八達通自動增值信用卡優惠比較表 2019+八達通自家送$150 +HSBC登記八達通自動增值送$50
八達通自動增值優惠比較 2019 +八達通公司送$150 + HSBC登記八達通自動增值送$50
聚沙成塔，儲里數賺回贈又點少得你同我都日日會用到嘅八達通嘟一嘟啊！
啱啱八達通又有做登記優惠喇！如果你張八達通仲未登記自動增值嘅話今次介紹嘅優惠就啱晒你！Octopus八達通公司罕有有優惠俾新登記八達通信用卡自動增值(Automatic Add Value Service – AAVS)用戶有現金回贈！一般都係銀行出錢回贈，今次係八達通公司自家回贈啊，啫係話無論你用邊張卡登記都賺到回贈。睇條款寫「合資格八達通」指任何於2019年3月31日或以前從未備有自動增值之有效八達通卡或產品！要玩記得登記夠$500自動增值拎夠$150回贈啦！
而滙豐啱啱做緊優惠至2020年1月31日用HSBC信用卡登記八達通自動增值送$50俾你！當然啦…怕麻煩就唔好轉嚟轉去，里先生都鐘意日常只用一張信用卡八達通自動增值，夠集中唔洗煩，所以今次介紹優惠玩法之餘，一次過做埋個表俾大家睇下邊張信用卡儲到最多Asia Miles/Avios！
八達通積分/優惠快速索引(按入向下彈)
八達通自動增值AAVS信用卡儲Asia Miles/Avios/現金回贈要選得啱！
你用緊邊張信用卡自動增值？如果你用緊嘅無$6=1里數/Avios或者1.5%現金回贈嘅話我建議你都係俾$20轉一轉啦。睇下面2019八達通里數回贈比較表邊張啱你！選完之後再去八達通官網分類嘅銀行清單check check點申請啦！唔係張張卡都有$500增值的，睇清楚先好申請啊！
八達通自動增值里數回贈比較表
-AM: 每1里 Asia Miles需要幾多$-AV: 每1里 Avios需要幾多$
-Cash: 現金回贈百分比%
-Max: 每次最高自動增值金額
-「-」代表無積分/里數/或未能加入信用卡
-→信用卡分析/年薪/申請網址請按下名稱←
| Credit_Cards 信用卡 | AM/$ | Avios/$ | Cash | Max |
|---|---|---|---|---|
| 安信Earnmore | - | - | 2% | 500 |
| 渣打Asia Miles | 6 | - | - | 500 |
| 渣打Simply Cash | - | - | 1.5% | 500 |
| Citi Prestige | 6 | 6 | - | 500 |
| Citi PremierMiles | 8 | 8 | - | 500 |
| Citi Rewards | 15 | 15 | - | 500 |
| Citi Cash Back | - | - | 1% | 500 |
| 大新One+ | - | - | 1% | 500 |
| DBS Eminent | - | - | 1% | 250 |
| Citi Clear | - | - | 0.4% | 500 |
| Citi 八達通 | - | - | 0.5% | 500 |
| DBS Black Card | 12 | 12 | - | 250 |
| CCB Eye Card | 15 | - | - | 500 |
| HSBC信用卡 | 25 | 17 | - | 500 |
| 大新BA白金卡 | - | 6 | - | 500 |
| 恒生enJoy | - | - | 0.5% | 500 |
| 恒生Mpower | - | - | 0.4% | 500 |
| 東亞Visa Signature | - | - | 0.4% | 500 |
| 東亞i-Titanium | - | - | 0.4% | 500 |
| 東亞Flyer World | 8 | - | - | 500 |
| AE CX Elite | - | - | - | - |
| AE白金卡 | - | - | - | - |
| AE白金信用卡 | - | - | - | - |
八達通公司送$150詳情及條件(至2019年6月)
留意今次要攞回贈就一定要係電話裝埋八達通個”八達通App Oepay“，因為玩法一部份話自動增值完要去個”八達通App O!epay“到領取獎品，所以大家留意啊，同以下HSBC個玩法有少少唔同，八達通公司唔會直接俾果$150回贈你，而係你要去download佢個app再係App內拎，你用iPhone或Android機都唔緊要因為八達通App有P2P可以FPS返啲錢去自己戶口。
步驟及回贈金額
- 去各家銀行不同途徑申請自動增值→八達通官網分類嘅銀行清單
- 6月30日前透過八達通登記網頁登記
- 7月31日前啟動自動增值功能
- 7月31日前成功完成最少一次自動增值交易
- 記得你的八達通於2019年3月31日或以前未備有自動增值功能先有份
- 收到O!ePay App推送通知及短訊SMS通知你可以領取回贈 (7月15至7月19日/9月2至9月6可領取)
- Download八達通App O!epay，領取回贈→領取方法
- $50回贈 – 自動增值金額為$150或$250
- $150回贈 – 自動增值金額為$500
活動→官方網址
推廣條款及細則→PDF
HSBC信用卡登記八達通自動增值送$50詳情及條件
- 2019年1月13日前從未與任何滙豐信用卡成功設有八達通自動增值服務
- 2020年1月31日前以滙豐信用卡申請AAVS→申請表格及電話
- 2020年2月29日前完成一次自動增值
- 2020年2月29日前打去HSBC(Tel: 8228 2220)登記張滙豐信用卡及八達通號碼
- 最多幫多3個親友申請AAVS係你張卡過數都有得拎
- 未有HSBC信用卡? 今期welcome offer好正而舊客都有→ HSBC信用卡分析
HSBC信用卡登記八達通自動增值送$50需注意條款
- 收到回贈日期視乎申請日期，詳情睇返promotion page
- 首次申請自動增值服務，將無須繳付任何費用
- 轉換扣賬銀行或重新啟動自動增值功能的申請則須收取每張八達通港幣$20的手續費
- 若於批核自動增值日期後的18個月內為用以申請自動增值服務之合資格八達通取消該服務，HSBC會收返回贈！
HSBC AAVS promotion條款細則→官網連結
Iphone八達通App→Download
Android八達通App→Download
推廣網址→官網連結
領取獎賞→官網介紹
如果想整八達通自動增值係咪一定要整oepay?
唔係，你可以只要八達通自動增值唔玩oepay
兩樣野嚟
你好，請問同一張八達通可唔可以登記係兩個唔同O! ePay賬戶度做轉賬?
我無咁玩喎 唔識答你
你好
我想問係咪要收到短訊通知先拎到達150回贈 因為到今日我都未收到通知
個八達通apps入面都冇可以拎150蚊既訊息
THX!!!
係收到先有
你先前有無拎過呢個$150？
1. 退還八達通、要吾要cancel AAVS or cancel automatically?
2. 東亞白金卡四大銭包邊個有分? WeChat Pay, Alipay, Payme and Olepay!
1. 唔識，我估會自動取消
2. 只有oepay, 但有上限。唔建議用東亞玩
之前特登買左幾張新既八達通去申請自動增值，并且有登記埋個 promotion，但收唔到msg 送$150。會唔會真係計每人，而唔係每張卡？
有可能
但反正都要用嚟oepay,又無蝕既
我想問我用兩張信用卡玩
主八達通x2
親友八達通x4
玩到6張八達通
咁玩可以嗎？
我無咁玩 教唔到你
我想請問citi cash back card 有主卡人同親友卡申請自動增值。咁樣嘅話我1張信用卡係咪可以玩到1張以上的八達通？？
是
想問下Earnmore 可以登記幾多張八達通
同駛唔駛附屬卡持有人？thx
每人每金融機構一張
我知道每人每金融機構一張
但EARNMORE唔可以登記親友既八達通??
可唔可以本人一張+兩名親友各一張??
可以
請問我張八達通申請左自動增值500蚊之後再啟動自動增值，然後再登記個150元回贈，個次序調轉左，咁樣得唔得
補充。我張八達通是今年6月打後先首次啟動增值
唔知
Hi,我做曬o epay要求，但並沒有收到$150獎賞，請問會是什麼原因？
收短訊通知你可以領取回贈 (8月16至10月31日可領取)
八達通公司送$150一定要Oe pay app 領取嗎?
我用iPhone 無讀寫器就無得領取?
你用oepay app唔洗讀卡器可轉賬至銀行
想問一下下里先生安信earnmore是否wewa銀聯卡？因為見有回贈2％
Earnmore不是叫wewa
但係安信earnmore 襟入去條link 係wewa ?
謝謝提醒 已改回earnmore 網頁
“5. 收短訊通知你可以領取回贈 (8月16至10月31日可領取)”
應該幾時收到sms?
8月中
您好，里先生/
唔知我有冇理解，每人最多三張八達通申請自動增值服務
即是本人可以同時間不同銀行開三張八達通申請自動增值卡，
登記三個好易畀服務戶口對嗎?
謝謝!
是，可到三間銀行為你的八達通自動增值
登記一個好易俾戶口就可以
請問如只登記一個好易俾戶口，我有三張八達通在三問銀行自動增值，但只有一張信用卡玩到好易俾服務，請問是嗎? 謝謝。
唔係
三張可啪落同一oepay戶口
謝謝
如果我已經有3張八達通自動增值，可否取消其中一張，再買張新嘅八達通申請自動增值？
同埋如果取消其中一張八達通，會唔會影響到剩返果兩張八達通？謝謝！
Suppose得
唔sure, 未試過咁玩
想問用ICBC星座卡做八達通自動增值於6月3日後有沒有1.5%回贈?
只要八達通自動增值一有我覺得就有(利申：我無呢張卡，唔係咁熟）
同埋我見到每人最多自己3張八達通同3張親友八達通，咁我幫左親友自動增值，個親友係咪得番2張八達通可以做自動增值？
我無試但我覺得係
如果我之前已經有自動增值八達通，我再去地鐵站買張新然後申請自動增值，係咪都以每張卡計有$150？有無限每人唔可以超過幾多張？
按條款係，每張都賺到$150
每人3張，分別於3間銀行
咦，但我之前打過去問八達通個邊既客服，佢話一個人最多拎一次…
睇條款無寫過@[email protected] 佢係寫八達通
11. 你只可於推廣期內獲推廣優惠禮品一次。
其實「你」張八達通可以係家人名
八達通公司送$150一定要Oe pay app 領取?
iPhone 無讀寫器就無得領取?
定可以去八達通服務站領取?
Thanks.
你oepay可以領完過去銀行戶口架
Thanks.
另外現在HSBC 網頁只有50元簽賬回贈?
係 改咗 得返$50
can I use 2 new octopus card to enjoy
八達通自動增值優惠 for 2 times ?
or only one times per person ?
thank you
From my understanding it is counted as per card, so you can do so
請問係咪用匯豐信用卡做八達通自動增值都冇現金回贈或積分計算？即只有第一次登記$50獎賞？
HSBC 信用卡平時自動增值都有啊不過唔算好抵，因為計返得0.4%回贈
想問我最主要消費經八達通及Payme，請問邊張卡最抵用(如回贈或積分)?
渣打simply cash 1.5%