久免年費 | 里先生 Mr. Miles

現金回贈 HSBC信用卡, Asia Miles HSBC 信用卡

HSBC Red Card回贈/迎新/優惠2023！信用卡網上簽賬4%+永久免年費 | 里先生 Mr. Miles

(滙豐信用卡最紅簽賬優惠) 由2023年5月1日至6月20日，只要喺推廣期內累積合資格簽賬滿HK$8,000，就可享額外3%「獎賞錢」回贈！最高可享額外$300「獎賞錢」！計返用Red卡最高可享HK$1.43/里或7%「獎賞錢」回贈！限時優惠詳情：滙豐信用卡最紅簽賬優惠

呢張滙豐HSBC Red Card真係好正，睇完佢啲details我真係覺得每人都應該擁有返張滙豐HSBC Red Card。一直以來HSBC信用卡都持續住做好多唔同商戶promotion而深得用家歡心，但好多時都要登記。滙豐出咗呢張滙豐HSBC Red Card後歷史就改寫喇！因為呢張卡簽賬無需額外登記，網上簽賬4%回贈！超市簽賬2%回贈！其他本地及海外簽賬都有1%回贈啊！張卡嘅申請門檻仲要好低，月薪HK$1萬就申請到，非常親民，仲要係永久免年費添啊！

所有回贈仲要以獎賞錢方式回贈，配合埋HSBC Reward+ App，可以用「賞付款」功能將獎賞錢抵扣簽賬交易，直接換作Asia Miles又得，無需任何手續費就可以兌換飛行里數（如閣下為HSBC Premier信用卡持有人更可以換作Avios或KrisFlyer） ， 仲可以喺e-Shop換禮品／coupon添！真係超正！

而家滙豐銀行仲推出咗虛擬信用卡服務，唔使等到實體卡寄嚟，批卡後就可以登入HSBC HK App啟動虛擬信用卡，跟手加埋入去手機錢包，就可以喺網上同實體店購物啦！教學可以睇返：https://www.hsbc.com.hk/zh-hk/credit-cards/features/virtual-credit-card/

HSBC Red Card優惠

  • 於一田實體店及一田網店單一簽賬滿HK$200或以上，可儲印花，儲夠3個印花可透過滙豐Reward+「印花卡」換領額外 $20 「獎賞錢 」，全年最高有額外$240「獎賞錢」→ 優惠詳情）
  • 於全線MCL戲院單一簽賬淨額滿港幣50元或以上，可以透過HSBC Reward+嘅印花卡功能儲印花，每收集滿3個印花可以喺HSBC Reward+立即領取額外$30「獎賞錢」 → 優惠詳情
  • 經常有特別額外獎賞錢推廣→HSBC信用卡優惠
  • 全港多間合作商戶提供簽賬折扣／額外獎賞錢優惠
  • 可以合併同一身份証名下所有HSBC信用卡獎賞錢使用，合併一齊轉Asia Miles

HSBC Premier信用卡客戶可合併HSBC Red信用卡賬戶內之獎賞錢轉換作Avios或KrisFlyer

  • 簽賬後以滙豐 Reward+輕鬆申請「簽賬分期計劃」，一筆過手續費低至HK$50元

🔥更多HSBC優惠：滙豐信用卡優惠合集、HSBC信用卡比較、HSBC最紅飲食簽賬優惠、HSBC最紅網購優惠、HSBC最紅海外外幣簽賬2023

hsbc red master card 申請網址

申請HSBC Red信用卡→申請頁面

滙豐HSBC Red Card分析索引（按入向下彈）

滙豐HSBC Red Card迎新優惠／年薪／年費

HSBC Red Card迎新優惠

  • 全新客戶申請迎新送高達額外500獎賞錢
    • 發卡後首60個曆日內累積簽賬
      • 達HK$8,000，有$500獎賞錢(相等於 5,000 里)
  • 「全新信用卡客戶」：於處理其申請時沒有任何由滙豐已批核的個人信用卡基本卡的客戶
  • 現有客戶暫無迎新

不可獲享迎新：於 2022年9月1日或以後曾取消任何由滙豐發出的個人信用卡基本卡

詳細條款：按此

HSBC Red 信用卡年薪

  • 年薪要求為HK$120,000 （月薪HK$10,000）

HSBC Red 信用卡年費

  • 永久豁免年費

HSBC Red Card迎新優惠合資格交易

  • 已誌賬之零售交易（包括網上簽賬／食肆／外幣簽賬交易etc.）
  • 主卡之交易

HSBC Red Card迎新優惠不合資格交易

  • 財務及銀行費用：年費、財務費用、逾期費用；
  • 不需出示實體信用卡之交易（網上交易除外）：郵購、傳真及電話訂購；
  • 以附屬卡作的交易；
  • 透過滙豐流動理財及／或網上理財繳費（註：ebanking繳費為網上理財繳費）；
  • 購買及／或充值儲值卡或電子錢包的簽賬交易；
  • 八達通自動增值
  • 以上為常見交易類別，其他不合資格交易請細看條款
hsbc red master card 申請網址

申請HSBC Red信用卡→申請頁面

HSBC Red Card回贈

發卡銀行 滙豐 HSBC
卡類 World Mastercard
回贈形式 滙豐「獎賞錢」
回贈 網購回贈 4% 獎賞錢
超市回贈 2% 獎賞錢
其他本地及海外簽賬回贈 1% 獎賞錢

以獎賞錢形式存入，現金回贈比率

  • 本地簽賬：1%回贈
  • 網上購物（港幣）：4%回贈*
  • 網上購物（外幣）：4%回贈*
  • 海外簽賬：1%回贈
  • 超市簽賬：2%回贈
  • 八達通自動增值： 0.4%回贈
  • 網上繳費（ebanking）：0.4%回贈（只有每月結單周期首HK$10,000有回贈，交稅及保險無）
  • PayMe：0.4% 回贈
  • Wechat Pay轉賬：無
  • 支付寶HK轉賬：無

*2022年7月1日起每曆月上限簽賬HK$12,500

熟悉有玩開HSBC信用卡嘅朋友都耐唔耐講下「HSBC附屬卡大法」，意指自己持有HSBC主卡，出多張附屬卡俾家人用嚟食次Promotion的優惠。呢個玩法算係光明正大的，我打去HSBC hotline到收線前個客服問我要唔要開多張HSBC Red信用卡，原因就係可以附屬卡可以俾多HK$12,500/月的4%網購交易回贈。

以獎賞錢形式存入，Asia Miles回贈比率

  • 本地簽賬: : HK$10／里數
  • 網上購物（港幣）：HK$2.5／里數*
  • 網上購物（外幣）：HK$2.5／里數*
  • 海外簽賬：HK$10／里數
  • 超市簽賬：HK$5／里數
  • 八達通自動增值: HK$25／里數
  • 網上繳費（ebanking）: HK$25／里數（只有每月結單周期首$10,000有回贈，交稅及保險無）
  • PayMe： HK$25／里數
  • Wechat Pay轉賬：無
  • 支付寶HK轉賬：無

*2022年7月1日起每曆月上限簽賬HK$12,500

hsbc red信用卡 網上交易上限

曆用上限HK$12,500

hsbc red master card 申請網址

申請HSBC Red信用卡→申請頁面

HSBC Red Card信用卡優點缺點及其他優惠

HSBC Red信用卡優點

  • 簡化回贈方式，無需登記，無最低簽賬要求，網上簽賬4%回贈！超市簽賬2%回贈！其他本地及海外簽賬都有1%回贈！
  • 夠彈性，以獎賞錢形式存入，可以配合HSBC Reward+ App「賞付款」功能抵扣簽賬交易，亦可以直接轉換為里數或喺e-Shop換禮品／coupon
  • 每月結單週期首HK$10,000網上繳費有0.4%回贈，市面上絕大部份銀行已沒有相關回贈
  • 海外註冊商戶港幣付款之信用卡交易無需手續費（如Airbnb／Booking.com／Agoda用港幣俾錢其他卡可能要收1%手續費）
  • 直接轉換獎賞錢至里數戶口免手續費
  • Red Card Deliveroo 優惠

HSBC Red信用卡缺點

  • 獎賞錢有效期於簽賬後最多2年，最少1年（按簽賬年度計算）

HSBC Red Card信用卡常見FAQs

HSBC Red信用卡點解可以成為大熱信用卡？

  • HSBC Red信用卡網上簽賬真係幾吸引㗎，做到4%回贈、超市簽賬2%回贈、其他本地及海外簽賬都有1%回贈。所有回贈會以獎賞錢方式回贈，可以用作直接抵銷簽賬或兌換里數都得！現時獎賞錢換Asia Miles里數仲可以免手續費同即時到賬！

HSBC Red信用卡優惠需唔需要登記？

  • 有別於其他滙豐信用卡，Red Card係唔需要登記優惠就直接享受到4%網上簽賬回贈優惠。亦經常有特別額外獎賞錢推廣添，詳情可以留意返滙豐信用卡全年優惠。

我剛畢業年薪唔高，可以申請到呢張HSBC Red信用卡嗎？

  • HSBC Red信用卡年薪要求唔算高，只需HK$120,000（平均月入$1萬），就算啱啱畢業出嚟做嘢都申請得。

HSBC Red信用卡洗唔洗比年費？

  • HSBC Red信用卡永久年費豁免。

呢期申請Red Card有咩迎新優惠？

  • 全新信用卡客戶於發卡後60日內簽夠港幣 8,000 元或以上的合資格簽賬，可享$500獎賞錢（相等於5,000里）。

電子錢包可唔可以賺到「獎賞錢」回贈？

  • 電子錢包所作嘅交易同埋增值電子錢包嘅交易都賺唔到4%／2%／1%「獎賞錢」回贈架！

八達通自動增值同網上繳費（ebanking）有冇「獎賞錢」回贈？

  • 有0.4%回贈，而網上繳費只有每月結單周期首$10,000有回贈，交稅及保險無回贈

HSBC Red Card信用卡條款細則（節錄）

迎新優惠詳情

「合資格簽賬」指於發卡後首 60 個曆日內以滙豐 Red 信用卡所作的累積簽賬淨額，並於核實持卡人有資格獲享優惠時已誌賬的交易。以下交易並不是合資格簽賬：

  • 財務及銀行費用：年費、財務費用、逾期費用；
  • 以附屬卡作的交易；

其他交易：

  • 郵購、傳真及電話訂購；
  • 透過滙豐流動理財及／或網上理財繳費；
  • 購買及／或充值儲值卡的交易（包括透過電子錢包或任何其他途徑增值八達通之交易）；
  • 以電子錢包所作的交易（包括增值電子錢包）；
  • 八達通自動增值；
  • 於「獎賞錢」購物網及其他推廣進行的換購交易；
  • 現金貸款、「現金套現」分期計劃及「現金套現」計劃的提款金額；
  • 「現金套現」分期計劃、「現金套現」計劃、「簽賬分期計劃」及其他分期計劃之供款金額；
  • 於非金融機構的半現金交易（包括購買外匯、匯票及旅行支票）；
  • 於金融機構的半現金交易（包括購買銀行產品及服務）
  • 電匯；
  • 賭博交易；
  • 繳稅；
  • 自動轉賬、循環付款；
  • 所有未誌賬／取消／退款的交易。

迎新條款： https://www.hsbc.com.hk/content/dam/hsbc/hk/tc/docs/credit-cards/offers/acq-welcome-terms-and-conditions.pdf

滙豐HSBC Red Card獎賞計劃（一般簽賬回贈條款）

推廣日期至2023年6月30日

所有滙豐HSBC Red Card之簽賬均不會算作「最紅自主獎賞」計劃及「最紅網上及海外簽賬獎賞」計劃之合資格簽賬。

滙豐Red信用卡 網上簽賬 定義

於推廣期內，每個信用卡戶口之「網上簽賬」可享 4%「獎賞錢」之最高金額為每曆月首港幣 12,500 元 （相等於額外$500「獎賞錢」），其後額外簽賬可享 1%「獎賞錢」。
例子：

信用卡持卡人於滙豐 Red 信用卡 1 個月內累積港幣 45,500 元「合資格網上簽賬」可賺取之「獎賞錢」：

  • 部份 1：港幣 12,500 元 x 4% = $500「獎賞錢」
  • 部份 2：港幣 33,000 元 x 1% = $330「獎賞錢」

合共：$500「獎賞錢」 + $330「獎賞錢」= $830「獎賞錢」

「獎賞錢」將於交易誌賬後存入信用卡戶口。

一般簽賬回贈條款： https://cdn.hsbc.com.hk/content/dam/hsbc/hk/tc/docs/credit-cards/reward-scheme-terms-and-conditions.pdf

HSBC Red Card信用卡條款修訂 及獎賞計劃改動：

HSBC Red信用卡先前出咗個條款改動通知，主要改動無咩實質影響，都係一啲寫清楚啲等大家唔洗誤會，幾個重點：

  1. 「八達通自動增值」服務及其他增值八達通之簽賬 – 0.4%：早幾個月出咗Apple Pay 八達通 Smart Octopus多咗人用Apple pay增值，啱啱出時有出現過當咗網上4%，但現時已全部為0.4%了，現時條款寫清楚一率為0.4%
  2. 任何增值電子錢包之交易並不計算為合資格簽賬 – 0%：呢條其實一直有寫，呢加再寫清楚啲綁定電子錢包如支付寶或WeChat Pay等，按照條款無論你係付款，增值或轉賬一率係無回贈的，因為條款上所寫嘅係「交易」，一般理解交易係包含晒付款/增值/轉賬的
  3. 所有商業用途HSBC有權唔俾積分 – 0%：呢條新加落去個影響都可以幾大，但我個人覺得執行上會有困難，因為「商業用途」本身就有啲難去定義，點都好，如果有用嚟買貨變賣嘅朋友就小心啲，當中條款上有舉出濫用信用卡例子包括：i) 使用個人信用卡作貿易、業務或商業用途。ii) 使用信用卡用作並非真實購買產品、服務或繳費之交易。

HSBC信用卡2022年7月1日開始的獎賞計劃改動 (官網pdf)

  • 留意返喇，改動之後4%網上簽賬回贈唔再係冇上限，而係每個月最高$1,000「獎賞錢」回贈，即係每月網上簽賬HK$12,500就賺盡。不過好彩係HK$12,500以後嘅簽賬依然會有無上限1%「獎賞錢」回贈。
  • 雖然HSBC之前一直有講會轉scheme，依家終於開估，個人就覺得變動不大，比較之下依然係市面上one of the best網上簽賬信用卡。事關每個月簽HK$12,500先打爆cap，對大部分人網購黎講都未必會到cap。
  • 除此之外，超市同其他本地及海外簽賬分別有2%同1%「獎賞錢」回贈就冇任何更改，同樣係無上限

優惠受條款及細則約束。
借定唔借？還得到先好借！

HSBC Red Card信用卡分析索引（按入向上彈）

相關文章:

hsbc最紅冬日賞 2022HSBC最紅冬日賞 2022簽賬攻略： 額外5%獎賞錢 高達額外1,300獎賞錢！本地或海外簽賬都計！ 【HSBC港鐵優惠】滙豐信用卡於港鐵商場簽賬滿指定金額可享高達215,000 MTR分及HK$250餐飲電子優惠券【HSBC港鐵優惠】滙豐信用卡於港鐵商場簽賬滿指定金額可享高達215,000 MTR分及HK$250餐飲電子優惠券 【解讀EveryMile免費旅遊保險】滙豐EveryMile信用卡預定酒店或機票送Travel Insurance【解讀EveryMile免費旅遊保險】滙豐EveryMile信用卡預定酒店或機票送Travel Insurance 【HSBC 萬寧優惠】額外高達12%獎賞錢(高達$450 RC)！買現金券coupon都合資格 星期五至日用流動電話付款最抵！【HSBC 萬寧優惠】額外高達12%獎賞錢(高達$450 RC)！買現金券coupon都合資格 星期五至日用流動電話付款最抵！ 【滙豐白金Visa卡】新/舊客迎新高達$800獎賞錢（相等於8000里）！綁卡到易賞錢App，百佳、屈臣氏、豐澤簽賬日日享高達6倍「易賞錢」積分【滙豐白金Visa卡】新/舊客迎新高達$800獎賞錢（相等於8000里）！綁卡到易賞錢App，百佳、屈臣氏、豐澤簽賬日日享高達6倍「易賞錢」積分 ae信用卡比較【AE信用卡比較】美國運通批卡實測卡先申請AE Explorer！1日批卡 5日收卡 隨時打上hotline追進度！
266 comments

266 comments

Leave a Reply