里先生 Mr. Miles | 里數攻略 | 信用卡酒店旅遊優惠情報

繳費儲積分最要謹守嘅「天條」就係可以用電子錢包綁定信用卡繳費或接受親身以信用卡繳費就用咗先，唔接受先用網上銀行繳費(當然要銀行接受該機構同埋搵張有積分信用卡)

要知點樣交費最著數首先要搞清楚「繳費」Bill payment有好多種唔同方法而唔係單單指「網上銀行eBanking繳費」，方法包括: 自動轉賬繳費、親身繳費、到服務公司的網站/App繳費、PPS繳費、7-11繳費、郵局繳費、電子錢包綁信用卡(支付寶HK/WeChat Pay HK/雲閃付/八達通App錢包)繳費，Citi PayAll交租…再多嘅方法都仲有但想繳費同時有回贈就要經過你張信用卡包括信用卡交租/ 信用卡交保險 / 信用卡交年金 (暫時信用卡交稅都有方法有回贈)，基本上都可以搵到卡係有返些少回贈。7-11繳費、郵局繳費都唔洗諗，你親身去交都只接受現金。而繳費儲積分最要謹守嘅「天條」就係可以用電子錢包綁定信用卡或接受親身以信用卡繳費就用咗先，唔接受先用網上銀行繳費(當然要銀行接受該機構同埋搵張有積分信用卡)。以下先列出常用需繳費機構的交費方法，再列表顯示唔同繳費方法用咩信用卡有幾$幾里或回贈。

現時最佳繳費方法及信用卡

簡單嚟講要交費賺得多的話最好手持有：

• 建行京東信用卡(綁Alipay用)
• 安信EarMORE銀聯卡(綁WeChat pay/雲閃付用)
• HSBC EveryMile (無得綁卡時焗用ebanking交費)

想免費入機場貴賓室？用啱信用卡就得啦！入lounge其實無你想像中咁離地，事實上你識得用有得入機場貴賓侯機室嘅信用卡的話就每次出遊搭傳統航空公司又好，搭廉航都好，一樣有得免費入Lounge食飽飽先慢慢等上機仲可以儲埋Arrture積分！

AE Explorer Card就提供咗每曆年合共8次可以免費入機場lounge嘅機會俾每位持卡人，個quota就可以同附屬卡持有人一齊share添！換言之自己開張AE Explorer Card主卡，再幫另一半同仔女(需要16歲或以上)開張附屬卡，就可以一家人都入到lounge啦！

去到機場發現時間太趕？又或者同行親友入唔到lounge又想食啲嘢？啱啱返到香港想食少少嘢先返屋企？咁機場外賣就啱曬你了。AE Explorer Card除咗一年可以入8次lounge之外，呢8次機會都可以用嚟喺機場到攞外賣食㗎！而家AE Explorer Card喺香港有2間合作餐廳可以免費攞外賣。一間係疫情前有提供外賣服務，位於機場接機大堂嗰層(5/F)B翼嘅Root 98，另一間就位於機場接機大堂嗰層(5/F)A翼嘅Lee Fa Yuen Express。

除此之外，如果你張卡本身入到Gate 1嗰個Plaza Premium Lounge，佢哋都有個service叫做「Lounge to go」，即係唔入Lounge到食嘢而選擇拎外賣走。AE Explorer Card本身就入到Plaza Premium Lounge，所以都可以享受呢個service。

里先生都集合咗唔少讀者常見嘅問題喺下文，幫你清concept之餘，等你更容易明白點樣利用AE Explorer Card嘅玩法嚟同屋企人朋友係起飛前都可以喺機場lounge食飽再出發！

其他免費入機場貴賓室信用卡：免費入機場貴賓室信用卡、免費機場外賣攻略

AE Explorer lounge貴賓室 常見問題

AE Explorer 可以入邊啲lounge貴賓室？

憑AE Explorer可以免費入全球Plaza Premium Lounge貴賓候機室，其中香港機場共有3個Plaza Premium Lounge貴賓候機室，分別喺Gate 1 附近、Gate 35 附近、Gate 60 附近。另外呢8次機會都可以用嚟喺機場到攞外賣食，其中香港有2間合作餐廳可以免費攞外賣，一間係疫情前有提供外賣服務，位於機場接機大堂嗰層(5/F)B翼嘅Root 98，另一間就位於機場接機大堂嗰層(5/F)A翼嘅Lee Fa Yuen Express。

AE Explorer 可以免費入幾多次lounge貴賓室？

憑AE Explorer每曆年可以免費入8次貴賓候機室，主卡及附屬卡次數一齊計算

入AE Explorer lounge貴賓室使唔使登記？

國泰機票半價？！識買國泰機票有機會可慳成一半！教你自製機票優惠～日本泰國熱門航點都用到！唔計廉航嘅話，唔少人飛個陣都會選擇搭國泰，航班時間唔錯又多選擇，坐商務／頭等又可以入lounge，但近年機票都唔平，如果講緊旺季去日本大阪／東京嘅話，一張機票上萬都唔奇，想買日本泰國平機票嘅話，就一定要睇埋落去啦～如果用渣打國泰萬事達卡訂機票仲可以賺埋回贈，咁就可以慳上加慳啦～

國泰機票平機票︱自製優惠機票方法

國泰機票平機票︱更改出發地✈️

玩法好簡單，其實就係將出發地由香港變做其他地方（以下例子為廣洲），咁樣就可以chok到平機票，以下例子用呢個方法搵來回東京嘅機票，結果甚至係平半價有多！

當然就咁睇機票的確係平咗好多，但你要考慮嘅嘢係：1）額外飛行時間、2）額外來回機場時間、3）額外來回機場交通費，以下有講埋去廣洲較方便嘅兩個出發點嘅交通時間同費用，大家可以參考吓～

香港來回東京為HK$9,987起

廣洲白雲機場來回東京為CNY3,387起。廣洲白雲機場(CAN)算係比較方便嘅出發地，由香港去廣洲白雲機場大概要3個鐘，花費HK$300-400左右。

琶洲港澳客運口岸來回東京為CNY2,312起。由香港去琶洲港澳客運口岸大概要1個半鐘，花費HK$250左右。國泰係會包埋船票俾你由廣洲返香港，再由香港去東京。

國泰機票平機票︱Multi-city✌🏻

用例子嚟講會比較易明：你想先去曼谷玩，返香港後過多排，再去東京玩

首先你要先自行買香港去曼谷嘅單程機票，再另外去買Multi-city嘅機票：曼谷＞香港，香港＞東京，東京＞曼谷（於香港轉機，可直接於香港航段離開）

用呢個方法搵3個航段嘅機票，價錢同就咁香港來回東京嘅機票相若，咁又可以慳返啲啦～

香港來回東京機票為HK$6,552

以Multi-city玩法，買3個航段，價錢為HK$6,431

國泰機票平機票︱常見問題

點先可以買到國泰日本泰國平機票？

• 主要其實都係更改出發點同玩Multi-city，詳情睇返內文啦～

邊啲航點適合用呢啲方法？

• 基本上香港人鐘意去嘅熱門航點，例如日本泰國等都用到，最好就自己再試吓㩒啦～