八達通銀包(前稱O!epay)轉賬/繳費交稅/線上線下付款教學(包括買港鐵九巴月票同增值)+信用卡自動增值儲現金回贈/積分/里數攻略

oepay 八達通app 儲里數回贈教學

八達通銀包(前稱O!epay)轉賬/繳費交稅/線上線下付款教學(包括買港鐵九巴月票同增值)+信用卡自動增值儲現金回贈/積分/里數攻略

電子錢包近年已經開始普及,加上疫情呢2年同政府派消費券,相信唔少香港人已經裝左1個甚至多個電子錢包,減少左拎實體銀紙嚟用。八達通卡呢個作為香港第一代電子支付工具都跟上時代嘅發展,有個電子錢包app叫「八達通銀包Octopus Wallet」(前稱O!epay好易畀)。可以P2P轉賬俾親友、繳費交稅、線上線下付款(包括買港鐵九巴月票同增值)同派利是。月頭月尾買港鐵全月通唔洗再排隊,買九巴月票仲可以set提示下個月買,好爽!幫小朋友八達通增值又勁方便!不過,同PayMe/WeChat Pay/Alipay比較嘅話就少啲人用,最大原因係因為增值落去「八達通銀包」度無其他電子錢包咁方便,唔可以直接用綁定信用卡增值,要經「八達通自動增值」啪錢入八達通銀包間接嚟用信用卡增值。要好似螞蟻搬家咁一日一日咁$250, $500, $1,000…咁啪八達通嚟做充值。

成個logic係「已設置自動增值嘅八達通*→每日啪錢入八達通銀包→用餘額嚟轉返戶口/繳費/交稅/付款(注意銀包儲值限額係$10,000),成個流程係一個circle。所以只要你夠勤力,一日一日咁啪八達通嚟做充值,就會碌到卡賺到回贈/積分。然後「八達通銀包」啲錢點用呢?有幾個用處:

  • 1. 轉錢入返銀行戶口: 每月轉$3,000零成本賺分(頭$3,000免手續費,其後收1%)
  • 2. 繳費:交稅/政府費用/電話費(轉$3,000入戶口後)
  • 3. 線上線下付款: 線下掃QR code,線上係八達通app買野(港鐵九巴月票同增值)/網購app(e.g.HKTV Mall)揀八達通付款(轉$3,000入戶口後)

*提提大家,「八達通自動增值」依家大部分銀行信用卡都做到$250/$500,而星展銀行同富邦銀行就做到$1,000。增值額可以參考下面個信用卡積分表格,不過因為keep住會update,大家改用信用卡自動增值前最好打電話去同銀行confirm下先。優惠就去呢度睇八達通自動增值優惠比較


八達通銀包(前稱O!epay好易畀)教學快速索引(按入向下彈)

最新優惠→八達通自動增值最新登記優惠八達通銀包(前稱O!epay)轉賬/繳費交稅/線上線下付款教學(包括買港鐵九巴月票同增值)+信用卡自動增值儲現金回贈/積分/里數攻略


八達通自動增值信用卡 回贈/積分/里數列表

用「八達通銀包」儲分chok分個原理就係要由你張八達通轉錢去個銀包度,從而trigger到你張八達通嘅自動增值(負錢就增值),咁樣就變相可以有回贈/積分/里數。所以睇邊張信用卡有無積分其實只要睇本身張信用卡八達通自動增值AAVS有幾多積分/里數就可以。申請自動增值方法及表格可以睇返→八達通官方網站

-Cash: 現金回贈百分比%
-AM: 每1里 Asia Miles需要幾多$
-Max: 每次最高自動增值金額
-「-」代表無積分/里數/或未能加入信用卡
-→信用卡分析/年薪/申請網址請按下名稱←
Credit_Cards
信用卡
CashAM/$Max
渣打Simply Cash1.5%-500
渣打國泰-6500
渣打Smart0.56%-500
Citi Prestige~1%6500
Citi PremierMiles~0.7%8500
Citi Rewards-15500
Citi Cash Back1%-500
大新One+0.5%-500
DBS Eminent1%-1,000
DBS Live Fresh0.4%-1,000
DBS Compass Visa0.4%251,000
DBS Black Card-121,000
Citi 八達通0.5%-500
HSBC信用卡-25500
大新BA白金卡--500
HSBC Red0.4%25500
HSBC EveryMile0.4%12.5500
HSBC Visa0.4%25500
恒生enJoy0.5%-500
恒生Mpower0.4%-500
東亞Visa Signature0.4%-500
東亞i-Titanium0.4%-500
東亞Flyer World-8500
安信Earnmore1%
-500
AE CX Elite---
AE白金卡---
AE白金信用卡---

「八達通銀包」轉賬至銀行+儲現金回贈/里數

由「八達通銀包」轉賬至銀行,第一次轉要set up電子直接付款授權(eDDA),綁定一個你嘅戶口。「八達通銀包」會要求完成一次HK$1銀行轉賬入銀包作核實。核實過程可以連接手機mobile banking做,都方便嘅。完成核實後,就可以由銀包直接轉錢入返銀行戶口架啦。

轉賬至銀行步驟:

  • 按「轉出」>揀「銀行」>輸入密碼輸>入轉賬金額>按「轉賬」就得
  • 每月首$3,000免手續費,其後收1%

零成本chok現金回贈/里數,就係增值入「八達通銀包」然後轉返落自己個銀行戶口,每月頭$3,000免手續費。

  • 零成本賺回贈: 賺現金回贈最好用係用渣打Simply Cash或者DBS Eminent卡。Simply Cash有1.5%回贈,不過自動增值最多$500,要「嘟」6日先爆,DBS Eminent 就1%回贈,自動增值最多$1,000,「嘟」3日就得。但留意依加未有渣打卡的話就出咗渣打Smart卡先,因為份迎新會大份啲。
  • 零成本賺里數: 賺Asia Miles最好用渣打國泰卡,自動增值$500只需要「嘟」6日就用爆咗個上限($3,000/6,無成本有500里)。儲Avios最好就用Citi Prestige信用卡,如果set自動增值$500同樣只需要「嘟」6日就無成本儲到500 Avios。

「八達通銀包」繳費/交稅賺現金回贈

「八達通銀包」依家可以繳交政府費用同部分電訊公司電話費。交政府費用係用掃賬單嘅QR Code嚟做,流程同下圖交稅差唔多。交電話費,就揀返你電訊公司入返電話號碼就得。不過呢,信用卡俾八達通自動增值嘅回贈/積分好多時都無消費咁多,除左交稅,其他繳費建議用返其他電子錢包交,賺多啲回贈/積分。詳情→【信用卡繳費】攻略

「八達通銀包」繳費/交稅要注意:

  1. 邊張信用卡最多回贈/積分/里數,睇返上面八達通自動增值信用卡 回贈/積分/里數列表
  2. 銀包儲值限額係$10,000,如果你交稅個金額多過$10,000就要分幾次交,即係銀包餘額夠$10,000就交一次先,然後再啪錢入銀包再交,成個流程係一個circle。不過,係無手續費架!(最快啪夠$10,000嘅卡係DBS卡每次$1,000,DBS Eminent有1%回贈)
  3. 如果要玩埋零成本chok現金回贈/里數,就記住每月頭$3,000銀包儲值額轉左去銀行戶口先,淨低先繳費/交稅,因為每月由八達通增值落銀包嘅quota係$10,000,用曬嚟繳費/交稅就玩唔到轉賬。

八達通銀包交稅流程如下(QR code):

  • 打開App按「掃描」
  • 再掃QR code就可以輸入交幾多稅
  • 付款方式用返「八達通銀包」就得
  • 更多信用卡交稅優惠→信用卡交稅優惠2021-2022

里先生八達通銀包交稅儲現金回贈積分1


「八達通銀包」線上線下付款賺現金回贈(包括地鐵九巴月票+增值)

八達通卡係香港第一代電子支付工具,電子錢包未普及前為香港人帶來好多方便,搭車買野,一卡在手咩都做到咁。不過隨著科技發展smart phone成為我地生活必須品,手機支付慢慢已經開始取代實體卡,無論八達通卡定信用卡大家都少拎上手,而係加卡入手機用。「八達通銀包Octopus Wallet」(前稱O!epay好易畀)都可以做到線上線下消費付款啦。

線上付款有兩種方法(有圖):

  • 八達通app度買野:例如買港鐵全月通、九巴月票同幫小朋友八達通增值等等。月頭月尾買港鐵全月通唔洗再排隊,買九巴月票仲可以set提示下個月買,好爽!幫小朋友八達通增值又勁方便!
  • 網購app轉去八達通app付款:如果你想網購但唔想直接入你信用卡資料俾網站,依家都有啲大家平時會用嘅網購平台可以用「八達通銀包」俾錢,例如HKTVmall、百佳網站eShop、日本城 eShop等。用法都好方便下,付款時,也可揀用八達通銀包或者八達通卡(啪卡落手機)

MrMiles八達通銀包App買港鐵九巴月票

里先生八達通銀包App幫屋企人小朋友八達通增值

網購HKTV Mall八達通銀包付款

里先生網購百佳eShop八達通銀包付款

 

線下付款: 同其他電子錢包一樣,八達通銀包線下付款都係用掃QR Code就得。

MrMiles八達通銀包QR code付款


八達通增值至「八達通銀包」

  • 先登記八達通,之後就可以由八達通卡過錢去「八達通銀包」
  • 係「八達通銀包」主頁按「增值」,揀「八達通」>輸入增值金額,按增值,再按確定>就可以啪卡
  • 啪完卡(金額要觸發到自動增值)就可以見到「八達通銀包」有多左錢,八達通又會自動增值賺到回贈/積分

*iPhone需更新為iOS 13.3再update app先用到

八達通增值到八達通銀包app

 


「八達通銀包」上限及賬戶類別

「八達通銀包」有三種賬戶類別,如果要由「八達通銀包」賬戶轉錢返銀行就最少要有「八逹通銀包Plus」 account。

***八達通轉入「八達通銀包」每月限額改為$10,000,每年限額改為$500,000 (八達通銀包 Pro)。八達通Mastercard (前稱O! ePay Mastercard)年度消費限額改為$500,000 (八達通銀包 Pro)。

詳情→睇返八達通官方網站

八達通銀包 Lite 八達通銀包 Plus 八達通銀包Pro
儲值限額* 港幣3,000元 港幣10,000元 港幣10,000元
每日交易限額 上限為港幣3,000元 上限為港幣6,000元 上限為港幣10,000元
年度交易限額 港幣25,000元 港幣100,000元 港幣500,000元
每月從已登記八達通轉賬的限額 上限為港幣3,000元 上限為港幣6,000元 上限為港幣10,000元
每次交易可收取的「轉數快」轉賬限額 上限為港幣3,000元 上限為港幣6,000元 上限為港幣10,000元
八達通Mastercard (前稱O! ePay Mastercard)年度消費限額 港幣8,000元 港幣100,000元 港幣500,000元

登記八達通自動增值及數量上限

如上文所述,玩「八達通銀包」最關鍵在於trigger到八達通變負數而出現自動增值,正因如此,反正每日要啪卡,最好用返有$500/$1,000增值上限嘅銀行做自動增值可以快D啪完。

八達通銀包於3月1日起更新條款

  • 轉賬至銀行及FPS每月免費上限$3,000
  • 每月超出$3,000之收費為1%

有D規例要注意:

  • 一個人最多可以有6張八達通(3張自己+ 3張親友)申請自動增值(可以去MTR counter到買租用版)
  • 滙豐/中銀/恒生/建行(亞洲)/大新信用卡可以為同一名下3張八達通申請自動增值,其他銀行只可為同一名下的1張八達通做自動增值
  • 每張八達通每日只能自動增值一次

八達通銀包(前稱O!epay好易畀)教學快速索引(按入向下彈)

最新優惠→八達通自動增值最新登記優惠


八達通銀包(前稱O!epay好易畀)常見問題FAQ

八達通銀包Octopus Wallet(前稱O!epay好易畀)可以交稅嗎?

  • 答: 可以。因為每月的啪入上限為$10,000,而免費轉至銀行戶口或FPS的限額為$3,000,當中$7,000可以叫做無地方走,咁你就可以用嚟掃QR code交稅咁變相會有信用卡自動增值入嚟時已賺咗積分/里數。

八達通銀包Octopus Wallet(前稱O!epay好易畀)可以用信用卡儲現金回贈/積分/里數?

  • 答: 可以。八達通銀包Octopus Wallet經「八達通自動增值」啪錢入八達通銀包間接嚟用信用卡增值儲現金回贈/積分/里數。要好似螞蟻搬家咁一日一日咁$250, $500, $1,000…咁啪八達通嚟做充值。

登記八達通自動增值及數量上限幾多?

  • 答:如上文所述,玩八達通銀包Octopus Wallet(前稱O!epay好易畀)最關鍵在於trigger到八達通變負數而出現自動增值,正因如此,反正每日要啪卡最好用返有$500/$1,000增值上限嘅銀行做自動增值可以快D啪完。

八達通銀包Octopus Wallet(前稱O!epay好易畀)點轉賬至銀行?

  • 答:轉賬至銀行步驟:按「轉出」>揀「銀行」>輸入密碼輸>入轉賬金額>按「轉賬」就得

八達通銀包Octopus Wallet(前稱O!epay好易畀)啲錢點用呢?

  • 答: 八達通銀包Octopus Wallet餘額啲錢有幾個用處,轉入銀行戶口、繳費交稅、線上線下消費付款、P2P轉賬俾親友、同派利是。

八達通銀包Octopus Wallet(前稱O!epay好易畀)可以網購付款嗎?

  • 答:可以。網購付款有兩種方法:
    1. 八達通app度買野:例如買港鐵全月通、九巴月票同幫小朋友八達通增值等等。買月票唔洗再排隊,好爽!
    2. 網購app轉去八達通app付款:如果你想網購但唔想直接入你信用卡資料俾網站,依家都有啲大家平時會用嘅網購平台可以用「八達通銀包」俾錢,例如HKTVmall、百佳網站eShop、日本城 eShop等。用法都好方便下,付款時,也可揀用八達通銀包或者八達通卡(啪卡落手機)

📧想攞特筍offer通知就要訂閱里先生免費電子報喇MrMiles.hk/edm

你可能有興趣的文章...

175 comments

Leave a Reply