里先生 Mr. Miles | 里數攻略 | 信用卡酒店旅遊優惠情報
分享如何利用信用卡積分里遊世界，拆解信用卡魔鬼條款！
英航啱啱搞個活動賣大包半價來回London啊！有儲開Avios應該知道淡季BA來活倫敦只需要39,000 Avios，呢加有限時活動再減半添啊！！！19,500 Avios換英國！今次搵咗條route星期五晚放工出發，回程星期六到達玩足8日，仲要係坐A380！！！要換快手喇，可能轉頭就無喇！
仲未識用英航網搵機票？快D睇返里先生Avios基本攻略啦！Asia Miles玩家都適用架！
首先話俾大家知英航BA啱啱做緊賣Bonus Avios活動有50% bonus！如果唔係好夠Avios又趕住出飛要去旅行嘅里友可以考慮下嘅！要留係戶口一年半載先用就唔建議了，任何里數計劃都有貶值風險，今日唔知聽日事。買咗返嚟用唔著又係浪費。
里先生有介紹過比較Asia Miles vs Avios特性 要購買Avios成本相對會低D，里先生就想藉住今次買Avios bonus解釋一下點樣活用Avios買分，同埋Avios加現金嘅玩法點樣可以用最低成本買到國泰嘅business機票(全現金支付或稱”Avios假換票“)。有圖解，唔算好複雜，想玩Avios或者鐘意坐business嘅可以睇睇啱唔啱你。如果未有Avios account，可以睇返Avios教學開返個先，再賺一次Avios就可以參加今次嘅50% bonus活動。
係比較Asia Miles vs Avios特性到都有寫出黎，首先大家要了解到
價錢差好遠啊大哥！如果你無做足功課睇下里先生走去直接買咁就俾人呃左都唔知喇！未明唔緊要，可以睇返2017年圖解，點樣活用買Avios同埋個cash+avios offer用最低成本買到CX機票。
【3月20日更新 追回500 Avios方法】IHG洲際酒店集團(啫係InterContinental同Holiday Inn母公司)，經指定連結登記註册入會成為IHG新會員送你500 BA Avios啊！如果你仲記得上次介紹果個送500 IB Avios，今次基本上一樣，不過今次就直頭送我地成日講果個英國航空BA Executive club Avios！500 Avios唔係話多，但對於未開始玩Avios的朋友們總是沒有機會參加相對抵玩嘅50%Avios買分活動實在有點可惜。因為Avios買分嘅先決條件係你必需有一次賺Avios的紀錄(官網條款→“Purchase Avios”#6)，從Avios信用卡又好，從Avios shop購物都好。今次就教你零成本Avios註册IHG酒店會藉再賺果DD分達到可以買Avios分嘅條件。以下一步步話你知要點先做到免費拎500 BA Avios！決定玩唔玩Avios前可以睇返→比較Avios Asia Miles特性/優缺
Citibank既PremierMiles信用卡, Citi Prestige同埋Ultima Card, 兌換Avios都有額外30%又再出現喇！ 其實都估到Citibank會keep住做Avios bonus架喇，不過無諗過做得咁密，今年第三次啦！！！里先生年頭啱啱先換完，邊有咁快儲到咁多Citi積分啊…不過里先生感覺係Citibank想推自己係換Avios Banking，始終玩Asia Miles迎新都唔係好夠渣打黎，所以咪轉一轉個市場定位做Avios必備信用卡囉！ 點都好，銀行鬥得你死我活既時候又係我地呢D小小消費者有著數既時候，先前錯過左30% bonus今次就唔好錯過喇！里先生特別寫咗篇計埋30% bonus後個迎新/基本兌換比率嘅文章，有興趣就睇埋啦！→Citi PremierMiles計及30%兌換Avios bonus分析
如果唔夠分食唔到呢個bonus唔洗灰心，Citi呢加開戶口有資本，轉SI都有Avios賺！→Citi出糧戶口/SI賺Avios攻略
首先話俾大家知英航BA啱啱做緊賣Bonus Avios活動至23:59 BST Friday 17 November 2017 (香港時間星期六早上7:59)，今次做50% bonus算係官方賣分最抵嘅offer (用US$，買得多做到$0.14=1 Avios，仲理想過先前搞一大輪先入到手嘅SPG，唔知SPG買分係咩唔洗理，要買就用今次個offer就ok)！有睇里數兌換表應該知道Avios 換日本機票 Econ只需20,000 Business 40,000，配合埋先前都有教過大家活用購買Avios同Cash+Avios特性，今次就唔再詳細解釋，呢次重點係俾里數換機票情報用Avios 換日本機票，一條龍服務(in exchange for like 🙂 ) 搵埋12月飛日本機票靚時間俾你唔洗$5,000(未連稅)有張CX business來回。(今次錯過咗嘅朋友唔洗灰心，BA賣Avios經常有，like實里先生Facebook就下次實唔會錯過！)
買Avios原理一樣，最抵嘅做法係直接購買最少嘅Avios，再用Cash+Avios offer補錢獲得最多里數[上篇所講嘅多用(b)少用(a)] 。用最低成本買到國泰嘅business機票(全現金支付或稱”Avios假換票“)。鐘意坐business嘅可以睇睇啱唔啱你。
嘩！先前都有為大家報道過oneworld其中一個成員Airberlin正式宣佈破產，28 Oct 2017就會停飛，咁樣其他歐洲航空公司都開始抽水，想接收Airberlin嘅飛行常客。今次英國航空就出招新人入會送4,500！係咪諗緊…正！叫晒全家入會用晒household account 6個家庭成員名額拎里數先！朋友，咁你高興得太早喇…這些機會不是屬於你的，也不是屬於我的…因為今次個offer只係做比德國居民架咋！講到明Airberlin收工摺埋嘛，所以香港人順利成章梗係無份啦….除非…(touch wood). 算啦…你都係小小地玩返里先生先前介紹果個IHG新會員入會送500 Avios算啦…T^T
→詳情網址
有無嚟緊個國慶長假期或者下季已經訂左機票去英國嘅朋友？啱啱見到個British Airway賺Avios啱晒你！Bicester Village同英航為長期合作伙伴，由現在起至12月31日去Bicester Village shopping你有電郵登記到就會有VIP折扣卡，免費穿梭巴士兼shopping可以賺到Avios！買多2個Prada包包或者2對Jimmy Choo可能已經夠Avios換多張off-peak 來往London機票:P (如果你仲記得Avios off-peak LHR 39,000 Avios咋！唔記得就睇返→里數兌換表)。如果未去過就一定要去…果到真係好大同埋好好行好好買，配合埋今次呢個promotion真係點忍手啊…
HSBC Avios Bonus，Premier信用卡持有人將獎賞錢(“RC”)兌換Avios額外bonus又黎喇！係2016年年底既時候錯過左既話呢加呢加又有機會！記得係2017年9月30日前登記所需要兌換既RC，咁就會從原先既兌換率1RC = 15 Avios 自動升level變為1RC = 20.25 Avios喇！換句說話講，登記左最紅網上及海外簽賬獎賞又中晒最紅自主獎賞5倍類別簽賬既話，用Visa Signature卡既海外簽賬可以做到HK$0.88 = 1 Avios(你無睇錯，真係！)，就算唔中自選類別或者無登記過任何野，VS Card都做到HK$3.08 = 1 Avios，真係跑贏其他儲Avios信用卡幾條街啊…有HSBC Premier WorldMaster 呢張富貴卡既你…真係唔好錯過喇！