全新恒生enJoy卡 迎新獎賞高達80,000 yuu積分 於yuu合作商戶消費高達4X回贈！網上銀行繳費仲賺積分！

恒生enJoy卡我諗你同我都唔會陌生，呢張卡好有可能係你人生中第一張擁有嘅信用卡，里先生學生時期已擁有。而家呢張卡以全新面貌示人，除咗改咗個樣，之後儲嘅積分都會全部入晒落yuu獎賞計劃！

現時新客迎新獎賞簽夠HKD4,000就有40,000 yuu積分，再登記成為yuu會員及綁定enJoy卡，迎新就可以總共賺高達80,000 yuu積分，相等於HK$400現金回贈啊！不得不提今次恒生好照顧舊客，即使你已經有恒生信用卡都唔緊要，而家做promotion現有客戶網上申請都有迎新60,000積分，相等於HK$300現金回贈㗎！

本身yuu獎賞計劃可以用任何信用卡或者八達通消費都可以賺積分，但喺要賺得最多最抵嘅就要用返恒生enJoy卡啦！因為用enJoy卡喺yuu合作商戶消費可以賺到3倍積分，喺合作食肆消費仲有高達4倍積分啊！

雖然轉咗獎賞計劃，但優惠商戶同樣多到數唔哂，包括7-Eleven、萬寧、惠康、Pizza Hut、等等商戶都有份！講折扣商戶恒生真係無得輸，拎住恒生enJoy卡喺身就實無錯架喇！日常生活必備商戶折扣優惠多又經常做唔同飲食/網上/外幣/旅遊折扣優惠，已經唔多信用卡網上銀行交費仲有積分但係恒生信用卡仲係有架！

另外提提大家，本身有嘅恒生enJoy Dollar及Cash Dollar可以喺2021年3月31日或到期日前使用(以較早者為準)，記住喺限期之前用啦，唔係就會過期㗎啦！

---

恒生enJoy卡分析索引(按入向下彈)

• 第一部份: 恒生enJoy卡 迎新/年薪/年費解說
• 第二部份: 恒生enJoy卡 yuu積分解說、優點缺點及基本資料
• 第三部份: 恒生enJoy卡 常見問題FAQs
• 第四部份: 恒生enJoy卡 條款細則

---

恒生enJoy卡迎新/年薪/年費

恒生enJoy卡迎新及獲取條件

• 推廣期：即日起至2020年12月31日
• 新客戶總共可賺高達80,000 yuu積分，迎新包括三個部份
  • 經網上成功申請enJoy卡，可獲20,000積分
  • 於發卡後60日內到enJoy卡「特約商戶」簽賬滿HK$4,000，新客戶可獲40,000 yuu積分（現有客戶都有20,000分）
  • 登記成為yuu會員及綁定enJoy卡，可獲20,000積分
• 新客戶為於現在及過往12個月內未曾 持有任何恒生信用卡 / 聯營卡 / 消費卡主卡

Hang Seng enJoy卡年薪及年費

• 年薪要求相當低，第一張信用卡的話好適合申請enJoy card
• 永久免年費！

恒生enJoy卡於enJoy卡「特約商戶」之獨家折扣優惠

Date 日期	Stores_Discount 商戶及折扣
1	萬寧95折
3	惠康92折(滿$100)
8	7-Eleven 95折
13	惠康92折(滿$100)
18	7-Eleven 95折
20	萬寧95折
23	惠康92折(滿$100)

仲有好多其他購物/飲食優惠，詳細請參閱→此清單(pdf)

*yuu積分只能於特選商戶當現金用，拎去訂Pizza Hut或者萬寧/惠康買野都得，非常易用

yuu積分解說

新積分計劃可能會好奇yuu積分可以點賺點用，其實yuu積分可以用嚟1)當作現金使用 或 2)換現金券 或 3)換獎賞，而以下就先講吓點用恒生enJoy卡賺yuu積分，再集中講返用yuu積分當作現金使用嘅操作方法。詳細可以睇返→yuu獎賞計劃

賺取yuu積分

用已綁定的恒生enJoy卡

• 於任何商戶以恒生enJoy卡消費，每消費HK$1＝1 yuu積分
• 於yuu在香港的零售夥伴－萬寧、惠康等 每消費HK$1 = 3 yuu積分
• 於yuu在香港的餐飲合作夥伴－KFC、必勝客及PHD等，每消費HK$1 = 4 yuu積分

使用yuu積分

當於合作商戶用恒生enJoy卡消費時

• 每4,000 yuu積分可當HK$20使用，即200 yuu積分相等於HK$1
• 每次簽賬可使用最多HK$400

yuu積分有效期

• yuu積分有效期為3年

恒生enjoy卡日常簽賬回贈

**以下回贈比率以%表達。恒生enJoy卡於yuu合作商戶消費會以yuu積分作回贈，可於下次合作商戶可當現金使用。以下比率由合作商戶消費時之現金價值所計算。

• 任何非特約商戶簽賬：0.5%
• 零售特約商戶簽賬: 1.5%
• 餐飲特約商戶簽賬: 2%
• 八達通自動增值: 0.5%
• 網上繳費(eBanking): 0.5% **
• PayMe: 無

**繳款上限為每月HK$10,000

恒生enJoy卡優點

• 容易批卡，入息要求親民
• 同大型積分計劃合作，於yuu合作商戶簽賬有高達額外4X積分
• 商戶折扣多，超市便利店食肆都有，經常有機會用到
• eBanking繳費大部份商戶有積分(學費grant loan都有！)，計返有0.5%回贈(Cash Dollars)
• 寫到明永久免年費！
• 各類型類旅遊及海外優惠低至65折→ 詳情
• 持續地有優惠，旅遊優惠多，先前出恒生Expedia 85折扣code抵到爆！
• 耐唔耐有高折扣Agoda code用→Agoda code酒店折扣代碼

恒生enJoy卡缺點

• 無得換里數
• 唔中特選商戶簽賬回贈0.5%，唔算太吸引

---

恒生enJoy卡及yuu獎賞計劃常見問題FAQs

咩喺yuu獎賞計劃？

• 其實yuu獎賞計劃同好多其他嘅積分計劃一樣，主要都喺喺合作商戶消費儲積分，再以積分去用作唔同用途，例如yuu積分就可以喺合作商戶消費時當作現金用，或者用嚟換現金券同獎賞等等。

用恒生enJoy卡消費嚟儲yuu積分有咩著數？

• 用恒生enJoy卡消費嚟儲yuu積分會有額外積分！如果喺yuu合作夥伴度用恒生enJoy卡消費，例如萬寧及惠康，HK$1 = 3 yuu積分！而喺yuu餐飲合作夥伴，例如KFC、必勝客及PHD，每消費HK$1 = 4 yuu積分！

我已經有恒生其他卡，再申請恒生enjoy卡會有迎新優惠嗎？

• 有啊！恒生都幾照顧現有信用卡客戶，即使你已經有其他恒生卡，現時做緊promotion申請恒生enjoy卡都仲會有有迎新60,000積分，相等於HK$300現金回贈㗎！

恒生enjoy卡於網上繳費有積分嗎？上限係幾多？

• 恒生enjoy卡於網上銀行e-banking繳費都仲會有積分(繳交稅務局賬單、銀行及信用卡服務類別之交易除外)，回贈比率計返仲有0.5%！每月上限於網上銀行e-banking繳費有積分的上限為HK$10,000。

yuu積分有效期到幾時？

• yuu積分有效期為三年。

我本身有嘅enJoy Dollars同Cash Dollar會點？

---

恒生enJoy卡官網條款細則TnC

注意！由於以下字太多既關係可能令閣下情緒不安。其實上面所寫既已經係簡化咗既條款，以下可以作參考或日後翻查既條款及細則(節錄自銀行官方網站):

有關高達60,000 yuu積分獎賞及20,000 yuu積分獎賞網上申請額外獎賞之條款及細則：

合資格零售簽賬不包括使用折扣優惠及 / 或以 yuu積分獎賞所扣除之金額、於商戶以免息分期計劃付款但並未誌賬之交易、現金透支、現金透支手續費、年費 /服務費、財務費用、逾期費用、繳交稅款、 信用卡網上繳費服務（包括但不限於繳交水費、電費、保險費、其他銀行及信用卡賬項等）、現金分期、「簽賬及消費」分期、「交稅分期」、結餘 分期、「八達通自動增值」款項、購買及 / 或充值儲值卡或電子錢包的簽賬交易、於金融機構 / 非金融機構購買產品 / 服務的交易（包括但不限於外匯、 匯票、旅行支票、存款及過數 / 轉賬）、結餘轉賬、購買賭場籌碼、未誌賬 / 未經授權 / 已取消 / 已退款 / 被發現為虛假之交易。恒生將根據儲存於恒生的 交易紀錄，以決定客戶是否符合獲贈迎新獎賞。如有任何爭議，將以恒生之紀錄為準。

迎新→官網條款(pdf)

恒生yuu積分獎賞計劃條款及細則

恒生不時修訂賺取yuu積分獎賞的簽賬種類（「合資格簽賬」）。 合資格簽賬不包括以下類別： • 現金透支；• 收費及費用； • 現金分期或簽賬及消費分期計劃； • 以信用卡透過網上恒生個人e-banking繳交稅務局賬單、銀行及信用卡服務類別之交易； • 以信用卡透過網上恒生個人e-banking繳交賬單(銀行及信用卡服務商戶或稅務局之賬單除外)可賺取之yuu積分獎賞於每月設有上限，上限為每月該類 繳費總額之港幣10,000元，其後之繳款均不能賺取yuu積分獎賞； • 根據恒生 / Visa國際組織 / 個別收單銀行之商戶分類（按情況適用）不時界定為於金融機構或非金融機構的交易（包括但不限於購買外匯、匯票、旅行 支票、產品及服務、存款、過數 / 轉賬，如購買及 / 或充值儲值卡（八達通自動增值服務除外）或電子錢包的簽賬交易）； • 如信用卡交易未被誌賬或信用卡交易已被誌賬但隨後全數或部分被取消、還原或退回（包括購物退稅），該交易均不能賺取yuu積分獎賞。

完整條款→官網條款(pdf)

優惠受條款及細則約束。借定唔借？還得到先好借！

---

恒生enJoy卡分析索引(按入向上彈)

• 第一部份: 恒生enJoy卡 迎新/年薪/年費解說
• 第二部份: 恒生enJoy卡 yuu積分解說、優點缺點及基本資料
• 第三部份: 恒生enJoy卡 常見問題FAQs
• 第四部份: 恒生enJoy卡 條款細則