【信用卡交保險費攻略】比較繳交保費信用卡積分/里數/現金回贈教學

【信用卡交保險費攻略】比較繳交保費信用卡積分/里數/現金回贈教學

保險基本上係現金世代嘅必須品,無他,健康/生命價值無限大,我嘅睇法就係保險作為醫療支出風險嘅對沖工具。以下主要係講人壽/儲蓄/危疾/醫療嘅保險,旅遊保險先不作討論(或者最新嘅年金我都未有資料)。你要交嘅保費可能以每月/每季或者每年去繳交,既然係必要開支無得慳就不如諗下用邊張信用卡交保險最抵,可以儲下里數或者賺下現金回贈。有三大類最常見既交保費方式分別係(1)親身繳費,(2)自動轉賬繳費,及(3)網上銀行以信用卡繳費。不過值得留意既係並非所有保險公司都接受所有方法,而唔同繳款方法用唔同卡回贈率都唔同,同一張卡用唔同方式繳費所賺到既回贈率都未必一樣,所以交費前最緊要了解邊張卡交保險係必定無分同埋要比較交保險費信用卡。同信用卡交水電煤一樣,一般最多積分嘅交費方法次序為: (1)親身繳費>(2)自動轉賬繳費>(3)網上銀行以信用卡繳費>(4)無得用信用卡繳交。

之前收集過大家既→交保費經驗問卷(好多謝有填過問卷嘅朋友!!!如果你都有相關經驗可以一齊填下啊!),今日就集思廣益總結返唔同嘅意見同埋里先生對信用卡條款嘅理解寫返個信用卡交保險積分攻略。個Survey見到最多人係用網上銀行以信用卡繳款,積分唔多但起碼用啱銀行的話會有分先。


從問卷中得出保險公司接受繳交保費之方式

接受親身繳交保險費之公司 (請以保險公司所述為準,詳情請向你的Agent查詢保險繳費方法)

  • Prudential 英國保誠保險
  • AIA (只接受建行信用卡,如無建行用其他信用卡自動轉賬好啲)
  • YF Life (前稱Mass Mutual 美國萬通) (第一次親身以信用卡繳交,住後無法以信用卡繳交)
  • 太平洋人壽
  • 泰禾 (2019年4月後已不接受)

接受以自動轉賬繳交保險費之公司 (請以保險公司所述為準,詳情請向你的Agent查詢保險繳費方法)

  • AIA
  • Prudential 英國保誠保險
  • FT Life 富通
  • AIG

接受以網上銀行繳交保險費之公司 (請以保險公司所述為準,詳情請向你的Agent查詢保險繳費方法)

  • AIA
  • Prudential 英國保誠保險
  • Manulife
  • AXA
  • Sunlife永明
  • MSIG
  • YF Life (前稱Mass Mutual 美國萬通) (於150份問卷中只有1位朋友回答可網上交,我不肯定)

自動轉賬或親身以信用卡繳費

如果要交保險就記得唔好用渣打或DBS信用卡,包括渣打Asia Miles/渣打Simply Cash/DBS Black Mastercard,因為條款已經寫咗交保險係無分睇下自己用張信用卡交可以賺得最多啦。

我自己幾推薦用Citibank,包括Citi Cash Back有1%回贈而 Citi PremierMiles或$8/里,而且佢哋係Visa多啲公司接受。

另外食迎新嘅就推薦AE信用卡,包括AE CX Elite HK$6/里及AE Blue Cash 1.2%現金回贈及AE白金卡HK$5/里及AE白金信用卡HK$7.5/里。用AE信用卡交保險係計埋迎新!一次性大額咁交保險費食迎新就啱晒!

信用卡
Credit_card
信用卡回贈
Rebate_rate_mile
Citi Prestige$6/里
Citi PM$8/里
CX AE$6/里
AE白金卡$5/里
AE白金信用卡$7.5/里
Citi Rewards$15/里
建行Visa Infinite$6/里
建行Eye$15/里
建行FlyAway$6/FWC積分
大新BA$6/Avios
東亞Flyer$5/里
大新ANA$8/里
HSBC白金卡$25/里/
0.4%
AE Blue Cash1.2%
Citi Cash Back1%
大新One+1%
DBS Black
DBS Eminent
DBS Compass Visa
渣打AM
渣打Simply Cash

親身交保費最重要就係記得問清楚保險經紀會唔會外加手續費,無既話都係一個唔錯既選擇。

E-banking 網上繳費

如果真係做唔到自動轉賬或親身交嘅話先考慮用e-banking,因為有積分或者回贈嘅信用卡選擇唔多,加上回贈率會無咁抵。

信用卡_
credit_card
信用卡回贈
HSBC白金卡$25/里
0.4%現金回贈
恒生enJoy0.5%
恒生MPower0.4%
建行FlyAway$6/FWC積分
建行Infinity$8/里
建行Eye$15/里
DBS Black
DBS Eminent
DBS Compass Visa
渣打AM
渣打Simply Cash

*全部都有上限

  • HSBC信用卡(白金卡或以上級別): 每月結單$10,000繳費(Tips: 同一個月要交$20,000費用,假設於23號月結單截數,可以22號交$10,000,再於24號交$10,000咁就可以變相有$20,000網上交費有積分)
  • 恒生信用卡: 以信用卡透過網上恒生個人e-banking繳交保險公司之賬單所賺取之Cash Dollars於每月設有上限,上限為每月該類繳費總額之HK$10,000,其後之繳款均不能賺取Cash Dollars
  • 建行: 視乎你有幾多Credit Limit,每一個信用卡會籍年度,繳交保險公司保費及網上繳費交易所累積的積分上限,合共為現有信用卡帳戶獲批核之最新信用額之12倍 (如果你張卡有$5萬 credit limit,啫係你每年度有$60萬網上繳費有積分,可參考卡面expiry date計返你個年度幾時到幾時,要準確就打去hotline問)

你可能有興趣的文章...

Leave a Reply

Your email address will not be published. Required fields are marked *