【中銀香港航空Visa卡】免費入港航Lounge!簽賬低至$3=1 FWC積分+迎新享22,000FWC積分換台北來回機票

中銀香港航空visa

中銀香港航空Visa卡|免費入港航Lounge!簽賬低至$3=1 FWC積分+迎新享22,000FWC積分換台北來回機票

中國銀行同香港航空乘聯手推出co-brand信用卡!簽賬迎新高達22,000 FWC積分。就咁睇個日常兌換比率都唔錯,Visa Signature海外簽賬或網上簽賬低至$3=1FWC積分。今次中銀香港航空出嘅呢款卡分咗Visa Platinum同Visa Signature,如果Platinum白金卡就係紅色,Visa Signature就銀色為主調。張卡嘅設計都幾新穎,卡中間用上透明機窗設計表達出飛行信用卡嘅概念。除咗顔色方面今次呢張中銀Visa Platinum同Visa Signature嘅權益及兌換比率上都有明顯分別,有心玩Hong Kong Airlines嘅FWC積分計劃就留意喇!下面再一一分解。

小小野留意返,香港航空嘅里數計劃唔用「里數」表達而係用Fortune Wings Club(「FWC」)積分表達,我都跟返佢個官方寫法用FWC積分表達啦!其實本身中銀一向俾人感覺成熟少少,好少令我自己聯想旅行信用卡同中銀關係(無錯我呢個老餅都有中銀卡超過10年lol),而呢張卡嘅出現我覺得係中銀開始重視年輕人market嘅起步點,我自己都相當支持多啲銀行可以加入里數信用卡嘅市場,總會為我們的用家帶來益處吧!


中銀香港航空Visa卡分析三步曲(按入向下彈)


中銀香港航空Visa信用卡迎新及年費

  • 2019年12月31日前申請
  • 過去12個月內沒有任何中銀信用卡(呢點都幾難…我覺得中銀有心推卡應該跟DBS Eminent咁舊客有個細迎新啦…wuwuwu,我本身有中銀卡迎新我就無份喇)

中銀港航卡有兩種簽賬迎新+網上申請額外迎新+定存迎新

簽賬迎新

  • (留意)當中必須包括最少三筆手機支付交易,於兩個月內:
  • HK$13,000有13,000 FWC積分或
  • HK$8,000有8,000 FWC積分

網上申請迎新

  • 開卡就有2,000 FWC積分
  • 記得網上申請,去分行申請會少咗呢部份嘅welcome offer

額外7,000FWC積分迎新簽賬

  • (留意)當中必須包括最少三筆手機支付交易
  • 簽賬首兩個月累積簽賬滿HK$20,000或以上
  • 即享額外7,000FWC積分

中銀香港航空Visa信用卡迎新里數到手時間及轉換收費

  • 自動轉換去香港航空FWC戶口,手續費全免
  • 簽賬迎新FWC積分會於簽夠數後既16至18個星期內誌入
  • 網上申請迎新2,000 FWC積分就6至8個星期內誌入

中銀香港航空Visa信用卡年費

  • 寫到明豁免首兩年年費
  • 其後每年Visa Signature HK$2,000
  • Visa白金卡 HK$1,600
  • 過咗兩年之後我都唔知打電話去免唔免到,因為我手上嘅其他中銀卡都係永久免年費haha,如果有師兄師姐免過嘅話可指點下我

中銀港航信用卡迎新認可簽賬

  • 本地簽賬/網上交易
  • 外幣簽賬(包括網上及其他消費)
  • 已誌賬之分期金額
  • 現金透支

中銀港航Visa卡迎新非認可之簽賬

  • 網上繳費交易(ebanking繳費)
  • 八達通自動增值服務
  • 未誌賬的分期付款
boc hka official application

官網網上申請額外2,000積分連結→MrMiles.hk/boc-hka-apply

>>於新分頁打開全文 “【中銀香港航空Visa卡】免費入港航Lounge!簽賬低至$3=1 FWC積分+迎新享22,000FWC積分換台北來回機票” » 按入查看更多...

建行 (亞洲) 香港航空Fly Away 信用卡 FWC 50% off 半價兌換指定航點

【限時!!】建行 (亞洲) 香港航空Fly Away 信用卡 FWC 50% off 半價兌換指定航點

耐唔耐都見到啲折扣里數兌換特定航點優惠,今次到香港航空出手喇!今次建行Fly Away信用卡持有人可以半價兌換航點都係幾熱門既地方,包括台北/鹿兒島/札幌/馬累(馬爾代夫)/溫哥華都有半價兌換優惠!最值得兌換既航點我就覺得係直航來回北海道札幌Econ 19,000積分!Business都係29,000積分!你兌換Econ都唔緊要,因為拎住建行香港航空Fly Away信用卡就可以同你同行屋企人/朋友入香港航空個新lounge「遨堂」一年有5次入lounge既quota,只要你搭香港航空就入得啦!兌換返嚟既機票都入到架!留意今次既兌換要係5月31日或之前完成,最遠既回程日期係2019年6月30日,要兌換都快啲計劃喇!

香港航空Fly Away 信用卡 FWC 50% 折扣兌換詳情

  • 適用對象:CCB(Asia) X 香港航空Fly Away信用卡主卡會員
  • 兌換日期:2019年5月1日至5月31日(香港時間)

適用航點及所需兌換積分(見下圖):台北/鹿兒島/札幌/馬累(馬爾代夫)/溫哥華香港航空_fwc積分_半價機票

出發日期:

  • 2019年5月2日至2019年6月30日(香港時間)
  • 折扣兌換活動所兌換的獎勵機票不可更改航程、日期、退款或轉讓

Fly Away信用卡半價兌換方法

  • 網上兌換→兌換機票頁面
  • 打電話: +852 3916 3666 (香港及海外地區)
  • 帶同香港航空Fly Away信用卡到香港航空觀塘票務處兌換

建行 香港航空Fly Away信用卡 迎新/優點/里數撮要

  • 迎新優惠: 發卡後首2個月結單時段內累積合資格簽賬滿$9,000有22,000 Fortune Wings Club(「FWC」)積分
  • 適用於新客: 過去6個月內未持任何CCB(Asia)所發出之主卡
  • 申請日期: 2019年12月31日前申請
  • 合資格交易: 已入賬之交易方計算入簽賬要求內。不包括收費、任何被取消或被退款之交易及以手機過數應用程式轉賬或付款之交易

存入日期: FWC積分將自動於閣下符合簽賬要求後1個月內
申請網址→ http://www.asia.ccb.com/hongkong_tc/personal/credit_cards/fly_away_credit_card.html

建行 香港航空Fly Away信用卡 優點及基本積分

  • (正!)搭香港航空航班,Fly Away信用卡會員及同行親友可每年5次免費享用香港航空機場貴賓室「紫荊堂」及「遨堂」
  • 可以用商務櫃位Priority check-in
  • 本地簽賬:$6=1 FWC積分
  • 網上簽賬:$2=1 FWC積分**
  • 港航電話/門市購票: $4=1 FWC積分
  • 海外簽賬:$4=1 FWC積分
  • 八達通自動增值:$6=1 FWC積分
  • 兌換FWC積分手續費:免
>>於新分頁打開全文 “建行 (亞洲) 香港航空Fly Away 信用卡 FWC 50% off 半價兌換指定航點” » 按入查看更多...