東亞銀行 Flyer World Mastercard 平日簽賬$5=1里！PayMe $8＝1里
東亞銀行BEA Flyer World Mastercard 平日簽賬$5=1里 PayMe $8＝1里
(2020年1月22日更新: 4月1日起自動轉賬只有$8=1里) 東亞銀行Flyer World Mastercard日常本地簽賬做到$5=1里算唔錯，抵過出面大部份卡要6蚊1里，但差過渣打Asia Miles信用卡嘅食飯/網上簽賬$4=1里！市面上另一張AE白金信用卡可以做到同樣$5=1里但果張卡就要俾年費$2,200同埋每年$5=1里有上限。所以咁樣比嘅話呢張Flyer World係唔錯。年薪要求24萬同大部份Miles信用卡睇齊。當唔係食飯簽賬，又無特選優惠嘅時候就用東亞銀行Flyer World Mastercard啦！不過感覺上東亞唔多想promo呢張卡，呢加連迎新都cut埋！
條款更新(PDF第二部份)，以下再解釋影響:
東亞銀行 Flyer World Mastercard 分析索引(按入向下彈)
- 第一部份: BEA Flyer World年薪/迎新/年費解說
- 第二部份: BEA Flyer World優點缺點及基本資料
- 第三部份: BEA Flyer World魔鬼細節
東亞銀行 Flyer World Mastercard信用卡年薪/年費
東亞銀行 Flyer World Mastercard簽$9,000嘅1,800里基本簽賬得分
- $5 = 1里，$9,000有1,800里(14,400 BEA積分)
- 9,000 BEA積分會於當月月結存入(東亞叫呢D做1X基本獎分)，5,400 BEA積分會於下月之8日至15日存入(東亞叫呢D做0.6X額外獎分)
東亞銀行 Flyer World Mastercard年薪要求及年費
- 年薪$240,000 (平均月入$20,000)
- 寫到明豁免首年年費
- 其後每年$1,800，如果有東亞銀行戶口可以永久免年費
直入→申請連結
東亞銀行 Flyer World Mastercard優點缺點及基本資料
東亞銀行 Flyer World Mastercard優點
- 本地簽賬$5 = 1里，如果唔想keep咁多卡只用一張所有日常簽賬$5=1里已近乎最好
- 積分可以儲五年
- 兌換里數免手續費
- 有時有旅遊或Festival promotion e.g. 東亞i-Planner/ 節日賞
- 寫到明有東亞戶口就免年費，怕唔記得打電話去hotline就被收年費朋友嚟講東亞寫到明感覺係幾secure
東亞銀行 Flyer World Mastercard缺點
- 海外簽賬都係$5 = 1里
- 超級市場，百貨公司，旅行社(包括Agoda/Hotels.com等)都係得 $8 = 1里
- 新條款實施後自動轉賬得$8 = 1里，好多信用卡繳費方法都好過呢個比率
- 於非香港登記之商戶以港幣交易金額及DCC都有1%收費
- 無東亞戶口唔waive年費，打完電話都唔waive
東亞銀行 Flyer World Mastercard基本資料
由2020年4月1日起新條款實施後
- 超級市場: $8 = 1里
- 百貨公司: $8 = 1里
- 旅行社(包括Agoda/Hotels.com等): $8 = 1里
- 自動轉賬: $8 = 1里
- 政府部門簽賬交易$8 = 1里
- 自動轉賬繳款: $8 = 1里 (其他→交水電煤信用卡)
其他未有改動比率
- 其他本地簽賬: $5 = 1里
- 網上購物: $5 = 1里
- 海外簽賬: $5 = 1里
- 八達通自動增值: $8 = 1里 (每曆月上限$10,000有積分)
- ebanking網上繳費: 無
- PayMe: $8 = 1里
東亞銀行 Flyer World Mastercard積分入賬時間，Asia Miles轉換時間及費用
- BEA基本積分會於當月月結存入(東亞叫呢D做1X基本獎分)
- BEA額外積分會於下月之8日至15日存入(東亞叫呢D做0.6X額外獎分 – 所有$5=1里嘅交易都係咁
- 兌換Asia Miles免手續費，每次最少兌5,000里
- BEA Flyer World Mastercard積分有效期為五年
- 官方承諾積分轉換至AM戶口7個工作天內直接存入 (→信用卡積分轉里數實際時間約6天)
東亞銀行 Flyer World Mastercard其他優惠
- MCL/UA睇戲全年八折
- 東亞卡經常有信用卡優先認購演唱會門票
- 東亞做海外簽賬，目標簽賬嘅回贈做得密同埋容易達到，配合埋$5 = 1里都幾多情況下做到$1 = 1或以下(e.g. 東亞i-Planner/父親節/母親節/節日賞/簽滿幾百蚊都有額外里數)
直入→申請連結
東亞銀行 Flyer World Mastercard迎新魔鬼條款細則TnC
注意！由於以下字太多嘅關係可能令閣下情緒不安。其實上面所寫嘅已經係簡化左嘅條款，以下可以作參考或日後翻查嘅條款及細則(節錄自銀行官方網站):
認可簽賬及一般條款及細則
每張主卡及任何有關附屬卡會被視為1個合資格賬戶以計算簽賬及額外獎分。不同合資格賬戶所作之簽賬不得轉讓/合併。Source: 銀行官網連結
一般合資格簽賬及BEA飛行里數獎賞
持卡人憑東亞銀行信用卡簽賬每HK$1，可獲1獎分（以每項獨立交易金額調低至整數計算，角及分不包括在內）。所有簽賬以記賬日期為準。每個主卡賬戶及任何相關附屬卡賬戶將會被視為1個合資格賬戶。以下簽賬將不獲發獎分：
a) 現金透支；
b) 結單分期供款、「好用錢」金額、結餘轉賬金額、及轉賬金額；
c) 購買及/或充值儲值卡或電子錢包 (PayMe/八達通自動增值服務除外)(里生註: 啫係PayMe有積分)
d) 透過電子網絡銀行服務包括互聯網、電話、自動櫃員機及流動電話渠道進行之指定網上繳款（包括但不限於銀行及信用卡服務、信貸財務、證券、稅務、教育及保險）。由2018年5月1日起，透過電子網絡銀行服務包括互聯網、電話、自動櫃員機及流動電話渠道進行之所有繳款，將不獲獎分；
e) 賭博交易；
f) 財務費用、過期罰款、年費及其他費用及收費；
g) 信用卡交易已被誌賬但隨後全數或部分被取消、還原或退回（包括購物退稅）
持卡人憑東亞銀行信用卡於指定商戶作免息分期計劃簽賬每HK$1，合資格信用卡賬戶於交易誌賬時可獲1獎分。獎分會根據信用卡免息分期計劃簽賬的類別，以一筆整數或分期存入有關信用卡賬戶。
若持卡人之東亞銀行信用卡賬戶結餘超出原定的信用額，則本行保留最終權利決定是否就持卡人之任何簽賬金額給予獎分。
由2018年5月1日起，政府部門及八達通自動增值服務之信用卡簽賬交易所獲發獎分於每曆月將設有上限為10,000獎分。簽賬交易類別將完全由本行酌情決定及根據Visa國際組織/Mastercard Asia/Pacific (Hong Kong) Limited/JCB International Co., Ltd./銀聯國際之商戶編號釐定。Source: 銀行官網連結
BEA飛行里數獎賞1.6X 獎分已包括基本 1X 獎分。Source: 銀行官網連結
東亞銀行 Flyer World Mastercard分析索引(按入向上彈)
- 第一部份: BEA Flyer World迎新/年薪/年費解說
- 第二部份: BEA Flyer World優點缺點及基本資料
- 第三部份: BEA Flyer World魔鬼細節
相關文章:
【HSBC Premier信用卡】資格 條件高信用卡 新/舊客迎新高達$800獎賞錢！ 滙豐卓越理財申請難度同Avios優惠度成正比！
【安信Wewa信用卡】本地/海外簽賬享高達4%回贈！迎新可選Samsung Galaxy Tab A7 Lite 平板電腦／B&O 防⽔藍牙喇叭／HK$500現金回贈！經網上申請再多額外HK$100現金回贈！學生都開得！
【渣打國泰萬事達卡】渣打國泰Mastercard限時激賞 經里先生成功申請額外HK$1,000 Apple 禮品卡/HKTVmall電子購物禮券 迎新高達10萬里數 年薪只需$9.6萬！
【國泰實體店 Cathay Retail Space】去太古城實體店攞貨夠$500送3,000里！
香港寬頻HKBN 5G優惠！經里先生申請有額外HK$200 Pizza Hut 電子美食券！超抵娛樂組合 「10GB數據+JOOX」月費只需HK$98 「20GB數據+Disney+」月費只需HK$128
【渣打簽賬優惠】渣打國泰Mastercard累積簽賬滿$10,000享額外2,500里數！
請問除BEA flyerworld外，自動轉賬以信用卡繳交保費有什麼信用卡可以選擇? 謝謝。
大新仲有
里先生你好,
上網/autopay/親身交保險費, 係咪BEA flyer world master $5/里?
睇呢到 http://www.mrmiles.hk/insurance/
東亞銀行顯卓理財World萬事達卡 / 東亞銀行World Mastercard卡同樣是$5一里，和flyer 點比較?
一樣
請問6元一里的積分即是現金四䁬的？百分比？謝謝，因為當時冇選擇miles.
呢張計返係$5/里，同埋無需選里數
里先生:
我使用Flyer world 在alipay和Wechat pay付款都只有8元一里, (只獲基本積分, 積分跟卡數數目一樣)
請問會知道是東亞更新政策還是需要做什麼呢?
我是在商店消費, 不是增值啊, 我需要跟銀行查詢嗎?
你可睇埋下月有埋俾0.6x你
里先生，請問東亞幾時開始CUT 左迎新？
我今年6月申請左CARD，7月簽左一萬蚊，即係無迎新？
你打去銀行問好啲喎
係唔係已經冇左迎新?T&C 冇講
係，已經無welcome offer了
依家用呢張卡綁定支付寶交煤氣費有冇$5一里？
Thanks!!!
有啊
里先生, 你好, 請問我有一張東亞白金信用卡, 入面有好多積分, 但白金卡換唔到asiamiles. 如我申請一張flyer world, 可否把兩張卡的積分合併換asiamiles?
不可以
分開計的
同東亞銀聯卡一齊批左, 請問如果銀聯張卡唔activate, 拎唔拎到迎新?
我見唔到有寫拎唔到，但我建議開埋，呢張卡ok ga平日簽有5.2% https://www.mrmiles.hk/bea-unionpay/
謝謝你! 咁activate左銀聯而我淨係用Flyer World簽賬滿$9,000都可以拎到迎新?
Yes, 無錯
里生，請問自動轉賬交保費，計唔計迎新？
謝謝
條款無寫唔計，我覺得話
唔放心建議你打去問下hotline
里數先生好，
想問咁連同銀聯一齊出的話，銀聯係咪唔需要簽帳要求？謝謝！
銀聯無
想請問里數先生flyer world和銀聯一齊都批左，咁請問銀聯我需要碌幾多錢？謝謝！
無需要碌
Mr. miles,
想問問如果我有張poly 既東亞credit card 再申請呢張就無迎新嘛?
謝謝!
一樣有迎新，有聯營卡無問題
• 迎新獎賞只適用於遞交申請日之前6個月內並無持有任何東亞銀行信用卡主卡(不包括東亞銀行公司卡及所有聯營卡和附屬卡)及 於推廣期內
想問下迎新簽帳期寫的首2個月, 假設我1月20號收到卡Activate, 係咪3月19號前簽夠9000就得?
應該唔會係計曆月要2月28號前簽咁衰?
批卡後2個月，你可打去hotline到幾時
請問一下而家用支付寶link up 東亞卡，係咪仲有大階有分，細階無分的問題?
問過hotline轉賬都有
Sorry， 轉賬無，付款有
玩卜轉賬用返其他啦
里生，
請問有關豁免年費簽$90,000 要求。
chok payme 同 自動轉賬交保險 計唔計入去架？
謝謝
計
唔該哂
嗰額外$100現金回贈, 係咪都要全新客戶先有?
係
想問吓同時申請幾張東亞倒如vs+flyer+jcb+i titanium 係咪可以有多個迎新？ tnc 好似冇話唔得
唔得啦
你始終有張會扮先架
一般香港同外地消費，申請東亞呢張好定渣打AM卡好呢？
AE 張CX卡好多地方唔收。
本地非食肆簽賬呢張好啲
渣打AM就外地簽賬同埋本地食肆簽賬好啲
想問問，如果第一年簽唔夠9萬但又唔想開戶口，等一年後佢話收年費時先CUT，係咪唔會比佢收費架? 咁會唔會影響D里數?
謝謝
有一個月grace period
Cut前就轉晒佢晒
里先生你好呀!
本人剛申請左BEA Flyer World Mastercard, 想問如果12個月後唔開户口唔俾年費Cut Card有無手續費? 多數幾月收年費, 如10月收卡係咪下年10月收年費? 如果俾佢收左年費先話cut card 唔玩洗唔洗硬食左個年費?
Thank you!
無手續費
你到11月的月結單佢會提你
我的經驗佢有1個月grace period, 佢收咗1個月內去cut都仲waive到
剛申請了張東亞flyer world卡，請問如何兌換里數，是要再登記什麼飛行里數獎勵計劃還是簽夠分就自動給我換成里數入落AM戶口呢？第一次用儲里數信用卡不太明程序Orz
日常簽賬係簽完之後會有積分，積分再自行轉做里數
Welcome offer就直入Asia miles戶口
想問下如果我PayMe增值不計分但計嗰90000蚊去waive annual fee嗎
我所知是計的
請問如AUTOPAY交以下兩間保險公司, 用東亞FLYER WORLD有分嗎?
1. MANULIFE
2. ZURICH
網上銀行交無分
Hello 里先生~
想請教下，睇左你個信用卡積分里數的表，公式係:
【每1積分兌里數】X 信用卡積分結餘 = 可以換到嘅里數，請問如果想用東亞flyer積分換最少5000里數，係咪即係0.125 x 40000 = 5000里數? 但我見你寫係要48000積分?
Thanks!
噢
40000才對
里先生你好，我有渣打AM同東亞FLYER兩張卡，想請問下以下消費最好用邊張卡交：
1) APPLE PAY
2) 酒店CHECKOUT交房費
3) 網上交電話費
Check out交房費外地簽賬渣打好d
網上交電話費你去電訊公司網頁交的話都係渣打好d
Apple pay唔肯定
我想問用支付寶轉帳可否食迎新計劃？
Don’t know. Should be not
交學費計里數嗎？計迎新嗎？
計咩 點交？UGC大學就唔洗諗，無
http://www.mrmiles.hk/payment
親身去學校交由學校部機碌卡有冇分？
有
我想問一下。「流動電話渠道進行之所有繳款」都唔會有里數或積分。咁係唔係我去商場買野用apple pay 都無呢？
事實証明Apple pay有
我想問迎新同iplanner優惠可否同時享用？？即係海外實地簽賬同迎新係咪可以一齊計？
條款我睇唔到唔可以
想問下，
我本身有hsbc 匯財金卡，中銀銀聯白金卡，呢2張卡邊張儲飛行里數好啲呢？
如果都唔太化算既，咁申請邊間既信用卡好啲呢？
有冇唔使收手續費既（兌換時都係要收手續費），
可以網上繳費都能儲里數的呢？
網上繳費有分卡： http://www.mrmiles.hk/payment/
渣打果張Asia Miles 算係最方便儲Asia miles喇
交保險有得計迎新？
長期交保險請問邊張最抵（asia miles & cash dollar）？
自動轉帳有
交保險攻略未寫到…請留意我Facebook
請問如果簽唔夠9 萬又唔想申請戶口係咪唔應該申請？？
係
hello 你好，
arm arm 收到信話要8月底前簽夠HK＄9萬，否則收年費； 本身無東亞銀行戶口，如果而家即刻去申請戶口，可唔可以waive 到年費呢？ thanks.
可以啊
呢加申請放$5000入去就waive到
想問如果有mpf戶口得唔得? THANKS
唔清楚
我諗未必得
Hello Mr. Miles
唔好意思, 想請教下以下:
1)1.6X積分只係迎新的$9000簽帳有OR 之後簽帳都有?
2)積分轉換成miles的ratio係幾多?
Thanks.
1.之後簽賬有
2. 呢到有個表 https://www.mrmiles.hk/points-to-miles-ratio-time-fee/
請問用支付寶HK 簽帳計唔計係迎新簽帳?
唔肯定。當佢唔計
你好, 里先生,
想請問你兩個月簽賬期係發卡日後既兩個月, 唔係頭兩張Statement? Thanks.
批卡後2個月
到邊日可以打上hotline問
網上繳費係2018年5月開始無分啦? 邊度睇架? 無收到通知嘅.
東亞網通知到有
請問迎新簽帳可不可以係海外簽帳？
可以啊
想問交學費當唔當迎新架??thanks
交邊d學費？可以當面交嗎？
親身交車牌費，當迎新嗎？
當
佢地收信用卡可以面對面刷卡就ok
請問邊張交保險都可以儲積分換Asia mile? 用信用卡自動轉賬交保險= 那種繳付方式?
恒生enjoy
E+邊張卡用網上ebanking繳費草AM抵??
THX
恒生或建行。但可儲既分已經唔多喇
恒生$250 @ 1 cash dollar?
Yes
支付寶HK付款計唔計迎新？
支付寶HK轉賬又計唔計迎新？
唔知，無試過
請問依家網上申請係米都有額外的3000里？因為入左個網到都唔見有寫明有額外3000里
沒有了, 先前未update完3月個迎新
如果去7仔(唔係網上交)交水電煤或者交租計唔計落迎新？
如果佢肯收卡既話我覺得計
支付寶HK計唔計MILES??
見支付寶HK教學話計,呢度話唔計既??
計
2018年5月1日之後用邊一張卡網上繳費好呀？
好多唔同繳費方法, 遲D會寫。請留意facebook 🙂
28/2前網上申請係咪就有3000里迎新?
駛咪要28/2前網上申請+成功批核先有3000里?
係，我所知其後批核都有迎新。唔放心打去hotline問下
想問下world master 儲的積分可否兌換Asia mile 去其他人account?
不可以。Asia Miles account必需要對主卡人既名
你好呀 里先生，多謝你詳細的解釋。
有樣野想問下，就係申請呢張卡時無任何東亞既戶口同卡，咁就可以拎到3000里。但問題就係要簽夠$90000先可以waive 到下一年年費，除非有東亞戶口。
咁如果我申請呢張卡時係新客戶，食左佢3000里數，之後我再去開個saving acc, 咁樣可唔可以永久免年費架？
謝謝解答🙏🏻🙏🏻
hello Ching Sze~~可以啊, 放心無問題, 可以拎咗卡知道唔夠數先申請戶口
（經驗分享）交左稅都當簽夠90000，免到年費
嘩感謝分享! 早知我都用東亞交…
知唔知自己BEA 的積分可唔可以轉去比屋企人的ASIA MILES戶口?!
.
要對名
即係唔得?? 我D分只可以轉落我自己個AM account度??
係, 只可轉去你自己AM account
請問“職業訓練局Visa卡“算唔算聯營卡？定係東亞信用卡？
Hi RC, 當聯營卡啊