【Asia Miles 換機票教學】2024新攻略由0開始教你儲飛行里數換機票!亞洲萬里通兌換免費機票攻略

【Asia Miles 換機票教學】2024新攻略由0開始教你儲飛行里數換機票!亞洲萬里通兌換免費機票攻略

【Asia Miles 換機票教學】飛行里數換機票 亞洲萬里通兌換免費機票攻略

儲里數儲里數,相信你都聽過唔少朋友話「今次旅行唔洗錢,機票係用里數換返嚟!」想快速學里數點玩睇呢篇文都啱喇!相信絕大部份香港人最先接觸嘅飛行里數計劃都係國泰嘅Asia Miles亞洲萬里通,就算平時無玩開里數嘅朋友都會聽過呢個計劃嘅名。好多朋友都想用里數換免費機票,但又唔知點樣做。所以2024年就寫咗呢篇教學,等大家一文就識得點玩里數,換到自己心水嘅機票!

以前都寫過好多篇教學講唔同既「高階玩法」又Stopover又Openjaw果啲,不過現時玩里數我覺得係回歸基本步,單程或者來回咁換就好了,再無咁多嘢諗,基本嘢運用得好換到機票去旅行你就係winner!

其他里數計劃換機票教學/有用文章:英航Avios換機票教學Qatar Avios換機票教學飛行里數信用卡比較


Asia Miles 換機票教學索引(按入向下彈)

航班需要里數清單:里數兌換表


如何儲Asia Miles 換機票?

係你換到機票之前第一件事就係要有里數,咁你點樣悚速儲里數?玩時的儲里數方法有好多,最多人用既就係用飛行里數信用卡嚟將消費變做里數,至於「邊張飛行里數信用卡最抵?」呢條問題都成日答,但可以話俾你知係無絕對正確的答案的,因為銀行都唔係傻,如果有銀行夠膽出張任何消費類別都係「最好」的信用卡而無上限咁俾你賺,咁間銀行要倒閉都似,不過我都可以推薦2張入門新手好卡俾你:

1. 渣打國泰卡

渣打同國泰既聯營卡,連張卡logo都係國泰你就知呢張卡儲里數又點可以唔擁有。最大優點係方便,當月簽賬完下個月就會有Asia Miles入落戶口。食飯及網上簽賬都有HK$4=1里數,算係咁。

>>於新分頁打開全文 “【Asia Miles 換機票教學】2024新攻略由0開始教你儲飛行里數換機票!亞洲萬里通兌換免費機票攻略” » Read more

【Asia Miles環球票oneworld換機票教學】盡用5個stopovers 2個open jaw換出4個全商務位trips

oneworld換機票 Asia Miles改表

(2023/10/10開始改動,以下玩法無得再停留同一城市多次)

【Asia Miles環球票換機票教學】oneworld攻略盡用5個stopovers 2個open jaw換出4個全商務位trips

oneworld Multi-Carrier 「寰宇一家」聯盟成員獎勵換算表有5個stopovers停留,2個open jaw中斷行程,2個transit轉機,學識點玩oneworld chart就可以將你Asia Miles嘅價值發揮得最高。

你飛得越長距離折換里數價值越高。玩oneworld兌換機票最難嘅地方係邊?順序排列(1)有假放(2)搵機位(3)儲里數,香港地邊個做野唔忙但oneworld出機票都有個好處就係一樣可以用香港做stopover,所以可以分開幾個trips,安排多D出發日子黐住紅假請最少假而希望假期可以長啲(唯有係咁)。搵機位: 基本技巧其實都係識去Asia Miles + Avios網上系統到check,俾心機同時間慢慢check,要搵曬咁多張飛嘅位唔容易,MAY the SEATS be with you,下面再分享。儲里數: 點解放第三? 老實講香港人已經好幸福有咁多里數信用卡又有咁多信用卡迎新儲里數,又夠多銀行同Asia Miles合作,講真識玩又勤力嘅開卡cut卡過冷河食迎新,耐唔耐又有$1=1里promotion,要儲10萬20萬里數其實已經唔再係天方夜談,勤力小小+(廣告)里先生facebook分享銀行嘅精選優惠,你一樣可以換到oneworld全business機票。

廢話講完,以下文章舖排先睇一下里先生個出票例子諗諗你覺得抵唔抵玩/請唔請到假玩,先再學oneworld換機票係乜野一回事,到實淺要換時就睇一睇里先生有咩策略/tips俾到你,唔識分stopover open jaw,「梯形大法」一樣啱用。係最底部份加入幾好用嘅plan行程工具「Flightsfrom.com」,可以快速睇返你用嘅oneworld成員hubs有咩航點可以換到,同埋里先生對各hubs的短評。

Oneworld換機票教學索引(按入向下彈)


何謂oneworld Alliance?

寰宇一家oneworld係全球三大航空聯盟之一,聯盟內的航空公司(包括附屬航空公司)有多方面的緊密合作,特別於航班時間、票務、代碼共享、乘客轉機、飛行常客計劃、進入機場貴賓室資格。香港主場航空公司國泰都係oneworld成員之一,所以你係搭國泰時的機內廣播經常會聽到歡迎乘搭寰宇一家成員國泰…

至於係里數上嚟講,除了一般Asia Miles單程/來回的基本兌換表格,仲有一個叫oneworld表格,玩法上都幾唔同,以下會再介紹。… >>於新分頁打開全文 “【Asia Miles環球票oneworld換機票教學】盡用5個stopovers 2個open jaw換出4個全商務位trips”

» Read more

Asia Miles有效期?過期/到期點算?Asia Miles積分里數延期/復活方法

Asia Miles有效期?過期/到期點算?Asia Miles積分里數延期/復活方法

Asia Miles過期點算?里先生教你Asia Miles2023到期時如何延長里數有效期,即睇下文。

Asia Miles有效期?Asia Miles會過期嗎?

Asia Miles有效期分為兩個:

  1. 舊里數,於2019年12月31日前賺取的會有3年有效期
  2. 新里數,於2020年1月1日後賺取的沒有限期,你只需每18個月賺取或兌換里數一次,就可以延長所有里數的有效期

你打開返你的Asia Miles賬戶其實就睇到你係邊新里數還是舊里數嚟,如果係新里數的話你唔需要擔心里數係咪會過期因為你只需要18個月內賺少少里數就已經令到啲Asia Miles唔會過期。

仲有舊里數會過期就睇一睇下文喇!

Asia Miles 最新復活/延期大法

  • 2023年手頭上仲有過期里數點算?依家國泰推出咗個「里數復活挑戰」,去網站登記後,喺180日內經兩個或以上國泰合作顆伴儲10,000里數。只要達標就可以復活2020年1月1日前賺到嘅里數!(如果要用呢個方法復活里數既朋友,我強烈建議你去live chat/打去俾CS問咗仲有無呢個方法先,因為隨時會無的)
    國泰合作顆伴:https://www.cathaypacific.com/cx/zh_HK/our-partners.html
  • 至於點賺10,000里數?信用卡積分兌換里數 + 開新信用卡簽賬賺迎新已經好易達標。
  • 之後只需每18個月賺取或兌換里數一次,就可以繼續延長里數!最簡單就用Openrice link咗Asia Miles賬戶,用嚟嗌外賣每次可以賺到25里數,輕鬆永續里數!
  • ***留意***雖然國泰合作夥伴有包括渣打銀行,不過有讀者就搵Asia Miles嘅客服查詢過用渣打國泰Mastercard簽賬就唔適用於今次活動,所以結論係有其他銀行積分的話就唔好搏用渣打啦~

Asia Miles有效期?過期/到期點算?Asia Miles積分里數延期/復活方法

登記網站: https://cathaypacific.formstack.com/forms/reinstatement_challenge_2023_tc_hk

里數信用卡 (數字越低越好)

>>於新分頁打開全文 “Asia Miles有效期?過期/到期點算?Asia Miles積分里數延期/復活方法” » Read more

【Asia Miles改表2023】國泰改表不改制!里數換機票加價減價都有 10月起調整!長途Econ減價 日本加價

asia miles改表 改制 新表格

國泰里數重大更新!今次國泰改表但不改制!要來的始終都要來,國泰啱啱公佈咗2大消息,里數換機票加價減價都有 10月起調整:

1. 會係9月份重新推出「國泰航空里賞航班」,仲話有超過45,000個座位可供兌換!

2023年7月13日12pm就可以開始預訂,大家快啲問咗身邊親朋好友9月去唔去到旅行喇!「國泰航空里賞航班」增加咗換到多人機票的機會。仲開咗超過20個熱門航點包括日本北海道札幌,東京、大阪、首爾、台北等指定地區目的地。

2. 將會於2023年10月1日更新「飛行獎勵換算表」(Flight Standard Award Chart)

Asia Miles Award Chart啫係我哋用Asia Miles換機票時需要用幾多里數。我見到個國泰個新Chart都幾surprised,唔係surprise佢上調 (需要里數有朝一日要調整其實都預咗,FYR對上一次調整係2018年),而係中長途地區Econ居然仲有得下調。如果2023年10月1日前的兌換全部都會跟返舊里數。Overall嚟講今次國泰表格調整有人會得益都有人會受損,都真係視乎你要求啲乜嘢,先講個Fact:

Asia Miles改表換票規則及換票方法上變動:

  • Asia Miles換機票的Transit及Stopover rules無變動,每單程仲係包1次24小時內的轉機
  • 仲可以每單程咁出票,你去程搭廉航UO,回程仲可以用里數換張Business Class返嚟
  • 換單程及來回票仲係主力用返online換票系統,夥伴航空公司仲可以換到
  • Asia Miles oneworld換環球機票兌換方法仍然保留,仲係有5個stopovers, 2個transit及2個open-jaw,但需要里數都有調整
【Asia Miles改表2023】國泰改表不改制!里數換機票加價減價都有 10月起調整!長途Econ減價 日本加價

Asia Miles 10月1日起新里數表格(及加價減價幅度)

asia miles需要里數 比較

Asia Miles新表及舊表

以下我哋先主力睇咗Asia Miles兌換國泰航班所需里數:

超短途(1-750哩距離)

  • 完全無變,例如台北、高雄、河內等Econ, Premium Econ及Business都完全不變,每單程7,500里仲飛到台北

短途(751-2,750哩距離)

  • 新表格分拆短途為兩個類別,類別1包括北京、吉隆坡、首爾、上海和新加坡等城市,類別2就包括日本、印尼、印度及尼泊爾等所有城市
  • 就短途類別1城市(如首爾,新加坡) Econ需要里數不變同為10,000里每單程,Premium Econ及Business就分別需要20,000里及28,000里
  • 就短途類別2城市(如東京,印尼峇里) Econ需要里數上調至12,500里每單程,Premium Econ及Business就分別需要23,000里及32,000里

中途(2,751-5,000哩距離)

  • 中途無拆分到咩類別1或2,本身呢個距離到達既城市常用啲既包括馬爾代夫馬累,澳洲悉尼、墨爾本或杜拜等
  • 新表格下飛中途如澳洲悉尼Econ需要里數為20,000里每單程,比起舊表下調咗
  • 飛中途Premium Econ及Business需要里數為38,000里及58,000里每單程,上調咗需要里數

長途(5,001-7,500哩)及超長途(7,501+哩)

  • 長途目的地多數為歐洲城市如倫敦,巴黎等,而美洲嘅長途有溫哥華、三藩市
  • 超長途目的地多數為美洲東岸如紐約、多倫多等
  • 如果你仲記得喺舊表有特別分拆出美加航線需要另外加里數,新表下簡化返夾返埋一齊嚟睇
  • 新表格下飛最大亮點就係長途及超長途Econ都下調,例如飛歐洲的話每單程需要27,000里,而飛美洲東岸需要38,000里,比起舊表都下調咗所需里數
  • 飛長途(歐洲倫敦為例)Premium Econ及Business需要里數為50,000里及84,000里每單程,上調咗需要里數
  • 飛超長途(美國紐約為例)Premium Econ及Business需要里數為75,000里及110,000里每單程,上調咗需要里數

整體嚟講,今次調整有加有減,專業玩家們嚟講就國泰無全面轉為Dynamic (浮動制,所需里數跟票價)就真係可以叫執返身彩。貼地啲嚟講我覺得是次調整fair enough,本身飛行距離長既地方(如札幌或峇里)或者求過於供既熱門艙位(如長途Business Class)上調咗12%-29%不等,但係中途,長途及超長途既Econ都有得下調需要里數,就以多倫多為例唔少朋友都成日要去探親都係搭Econ,現在每人每單程慳咗4,000里來回就慳返8,000里,有大有細4個人就慳咗8,000里*4=32,000里。

長途Business Class無錯係上調咗,但玩里數最梗要係有位換得到,先前一路都話難搵位換唔到既朋友,話唔定上調完之後仲會容易咗換到心水機票呢?是次調整唔算好誇張換Business Class升咗12%-29%相信仲有好多人負擔到,從另一角度可以視作為競爭方式改變咗,舊表下里數平但難搵位,新制下里數相對貴咗但可能易換咗,是好是壞真係未知數,我自己就幾可肯定國泰Asia Miles仲係我既主力里數計劃,因為係香港要儲Asia Miles真係多途徑容易儲到同埋我一直有留意住放位情況係感覺開關後放多咗位易換咗,承接返以上所講,今次既調整都真係視乎你要求啲乜嘢。

飛行距離區域經濟客艙特經客艙商務客艙頭等客艙
超短途
>>於新分頁打開全文 “【Asia Miles改表2023】國泰改表不改制!里數換機票加價減價都有 10月起調整!長途Econ減價 日本加價” » Read more

里數換機票 Asia Miles vs Avios 里數兌換表 比較飛行里數計劃 一表睇晒!

里數換機票 Asia Miles vs Avios 里數兌換表

常用飛行里數計劃,常用機場代碼,常用目的地里程兌換表 一個Award Chart 一目了然!里數換機票無難度!國泰Asia Miles vs 英航Avios Miles

無論你係里數計劃新手老手,準備開始你的儲里數換機票或決定儲國泰Asia Miles 定係英航Avios Miles都應該清晰了解自己希望到達的目的地所需要的里數或哩程,再選擇一個最化算最抵最快可以去到你理想目的地嘅program!各個里數計劃其實各有特色,無一個program係有絕對優勢,所以更加要清楚每個地方嘅里數要求同每個program嘅特色特性,你有睇里先生PayMe 無成本chok里數攻略,再選啱program應該知道要儲里數換機票應該無你想像中咁難。以下準備左個綜合多個常到達目的地嘅機場代碼,Asia Miles vs Avios所需要miles嘅里數兌換表格(仲可以sorting and searching!)。以後plan行程或者搵返個airport code機場代碼,除左去官方要慢慢click嘅Asia Miles Award finder仲可以黎里先生呢到一表睇晒常用目的地既「Mr. Miles里數兌換表」,未識用英航官網搵返Asia Miles可以出到嘅機票同埋有幾多位?記得睇埋里先生嘅用英航系統搵Asia Miles機票圖解教學!想再深入D了解兩個計劃特性可以睇返→【懶人包】Asia Miles vs Avios好處壞處/特性/手續費/條款比較表

使用里數兌換表注意事項

  • CX Asia Miles以單程票「標準賞」計算,有一個FREE 轉機(transit) – (進階: 有10萬Asia Miles或以上抵玩5個stopovers→Oneworld換機票教學)
  • 英航BA Avios 里數只可以出到點對點來回或open jaw,無額外stopover或transit,下表只顯示以直航到達需要里數,如超過1個airline partner需要里數會倍增(如要轉機可分開2程單程解決)
  • 禁表格頂的箭咀可以sorting到數字
  • 因為資料太多…用Desktop版睇會好好多(mobile版可以左右flip/移動)

Asia Miles vs Avios 里數兌換表比較

  • 距離以英里(miles)表達,為單程由香港出發距離
  • 以千位數表達 - AM=Asia Miles/ AV=Avios
Destination
目的地
Code
代碼
Dist.
距離
AM
Y
AV
Y
>>於新分頁打開全文 “里數換機票 Asia Miles vs Avios 里數兌換表 比較飛行里數計劃 一表睇晒!”

» Read more

【國泰第五航權】Asia Miles換機票台灣轉機?

【國泰第五航權】Asia Miles換機票台灣轉機?

好耐無寫換機票心得,要寫嘅先前都寫得7788,有睇我先前文章嘅朋友應該都有概念點樣玩Asia Miles混合艙。呢排出咗幾張票想分享啲心得,概念上會比較advance,但耐唔耐都會有讀者問到我。基礎上由Asia Miles換台灣機票而起,再從台北呢個神奇機場睇一睇點運用,或者叫點樣用到台北去慳里數/嘆頭等。

Asia Miles換機票我諗唔少朋友都知道要換去日本的話經常都只出現經台北「轉機」去日本/日本經台北「轉機」去香港。當中涉及國泰嘅第五航權(技術停留)既問題,以下可以解釋下。

經停台北轉機到日本 第五航權常見問題FAQs

第五航權航班/經停航班是否需要落機?

不一定的,但就著需經停TPE的國泰航班,幾年前我係有搭過而呢款台北經停航班係需要落機的,落完機會上返同一班機。我仲有搭過有款係經停BKK的就無需落機。

經停航班需要出入境嗎?

簡單嚟講係不需要的。不過又咁講你係成年人嚟而法治國家不會限制到你人生自由,你坐經停航班的話玩嘢要出境無人阻到你。但正常程序上,去到台北你需要落一落機再過一個簡單安檢去返departure 閘口再上同一架機飛去日本就可以。一般班號都沒有改動的。

於台北機場可以購物或入Lounge嗎?

可以的,最緊要你有足夠時間。台北TPE機場有吸煙區,環亞Lounge及國泰Lounge,仲有牛肉麵食添,有時間可順道到訪。

外地出發免稅店買咗液體超過100ml,過唔過到經停台北安檢?

大部分情況下國泰空姐會要求你拎晒所有手提行李下機的,因為台北機場要過安檢,建議就唔好拎超過100ml的液體。

經停航班有幾多餐飛機餐?

會有2餐的。我仲記得當年我第一次搭Business Class去名古屋就係搭經停台北航班,有2餐business class meal食都幾開心(當年國泰餐飲好食的)。如果第一次換business 想過下受飛機癮,坐下呢啲經停航班唔錯架。

何謂第五航權(5th Freedom flights)?國泰航空第五航權之航線

第五航權 (5th Freedom flights)就是指某國家作為樞紐的航空公司,可以載客並執飛兩個不同國家之間(並非本國)的航線的權利,又可稱作中停權。例如國泰航空作為香港樞紐航空公司,於台北(TPE)起飛至大阪(KIX)之航班,此為第五航權的一種體現。而可以見到此類航班會有「同一航班號」,國泰航空第五航權之航線如下:

  • TPE-KIX (台北-大阪)
  • TPE-NGO (台北-名古屋)
  • TPE-NRT (台北-東京成田)
  • TPE-ICN (台北-首爾)
  • YVR-JFK (溫哥華-紐約)
  • BKK-SIN (曼谷-新加坡)
  • CNS-BNE (開恩茲-布里斯班)
  • DXB-BAH(杜拜-巴林)

另外其他oneworld成員都有啲第五航權可能都多啲機會用到:

  • BKK-HKG (曼谷-香港, RJ)
  • SIN-SYD (新加坡-悉尼, BA)

第五航權好處

  • 航班選擇會多咗。譬如你喺台北都可以用Asia Miles換CX機嚟飛日本,比起換日航會慳咗少少里數
  • 理論上mile位會易換咗。因為比起香港直接飛日本,中停台北會用多咗時間,變相亦都會少咗人選擇咁玩
  • 時間夾得好嘅話飛日本都可以順便快閃玩下台北
  • 可以食兩餐飛機餐

里數回贈比率,越低越好
>>於新分頁打開全文 “【國泰第五航權】Asia Miles換機票台灣轉機?” » Read more

【Asia Miles online chat改票/退票/出票】Asia Miles電話以外兌換機票途徑即時對話出票及改票/Hotline/網上換機票方法及程序合集

asia miles電話 以外兌換機票途徑

【Asia Miles online chat改票/退票/出票】Asia Miles電話以外兌換機票途徑即時對話出票及改票/Hotline/網上換機票方法及程序合集

Asia Miles電話:2747 3333。我相信你同我都唔會陌生。最出名係咩?成日打唔通或者要等到天昏地暗囉。現時可以online chat「即時對話」出票或改票。每週7日,每日24小時可以透過線上即時對話服務,查詢兌換獎勵或個人賬戶事宜。


Asia Miles電話/網上/真人對話兌換機票方法及途徑

  1. Cathay Pacific 網上系統兌換(直入兌換頁)→CX官網(需login)
  2. 即時對話出票→要先登入 CX官網(需login) search機票係右下角有個交談icon,click落去就有對話框彈出嚟 (文章下半部份有圖)
  3. Asia Miles 網上系統兌換(直入兌換頁)→AM官網(需login)(現在已經可以網上兌換多目的地票, 但stopover不能超過24小時)
  4. Cathay WhatsApp 2747 2747 聯絡國泰:https://wa.me/85227472747
  5. Asia Miles電話: 2747 3333 (如果廣東話真係等到頂唔順,可以選英文一般會快啲)

*Asia Miles混合艙的票並不能用2的方法網上兌換。


Asia Miles電話兌換機票前建議準備功夫

當仲有香港機場Aisle B出票counter嘅職員訴過苦,最需要時間處理嘅客人係唔知自己想要乜而又無做research。如果需要搵真人對話出票前有做功課,有花啲時間搵有位嘅航班的話我都相信Asia Miles hotline唔會長期要等咁耐。

都係到呼籲一下,要打電話出票前可以先到Asia Miles 網上系統都試下查一下位,搵到有位後再打電話去出多城市的票。當然我都知唔係每一間夥伴航空公司都可以Asia Miles網上系統內查位,但Asia Miles網上系統可查位其實為數也不少可以先自行睇一睇再打去,節省大家的時間。網上系統的放位情況同Asia Miles hotline查到嘅位係一樣嘅。

Asia Miles可於網上查位/兌換機票的11家航空夥伴

  1. 國泰航空
  2. 國泰港龍航空
  3. 日本航空
  4. 英國航空
  5. 芬蘭航空
  6. 澳洲航空
  7. 卡塔爾航空
  8. 西班牙國家航空
  9. 皇家約旦航空
  10. 斯里蘭卡航空
  11. 阿拉斯加航空

Asia Miles兌換機票建議應用之各情況

主要為以下三種情況,想出票又快又順利可以諗咗自己係咩情況再決定用邊個方法。

1. 一航段單程機票/ 點對點行程

>>於新分頁打開全文 “【Asia Miles online chat改票/退票/出票】Asia Miles電話以外兌換機票途徑即時對話出票及改票/Hotline/網上換機票方法及程序合集” » Read more

【Asia Miles候補機位Waitlist】於2021年10月22日取消 只保留客艙提升獎勵機票及同行貴賓獎勵機票

asia miles waitlist 候補機位 取消

【Asia Miles候補機位Waitlist】於2021年10月22日取消 只保留客艙提升獎勵機票及同行貴賓獎勵機票

慘,Asia Miles無得再用waitlist等機位了。本身呢個候補機位我覺得幾好用可以唔洗日日睇住有咩位換。對我好咗既地方係本身我只係綠卡仔會員,呢加係全部鑽石卡金卡銀卡會員都無得wait。呢班高級會員就慘啲…有朋友係高級會員又真係真日都wait到@@

我比較好奇取消咗之後係咪會多咗last minutes執雞位。呢加都飛唔到,到時再算吧~~

取消候補機位服務

1. 由2021年10月22日起,所有會籍級別的會員都不能獲享候補機位服務嗎?

由2021年10月22日起,所有會籍級別的會員都不再享有候補機位的服務。目前已預訂的候補機位仍然有效,只要有可供兌換的機位,你的預訂即可獲得確認。

2. 所有飛行獎勵機票都不再提供候補機位服務嗎?

候補機位服務僅不適用於標準賞飛行獎勵機票。客艙提升獎勵機票及同行貴賓獎勵機票仍可使用候補機位服務。

3. 客戶服務人員可繼續協助馬可孛羅會銀卡(或更高會籍級別)會員及其家人安排候補機位服務嗎?

很抱歉,由於候補機位服務於2021年10月22日起取消,所以我們不能在此日期之後安排標準賞之候補機位服務。但你可以選擇在國泰航空網頁使用「里數加現金」預訂機票,更可即時獲得機位確認。

4. 如果正處旅遊旺季,我要如何在飛行獎勵機位已滿的情況下,獲得預訂確認?

你可以選擇在國泰航空網頁使用「里數加現金」購買機票,除可即時獲得機位確認,更可讓你自由靈活地預訂心儀航班。

5. 如我兌換的航班因服務受阻而被取消,我可以選擇更換航班並安排候補機位嗎?

對於所有非自願性預訂更改, 包括航班服務受阻和取消,會員可以致電我們的服務熱線進行查詢。由於候補機位服務於2021年10月22日起取消,我們建議你在飛行獎勵機位已滿的情況下,在國泰航空網頁使用「里數加現金」預訂心儀航班之機票。

官網:https://www.asiamiles.com/zh/support/help-centre/faq.html#/general/1

asia miles候補機位 waitlist 成功機會 限額

【Asia Miles候補機位Waitlist及兌換票途徑】4月1日起加入Waitlist上限+候補機位成功率

昨日出咗消息Asia Miles換機票有重大改動,其中包括假單程無得再玩。而Asia Miles waitlist候補機位上都限制咗為10個,一向候補機位嘅死線及機率都多朋友會問到,留意只有國泰CX及國泰港龍KA的Asia Miles兌換機票先有得waitlist,其他航空公司即使可網上兌換但都係不可以候補機位的。

1. Asia Miles換機票waitlist侯補出到票嘅機會大唔大?

  • 其實每次我嘅答覆都係「放位嘅野好難講,答唔到你」
  • 我相信CX會有system計算每班機放幾多位,幾時放位,但並沒有確實嘅pattern
  • 而都係到提返句你問Asia Miles hotline都答你唔到,可以慳返啖氣唔洗問

事實上我見過等半日business就話有位,亦都有試過econ出發前2日有位,當然都有試過等唔到位…張first class 實例就出發前11日先通知我有位。其實我本身已經reserve 咗個位,呢張係時間理想啲嘅機,只係個換票策略嚟,先前於國泰頭等oneworld機票我都有分享過如果我呢加要改就俾US$40/4,000 Asia Miles。

2. 咩情況下用waitlist候補?死線是何時呢?

  • 首先waitlist只係開放予國泰或國泰港龍嘅航班,其他partners無得wait或hold,只能即時confirm機位
  • 無位但某一日想出發就waitlist咗先,唔洗俾錢都唔會扣你里數
  • 當有位時國泰會有人打俾你同埋會有SMS俾你,怕miss咗或者你自己一頭半個月就睇下有無轉到status做confirm,有就可打去出票

3. Waitlist是否有上限?

  • 如未確認任何機位,2020年4月1日起最多只能waitlist 10班機
  • 每個會員賬戶只能同時預訂最多10個候補機位。如已達此限,會員須取消最少一個預訂,方可預訂新的候補機位。

4. Asia Miles Waitlist會馬上扣里數及稅金嗎?

  • 不會,里數及稅金只會於confirm機位時先收取,由waitlist轉做有位就同CS連絡俾信用卡資料同埋乘搭人資料開票,成功開票後會有個email send返俾你

5. 我的來回機票去程已確認,回程未有位,可以Waitlist嗎?是否有出票期限?

  • Waitlist候補機位會俾個時間你,話你知可以wait到幾時,如果來回票有一程已confirm,但另一程未confirm的話個waitlist時間會好短,因為我覺得CX都唔想俾人Hold晒啲位又唔出票,咁好浪費資源(如果你係呢個情況可試下叫CS hold多幾日,睇下有無廉航可補到單程平平地咁完成一個trip)
  • 如果你已有一程confirm,Asia
>>於新分頁打開全文 “【Asia Miles候補機位Waitlist】於2021年10月22日取消 只保留客艙提升獎勵機票及同行貴賓獎勵機票” » Read more

【Asia Miles漏洞級別票】CX+Partner Airlines「假單程大法」換無上限距離票

Asia Miles換歐洲 美國 假單程

【Asia Miles漏洞級別票】CX+Partner Airlines運用無上限距離換「假單程票」

(Update: Asia Miles換機票stopover只能於24小時內會係2020年4月1日起生效,到時無得再用假單程出停留超過24小時的機票)

我諗大家都知Asia Miles新表格係超長途i.e. 7,501+英哩係無上限距離,唔知點解睇返下面解釋。條款寫咗返香港係唔得但無講過換近香港嘅地方唔得喎!咁又轉一轉思維模式,不如去完英國再搭返飛機去日本/韓國/泰國/中國,再自己補程短途單程?無錯,已確認咁樣係做到,有係我facebook留言嘅朋友應該已經知道。呢個就係我介紹嘅新制新概念「假單程大法」,Econ 57,000 Asia Miles已經出到來回London仲停多咗個亞洲城市,90,000 AM出假單程Business,135,000 AM出假單程First。以下係「Asia Miles混合艙及計算器」文章上抽出「假單程大法」同大家分享一下,混合票詳細教學請你去→Asia Miles混合艙篇文章啦!

 

(Update: 2020年3月23日出票)

咁嘅環境其實都無乜心情plan搭咩飛機,不過再唔換4月1日起就無得再玩假單程停留起過24小時(遊機河的話理論上仲可以)…所以我都出咗條期票係下年三月…到時真係飛唔到Asia Miles退票成本都係12,000里或US$120,會退返所有里數及稅及燃油附加費

現時可以直接Asia Miles網上兌換多航段行程,搵完位就出其實好簡單。

asia miles假單程

***唔識計假單程混合艙要幾多里數可以睇→ 里先生Asia Miles計算機 (例子如下,要學原理就睇文章下部)


asia miles換機票 新表格

(假單程大法英國econ)單程變來回,利用partner airlines chart飛英國

  • HKG-LHR, LHR-NRT (CX Econ+BA Econ, 47,000 AM)
  • NRT-HKG (CX Econ, 10,000 AM)
  • 以上係用2條單程票出,57,000 AM!再係日本返香港先自己駁返條單程票搭返Econ由東京返香港!
  • (原理)HKG-LHR距離5,994mi,LHR-NRT 5,974mi,因為7,501+英哩距離上限無封頂,CX Econ+ BA Econ可以用47,000 Asia Miles出到,關鍵在於LHR回港時用BA飛一個近D既地方可以用好少里數換到返香港(以上例子: 日本東京,更多例子看以下)
  • (注意)
>>於新分頁打開全文 “【Asia Miles漏洞級別票】CX+Partner Airlines「假單程大法」換無上限距離票” » Read more

【JAL航線】日本航空國際航線列表 新航點更新及Zipair航線

jal航線 日本航空國際航點

我諗大家都知東京有兩個國際機場(TYO),如果要比較的話我諗多數朋友會鐘意飛羽田機場(HND)多過成田機場(NRT)。主要因為HND出入市區會較近而搭車又唔洗咁貴。一直以嚟由於羽田機場航班時間上限制比較嚴格而主力都係做日本國內線多,大部分國際長途航班都會經由成田機場。可能配合東京奧運,啱啱就見日本航空出咗個新聞稿「 Major International Network Expansion Plan
at Tokyo’s Metropolitan Airports 」。主要講述會增加HND嘅航班,或者可以叫做由NRT調咗啲航班去HND。

對香港人嚟講,特別係玩里數嘅朋友應該都知日本航空羽田機場/成田機場係玩超長程Asia Miles假單程嘅重要樞紐機場/oneworld航空公司之一,飛美國的話好好用,飛歐洲都唔錯。以下就襯住今次改動一次過寫返晒日本航空國際航線出嚟,方便搵返可以組合假單程嘅航點。抵唔抵就自己去返里先生Asia Miles計算機到入返啲目標航點再睇返計算機俾你個建議組合有無慳到里數。

是次改動對香港人嚟講影響唔大,因為來往香港嘅航班無改變。主要改變為日本東京同美國,芬蘭,俄羅斯,澳洲,印度及中國之間的航班。實施日期大部份由2020年3月29日起。

另外今次個announcement有提返日航嘅新廉航ZIPAIR都會確定咗2020年5月及2020年7月來往泰國曼谷及韓國首爾仁川嘅航線。

【JAL航線】日本航空國際航線列表 新航點更新及Zipair航線

*我自己上年換過HKG-JFK-TYO First Class不過好遺憾啲相同片遺失咗無法同你分享。有機會再飛過再分享吧…

JAL由日本東京羽田機場(HND)出發國際線:

  1. Bangkok BKK
  2. Beijing PEK
  3. Guangzhou CAN
  4. Ho Chi Minh City SGN
  5. Hong Kong HKG
  6. London LHR
  7. Manila MNL
  8. New York JFK
  9. Paris CDG
  10. San Francisco SFO
  11. Seoul GMP
  12. Shanghai PVG
  13. Shanghai SHA
  14. Singapore SIN
  15. Taipei TSA
  16. Chicago ORD (New)
  17. Dallas Fort Worth DFW (New)
  18. Los Angeles LAX (New)
  19. Honolulu HNL (New)
  20. Helsinki
>>於新分頁打開全文 “【JAL航線】日本航空國際航線列表 新航點更新及Zipair航線” » Read more
1 2