【AlipayHK信用卡】3月1日起轉賬4%手續費 0成本賺積分/里數時代的終結 (AlipayHK綁卡消費仲有免手續費及積分回贈)

支付寶HK 信用卡 積分

【AlipayHK信用卡】3月1日起轉賬4%手續費 0成本賺積分/里數時代的終結 (AlipayHK綁卡消費仲有免手續費及積分回贈)

玩咗好幾年嘅AlipayHK轉賬賺積分要完了,先前一路減去到每月免手續上限HK$1,000後我自己都無再咁勤力玩轉賬了。其實見Ant Bank 大推自家優惠都知信用卡+AlipayHK呢個玩法都接近尾聲,現在嘅結果都係expected。

2024年3月1日起信用卡免費轉賬限額無埋,得返中銀信用卡/恒生信用卡/渣打信用卡係會有每月HK$1,000免手續費轉賬限額,我所知佢哋回贈如下:

  • 中銀:0.4%
  • 恒生:0%
  • 渣打:按條款0% or 渣打國泰卡$6/里但唔係次次有

AlipayHK轉賬玩完,但都仲會有得玩AlipayHK信用卡消費付款,交水電煤、差餉、政府費用、管理費、學費、收費電視等等呢啲日常生活費用,而且仲可以綁定信用卡賺回贈/積分/里數添架!同埋現時AlipayHK最有用既地方係去深圳或者大陸玩的話,直接大陸綁信用卡消費就可以,唔需要身上拎太多現金。同埋AlipayHK好多大陸優惠例如免費領大陸電話卡及商場優惠等。

【AlipayHK信用卡】3月1日起轉賬4%手續費 0成本賺積分/里數時代的終結 (AlipayHK綁卡消費仲有免手續費及積分回贈)

支付寶HK綁卡消費賺回贈/積分/里數攻略+教學


支付寶HK 繳費(水電煤/差餉/管理費/電話費等)賺回贈 步驟及圖解

Alipay HK 可以交到嘅生活費用算多,有水電煤、差餉、石油氣費、管理費、電話費、寬頻、指定收費電視、指定機構學費、政府賬單同指定迷你倉等等。 不過Alipay HK 更新左生活繳費賬單手續費(適用於用信用卡交水電煤、差餉、石油氣費、管理費同政府賬單),2022年1月4日起,用中銀信用卡或渣打Q Credit Card直接繳費免手續費,其他信用卡要set自動付款,否則收2.5%手續費。

另外,用Ant Bank PayLater的話可以有3個月免息分期同埋高達2%回贈!AlipayHK而家玩個叫 A. Point嘅回饋機制,而付款方法用Ant Bank PayLater更加係有2x A. Point。但留意A. Point直接扣金額係1000=$1啫係得0.1%唔太抵,但可留意下Alipay都幾多券可換,比率低至100=$1,如果用呢條數計啫係用Ant Bank PayLater交稅會有2%回贈咁就幾好,最緊要仲有得免費3個月分期留啲錢當賺息都好。

依家最抵係用建行京東卡set自動付款有4%回贈。所以建議用Alipay HK綁定建行京東卡set自動付款交中電、港燈電費,如果你哋用嘅手提電話公司/屋苑管理公司都可以set自動付款就用埋。留意京東卡4%有上限(每曆年首$14.2萬)。其他卡嘅分/回贈可以睇下面支付寶HK 信用卡 積分/里數/現金回贈列表 Alipay HK

  • 步驟1:去首頁→繳費服務
  • 步驟2: 選擇繳費類別(如首次使用,要先連給賬單)
    • 中電/港燈
>>於新分頁打開全文 “【AlipayHK信用卡】3月1日起轉賬4%手續費 0成本賺積分/里數時代的終結 (AlipayHK綁卡消費仲有免手續費及積分回贈)” » Read more

【PayMe信用卡攻略】PayMe優惠合集|吃喝玩樂樣樣齊!| chok里數積分回贈賺機票教學 | 信用卡積分比較表2024 1.5% 用滙豐信用卡增值提升至HK$3,000

PAYME-優惠-合集-必睇-購物-飲食-玩樂

PayMe優惠合集︱吃喝玩樂樣樣齊!最新必睇!PayMe依家同愈嚟愈多商戶合作,推出嘅優惠好多都超級貼地,總有一個啱你用啊!而且用法都好簡單,基本上都係簽滿指定金額,就有即時扣減折扣,或者優惠券俾你下次用!另外不時仲有快閃優惠券俾你搶啊!快啲睇吓有咩著數啦!

其他最新優惠:串流平台優惠合集麥當勞優惠合集

PayMe飲食優惠

PayMe 大家樂優惠︱詳情

  • 大家樂優惠:搶港幣4元快閃優惠券,買滿港幣40元或以上即扣減
  • 使用方法:領券後即日內到大家樂買滿指定金額,優惠券即自動扣減
  • 推廣期:2024年1月15日至3月25日逢星期一

PayMe購物優惠

PayMe HKTVmall優惠︱詳情

  • HKTVmall兩大優惠:
    • 買滿港幣400元,即減港幣40元。優惠碼:40MPAYME
    • 買滿港幣800元,即減港幣80元。優惠碼:80MPAYME
  • 使用方法:HKTVmall App結賬時輸入優惠碼,並以PayMe付款即享折扣。
  • 推廣期:2024年1月15日至3月25日逢星期一

PayMe 淘寶優惠︱詳情

  • 優惠一:消費滿人民幣218元,即減人民幣18元。優惠碼:18PAYME
  • 優惠二:消費滿人民幣318元,即減人民幣28元。優惠碼:28PAYME
  • 使用方法:結賬前輸入優惠碼,並以PayMe付款即享折扣
  • 推廣期:2024年3月4日至8日(第一日晚上8時正式開始)

官方詳情:https://bit.ly/3IpH3lT

PayMe KKday優惠︱詳情

  • 優惠一:預訂全線產品滿港幣400元或以上,即享95折優惠(最多可減港幣40元);優惠碼:PAYME5OFF
  • 優惠二:預訂海外機場接送滿港幣11元或以上,即減港幣10元;優惠碼:PAYMEAIR24
  • 優惠三:預訂全線海外半日或一日遊滿港幣1,200元或以上,即享93折優惠(最多可減港幣200元);優惠碼:PAYMETOUR24
  • 推廣期:即日至2024年12月31日
  • 使用方法:按此於指定活動網頁訂購,付款時輸入優惠碼,並以PayMe付款即享折扣。請於2025年3月1日或之前兌換你購買的產品、接送服務、半日或一日遊。

官方詳情:https://bit.ly/3OE5QWX

PayMe Zoff優惠︱詳情

  • 優惠:搶港幣150元快閃優惠券,買滿港幣1,398元或以上即扣減
  • 使用方法:領券後7日內到Zoff門市買滿港幣1,398元或以上,優惠券即自動扣減
  • 推廣期:2024年2月2日至3月8日

官方詳情:https://bit.ly/3HRrZxq

PayMe Lalamove優惠︱詳情

  • 優惠一:全新Lalamove用戶落單,即減港幣30元;優惠碼:LALAPM24
  • 優惠二:現有Lalamove用戶落單,即減港幣15元;優惠碼:
>>於新分頁打開全文 “【PayMe信用卡攻略】PayMe優惠合集|吃喝玩樂樣樣齊!| chok里數積分回贈賺機票教學 | 信用卡積分比較表2024 1.5% 用滙豐信用卡增值提升至HK$3,000” » Read more

Apple Gift Card信用卡迎新優惠合集+使用/購買/優惠一覽!用埋消費券 Apple禮品卡買iPhone攻略

apple-gift-card-Apple禮品卡

Apple Gift Card 使用/購買方法一覽!好多銀行信用卡迎新優惠都送 Apple Gift Card,Apple Gift Card 有效期為永久,立即儲定Apple Store禮品卡/ Apple Gift Card買新iPhone/AirPods/Apple Watch/MacBook啦!出咗消費券用Tap&Go攞的話就可以買到Apple禮品卡,其他唔得。

等緊買新iPhone、AirPods、Apple Watch、MacBook,但係煩惱緊出新款時又未必咁啱遇到最好嘅迎新,或者最好迎新張卡你已經有enjoy唔到?里先生話你知唔洗煩,因為依家可以儲」Apple Gift Card (Apple禮品卡),已經唔洗好似以前咁一定要用一張卡碌嚟買新Apple products啦。經里先生申請信用卡/戶口等仲會有額外Apple禮品卡送

下面就同大家拆解下點先可以拎到最多Apple Gift Card啦!Apple 忠粉必睇啊,ready好一有新products 就可以早買早享受啦!

Apple Gift Card 使用/購買/信用卡/點用/用法 快速索引(按入向下彈)


🔎 經里先生申請信用卡/開戶賺Apple Gift Card 禮品卡

渣打信用卡 優惠詳情 申請 登記
渣打國泰卡
(3月16日至31日申請)
限時必食迎新優惠,新舊客都有! 毋須簽賬額外賞高達9,000里數或HKD900 Apple Gift Card! 申請完記得填表! 申請連結 登記表格
富邦信用卡 優惠詳情 申請
>>於新分頁打開全文 “Apple Gift Card信用卡迎新優惠合集+使用/購買/優惠一覽!用埋消費券 Apple禮品卡買iPhone攻略” » Read more

【Asia Miles 換機票教學】2024新攻略由0開始教你儲飛行里數換機票!亞洲萬里通兌換免費機票攻略

【Asia Miles 換機票教學】2024新攻略由0開始教你儲飛行里數換機票!亞洲萬里通兌換免費機票攻略

【Asia Miles 換機票教學】飛行里數換機票 亞洲萬里通兌換免費機票攻略

儲里數儲里數,相信你都聽過唔少朋友話「今次旅行唔洗錢,機票係用里數換返嚟!」想快速學里數點玩睇呢篇文都啱喇!相信絕大部份香港人最先接觸嘅飛行里數計劃都係國泰嘅Asia Miles亞洲萬里通,就算平時無玩開里數嘅朋友都會聽過呢個計劃嘅名。好多朋友都想用里數換免費機票,但又唔知點樣做。所以2024年就寫咗呢篇教學,等大家一文就識得點玩里數,換到自己心水嘅機票!

以前都寫過好多篇教學講唔同既「高階玩法」又Stopover又Openjaw果啲,不過現時玩里數我覺得係回歸基本步,單程或者來回咁換就好了,再無咁多嘢諗,基本嘢運用得好換到機票去旅行你就係winner!

其他里數計劃換機票教學/有用文章:英航Avios換機票教學Qatar Avios換機票教學飛行里數信用卡比較


Asia Miles 換機票教學索引(按入向下彈)

航班需要里數清單:里數兌換表


如何儲Asia Miles 換機票?

係你換到機票之前第一件事就係要有里數,咁你點樣悚速儲里數?玩時的儲里數方法有好多,最多人用既就係用飛行里數信用卡嚟將消費變做里數,至於「邊張飛行里數信用卡最抵?」呢條問題都成日答,但可以話俾你知係無絕對正確的答案的,因為銀行都唔係傻,如果有銀行夠膽出張任何消費類別都係「最好」的信用卡而無上限咁俾你賺,咁間銀行要倒閉都似,不過我都可以推薦2張入門新手好卡俾你:

1. 渣打國泰卡

渣打同國泰既聯營卡,連張卡logo都係國泰你就知呢張卡儲里數又點可以唔擁有。最大優點係方便,當月簽賬完下個月就會有Asia Miles入落戶口。食飯及網上簽賬都有HK$4=1里數,算係咁。

>>於新分頁打開全文 “【Asia Miles 換機票教學】2024新攻略由0開始教你儲飛行里數換機票!亞洲萬里通兌換免費機票攻略” » Read more

【WeChat Pay信用卡積分比較】香港錢包vs內地錢包 微信支付繳費/轉帳 儲積分/里數/回贈攻略 + 教學

Wechat pay 微信支付

因為依家我哋日常生活習慣一機在手就乜都做到,所以電子錢包都已經越來越普及。而微信支付WeChat Pay HK 就係其中1個做到好多功能嘅電子錢包APP,支付、轉賬、繳費,甚至連過年派利是都可以用佢。而且,應該有部分人因為之前拎消費券優惠開左WeChat Pay HK。開左當然要睇下有咩方法可以持續儲積分/里數/回贈啦。所以,下面就為大家做左個微信支付WeChat Pay HK綁定信用卡繳費/轉帳 儲積分/里數/回贈攻略+教學,希望方便到大家手啦。另外2023年香港人返深圳玩既熱潮爆發,WeChat Pay係大陸又廣泛接受所以都要學下點用,以下同你比較下微信支付 WeChat Pay 香港錢包 vs 大陸錢包!

微信支付香港錢包 vs 內地錢包

WeChat內的「我」>「服務」內已經包含晒香港及大陸錢包(但要分開做身份認證),而於右上角的3點就可以選返「切換錢包地區」咁就可以改為內地錢包。

微信支付WeChat Pay HK (香港錢包)於大陸使用

WeChat Pay HK相信香港都多人有,只要有微信再認證身份就可以了。據說WeChat Pay HK可以於大陸支付的商戶無AlipayHK咁多,但我都無特別比較了,反正AlipayHK唔得我就再試用WeChat Pay HK嚟俾錢。

  • 支付貨幣:商戶收人民幣但WeChat Pay HK會以自家匯率轉換為港幣向你的餘額/ 綁定的信用卡收取港幣
  • 優點:香港人開戶及實名認証容易,有香港電話及身份証就得,而且綁信用卡支付更可以賺取信用卡積分或里數
  • 缺點:WeChat Pay綁卡支付認證後都只有每月HK$3,000的消費限額免手續費,如果超過了要收取1.5%手續費(中銀卡除外)
  • 建議信用卡:渣打國泰卡可享HK$6/里,或渣打Simply Cash信用卡可享1.5%現金回贈或安信Earnmore 2%

微信支付WeChat Pay (內地錢包)於大陸使用

WeChat Pay更新至2024最新版本後就可以綁定 Visa, Mastercard, JCB, Diners Club 及 Discover 等國際銀行卡。 所有境外人士可用護照、回鄉証、港澳居民居住証等證件開通微信支付。使用國際銀行卡交易上限為單筆消費最多6,000人民幣,每月限額為5萬人民幣,每年交易上限為6萬人民幣。用國際卡支付單筆交易大於200人民幣時,將收取3%手續費。

  • 支付貨幣:會以人民幣向你的內地錢包餘額/ 綁定的信用卡收取
  • 優點:所有大陸收WeChat Pay的商戶都收,的士司機都收
  • 缺點:WeChat Pay綁定國際信卡支付超過200人民幣要收取3%的手續費
  • 建議信用卡:參看以下人民幣簽賬Visa/Mastercard現金回贈比較,儲里數的話滙豐EveryMile卡
>>於新分頁打開全文 “【WeChat Pay信用卡積分比較】香港錢包vs內地錢包 微信支付繳費/轉帳 儲積分/里數/回贈攻略 + 教學” » Read more

【Asia Miles買賣?里數價值?】Citibank可以買Asia Miles|成本HK$0.09=1 Asia Miles

買賣asia miles 買里數

【Asia Miles買賣?里數價值?】Citibank可以買Asia Miles|成本HK$0.09=1 Asia Miles

啱啱收到Citi嘅特選郵件,Citibank對特選客戶有promotion做「Asia Miles買賣」。點解咁講?玩法同2018/2019年Citi PrestigeCiti PremierMiles信用卡持有人相似,最高可以HK$56,000購買7,200,000積分,以Citi信用卡兌換里數比率12積分=1 Asia Miles計啫係可以換到600,000 Asia Miles,計返啫係$0.093=1 Asia Miles。如果你中選決定買唔買之前,計一計你對Miles嘅價值先。

Asia Miles價值?用值與獲取價值

HK$0.09抵唔抵買?我唔敢講,每個人去value Asia Miles價值都唔同,先講Use Value (用值) 高級玩家去換First Class或是用oneworld chart換機票都可以提升到里數價值,反之如果你打算拎Asia Miles換台北Econ來回機票的話我建議你不如真金白銀去買張返嚟仲實際,再複雜啲考慮埋經濟學概念Diminishing Marginal Use Value,我越多里數係手獲取里數嘅MUV越低。

從另一角度講,Acquired Value 獲取價值,唔同信用卡/銀行product獲取里數成本都唔同,做下定期可能有$0.1=1 Asia Miles而簽卡拎里數嘅成本都係HK$0.1-HK$0.13左右,當然個局限就係無買里數咁來得直接。Asia Miles官方其實都有補錢買里數,成本大概HK$0.234=1 Asia Miles左右。

一般可以真金白銀直接「買」Asia Miles嘅途徑好少,Asia Miles係呢方面都幾嚴格執行,反之購買Avios容易好多而且經常有bonus。對於Citibank賣里數有咁嘅offer我就覺得幾好,我指嘅好唔係佢貴定平,而係俾多咗個選擇俾信用卡持有人。

里數現金回贈比較

要做里數現金回贈比較的比較關鍵在於你點去對Asia Miles估值,如果你覺得每里數值HK$0.1,你有簽HK$1=1里的機會成本就相當於10%現金回贈。

里數 vs 現金回贈

里數 vs 現金回贈

(2023年2月 Promotion) Citi PrestigeCiti PremierMiles信用卡以成本HK$0.093買1 Asia Miles

  • 適用信用卡:Citi Prestige及Citi PremierMiles信用卡特選
  • 登記網址:citibank.hk/asm1
  • 作爲特選Citi Prestige/Citi PremierMiles信用卡客戶,您可於2023年2月16日至3月31日期間,以HK$24,000付款購買2,400,000 Citi積分(相等於200,000里數)及/或以HK$56,000付款購買7,200,000 Citi積分(相等於600,000里數)

「精彩里數禮遇

>>於新分頁打開全文 “【Asia Miles買賣?里數價值?】Citibank可以買Asia Miles|成本HK$0.09=1 Asia Miles” » Read more

【Asia Miles幫朋友親人/里數換機票】入兌換名單雖Asia Miles不能轉贈但可幫朋友親人換機票

【Asia Miles幫朋友親人/里數換機票】入兌換名單雖Asia Miles不能轉贈但可幫朋友親人換機票

呢排D機票咁貴,里數又儲落咁多,唔知可唔可以用Asia Miles幫埋朋友/親友換埋機票一齊去旅行呢?答案係可以嘅!但係就有D限制同玩法要注意返,唔係到時見到有機位啱又換唔到俾屋企人/朋友,就慘了。乜嘢係Asia Miles兌換名單? Asia Miles 兌換名單中的名字就是你能夠以戶口內的Asia Miles 為他去換機票的人,國泰亞洲萬里通兌換名單原意係為了咗限制里數機票轉售(或者叫被濫用出售圖利),如果太輕易俾你轉售/幫陌生人出機票的話就無人買正價國泰機票了。

藍色果張渣打國泰卡 ($100萬戶口可跟埋果張優先理財國泰卡)每年會送果4張國泰航空商務貴賓室使用券仲可以送俾Asia Miles兌換名單內既人用架。


Asia Miles 兌換名單索引(按入向下彈)


Asia Miles 兌換名單教學

Asia Miles有無家庭帳戶?

無。Asia Miles唔似英航嘅avios咁設有家庭帳戶(Household Account),所以唔可以好似avios咁將一家人嘅miles group埋一齊一次過用。但係Asia Miles可以幫朋友/親友換機票,前提係要將佢加入到Asia Miles嘅兌換名單裡面。

點樣將親友加入Asia Miles兌換名單?(電腦版)

首先在國泰的Desktop網頁版撳登入自己的帳戶。登入後,在右上角點擊自己的名字,然後再點選「更新資料」。如果真係要用國泰手機App嚟改,再搵張有位嘅票再係confirm機票頁到撳更換兌換名單先入到。

【Asia Miles幫朋友親人/里數換機票】入兌換名單雖Asia Miles不能轉贈但可幫朋友親人換機票

點擊「更新資料」後,會進入到「你的帳戶資料」頁面。在這裡點選「同行旅伴及兌換名單」。

【Asia Miles幫朋友親人/里數換機票】入兌換名單雖Asia Miles不能轉贈但可幫朋友親人換機票

點擊「同行旅伴及兌換名單」後,點選兌換名單中的「檢視」。

【Asia Miles幫朋友親人/里數換機票】入兌換名單雖Asia Miles不能轉贈但可幫朋友親人換機票

點擊「檢視」後,會出現完整的兌換名單。如果之前曾經將親友的資料加入至名單上,這裡會顯示他們的資料;如果沒有,就會如下圖般是沒有其他人的資料的。首先注意你想幫他換機票的親友的資料是否在名單上,如果他的資料已在名單上,就毋需再將他的資料加入到兌換名單。

  • 每個Asia Miles會籍只可以免費設定5位成員至兌換名單上
  • 之後每次改動都需要收費US$50 (網上更改,其他途徑的話要US$75),而且每年度上限只可以改動3次!

所以大家要諗清楚加邊個落兌換名單到,而且記得!記得!記得!要打啱名,因為轉名都係計1次改動㗎!將親友的資料填寫到適當的空格上,在同意條款的空格上打剔,之後核對完資料無問題就可以提交。之後就搞掂㗎啦!

【Asia Miles幫朋友親人/里數換機票】入兌換名單雖Asia Miles不能轉贈但可幫朋友親人換機票

點樣將親友加入Asia Miles兌換名單?(手機版)

首先在Cathay App登入自己的賬戶,然後你會看到以下的頁面。頁面的頂端你可以看到「你好,XXX(你的名字)」和你賬戶內里數結餘。要編輯兌換名單請先按里數結餘右手邊的箭嘴。

【Asia Miles幫朋友親人/里數換機票】入兌換名單雖Asia Miles不能轉贈但可幫朋友親人換機票

按下箭嘴後你會進到以下頁面,你可以在這個頁面看到自己的名字、Asia Miles的會員號碼、里數結餘等的資料。在這裡按Asia Miles會員號碼下面的「編輯賬戶資料」。

【Asia Miles幫朋友親人/里數換機票】入兌換名單雖Asia Miles不能轉贈但可幫朋友親人換機票

按下「編輯賬戶資料」後你會進入以下頁面,你可以在這裡檢視你的個人資料,如你的名字、出生日期、電郵地址、電話號碼等。在這裡你先按「你的賬戶資料」右手邊的向下箭嘴,然後再在打開的目錄中點選「同行旅伴及兌換名單」。

【Asia Miles幫朋友親人/里數換機票】入兌換名單雖Asia Miles不能轉贈但可幫朋友親人換機票

按下「同行旅伴及兌換名單」後你會進入以下頁面,然後再按兌換名單下面的「檢視」,就會出現完整的兌換名單。如果之前曾經將親友的資料加入至名單上,這裡會顯示他們的資料;如果沒有,就會沒有其他人的資料的。

【Asia Miles幫朋友親人/里數換機票】入兌換名單雖Asia Miles不能轉贈但可幫朋友親人換機票

首先注意你想幫他換機票的親友的資料是否在名單上,如果他的資料已在名單上,就毋需再將他的資料加入到兌換名單。

  • 每個Asia Miles會籍只可以免費設定5位成員至兌換名單上
  • 之後每次改動都需要收費US$50 (網上更改,其他途徑的話要US$75),而且每年度上限只可以改動3次!

所以大家要諗清楚加邊個落兌換名單到,而且記得!記得!記得!要打啱名,因為轉名都係計1次改動㗎!將親友的資料填寫到適當的空格上,在同意條款的空格上打剔,之後核對完資料無問題就可以提交。之後就搞掂㗎啦!

渣打國泰卡商務貴賓室使用券

asia miles兌換名單 入lounge

藍色果張… >>於新分頁打開全文 “【Asia Miles幫朋友親人/里數換機票】入兌換名單雖Asia Miles不能轉贈但可幫朋友親人換機票”

» Read more

【國泰 燃油附加費】國泰1月1日起減燃油附加費!短途每程平$46!長途每程平$204!

【國泰 燃油附加費】國泰1月1日起減燃油附加費!短途每程平$46!長途每程平$204!

平時用里數換機票嚟講只係免到個「機票價格」,但係你仍然要俾錢係因為有「政府費用及稅」同埋「航空公司燃油附加費」。「政府費用及稅」好少會有變動,所以對里數換機票嘅朋友嚟講對價格最大影響嘅始終都係「航空公司燃油附加費」。呢兩樣收費對平時會搶平機票嘅朋友都有好大影響,因為你好多時明明見到航空公司話做緊$0、$1xx機票特價,但最後要俾幾百甚至成千蚊都係呢兩樣收費係到作怪。而國泰航空作為香港嘅主場航空,好多時其他航空公司都係跟國泰升跌,所以睇國泰個燃油附加費走勢基本上都可得知其他航空公司大概會係幾多。唔知燃油附加費係咩嚟同埋知道佢就嚟升/跌有咩可以做?睇埋以下文章啦!


2024年1月1日起國泰航空收取之燃油附加費

國泰官網→連結

  • 國泰個網有的難睇,總體燃油附加費如下:
  • 短途(如日本,台灣,泰國): HK$253(由2023年10月1日至12月31日為止);HK$207(由2024年1月1日起)
  • 長途(如歐洲,澳洲,美國): HK$1,127(由2023年10月1日至12月31日為止);HK$923(由2024年1月1日起)
  • 簡單嚟講即係短途平咗$46,長途平咗$204
  • 以上價格皆為由香港始發的航線,即係你張機票係來回咁買,第一程出發地喺香港就係咁收費。如果你係喺其他地方始發、或者你係單程咁換機票,就可以click返官網條link,睇下你喺由邊到出發而定。

燃油附加費係咩嚟

燃油附加費,簡稱“YQ” ,你買機票時打開個價錢breakdown可以係tax/surcharge裡面睇到。美其名為航空公司可以用YQ嚟反映油價變動而對經營成本嘅影響,由YQ反映嘅價格變動係行政處理上會方便咗,但留意YQ對消費者,特別係里數換機票嘅朋友嘅換機票成本有直接影響。香港出發航班由2016年2月起唔俾收,民航處公布2018年11月起放寬可以再收返。

燃油附加費 短途

上圖為來回東京收取之燃油附加費(短途)

燃油附加費係點樣收取?長途及短途之分別?

各航空公司會就著所有航班及票種,分為短途及長途航線向乘客徵收客運燃油附加費。價錢係以每程計算,包括小童及嬰兒票。Econ同Business收取嘅價錢會一樣,長途就會比短途貴。

  • 短途航班指指由香港出發往來香港 (HKG) 及亞洲地區之航班,包括日本,韓國,台灣,越南,中國,馬尼拉,金邊,泰國,檳城,吉隆坡,新加坡等地, 或者印尼峇厘,都會係當作短途
  • 長途航班指由香港出發往來香港 (HKG) 及西南太平洋地區、美洲、歐洲、中東、印度、非洲的航班,包括看似近啲但都當作長途嘅馬爾代夫,印度,斯里蘭卡,加德滿都
  • 如果以GCmap英哩距離計算,印尼峇厘會比加德滿都更遠,但因為燃油附加費係以區域計算所以峇厘當作短途會更加平。
  • 燃油附加費係以每航段計算,即係當你需要轉機嘅時候,就要俾2次或以上嘅附加費。

於香港買機票顯示出嚟嘅價錢已經包括咗呢個燃油附加費,收幾多係由航空公司決定的。

燃油附加費 長途 馬爾代夫

上圖為馬爾代夫之燃油附加費(長途)

燃油附加費變動對於買機票嘅人有咩影響?

如果機票價格不變,而燃油附加費直接有增加或減少,消費者當然會直接受損(當YQ要加時)或者受惠(當YQ要減時)。如果你已經睇到下月會減的話,唔急嘅話可以等下月先買機票。

但長期嚟講,因為即使有燃油附加費的升跌但消費者做買機票的決定嘅時候都係會睇total price,同時各航空公司之間面對競爭,需要割價搶客時都係成個total price嚟減,所以又未必會對買機票好大影響。最實際都係睇返航空公司有無做特價機票優惠。

燃油附加費對於用里數換機票有咩影響?

對於里數換機票嘅人嚟講,燃油附加費當有增加或減少,個影響會比較直接,因為個Fuel Surcharge會直接加落個換機票成本到。好簡單嘅道理好似如果你2月份20,000里+$207+稅費 可以換到由香港出發到日本大阪來回機票,但係你3月份知道會加價,咁20,000里+$253+稅費 就可以換得到。呢個情況你就要係2月分換咗張機票先。反之亦然,所以對玩里數嘅朋友嚟講,燃油附加費嘅影響都幾大架。

燃油附加費於更改出發時間/重新出票/退票時會點?

  1. Re-booking : 可以理解為改時間 (same itinerary, same airline),曾經飛過用過嘅票可以做re-booking,燃油附加費不會重新計算
  2. Re-issuance : 簡單啲睇,re-booking改唔到既就要用到re-issuance改,留意曾經飛過用過嘅票不可以re-issuance,燃油附加費會重新計算,所以出票時同重新出票時有變動會加/減,貴咗就補,平咗就退
  3. Refund : 成張票退返里數及稅金,留意曾經飛過用過嘅票
>>於新分頁打開全文 “【國泰 燃油附加費】國泰1月1日起減燃油附加費!短途每程平$46!長途每程平$204!” » Read more

商戶註册收款地列表 CBF | 以港幣支付海外商戶手續費CBF(唔係DCC) 點解信用卡月結單上有1%手續費?

網購信用卡手續費 海外收款註册地商戶清單(not DCC)

網購網上簽賬信用卡| 商戶註册收款地列表|留心以港幣支付海外商戶手續CBF(唔係DCC)

點解信用卡月結單上有1%手續費?可能你已經中咗CBF!

先Disclaimer咗,以下資料為里先生從公開資料及個人經驗收集,只作參考用途,一切以銀行出單為準。商戶收款註册地隨時會變,如果最後唔係下表所列之結果請唔好怪我…

RECAP 以港幣支付海外商戶: (不準確叫法為DCC) 有銀行稱為跨境港幣交易費 cross-border fee (“CBF”),有部份銀行會免收有關費用。常見於網上交易(該商戶為跨國企業,收款地為海外),用錯信用卡會被收取1%手續費或無積分。未知咩係CBF睇返→外幣簽賬/CBF/DCC篇文章所解釋的DCC,你是以港幣支付海外商戶。 所以如果你海外實地簽賬中咗DCC,香港某些銀行會補多腳收多你一次CBF約為1% (收費表)。有關的手續費會於銀行月結單以另一條交易顯示。要避免CBF最難嘅地方係網上交易時分辨出到底個商戶係唔係海外商戶,下表作參考希望幫到你!

#如有錯誤之處請糾正里先生,有新嘅商戶可以update都希望你可以係→呢張表格到留下你的發現,里先生會定期update以下表格避免下一個受害者!

跨境交易例子: Agoda

跨境交易 cross border transaction cbf交易

相信大家book酒店都用幾多Agoda,無他的,幾間大嘅OTA包括Expedia, Hotels com等幾間比較完扣埋酒店promo code 見到Agoda都係平啲咪用佢。

如果你諗住用Agoda book酒店食埋HSBC最紅冬日賞就要留意喇!攞返最紅大折日時嘅例子,上圖HK$1222.55果條交易係咪食唔到Promotion?答案:按條款的確係食唔到的,因為個註冊地係SG而用咗港幣簽賬,咁就伏咗啦,因為大折日/冬日賞條款海外簽賬(或大部份銀行海外簽賬嘅定義)都需要達到2個條件:

  1. 非港幣交易;及
  2. 海外註冊地

如果其中一個條件唔中都唔算外幣/海外交易,係單腳呢種情況叫做中咗Cross Border Transaction,係promotion角度唔中本地又唔中海外,可以叫做兩邊不是人。某啲銀行如Citi及DBS對呢啲交易唔會俾任何積分,又或有啲銀行要收1% charge (又稱CBF, cross border fee)。有一堆商戶都會係咁,常見就如Uber/ Airbnb/ iHerb,而Agoda最伏,因為無路捉同一張卡同一個網都可以出2個唔同註冊地….

商戶註册收款地列表(CBF)

海外收款註册地商戶清單(唔係DCC)

Catergory
類別
Company
機構名稱
Billing country
收款註册地
HotelsAgodaGB/HK
HotelsAirAsia GoHK
HotelsAirbnbGB
HotelsAsiatravel.comSG
HotelsBooking.comNL
HotelsCheaptickets.hkGB/HK
HotelsCtrip (Trip.com)HK/CN
HotelsDeNA TravelAU
Hotels
>>於新分頁打開全文 “商戶註册收款地列表 CBF | 以港幣支付海外商戶手續費CBF(唔係DCC) 點解信用卡月結單上有1%手續費?” » Read more

百佳易賞錢Moneyback Asia Miles互換教學 變相extend HSBC獎賞錢

Money Back app asia miles

易賞錢Asia Miles互換!去百佳去買野都儲里數

百佳積分易賞錢Moneyback App轉Asia Miles用到喇!之前Moneyback換去Asia Miles唔成功,呢加係你update左個app之後綁定Asia Miles亞洲萬里通戶口就可以選擇電子兌換(下面有圖)!雖然個比率唔算特別抵,但反正日用品都係要買,有得賺里數嘅梗係要賺埋佢啦!最緊要係成日搞D一簽兩賺活動有bonus里數用Moneyback轉入Asia Miles合符基本條件就最簡單!仲有就係透過MoneyBack,HSBC獎賞錢換Asia Miles Bonus!如果有效利用呢個機制其實用Moneyback就可以令到HSBC信用卡獎賞錢RC變相不過期!

下載易賞錢MoneyBack App

  • 自行到App Store/ Google Play下載

「易賞錢」積分兌換Asia Miles比率

用實體「易賞錢」卡消費,或在收銀處掃描Money APP內的電子會員卡 ,即可賺取「易賞錢」積分。如果唔記得帶會員卡,你試下同佢講個手機號碼(MoneyBack個網話得)。

  • 500 MoneyBack = 100 Asia Miles
  • 每月兌換上限30,000 MoneyBack = 6,000 Asia Miles
  • 最少兌換100 Asia Miles
  • 積分有效期: 2年
  • 積分會於消費日後5天內顯示

*百佳旗下超市包括百佳超級市場、FUSION、TASTE、INTERNATIONAL、GOURMET、GREAT FOOD HALL、SU-PA-DE-PA超市部

#以下情況沒有積分:購買初生嬰兒奶粉、香煙、任何換購推廣 (如需加錢換購貨品,該附加金額將獲基本積分獎賞)、八達通増值服務、塑膠購物袋環保徵費、使用禮券、電話咭、繳付電話費、使用折扣優惠券、於SU-PA-DE-Pa之百貨部修改服裝費用、搬運費用、搬運樓梯費用及安裝費用亦不獲積分獎賞。

「易賞錢」積分及「亞洲萬里通」里數兌換方法/途徑

  • MoneyBack App (Instant入落AM戶口)
  • 設於百佳/Taste等等百佳旗下超市「易賞錢」機
  • 「亞洲萬里通」網站 (暫停左…好耐)

易賞錢App換Moneyback實測 (28 Nov  2017)

moneyback asiamiles教學

moneyback asia miles

*或到易賞錢App→網頁版

易賞錢App安裝使用教學短片

登記完仲可以用黎login百佳onlineshop

「易賞錢」卡、屈臣氏會員卡和豐澤 iClub卡有何不同?

屈臣氏會員卡和豐澤 iClub卡,同屬「易賞錢」卡獎賞計劃的一部分。屈臣氏會員卡和豐澤 iClub卡的持卡人,可獲享「易賞錢」會員相同的購物禮遇。
從2017年6月開始,「易賞錢」、屈臣氏會員卡和豐澤iClub卡可以用「易賞錢」手機APP一次過管理您所有不同的「易賞錢」會員卡和積分。… >>於新分頁打開全文 “百佳易賞錢Moneyback Asia Miles互換教學 變相extend HSBC獎賞錢”

» Read more
1 2 3 6