【HSBC信用卡優惠合集】滙豐信用卡全年最紅優惠2019

hsbc優惠合集

【HSBC信用卡優惠合集】滙豐信用卡全年最紅優惠2019

HSBC信用卡一向都多優惠,某程度上我覺得如果唔玩滙豐信用卡的話對於玩里數又好,玩現金回贈嘅朋友嚟講都好,都會少咗好多變化同購里數/回贈嘅機會。無錯滙豐卡就咁睇落一般簽賬得0.4%或$25/里睇落好唔低,不過加入埋各項promotion的話就條數就唔係咁計。無錯係複雜啲麻煩啲,唔似得就咁拎住張渣打Asia MilesSimply Cash又或是DBS Black咁可以一卡走天涯。HSBC成日又有最低簽賬下限又有最高簽賬上限咁,但事實上優惠條款來來去去都係咁上下,俾心機睇返三幾個promotion的話就習慣。

另外真係要讚一讚,HSBC嘅活動條款寫得好好,睇得出係有律師睇過先出街嘅「作品」,寫得好professional而且有define terms,有感好似打開本招股書咁嘅專業級水平。今年寫條款嘅格式更加進化為bullet points,睇得出真係想幫到users理解。

不過…promotion真係好多,以下做個簡單總結,寫返啲注目而我覺得唔好錯過嘅優惠。萬寧/百老匯經常都做嘅商戶暑假呢轉就快完,先前仲有啲細promo如OK便利店/uniqlo/759/翠華/7-eleven等等一大堆出名商戶就未能盡錄喇…再提多你一樣,HSBC的優惠係按HKID計算的,簡單嚟講HSBC附屬卡持有人會有額外quota玩promotion。

(現時經里先生申請有額外50RC,詳情睇返→HSBC信用卡分析)


HSBC最紅大折日 本地簽賬 promotion留意幾個要點

  • 需登記: https://www.redhotoffers.hsbc.com.hk/tc/latest-offers/red-hot-summer/mass-spend/
  • 推廣期: 6月26日至8月31日
  • 最低簽賬: $500(單一)及$8,000(累積)
  • 最高額外獎賞錢: 600 Rewards cash (上限簽HK$12,000賺爆)
  • 不合資格簽賬: 外幣/網購/電子錢包/繳費/百老匯/萬寧等等…(但可以買百佳/惠康coupon)
  • 回贈將於2019年11月30日或之前自動誌入

活動→官方網站

HSBC 萬寧優惠詳情及玩法

  • 適用至2019年8月31日 (記得星期五至日簽著數啲!)
  • 簽賬要求: 單次最少$500/ 累積最少$1,000 (唔夠數可以買券補夠數)
  • 需要登記→ 登記網址 / 電話: 8228 3188
  • 登記完簽夠$1,000可以有5%獎賞錢 (啫係每$1,000有50獎賞錢)
  • 星期五六日可以有額外3%獎賞錢 (啫係每$1,000有30獎賞錢)
  • 用Apple Pay/Google Pay/Samsung Pay以HSBC信用卡俾錢有額外4%獎賞錢 (啫係每$1,000有40獎賞錢/ 400 Asia Miles/ 600 Avios)
  • 加總以上,星期五六日用手機支付簽爆$6,000就有680RC
  • 680 RC相等於8,500 Asia Miles (透過MoneyBack兌換Asia Miles多25%)

HSBC百老匯優惠詳情及玩法

  • 適用至2019年8月31日
  • 簽賬要求:單次最少HK$500/累積最少HK$6,000
  • 需要登記→登記網址/電話:82283188
  • 累積合資格簽賬滿HK$6,000或以上,享額外6%獎賞錢(上限為$600獎賞錢/簽HK$10,000到頂)
  • 用Apple Pay/Google Pay™/Samsung Pay以HSBC信用卡俾錢有額外2%獎賞錢(上限為$120獎賞錢,簽HK$6,000到頂)
  • 分期付款之合資格簽賬及百老滙網上商店(www.broadwaylifestyle.com)之合資格簽賬均不可獲享額外2%「獎賞錢」回贈優惠
  • Final tips: 呢D大交易記得keep credit card slip啊!到時HSBC走數都要拎住嚟追

官網→連結

HSBC小遊戲

  • 推廣期: 2019年7月2日至8月31日
  • 今次活動毋須額外登記,先登入滙豐Reward+
  • 於最紅優惠的Reward+限定頁面,按入「滙豐Reward+小遊戲」
  • 進入遊戲後,面便會展示遊戲玩法及不同組合的卡牌
  • 只需按下「翻牌」按鈕後,再選擇兩張卡牌
  • 如兩張卡牌圖案一致,有機會得$10、$20、$50、$100 RC
  • 即使未能配對成功每位持卡人亦可獲得$5 RC

(全年優惠)HSBC最紅網上簽賬 海外外幣簽賬 2019+最紅自主獎賞Visa Signature $1.79=1里/Premier $1.56=1里

去旅行前打算用HSBC信用卡外幣簽賬記得登記開通咗先,因為登記完只要你「當季」簽夠網上及海外簽賬夾埋夠$3,000就可以有額外5X獎賞錢。而2019年再加多咗個優惠,HSBC Premier外幣簽賬的話再有額外5X。HSBC信用卡玩法出名複雜,請花少少時間睇埋以下嘅注意玩法,識玩嘅可變為一張最抵海外簽賬/網上外幣信用卡。近來所見HSBC轉晒D promotion materials用現金回贈%嚟表達,我相信唔少睇慣幾多「X」嘅朋友都未必咁習慣,其實係有數得計,你記住個口訣「每0.4%相等於1X,里先生話嘅。」咁樣睇下會唔會舒服D,唔識都唔緊要,識嚟睇里先生OK啦,唔講咁多,以下兩個表,第一個表集結HSBC長年優惠嘅重點,所得倍數及各自的回贈比率。第二個表包括你中咗乜野幾錢幾里/Avios或所得回贈百分比,方便你拎住去比較到底簽邊張卡先夠精明。詳細玩法睇返攻略→HSBC最紅網上簽賬 海外外幣簽賬

最紅網上簽賬及海外簽賬獎賞→登記網址/或致電8228 8088

HSBC獎賞錢計算倍數回贈

里口訣: 每0.4%回贈相等於1X,留意上下限
Reward_Type
獎賞計劃
Times
倍數
$Rebate%
$回贈%
Maximum_Spend
回贈上限簽賬
Minimum_Spend
簽賬下限
基本獎賞1X0.4%無限
網上或外幣5X2.0%每季$15,000每季$3,000
自主全中類別5X2.0%每年$100,000
VS中類別3X1.2%每年$100,000
加總14X5.6%

HSBC Premier獎賞錢計算倍數回贈

-里口訣: 每0.4%回贈相等於1X,留意上下限
-主要分別為HSBC Premier再有外幣簽賬5X(需為海外註册商戶)
Reward_Type
獎賞計劃
Times
倍數
$Rebate%
$回贈%
Maximum_Spend
回贈上限簽賬
Minimum_Spend
簽賬下限
基本獎賞1X0.4%無限
網上或外幣5X2.0%每季$15,000每季$3,000
自主全中類別5X2.0%每年$100,000
Premier外幣
(為海外商戶)
5X2.0%每季$15,000每季$3,000
加總16X6.4%

(HSBC Premier專享) 25% HSBC Avios Bonus promotion需要注意條款及細則

  • 官方推廣網址
  • 2019年8月31日前成功登記換領
  • 額外Avios積分會於兌換後4至6星期內與基本Avios積分一同存入BA戶口,趕住Avios出機票既話要預留返多D時間等入賬啊!
  • 要換時直接填兌換Avios表格寄返HSBC(或打Premier hotline都得),佢會自動幫你入飛行優惠計劃 (唔打電話就要填同寄,我都唔明HSBC搞咁多FinTech但換Avios又唔做埋網上登記方便用戶…)
  • 如果你俾錢,填表格時唔需要填「請從下列的信用卡戶口扣取上述「獎賞錢」,扣$300蚊抵過扣獎賞錢」
  • HSBC「飛行優惠計劃」,年費HK$300一年內無限次兌換,無得退→詳情網址

Source: 官方推廣網址


(HSBC Visa Signature專享)免費入Lounge: Plaza Premium Lounge簽賬$1,500免費用環亞機場貴賓室

  • 推廣期:2019年2月1日至2020年3月31日
  • 推廣期內單一簽賬滿港幣1,500元,可免費享用由環亞機場貴賓室於香港國際機場提供之貴賓室服務一次
  • 現時再加錢/Arrture Points入Plaza Premium First都得
  • 條款無寫附屬卡唔得
  • 無需預約,只需出示合資格信用卡及其合資格簽賬的簽賬存根/商戶購物單據正本(里生註: 條款寫於2019年1月1日至2020年3月31日的簽賬存根就得,啫係你1月簽完$1,500,3月尾去旅行時先拎用都得)
  • 合資格簽賬不包括預繳、訂金、現金透支、現金儲值、增值服務、保險費用、繳交公共事務費用、繳交會籍費用、其他繳費服務費、所有未誌賬/取消/退款/偽造/未經許可的交易及沒有簽賬存根/商戶購物單據正本的交易。
  • 有限額,出發前請到Promotion網址查閱
  • 每位持卡人可享優惠最多每月一次
  • 其他入lounge卡→ 機場貴賓室入lounge信用卡比較

官網連結

HSBC Visa Signature Agoda discount code預訂有85折

  • 預訂日期:2019年2月1日至2020年3月31日
  • 酒店入住日期:2019年2月1日至2020年9月30日
  • 85折優惠的名額滿後,持卡人可享92折優惠(只適用於指定酒店)
  • 指定預訂網址:http://www.agoda.com/zh-hk/hsbcvshk
  • 於Agoda手機程式透過Apple Pay、Google Pay™、Samsung Pay或任何手機流動付款進行的任何簽賬繳付所有有關費用均不適用於本優惠
  • 如果85折名額爆咗用唔到,可睇其他code→Agoda code 酒店折扣代碼合集

agoda HSBC visa signature 優惠代碼promo code

於付款頁入Visa Signature card資料會自動用15%

HSBC Visa Signature睇戲買一送一

  • 戲院: 中環娛樂行及屯門新都商場之英皇戲院
  • 推廣期:2019年2月1日至2020年3月31日
  • 正價2D戲票買一送一(星期一至五)
  • 細爆谷買一送一(星期一至五)
  • 正價3D戲票9折(星期一至五)
  • 正價2D戲票9折(星期六及日)

 

  • 適用於英皇戲院票房以合資格信用卡透過流動電話或Visa感應式付款功能付款
  • 戲票優惠不適用於貴賓影院、指定日子(2019年2月1 日至10日、 2019年12月21日至2020年1月1 日、2020年1月24日至2月2日)
  • 每位持卡人於英皇戲院優惠推廣期內每日只可享用各優惠一次;優惠適用於每日每次交易購買最多4張送4張同一場次之戲票。

機場Pacific Coffee手調飲品半價

  • 只限香港國際機場店舖
  • 推廣期:2019年2月1日至2019年9月30日
  • 需以滙豐Visa Signature卡透過流動電話或感應式付款功能付款(要拍卡,PayWave或Apple Pay)
  • 須出示有效同名當天之登機證

你可能有興趣的文章...

Leave a Reply

Your email address will not be published. Required fields are marked *