Category: 里數攻略 知識教學

Apple Gift Card 使用/購買方法一覽！好多銀行信用卡迎新優惠都送 Apple Gift Card，Apple Gift Card 有效期為永久，立即儲定Apple Store禮品卡/ Apple Gift Card買新iPhone/AirPods/Apple Watch/MacBook啦！出咗消費券用Tap&Go攞的話就可以買到Apple禮品卡，其他唔得。

等緊買新iPhone、AirPods、Apple Watch、MacBook，但係煩惱緊出新款時又未必咁啱遇到最好嘅迎新，或者最好迎新張卡你已經有enjoy唔到？里先生話你知唔洗煩，因為依家可以「儲」Apple Gift Card (Apple禮品卡)，已經唔洗好似以前咁一定要用一張卡碌嚟買新Apple products啦。經里先生申請信用卡/戶口等仲會有額外Apple禮品卡送。

下面就同大家拆解下點先可以拎到最多Apple Gift Card啦！Apple 忠粉必睇啊，ready好一有新products 就可以早買早享受啦！

Apple Gift Card 使用/購買/信用卡/點用/用法 快速索引(按入向下彈)

• Apple Gift Card 信用卡迎新一覽
• Apple Gift Card 購買點買最抵？(+點買iPhone14)
• Apple禮品卡會點俾我
• 點用Apple Gift Card 使用方法(+有咩唔用得)
• 點查詢Apple Gift Card餘額
• Apple Gift Card購買連結：https://www.apple.com/hk-zh/shop/gift-cards

🔎 經里先生申請信用卡/開戶賺Apple Gift Card 禮品卡

恒生信用卡，限時送HK$1,000 Apple Gift Card！新舊客都有！

恒生MMPower卡：經里先生申請，簽HK$1,000送額外HK$1,000 Apple禮品卡

• 開戶優惠期：2023年6月1-11日
• 里先生開戶優惠申請網址：MrMiles.hk/mpower-apply 並於2023年6月11日23:59或之前填寫資料，記下你申請完成後版面上的申請編號 (唔見咗就去返Email到搵下，或者打返去恒生到問返個申請編號)

平時用里數換機票嚟講只係免到個「機票價格」，但係你仍然要俾錢係因為有「政府費用及稅」同埋「航空公司燃油附加費」。「政府費用及稅」好少會有變動，所以對里數換機票嘅朋友嚟講對價格最大影響嘅始終都係「航空公司燃油附加費」。呢兩樣收費對平時會搶平機票嘅朋友都有好大影響，因為你好多時明明見到航空公司話做緊$0、$1xx機票特價，但最後要俾幾百甚至成千蚊都係呢兩樣收費係到作怪。而國泰航空作為香港嘅主場航空，好多時其他航空公司都係跟國泰升跌，所以睇國泰個燃油附加費走勢基本上都可得知其他航空公司大概會係幾多。唔知燃油附加費係咩嚟同埋知道佢就嚟升/跌有咩可以做？睇埋以下文章啦！

2023年6月1日起國泰航空收取之燃油附加費

國泰官網→連結

• 國泰個網有的難睇，總體燃油附加費如下:
• 短途(如日本,台灣,泰國): HK$253(由2023年3月1日至3月31日為止)；HK$207(由2023年4月1日至5月31日為止)；HK$161(由2023年6月1日起)
• 長途(如歐洲,澳洲,美國): HK$1,127(由2023年3月1日至3月31日為止)；HK$923(由2023年4月1日至5月31日為止)；HK$719(由2023年6月1日起)
• 簡單嚟講即係短途平咗$46，長途平咗$204
• 以上價格皆為由香港始發的航線，即係你張機票係來回咁買，第一程出發地喺香港就係咁收費。如果你係喺其他地方始發、或者你係單程咁換機票，就可以click返官網條link，睇下你喺由邊到出發而定。

燃油附加費係咩嚟？

燃油附加費，簡稱“YQ” ，你買機票時打開個價錢breakdown可以係tax/surcharge裡面睇到。美其名為航空公司可以用YQ嚟反映油價變動而對經營成本嘅影響，由YQ反映嘅價格變動係行政處理上會方便咗，但留意YQ對消費者，特別係里數換機票嘅朋友嘅換機票成本有直接影響。香港出發航班由2016年2月起唔俾收，民航處公布2018年11月起放寬可以再收返。

上圖為來回東京收取之燃油附加費(短途)

燃油附加費係點樣收取？長途及短途之分別？

各航空公司會就著所有航班及票種，分為短途及長途航線向乘客徵收客運燃油附加費。價錢係以每程計算，包括小童及嬰兒票。Econ同Business收取嘅價錢會一樣，長途就會比短途貴。

• 短途航班指指由香港出發往來香港 (HKG) 及亞洲地區之航班，包括日本,韓國,台灣,越南,中國,馬尼拉,金邊,泰國,檳城,吉隆坡,新加坡等地, 或者印尼峇厘，都會係當作短途。
• 長途航班指由香港出發往來香港 (HKG) 及西南太平洋地區、美洲、歐洲、中東、印度、非洲的航班，包括看似近啲但都當作長途嘅馬爾代夫,印度,斯里蘭卡,加德滿都。
• 如果以GCmap英哩距離計算，印尼峇厘會比加德滿都更遠，但因為燃油附加費係以區域計算所以峇厘當作短途會更加平。
• 燃油附加費係以每航段計算，即係當你需要轉機嘅時候，就要俾2次或以上嘅附加費。

於香港買機票顯示出嚟嘅價錢已經包括咗呢個燃油附加費，收幾多係由航空公司決定的。

上圖為馬爾代夫之燃油附加費(長途)

燃油附加費變動對於買機票嘅人有咩影響？

如果機票價格不變，而燃油附加費直接有增加或減少，消費者當然會直接受損(當YQ要加時)或者受惠(當YQ要減時)。如果你已經睇到下月會減的話，唔急嘅話可以等下月先買機票。

但長期嚟講，因為即使有燃油附加費的升跌但消費者做買機票的決定嘅時候都係會睇total price，同時各航空公司之間面對競爭，需要割價搶客時都係成個total price嚟減，所以又未必會對買機票好大影響。最實際都係睇返航空公司有無做特價機票優惠。

燃油附加費對於用里數換機票有咩影響？

對於里數換機票嘅人嚟講，燃油附加費當有增加或減少，個影響會比較直接，因為個Fuel Surcharge會直接加落個換機票成本到。好簡單嘅道理好似如果你2月份20,000里+$207+稅費 可以換到由香港出發到日本大阪來回機票，但係你3月份知道會加價，咁20,000里+$253+稅費 就可以換得到。呢個情況你就要係2月分換咗張機票先。反之亦然，所以對玩里數嘅朋友嚟講，燃油附加費嘅影響都幾大架。

燃油附加費於更改出發時間/重新出票/退票時會點？

1. Re-booking : 可以理解為改時間 (same itinerary, same airline)，曾經飛過用過嘅票可以做re-booking，燃油附加費不會重新計算
2. Re-issuance : 簡單啲睇，re-booking改唔到既就要用到re-issuance改，留意曾經飛過用過嘅票不可以re-issuance，燃油附加費會重新計算，所以出票時同重新出票時有變動會加/減，貴咗就補，平咗就退
3. Refund : 成張票退返里數及稅金，留意曾經飛過用過嘅票

有follow開里先生Facebook嘅都知我一見到Asia Miles有放位就會通知大家換飛，等大家可以用自己儲嘅里數換張機票出嚟開開心心去旅行。但好多時明明自己換/買咗張國泰Business Class商務艙機票，坐低先發現自己個位同平時見到人哋可以瞓低嘅位嘅時候，都咪話唔掃興。而里先生出嘅放位post入面，都有唔少讀者問起呢家嘅機係咪都係「假J」嚟㗎。答呢個問題需要有充足國泰分配各機型嘅資料，咁我又唔係機型expert，我答唔到係咪一定假J嚟，咁我就教咗位讀者點去自行識別係真J定假J，有意換/買Business Class嘅話大家都可以重溫下：

國泰Business Class點解叫J？

航空系統的慣用語有分為Business Class, Economy Class我諗大家都知，除咗Class以外每張票仲有樣嘢叫Sub-class子艙位*，而full fare Business Class就叫「J」而full fare Economy就叫「Y」。

*Sub-class係用作分辨不同票價等級，啫係有啲Econ係包咗免費改，有啲就要俾錢先有得改，兩者嘅sub-class係唔同嘅。

國泰Business Class點解有分真J，假J？

唔好諗咸濕嘢先，真J假J呢個俗語嘅出現係因為國泰Business Class或其他航空公司都好，並不是每程航班都會使用同樣機型，而不同機型又有不同的坐位配置。作為香港人用有奇妙而快捷的廣東話俚語，就出現咗呢個簡稱出嚟。真J假J又真係比長J短J大J小J嚟得更傳神，真係要講返句I am proud to speak Cantonese

– 真J：泛指能180度平躺的座位配置，國泰的真J為反魚骨型設計，座位配置為側邊一個座椅，中間通常係兩個位，同一行通常係1-2-1咁排列，座位的形狀有如兩根倒過來的魚骨而得名。特性為隱私性高、可180度躺平、獨立走道。

以下為示意圖：

– 假J：泛指非180度平躺的座位配置。同樣的票價，無得躺平又少咗私人空間，正路應該都無咁開心嘅，有得揀大家都唔prefer假J。中間通常係三個位，同一行通常係2-3-2咁排列。

以下為示意圖：

如何分辨國泰Business Class真J假J？

熟識機型配置的話就睇個機型大概都估到用咩座位配置，如果唔熟都有方法。就里數換機票而言，換國泰Business Class嘅話係包咗優先揀位的，咁只要揀咗航班入晒資料後，於確認付款前係有得揀位，咁你就可以睇到你係咪換緊真J。個座位表通常係會咁show出嚟：

如果係為咗真J而飛，你都可以去國泰官網到「扮買」Business Class，咁你可以當日個target flight到底係咪飛緊真J呢～～

不過咁，就算你換果陣係真J但呢點都係唔保証，因為航空公司係可以隨時改機型的。

仲有個方法都可以係呢個網到參考下當日會坐咩機：https://www.seatguru.com

真J假J解釋係咁多，希望大家學到，明我講乜，最緊要大家玩得開心，能夠安排到嘅都希望大家可以有高質啲嘅旅遊體驗。