Category: Asia Miles 建行信用卡

CCB Eye Card 建行信用卡迎新及基本積分 主力網購/超市/PayMe Asia Miles $3=1里

信用卡迎新, Asia Miles 亞洲萬里通, Asia Miles 建行信用卡

建行eye

CCB Eye Card 網購/超市/PayMe信用卡迎新及基本積分

CCB建行亞洲算係中資銀行入面最進取做Asia Miles飛行里數嘅銀行，而且呢張CCB Eye Card做到網上購物，Visa Paywave付款或”chok” PayMe積分計返有成$3=1里！ 正正有呢個優點，呢張係儲Asia Miles卡嘅組合信用卡之一！ 就現時所知為止PayMe仲有$3=1里Asia Miles！(里先生打過電話問客服話PayMe無積分但實測過係仍然有架！！下面有實測圖)(PayMe點玩可以睇返→PayMe攻略)不過小心，佢一年簽$75,000網上購物，PayMe或Visa Paywave就爆架喇，爆左就唔好用佢因為會變返做$15=1里。不過呢張卡衰在轉里數有手續費…！同埋現時申請再無迎新。

建行CCB Eye信用卡分析三步曲

CCB Eye建行信用卡迎新/年薪/年費

CCB Eye建行信用卡迎新$150現金劵及$500現金回贈條件

  • 6個月內並未持有任何建行（亞洲）信用卡
  • $150現金劵網上申請成功批卡就會寄俾你，無需任何簽賬
  • $500現金回贈需於首3個月結單時段內Eye Card及建行八達通卡總簽賬金額各$4,000(合共$8,000及一次八達通自動增值)

CCB Eye 建行信用卡年薪要求及年費

100 comments

PayMe 積分 信用卡chok里數回贈教學(積分黨?) 無成本每年一張CX台灣來回 (+PayMe信用卡積分比較表2018)

里數攻略 知識教學, 信用卡比較, Avios BA Executive Club, Avios 大新信用卡, Asia Miles 亞洲萬里通, Asia Miles 建行信用卡

payme 積分 信用卡

PayMe 積分 信用卡chok里數回贈 快至9個月換到CX台灣來回機票 電子錢包 2018 PayMe積分信用卡一表睇晒 齊齊 Pay me 積分黨?

PayMe信用卡chok積分里數回贈logic: 「信用卡→PayMe戶口→任何銀行戶口→信用卡」就係咁簡單，信用卡增值至PayMe係當作日常簽賬有積分而唔係現金透支，完全無需手續費利息

可能你會擔心PayMe chok積分會俾HSBC ban，但我反而覺得呢個係HSBC嘅策略要多D人用佢個PayMe App(以下小結下再解釋)，點都好跟時代進步學咗無壞，正常使用PayMe月頭增值月尾用唔晒先轉賬去自己銀行戶口其實好安全。越來越多人PayMe P2P電子錢包過數，除左方便日常生活食飯AA收錢之餘仲可以用PayMe 儲信用卡積分(無成本！無錯就係Pay me, pay myself)換飛行里數或現金回贈。報紙標籤咗做「積分黨」，我就覺得係銀行拎嚟吸引人用佢張信用卡多D喇，善用payme儲分是合法的。未識PayMe點用呢篇文章就快速話你知！

成個玩法係每月一次禁幾個制用爆增值上限$5,000 Top-up(真係禁幾個制，以下有圖解！→橙色框)你用啱信用卡「chok」夠9個月PayMe Asia Miles就換到張CX台灣機票去掃街喇！唔去台灣？去日本嘆和牛都無問題！用Citi PremierMiles「chok」payme都計迎新，或者Citi Cash Back 都係可以payme食迎新賺$1,420！點解叫無成本？因為電子錢包PayMe轉賬可以隨時過返錢去你個銀行戶口而又無手續費架！以下為你一一拆解點樣用Payme chok積分，善用信用卡及PayMe年年有張免費機票去台灣(一年去一次旅行唞啖氣唔係好過份啫…)！係解釋點玩之前首先睇以下常用里數信用卡積分表格，裡邊包埋要chok PayMe增值幾多個月先有一張CX台灣來回！如果想睇點轉換PayMe信用卡請到→PayMe轉換信用卡圖解

除咗PayMe，Wechat Pay同支付寶HK都可以無成本chok里數，如果PayMe已經再滿足唔到你就快D玩呢其他電子錢包啦！

355 comments , , , ,

信用卡交稅 | 2018交稅優惠合集+薪俸稅延遲交稅你要識

信用卡比較, 信用卡優惠, Avios Citibank 信用卡, Avios 大新信用卡, Avios HSBC 信用卡, 現金回贈信用卡, Asia Miles 渣打信用卡, Asia Miles Citibank 信用卡, Asia Miles HSBC 信用卡, Asia Miles 東亞信用卡, Asia Miles 建行信用卡, Asia Miles 中銀信用卡

信用卡交稅2018

信用卡交稅優惠合集 薪俸稅延遲交稅攻略 2017 2018年度適用

想交少D稅？可惜因為你已經報咗稅，教你點樣用多D扣稅項目呢加教你已經太遲，現時可以做嘅只係利用信用卡交稅優惠或有限度延遲交稅減輕痛楚！2017出嘅薪俸稅稅單salaries tax都有2個deadlines，分別係2018年頭同4月，如果唔係睇完優惠都唔好傻更更咁早走去咁早交蝕利息啊！留返D錢嚟抽新股好過啦！其實呢加每間銀用信用卡條款都寫到明交稅係無積分回贈或里數，但每到交稅季節各家銀行都會相繼出唔同交稅優惠，暫時就HSBC、渣打、建行、恒生、大新、中銀、Citibank、交通、東亞、中信、華僑永亨、工銀、創興 13間銀行出咗(DBS信用卡一向進取，估唔到仲未出…)，以下會由優惠/回贈/里數優惠程度等你一次睇晒用咩信用卡交稅優惠最多，你嘅策略應該係check咗問咗中唔中HSBC/SCB特選先，唔中先考慮其他(其實未到死線都仲可以等下有無其他銀行出，里先生會持續update呢篇文章，你like實里先生Facebook隨時有update！) 另外，里先生是一位執葉會計師，雖然多數做audit工作但都有少少稅務知識，以下可以同大家分享下如果你符合特定條件下其實可以延遲暫繳稅(2017/2018預估果part)，係最後部份解釋。

2017/2018信用卡交稅優惠排名(按鍵向下彈索引)

  1. HSBC信用卡交稅一 (限特選客戶)
  2. 渣打Visa卡交稅(限特選客戶)
  3. 建行信用卡交稅(12月15日已完)
  4. HSBC信用卡交稅二 (限特選客戶)
  5. 恒生信用卡交稅(12月28日已完)
  6. 工銀信用卡交稅
  7. 渣打信用卡交稅
  8. 大新信用卡交稅(1月31日已完)
  9. 東亞信用卡交稅(12月29日已完)
  10. 交通銀行信用卡交稅(12月31日已完)
  11. Citi信用卡交稅(登記已完，先前有登記可以用Citi交)
  12. 中銀信用卡交稅(12月31日已完)
  13. 華僑永亨信用卡交稅(12月31日已完)
  14. 中信信用卡交稅(特選)…里先生都係聽，需簽大額回$200，無其他資料
  15. 創興信用卡交稅(得幾百名額-已完，網頁都無埋)

仲想睇其他銀行最新交稅update就睇實里先生Facebook賺盡回贈啦！

里先生 MrMiles.hk – 里數攻略 信用卡酒店旅遊優惠情報

HSBC匯豐銀行用信用卡 交稅$60,000 高至1,200獎賞錢或18,000里(特選)

11 comments , , , , , ,

CCB 建行 Apple Pay 加卡送$20！再加10%現金回贈！

信用卡優惠, Asia Miles 建行信用卡

ccb 建行信用卡 apple pay

CCB 建行 Apple Pay優惠玩法

$20加卡至Apple Pay送錢優惠

  • 由2018年1月16日至2018年3月31日
  • 限首18,000張主卡(附屬卡無份)
  • 無需簽賬 CCB建行信用卡加入Apple Pay就有份
  • 條款寫「每卡」，理論上每張加入Apple Pay的建行卡都有回贈
  • 回贈於2018年6月30日前存入
  • *現時只有Visa/Master可以加入，申請Eye Card時迫你申請果張銀聯無份

CCB Apple Pay簽賬滿$300回贈$30 (10%)

  • 日子/數量同上
  • 2018年3月31日透過Apple Pay每完成滿$300之單一交易，可享HK$30現金回贈
  • 每卡上限可以玩8次，共$240現金回贈
  • 已實測！用Eye Card Apple Pay會當作PayWave交易同樣有5倍分($3=1里)

Apple Pay加卡教學短片(建行都一樣咁加)

仲未有CCB Eye Card? 快D睇下里先生介紹既CCB Eye啦！Chok →按入睇全文…

4 comments

CCB建行信用卡 百佳Parknshop門市買野$400 多送$50現金券(88折)

信用卡優惠, Asia Miles 建行信用卡

ccb parknshop promo

CCB建行信用卡 百佳Parknshop門市買野$400 多送$50現金券(88折)

先前介紹百佳onlineshop個77折好多讀者都反映$1,111太難簽唔夠親民，里先生就再睇下有無其他alternative信用卡超市買野有得減，幫到大家錫住荷包賺里數。睇睇下原來建行信用卡百佳Parknshop門市買野夠$400都有$50現金券送！計返都有成88折！有睇里先生CCB Eye信用卡分析嘅里友應該知道CCB Eye card用Paywave俾錢(百佳有得Paywave)同chok PayMe都有$3=1里，配合埋今次建行信用卡百佳優惠真係有so，都應該係近期至荀超市deal！提完你記得去百佳買野唔好簽錯信用卡喇！

CCB建行信用卡 百佳Parknshop門市賺物優惠詳情

  • 由即日至2017年12月31日
  • 單一淨額門市簽賬滿$400+易賞錢卡，額外$50現金券(無Moneyback只有$40現金券，未有可呢加申請→申請方法)
  • 包括百佳超級市場、FUSION、TASTE、INTERNATIONAL、GOURMET、GREAT FOOD HALL、SU-PA-DE-PA (只限超市部)、百佳冷凍食品、便利佳或TASTY STREET之香港分店

CCB建行信用卡 百佳Parknshop優惠需注意條款

  • 現金券有效期至2018年1月31日
  • 每日只可獲贈HKD40或HKD50現金券一次
  • 單一淨額簽賬為已扣減於購物時使用任何禮券或其他折扣後之最後應付金額。香港政府徵收的膠袋環保徵費並不計算入簽賬淨額。繳費賬項、購買禮券、香煙、初生嬰兒奶粉、電話卡/ 儲值卡的交易、八達通卡增值、網上/ 電話/ 傳真訂購之簽賬將不會計算為單一淨額簽賬。

Source: 官網條款

Leave a comment ,

建行信用卡 X 百佳 買$1,111減$261 加送$50禮品包及$1.1買檸茶可樂

信用卡優惠, Asia Miles 建行信用卡

parknshop ccb promotion

【網購優惠】 CCB建行信用卡 X 百佳網店買$1,111減$261加送$50禮品包及$1.1買檸茶

到咗雙十一到到都有網購優惠不過就真係shopping嘅野都唔係特別啱我，但里先生琴晚收到MoneyBack廣告話百佳乜乜乜減$300就俾佢吸引咗過去(因為屋企D啤酒飲晒要補返D貨:P )。睇返詳情原來係嚟緊兩日去百佳網站到買夠$1,111減$111，配合埋CCB建行信用卡優惠滿$800減$150，啫係買$1,111減$261(計返啫係77折)再送$50禮品包+$1.1買檸茶/可樂。好似幾唔錯，配合埋CCB Eye Card 網購$3=1里，反正啤酒紅酒都係要飲又唔洗搬得咁辛苦，今晚就玩下百佳網購！呢加個promotion未開實測唔到，以下quote返上次介紹HSBC百佳88折個實測圖教學俾大家參考下。

建行 X 百佳網購77折詳情

  • 活動日期: 11月10日12:00am至11月11號11:59pm
  • $111現金折扣 – 百佳網店單一簽賬滿$1,111(入coupon code PNS-1111)
  • $150建行回贈 – 滿$800(即買即減！)
  • 加總以上，買$1,111慳$261(未計禮品包及$1.1產品)
  • $50禮品包 – 單一簽賬滿$1,111送
  • $1.1選購檸檬茶可樂(睇圖估架咋，佢到時無就去告佢違反商品說明條例啦:P )
  • 夠$800免運費
  • 傳送→百佳網店連結

*可以用MoneyBack account login百佳網店→ 安裝易賞錢App教學

百佳網上購物商店即減例子

如果有太多野要買，特別係要入貨買D啤酒氣水嘅時候真係唔係好想搬咁重…百佳網店onlineshop呢加滿$800會免費送貨，可以試下用。不過里先生覺得好好笑係平時行超市唔點睇價錢，呢加用佢online shop可能D野太清楚，反而會睇價錢精明左haha…根據上次HSBC經驗小小技巧話你知，要俾錢時入左信用卡資料(今次入建行信用卡啊！)先會見到折扣！可以參考下圖

hsbc online parknshop demo

襯佢呢加有promotion今晚網購！百佳online shop→百佳網店連結

2 comments