微信支付WeChat Pay HK綁定信用卡繳費/轉帳 儲積分/里數/回贈攻略 + 教學

Wechat pay 微信支付

因為依家我哋日常生活習慣一機在手就乜都做到,所以電子錢包都已經越來越普及。加上呢2年大家又過住防疫生活,少左出街,又要減少接觸實體錢,隨時大部分人手機都有多過1個電子錢包APP。而微信支付WeChat Pay HK 就係其中1個做到好多功能嘅電子錢包APP,支付、轉賬、繳費,甚至連過年派利是都可以用佢。而且,應該有部分人因為之前拎消費券優惠開左WeChat Pay HK。開左,就當然要睇下有咩方法可以持續儲積分/里數/回贈啦。所以,下面就為大家做左個微信支付WeChat Pay HK綁定信用卡繳費/轉帳 儲積分/里數/回贈攻略+教學,希望方便到大家手啦。

WeChat Pay HK回贈攻略+教學快速索引(按入向下彈)

WeChat Pay最新優惠合集→ WeChat Pay付款優惠/支援商戶(微信支付HK)


微信支付Wechat Pay HK信用卡繳費儲現金回贈/積分/里數步驟及圖解

要用WeChat Pay HK繳費嚟賺回贈,大家就記住要綁定信用卡先(要學點綁→ WeChat Pay 加入信用卡),之後就可以交中電電費/煤氣費/水費/差餉等,但無得交港燈電費。提提大家要注意手續費(適用於水電煤/差餉/繳交政府費用):

  • 水費、中電電費、差餉: 每筆(每次)交易頭HK$2,000免手續費,之後金額用中銀(香港)信用卡收1.5%,其他信用卡收2.5%。
  • 煤氣費: 免手續費,但賬單金額最多只可以交HK$2,000。
  • 電話費: 手續費不適用
  • 更新:2022年8月15日起,生活繳費服務收費更改,除電訊繳費外,所有綁定信用卡繳費(包括水電煤/差餉/稅/其他政府費用)將收取手續費,中銀Visa/Mastercard信用卡免費,銀聯信用卡收1%,其他信用卡收2%。想睇交稅攻略→信用卡交稅優惠2021-2022

所以依家Wechat Pay HK最抵應該係綁定安信EarnMORE銀聯卡有2%回贈,因為係銀聯卡,所以到2022年6月14日前交每筆多過HK$2,000嘅單多免手續費架(優惠已過)。其他卡嘅分/回贈可以睇上面微信支付WeChat Pay 信用卡 積分/里數/回贈列表。想對比埋其他電子錢包信用卡繳費儲積分,睇呢度→【信用卡繳費】攻略

好啦,睇下微信支付Wechat Pay HK繳費步驟及圖解啦:

  • 步驟: 打開WeChat→ 1.去底部「我」→ 2.「Pay」→ 3.「生活繳費」→ 4.選取要繳付嘅費用→ 5.輸入賬單資料/掃QR Code(水費/差餉)→ 6.選擇付款方式(信用卡)→ 7.入付款密碼→ 8.㩒「立即付款」就完成。俾完,仲可以去繳費記錄check返。

微信支付WeChat Pay HK信用卡繳費儲積分1

微信支付WeChat Pay HK信用卡繳費儲積分2

微信支付WeChat Pay HK信用卡繳費儲積分3

微信支付WeChat Pay HK信用卡繳費儲積分4WeChat Pay HK生活繳費收費2022年8月15日

 


微信支付WeChat Pay 信用卡 積分/里數/回贈列表

  • 信用卡分析/年薪/申請網址-㩒落去個信用卡名就去到

Credit_Cards
信用卡
CashAM
安信EarnMore2%-
Simply Cash1.5%
轉賬無
付款有
-
渣打Cathay-6
轉賬無
付款有
Citi Prestige-6
Citi PM-8
Citi Rewards-15
Citi Cash Back1%-
Citi 八達通0.5%-
DBS Black-6
DBS Eminent1%-
DBS Compass Visa0.4%-
東亞Flyer--
AE Explorer--
AE Blue Cash--
AE白金卡--
AE白金信用卡--
HSBC卡--
恒生enJoy0.5%-
恒生MPOWER0.4%-
Mox Credit--


Wechat Pay 轉帳/收款 (HK$1,000零成本chok回贈)

  • 呢部份分為收款人同埋付款人,要2個人合作先chok到分,2人互過錢互不拖欠齊齊有分
  • 付款人要先加收款人為朋友,再打開對話框架
  • 付款人按右下角的「+」,按「轉帳」咁就可以透過已登記的信用卡轉帳俾收款人,同時付款人會有信用卡積分
  • (注意!注意!注意!)你輸入完要付款金額後,會要求你輸入付款密碼,咁你就一定要睇清楚你個「當前使用」係咪你想用果張信用卡,因為Wechat Pay會default咗你用「錢包餘額」,如果你無改返做用信用卡就過完錢=白做(無人工無積分/里數)
  • 成功付款後,收款人可以於對話框架上看到款項,要click收款先會成功交易,否則24小時內會自動退回於付款人
  • **耐唔耐會出現WeChat pay交易存在風險,乜都唔洗做隔一排再試又會得,再唔得先交資料
  • (QR code收款付款圖解已加入,請參看呢部份既第2 part)

wechat pay 信用卡 轉帳wechat pay 轉帳給朋友

wechat pay 轉帳 交易存在風險

微信支付 QR code 轉帳/收款

  • 呢部份分為收款人同埋付款人,一樣要2個人合作先chok到分(QR code掃一掃收款唔同對話轉帳,上限都分開計)
  • 付款人要「掃一掃」收款人既QR code,咁就可以透過已登記的信用卡轉帳俾收款人,同時付款人會有信用卡積分
  • 步驟1: 收款人按右上角「+」→「QR code收款」→收款人的QR code就會出現
  • 步驟2: 付款人按右上角「+」→「掃描QR code」→對住收款人的QR code
  • 步驟3: 轉賬的頁面會出現,跟住以下圖解步驟做付款人就會有信用卡積分

wechat pay 微信支付 收款wechat pay 微信支付 QR code付款wechat pay 微信支付 QR code 付款 教學


Wechat Pay 轉帳至銀行(轉數快FPS/提現)

  • 必須身份認證咗先可以用
  • 初級認證每月限額$10,000,高級認證每月限額$50,000
  • 以錢包餘額轉賬*
  • 轉數快FPS(步驟): 去底部「我」→「Pay」> 1.「轉賬」→ 2.「轉賬」→ 3.可選「銀行賬戶/手機號碼/電郵地址/轉數快識別碼轉賬」,入返已登記咗轉數快電話號碼+轉賬金額> 4.㩒「立即付款」→ 5.Default用綁左嘅VISA有2.5%手續費(睇圖)→ 6.付款方式揀返「餘額」→ 7.入付款密碼 → 成功付款 yayy!
  • 實測過可即時到賬

*注意,如果用轉數快FPS,唔小心揀左信用卡做,會有手續費。銀聯信用卡:1.5%,中銀(香港)信用卡:1.5%,其他信用卡:2.5%。

微信支付WeChat Pay HK轉數快餘額直接轉賬提現到銀行3微信支付WeChat Pay HK轉數快餘額直接轉賬提現到銀行4

 

  • 提現(步驟):按底部「我的設定」→「錢包」→「餘額」→「提款」→ 揀銀行/輸入銀行戶口號碼/名字 (對清楚啊!)
  • 提款時間BOCHK會快D,2個工作天,其他銀行2-5個工作天

wechat pay 轉帳至銀行

微信支付 轉帳至銀行


WeChat Pay 信用卡chok積分/里數上限

  • 2019年5月1日起最新公告→WeChat上限
  • 5月1日起每月信用卡免手續費轉賬上限為$1,000,超出會收2.5%手續費

Wechat Pay 身份認證

  • 未認證戶口都可以將錢轉去銀行戶口,但年度交易額受限於$25,000
  • 去底部「我」→「右上角果3點」→「支付管理」→「身份認證」
  • 要打付款密碼,跟住填資料及需要upload身份證
  • 身份証用電話相機影都得
  • WeChat話一個工作天會完成認証初級帳戶

微信支付WeChat Pay HK身份認證1微信支付WeChat Pay HK身份認證2微信支付WeChat Pay HK身份認證3


微信支付加入信用卡

  • 去底部「我」→「Pay」→「銀行卡」→按入底部的「新增信用卡或銀行戶口」
  • 按「添加信用卡」,要打付款密碼,跟住填信用卡資料
  • 按「添加銀行賬戶」,要打付款密碼,跟住戶口號碼/姓名等資料

wechat pay 加入信用卡 銀行戶口


WeChat Pay HK回贈攻略+教學快速索引(按入向下彈)

WeChat Pay最新優惠合集→ WeChat Pay付款優惠/支援商戶(微信支付HK)


微信支付WeChat Pay HK綁定信用卡繳費/轉帳 儲積分/里數/回贈攻略 + 教學常見問題FAQ

微信支付Wechat Pay HK未認證用戶可以轉錢去銀行戶口嗎?

  • 答:可以,但未認證用戶年度交易額受限於HK$25,000

微信支付Wechat Pay HK可以繳費什麼日常費用?

  • 答:微信支付Wechat Pay HK可以交中電電費/煤氣費/水費/差餉/稅費/其他政府費用(可掃QR Code繳費的賬單)/指定電訊商電話費

微信支付Wechat Pay HK用信用卡繳費可以儲現金回贈/積分/里數嗎?

  • 答:根據不同信用卡有不同policy,部分銀行把透過微信支付Wechat Pay HK繳費視作消費,可以儲現金回贈/積分/里數。詳情可以參考上面WeChat Pay 信用卡積分表格

微信支付Wechat Pay HK用信用卡繳費有手續費嗎?

  • 答:水費、中電電費、差餉,每筆(每次)交易頭HK$2,000免手續費,之後金額用中銀(香港)信用卡收1.5%,其他信用卡收2.5%,銀聯信用卡,2022年6月14日或以前豁免收費。
  • 答:煤氣費, 免手續費,但只支持HK$2,000以內的賬單金額。
  • 答:稅費及其他政府繳費,中銀(香港)信用卡收1.5%,其他信用卡收2.5%,銀聯信用卡,2022年6月14日或以前豁免收費。

微信支付Wechat Pay HK可以零成本儲現金回贈/積分/里數嗎?

  • 答:可以,但需要2個人合作透過已登記的信用卡「轉帳」給對方,付款人會有信用卡積分。2人轉帳相同金額給對方就得。注意,要選用把透過微信支付Wechat Pay HK轉帳視作消費的信用卡才可以儲現金回贈/積分/里數。

📧想攞特筍offer通知就要訂閱里先生免費電子報喇MrMiles.hk/edm

你可能有興趣的文章...

300 comments

Leave a Reply