【免費入機場貴賓室信用卡】入Lounge信用卡比較:環亞機場貴賓室/Priority Pass/Centurion Lounge/航空公司貴賓侯機室+帶人攻略

信用卡比較, Avios Citibank 信用卡, Avios 美國運通信用卡, Asia Miles 美國運通信用卡, Asia Miles Citibank 信用卡, Asia Miles HSBC 信用卡

【免費入機場貴賓室信用卡】Lounge信用卡比較:環亞機場貴賓室/Priority Pass/Centurion Lounge/航空公司貴賓侯機室

想免費入機場貴賓室？用啱信用卡就得啦！入lounge其實無你想像中咁離地，事實上你識得用有得入機場貴賓侯機室嘅信用卡的話就每次出遊搭傳統航空公司又好，搭廉航都好，一樣有得免費入Lounge食飽飽先慢慢等上機，再識玩啲話可以用多張卡帶人一齊入香港環亞都得，以下有分享帶人一齊入嘅tips。要入Lounge之前先搞清楚機場主要分為三類lounge:

  1. 由私人機構獨立營運的機場貴賓室，如環亞機場貴賓室Plaza Premium Lounge
  2. 由航空公司營運的機場貴賓室，如國泰玉衡堂The Pier//玲瓏堂 The Deck
  3. American Express自家品牌Lounge，如American Express Centurion Lounge HKG

快速索引(按入向下彈)

1.私人機構獨立營運機場貴賓室

以上三類Lounge要入到去嘅要求各有不同，最平民化的要數(1)由私人機構獨立營運的機場貴賓室，香港人經常講嘅魚旦粉Lounge就係由Plaza Premium Group呢個私人機構獨立營運。而呢啲機構嘅主要收入來源就係同銀行之間有協議，當你拎住張卡免費入到Lounge嘅時候其實銀行就需要向呢啲機構付款。點解銀行要提供呢啲benefits? 好簡單就係要向你提供credit card benefits等你去申請/保留/使用佢哋出嘅信用卡。好消息係即使一啲門檻唔高而且免年費嘅信用卡同樣附帶咗入貴賓室嘅權利，以下落嚟先睇睇香港環亞貴賓室之後再同你一齊睇睇有咩信用卡入到去：

環亞機場貴賓室Plaza Premium Lounge信用卡比較

首先最普遍，可以入到/入唔到環亞機場貴賓室嘅信用卡如下。信用卡分析/年薪/年費請按入名稱睇。**以下表格可以向左右flip

CommonCards
熱門信用卡		AccessRight
直入/預約		FreeQuota
免費名額		FreeAccess
免費次數		Remark_of_the_card_usage
注意事項及用卡要求		  
AE CX Elite直入1位無限次主卡及附屬卡都可以無限次進入
AE白金卡(細頭)直入3位無限次主卡及附屬卡都可以帶2個guests
AE白金信用卡(大頭)不能入NANA大頭入唔到Lounge，細頭先入到Lounge
Citi PremierMiles直入1位每曆年12次入Lounge後的30天需要簽回$5,000，包括電子錢包增值或轉賬
Citi Rewards銀聯預約1位每曆年3次請看以下預約方法及條款
HSBC Visa Signature直入1位注意事項至2019年1月31日，需帶同HK$1,500簽賬存根(底單)
HSBC銀聯鑽石預約1位每曆年3次請看以下預約方法及條款
Wewa銀聯卡預約1位每曆年3次請看以下預約方法及條款
Earnmore銀聯卡預約1位每曆年3次請看以下預約方法及條款
建行銀聯鑽石Prestige直入1位無限次另外至2018年12月31日更可免費入Plaza Premium First
HSBC Premier不能入NANA
渣打Asia Miles不能入NANA
DBS Black不能入NANA
東亞Flyer World不能入NANA
  • (最多人用) 比較多人用嚟入Lounge而又有免年費(首年)及可以無限次無需預約拎住登機証就可以直入嘅就非AE CX Elite莫屬。呢張確實係入門嘅入Lounge卡，AE對呢張卡審批又寬鬆。
  • (次熱門) Citi PremierMiles都係好多人會用嚟入Lounge嘅卡，同樣可直入唔洗預約，當AE CX Elite免年費期間過咗要cut咗張卡就會用Citi PremierMiles代替。雖然話要事後簽返$5,000但其實用電子錢包嘅轉賬/增值都計算，入完後PayMe返$5,000就搞掂，同免費無分別。
  • (新晉) HSBC Visa Signature做緊promo拎住$1,500簽賬嘅底單同埋張卡就可以入到，詳情→Visa Signature promo。(用HSBC Premier都唔得喇入唔到)
  • (帶最多人) AE白金卡真係地上最張入Lounge卡，主卡人及附屬卡持有人都可以多帶2個guests入到環亞。可惜要俾年費，唔係個個咁識玩卡所以未必計得掂數申請呢張卡。
  • (門檻最低) 以上咁多張嚟睇，銀聯鑽石卡嘅門檻係最低但唔好處係用各銀行嘅銀聯鑽石卡要入香港Plaza Premium Lounge係需要預約而且每日只有一百個名額，都真係唔係咁容易搶到個名額可以入到。

如果Plaza Premium Lounge已經滿足唔到你，持有以上卡的話(某D要預約)再加錢的話，現時環亞有個更高級別嘅Plaza Premium First可以加錢/積分入，詳情→ Plaza Premium First

香港環亞機場貴賓室位置及附近閘口

  • (人多)Plaza Premium Lounge (Near Gate 1, After security, Terminal 1)
  • (相對少人)Plaza Premium Lounge (Near Gate 40, After security, Terminal 1)
  • (地方唔大)Plaza Premium Lounge (Arrivals, Terminal 2, in between T1 and T2)
  • (只沖涼及按摩)Plaza Premium Lounge – Shower and Relaxation (Near Gate 60, After security, Terminal 1)
  • (正Lounge但要加錢)Plaza Premium First (Near Gate 1, After security, Terminal 1)

贈送Priority Pass/ LoungeKey信用卡比較

除咗入環亞的信用卡，香港有銀行發出既信用卡其實會附送埋張叫Priority Pass嘅卡。呢張卡可以入到全球超過1,000間嘅機場貴賓室，當中環亞Plaza Premium Lounge係其實一間。所以有呢啲信用卡可以叫做都入到環亞。**以下表格可以向左右flip

With_PriorityPass/
LoungeKey		PP_OR_LKeyFreeQuota
免費名額		Free_Access
免費次數		Remark_of_the_card_usage
注意事項		  
AE CX ElitePriority Pass1位4次
AE白金卡(細頭)Priority Pass2位無限次
Citi PrestigeLounge Key1位無限次現時為Priority Pass
12月起為Lounge Key
渣打Priority BankingPriority Pass1位無限次
恒生Visa InfinitePriority Pass1位無限次
大新Visa InfinitePriority Pass1位4
HSBC Premier沒有附送NANA

以上嘅卡都係申請要求比較高/要有銀行Invitation/銀行嘅priority banking先開到。如果你有某某銀行嘅尊貴戶口可以留意下睇下自己會唔會無拎到都唔知。

(如果買Priority Pass要幾錢?)Priority Pass用75折專有連結link購買10次lounge assess或一年無限次要US$239/ US$386！計返條數啫係一年無限次的話要成HK$3,000！可以自己睇→75折Priority Pass價目（另：你可以click「尋找機場貴賓室」睇下你要去果個國家有咩lounge用）

如果想免費帶入環亞機場貴賓室可以點做？

  • 最簡單梗係拎住張AE白金卡，一張AE白金卡已經可以帶2個guests入，但留意呢張卡要$7800年費
  • 其實你有一張入環亞嘅信用卡+一張Priority Pass的話，可以你同朋友一齊入到環亞Lounge。留意按Priority Pass條款係要對持卡人名但香港環亞lounge比較寬鬆帶人ok照俾入(需要持人卡在場，唔可以就咁借張卡俾朋友但自己又唔去旅行)
  • (共2人進入例子) AE CX Elite+AE CX Elite張卡附送嘅Priority Pass而你又唔介意用一次個quota(一年得4次)，你同行一齊去旅行的話可以2個人一齊入
  • (共3人進入例子) AE CX Elite+AE CX Elite張卡附送嘅Priority Pass+Citi PremierMiles，你同行一齊去旅行的話可以3個人一齊入
  • (共4人進入例子) AE CX Elite+AE CX Elite張卡附送嘅Priority Pass+Citi PremierMiles+HSBC Visa Signature及$1,500底單，你同行一齊去旅行的話可以4個人一齊入
  • 記得以上例子所有卡/Priority Pass都係要你在場，按條款要對持卡人登機証名而且唔可以俾你個quota人地用的，職員俾你地一齊入係人情，即使唔俾你一齊入都係按規矩做野
  • (2張Priority Pass?)你可能會諗你拎住2張都係你嘅名嘅Priority Pass可唔可以一齊入環亞Lounge，答案係唔可以，我已經親身試過

銀聯預約入lounge方法

  • 預訂網址→ https://www.unionpaypremium.com.hk/loungebooking/tc
  • 以前銀聯卡要預入香港環亞Lounge好麻煩，每天quota 100個，無論你幾時要入每天都係得100個可以預約到，所以經常一踏入12點後嘅一分鐘已經被約晒
  • 現時銀聯網上預約名額設置已調整為基於使用日期，會提前30天放出貴賓室名額，以先到得形式分配。例如今天10月8日，你最遠可以訂到11月7日嘅環亞貴賓室名額
  • (Tips) 現時睇落都幾多日子俾人book晒，如果你諗住用銀聯卡入的話就記得出發前早一個月就準備好去預約

2.由航空公司營運的機場貴賓室

例子: 國泰航空商務貴賓室The Deck

國泰Business Lounge入lounge資格

  • ((留意))無任何香港發行嘅信用卡可以直接入到國泰Business Lounge嘅資格架！
  • 買或換國泰航班的First Class或Business Class (想玩lounge最簡單梗係換張台灣business啦！睇返需要幾多里→里數換機票)
  • Marco Polo Club 銀卡或以上級別會員(CX AE Elite card只免綠卡申請費，要上銀卡要搭國泰或Oneworld航班累積)
  • Oneworld 綠寶石及藍寶石會藉級別會員

3.American Express自家品牌Lounge

香港機場Amex The Centurion Lounge

Amex Centurion Lounge入lounge資格

  • AE白金卡主卡及附屬卡持有人，可以再帶多2個guests入
  • 傳說中嘅AE黑卡 (Amex Centurion Card)當然都入到
  • 係內部再有一個食叉燒飯同燕窩蛋撻嘅area要有AE黑卡先入到去食，我就無喇:(
  • 除咗呢個，AE白金卡仲可以入到其他Lounge，詳情→ Amex Global Lounge Collection

快速索引(按入向上彈)

其他信用卡優惠或里數攻略

 HSBC Apple Pay/Google Pay/Samsung Pay或感應式支付額外5%獎賞錢...
匯豐 HSBC Expedia hotel discount promo code 8折 20% o...
Citi Prestige 年費$$3,800 訂酒店4免1平日$6=1里可換多個里數計劃...
【HSBC Asia Miles Bonus 10%】滙豐信用卡「獎賞錢」轉換Asia Miles只...
AE白金信用卡(大頭credit card) 迎新簽$5,000額外4,000里 半價食美心/睇戲買...

32 comments

32 comments

Leave a Reply

Your email address will not be published. Required fields are marked *