【實測】申請信用卡對信貸評級TU有何影響?結果真係估唔到…查詢同批出信用額影響大不同
我哋知道即使遲咗還信用卡卡數而銀行又提交咗俾TU的話,有關遲還信用卡紀錄亦會保留5年,對信貸評分(TU)會造成負面影響(如銀行立即file record到TU)。但從另一放面睇,申請信用卡對信貸評級對TU又有何影響?大家都鐘意食信用卡迎新,今次得登實測嚟睇睇。後續仲有:申請私人貸款對信貸評級TU有何影響?查TU扣幾多分 / 環聯Dark Web暗網監測服務
先前好多朋友都問呢個問題「申請信用卡對TU有無影響?」先睇睇個fact及重溫上回 ( mrmiles.hk/tu-full-report/ )
- 4月19日我TU分3427,B grade
- 4月21日申請咗個$20萬銀行私貸的查詢,減咗75分,3352,C Grade
- 4月27日申請咗張Citi The Club信用卡,因為本身係Citi舊客,銀行無check TU
- 4月27日仲申請咗張恒生白金銀聯卡,都係恒生舊客但有check TU
- 4月29日再睇TU分數不變,3352,C Grade
申請1張信用卡對信貸評級TU影響分析:
「申請信用卡對TU有無影響?」呢個問題唔係好準確,個問題如果改為申請信用卡,銀行查詢TU(hard checking) 對TU有幾多影響?咁問會好啲
因為TU分2部份:
- 查詢會影響一次
- 批出信用額又會影響一次(可以係正面)
但以我呢個實測嚟睇,申請1張卡查詢TU係對TU無影響。同時多張我覺得先會大啲影響。
至於第二部份個影響就係批出的信貸額,見以下。
除咗查詢TU,批出信用卡對TU有影響?
長遠有,先前有提過「信貸使用率」係TU重要評分指標,谷大個分母減低使用率對長遠TU有幫助 (付費信貸報告文章 )
所以,有多幾張信用卡嚟講,只要有借有還,長遠對TU可以係有幫助的。
咁一次過申請好多張信用卡對TU影響呢?
自己覺得1個月申請唔過3張卡都唔影響TU好多(斷估嚟),參考返TU入面個信貸評級計算機,如果我呢加申請3張信用卡$10萬limit,我個TU分會跌3分,可作參考,cap圖見下。
點解申請信用卡同為舊客,Citi無查TU,恒生有查?
因為Citi卡share limit ,恒生卡係獨立limit。Citi無需批出新的信用額給我,所以2者會有差別。
… >>於新分頁打開全文 “【實測】申請信用卡對信貸評級TU有何影響?結果真係估唔到…查詢同批出信用額影響大不同” » Read more