匯豐信用卡迎新 舊客都有份!Visa Signature 白金卡 銀聯鑽石卡都正爆!年薪15萬都有份!

HSBC信用卡迎新

匯豐信用卡迎新 舊客都有份!Visa Signature白金卡銀聯鑽石卡簽$6,000有8,000里迎新(鬼鼠link多100RC)!年薪15萬都有份!

HSBC匯豐信用卡迎新無論係Visa Signature 白金卡同銀聯鑽石卡都比之前好左!七月份都仲做緊迎新簽$6,000送400獎賞錢(滙豐信用卡積分個名),呢加就有800獎賞錢(一倍啊!年薪要求15萬白金都有份啊!) (至2017年10月31日,用鬼鼠link申請再多100獎賞錢!直入官網申請無架!以下有申請方法)。舊客出新卡都有得送400獎賞錢,都仲未計你簽賬又中類別既基本積分添啊! 早年滙豐一向似住自己係信用卡市場既大哥Hong Kong Bank成日都唔俾迎新,我諗呢兩年其他銀行係咁推飛行里數信用卡都真係對佢打擊都唔細,都係果句…銀行你死我活既時侯又係我地小小消費者得益既時候:p。新客迎新配合埋佢既最紅獎賞真係正,Visa Signature最低可以做到$1.79 = 1亞洲萬里通(迎新連基本簽$6,000有11,360里),白金同銀聯卡都可以做到$2.27 = 1里(迎新連基本簽$6,000有10,640里),有咁既package絕對係里友必定入手之選。因為HSBC實在太多玩法去double可以賺到既里數,要拎到盡既話真係要慢慢睇下面落黎解釋既玩法喇…里先生已經好俾心機去簡化個玩法…不過都真係要用D時間去理解。

如果識玩又有閒錢可以放係滙豐梗係上埋HSBC Premier卓越理財信用卡玩換日韓台馬爾代夫至抵既英航里數Avios(詳情可以睇返里數兌換表),HSBC仲成日搞積分兌換有多過30% bonus 做到$0.88 = 1 Avios,咁就真係無得輸!襯住今次呢個終極大迎新,未有匯豐卡或者未拎佢張銀聯鑽石卡既話就快手喇!


HSBC信用卡分析三步曲


HSBC VS/白金/銀聯鑽石卡迎新/年薪/年費(第一部份)

HSBC VS/白金/銀聯鑽石卡賺迎新既條件

  • 必須2017年12月31日前於網上申請
  • 本地/海外零售簽賬60日內簽$6,000,新客有8,000里/舊客4,000里(800/400匯豐積分)
  • 至2017年10月31日前,用鬼鼠link申請(經Yahoo link 申請)再登記埋會有多100獎賞錢(相等於1,000里!)
  • 經Yahoo申請再登記HSBC登記網址 (Code: YA100)
  • 新客迎新→批核申請時未有持有匯豐卡主卡(有附屬卡都可以有迎新!)及2017年1月31後未取消過匯豐卡主卡(冷河期低至7個月)

匯豐信用卡年薪要求

  • Visa Signature年薪$480,000 (平均月入$40,000)或$600,000資產
  • 白金卡銀聯鑽石卡年薪$150,000 (平均月入$12,500)

匯豐信用卡年費

  • 寫到明豁免首兩年年費
  • 其後每年年$2,000 (Visa Signature),$1,800 (Visa Platinum及銀聯鑽石卡)
  • 有兩年慢慢玩… 到再打電話去豁免:2233 3000 (我自己習慣耐唔耐睇下卡面個Vaild Thru 月份夠期就打去)

迎新獎賞錢到手時間

  • 達到簽賬要求後2個月內存入匯豐積分賬戶
  • 最快要11月先有

HSBC迎新認可簽賬包括

  • 本地簽賬,海外簽賬
  • 以上包括網上購物簽賬
  • 八達通自動增值服務

HSBC迎新非認可之簽賬包括

  • 繳稅、網上繳費
  • 現金透支
  • 電子錢包充值(PayMe唔得)
HSBC card application link

以上連結已直接連去Yahoo指定link,登記埋應該會多100獎賞錢(code: YA100)

*經Yahoo申請再登記HSBC登記網址 (Code: YA100)

hsbc yahoo capture

里先生都睇唔到Yahoo條link同官網有咩分別(條款又無寫點先會多100 RC),所以cap低圖先,大家要追都可以拎住張圖睇!


HSBC Visa Signature白金卡銀聯鑽石卡優點缺點及基本積分(第二部份)

有睇點玩HSBC既卡Visa Signature平日簽賬真係做到全城至抵$1.79 = 1里! 雖然成日D優惠要登記,最紅自主賬獎賞又有上限全年$100,000,但都不得不承認匯豐卡中類別儲里數都真係抵。里先生真心覺得HSBC係商戶折扣最多既信用卡,拎住呢張卡旁身都無死錯人,總有機會食到佢既promotion bonus或者商戶折扣。係少D心血無睇清楚玩法同登記足HSBC既獎賞都中伏簽錯卡囉! 里先生都盡力綜合簡化左HSBC既玩法俾大家睇,no pain no gain,想里遊世界就花D時間睇下里先生Up乜同埋睇實里先生facebook啦!

滙豐信用卡優點

  • 食中Red Hot 5X類別加最紅海外及網上獎賞VS做到低至$1.79/ 白金卡銀聯鑽石卡$2.27
  • 經常有特別Bonus, e.g.萬寧/百老匯或其他最紅優惠
  • 全港最多商戶提供簽賬折扣/額外獎賞錢
  • 獎賞錢可以夾埋HSBC Premier玩Avios,兌換率抵到飛起
  • 可以合併同一身份証名下所以獎賞錢使用,所以可以用VS卡儲Avios,或金卡+銀聯鑽石卡+VS卡reward cash合併一齊轉Asia Miles

滙豐信用卡缺點

  • 獎賞錢得2年有效
  • 如果白金卡銀聯鑽石卡唔中red hot自選類別/海外或網上簽賬,平日簽賬得$25 = 1里
  • 轉積分過里數戶口要收費$300(飛行優惠計劃)

HSBC Visa Signature信用卡里數計算

假設食中自選Red Hot 5X類別^情況下

  • 本地簽賬: $2.78 = 1里
  • 網上購物*: $1.79 = 1里
  • 海外簽賬*: $1.79 = 1里

完全唔中Red Hot 5X類別情況下

  • 本地簽賬: $6.25 = 1里
  • 網上購物*: $2.78 = 1里
  • 海外簽賬*: $2.78 = 1里
  • 八達通自動增值: $25 = 1里
  • 網上繳費: $25 = 1里 (只有每月首$10,000有,交稅保險無)
  • PayMe: 無 (其他PayMe有分卡→PayMe攻略)

^最紅自主簽賬獎賞每年上限$100,000
*需登記最紅海外簽賬獎賞,每季有上限$15,000

善用HSBC附屬卡合力賺到盡

  • 如果預計已選類別簽得爆10萬,開張附屬卡俾屋企人咁屋企人果張(每張)附屬卡就有多10萬Quota
  • 如果兩公婆有幾個類別(如食飯+海外)都經常簽,可以:-
  • (1)老公押5X落賞世界→開附屬卡俾老婆(老婆張附屬卡類別會跟老公賞世界, D積分會去晒老公戶口);
  • (2)老婆押5X落賞滋味→開附屬卡俾老公(老公張附屬卡類別會跟老公婆賞滋味, D積分會去晒老婆戶口)
  • 咁樣就2個類別可以各自用唔同卡簽啦!儲得快好多架!
  • 所以如果玩英航Avios…夾埋一齊玩Avios真係快到飛起…不過前提都係你要有100萬申請到HSBC Premier
  • 最紅自主簽賬獎賞分配策略可以睇返→呢篇文章

HSBC Visa Platinum或銀聯鑽石卡里數計算

假設食中自選Red Hot 5X類別^情況下

  • 本地簽賬: $4.17 = 1里
  • 網上購物*: $2.27 = 1里
  • 海外簽賬*: $2.27 = 1里

完全唔中Red Hot Bonus類別情況下

  • 本地簽賬: $25 = 1里
  • 網上購物*: $4.17 = 1里
  • 海外簽賬*: $4.17 = 1里
  • 八達通自動增值: $25 = 1里
  • 網上繳費付款: $25 = 1里 (只有每月首$10,000有,交稅保險無)
  • PayMe: 無

^最紅自主簽賬獎賞每年上限$100,000
*需登記最紅海外簽賬獎賞,每季有上限$15,000

HSBC credit card飛行里數轉換

里數轉換方法,收費及轉換時間

  • 要網上申請飛行優惠計劃,成本為$300或扣300獎賞錢,申請左無得退
  • 有效一年無限次免費兌換,每次最少兌400里
  • 獎賞錢有效期於簽賬後最多2年,最少1年(按曆年計)
  • 四至六個星期內轉到主卡持有人飛行優惠計劃戶口

獎賞錢兌換比率

  • 國泰Asia Miles: 1獎賞錢 = 10里
  • 新航KrisFlyer: 1獎賞錢 = 15里 (只限有HSBC Premier卡)
  • 英航Executive Club: 1獎賞錢 = 15里 (只限有HSBC Premier卡)

點樣賺簽$6,000有過萬里?

只要你做足以上,VS卡就做到簽$6,000=11,360里,白金同銀聯鑽石都做到$6,000=10,640里。就算唔中類別又無登記都唔緊要,簽$6,000=8,000里點都係抵!舊客都有4,000里喎!

匯豐卡其他優惠

  • 經常有商戶合作既額外獎賞錢,如萬寧額外8%,百老滙額外6%或其他最紅優惠
  • 真心覺得多地方用匯豐卡有折(官網詳情)
  • 銀聯鑽石卡有得電話預約入機場環亞VIP Lounge(一年3次,每日100名- 電話: 3122 2333)

Cut Card需知

  • 最少用13個月,否則銀行有權收回網上申請/迎新獎賞
  • 匯豐白金信用卡年薪不夠48萬都有機會被邀請上Visa Signature,可保留
HSBC card application link

以上連結已直接連去Yahoo指定link,登記埋應該會多100獎賞錢(code: YA100)

*經Yahoo申請再登記HSBC登記網址 (Code: YA100)


HSBC Credit Card迎新魔鬼條款細則(第三部份)

注意!由於以下字太多既關係可能令閣下情緒不安。其實上面所寫既已經係簡化左既條款,以下可以作參考或日後翻查既條款及細則(節錄自銀行官方網站):

迎新客戶及其合資格簽賬

現有信用卡客戶為客戶於本行批核其申請時持有任何由本行於香港發出的個人信用卡基本卡。全新信用卡客戶為客戶於本行批核其申請時並未持有任何由本行於香港發出的個人信用卡基本卡。若基本卡客戶於2017年1月31日或以後曾取消任何由本行發出的個人信用卡基本卡,將不可獲享迎新禮遇。迎新禮遇亦不適用於附屬卡申請。

每位持卡人必須於合資格信用卡發卡後首60個曆日內符合有關簽賬要求方可享迎新禮品。簽賬總額以合資格信用卡的所有銷售交易計算,以下所列之交易除外:交易包括但不限於透過電話訂購、傳真訂購、郵購、現金貸款、年費、財務費用、逾期費用、於非金融機構的半現金交易(包括購買外匯、匯票及旅行支票)、於金融機構的半現金交易(包括購買銀行產品及服務)、電匯、賭博交易、繳稅、透過滙豐網上理財繳費、購買及╱或充值儲值卡或電子錢包(八達通自動增值除外)、於「獎賞錢」購物網及其他推廣進行的換購交易、自動轉賬、循環付款、「現金套現分期計劃」的提款金額或分期付款,於此推廣優惠中均不會被視為合資格簽賬。未誌賬、取消、退款或附屬卡的交易亦不包括在簽賬要求內。

合併及換領「獎賞錢」/「飛行優惠計劃」

「獎賞錢」不可轉讓,但除非本條款及細則另有指定,閣下可合併使用就同一香港身分證或護照號碼向閣下發出的各張信用卡所賺取的「獎賞錢」。若閣下是基本卡持卡人,閣下亦可合併使用附屬信用卡所賺取的「獎賞錢」。

迎新相關官網連結

如閣下合併使用基本卡及附屬信用卡的「獎賞錢」,閣下只可把「獎賞錢」轉移至基本卡持卡人的飛行常客計劃戶口。閣下不得把「獎賞錢」轉移至參與「飛行優惠計劃」的其他人士名下的飛行常客計劃戶口。
閣下同意向本行繳付本行不時通知閣下參與「飛行優惠計劃」的年費。閣下授權本行於年費到期時從任何信用卡戶口支取該年費。該年費概不獲退還。 官網連結

一般條款

不能賺取「獎賞錢」的簽賬種類包括下列各項: (a) 現金透支; (b) 收費及費用; (c) 現金套現或簽賬分期計劃下的提款;(d) (i) 以任何信用卡在網上向稅務局繳交的賬單; (ii) 以任何信用卡在網上向保險公司繳交為償還保險公司保單貸款賬單類別的費用;及 (iii)以普通卡、金卡或銀聯雙幣信用卡在網上繳交的賬單。 以合資格信用卡在網上繳費,只有每月月結單周期之首港幣10,000元之合資格網 上繳交費用才可獲享「獎賞錢」; 及 (e) 半現金交易包括根據 Visa、萬事達卡國際組織或銀聯(按情況適用)不時界定之 商戶編號的: (i) 賭博交易; (ii) 於非金融機構的交易(包括購買外匯、匯票及旅行支票); (iii) 於金融機構的交易(包括購買銀行產品及服務); (iv) 電匯; 及 (v) 購買及/或充值儲值卡或電子錢包(八達通自動增值服務除外)。
HSBC Visa Signature官網條款
HSBC白金卡官網條款
HSBC銀聯卡官網條款

最紅自主獎賞條款

持卡人於信用卡月結單上列明的有效期內(「有效期」)首港幣100,000元的合資格簽賬方可獲享額外「獎賞錢」。在計算首港幣100,000元合資格簽賬時,同一持卡人名下(以同一香港身份證或護照號碼為準)所有的合資格基本卡及附屬卡的合資格簽賬將會合併計算;而所有以外幣簽賬的交易將被兌換至港幣計算。額外「獎賞錢」將根據每單合資格交易日期計算。官網條款

網上海外5倍積分

合資格網上簽賬是指透過網上所作的簽賬。網上簽賬將根據VISA國際組織、MasterCard Asia/Pacific (Hong Kong) Limited、中國銀聯或個別商戶之收單銀行的商戶編號或交易類別釐定,簽賬之交易地點及貨幣類均不限。透過匯豐網上理財的簽賬交易、購買及/或充值儲值卡或電子錢包的簽賬交易、於「獎賞錢」購物網及其他推廣進行的換購交易及在各「最紅熱捧限定」推廣之相關推廣期內於相關商戶進行的任何網上簽賬均不會算作合資格網上簽賬。官網條款

鬼鼠link source→ Yahoo facebook post


HSBC信用卡分析三步曲(快速索引)


 

其他信用卡優惠或里數攻略

Comments

comments

2 comments

  • Crystal

    請問知唔知$60萬資產其實計咩, 係咪要放入HSBC先計? 喺其他銀行有投資唔想郁過去又得唔得?! Thanks.

    • 里先生

      我睇過條款Visa Signature card嘅資產申請條件無寫清楚乜野為之資產,但係打過去問CS嘅回覆係全面理財總值啫係包括
      -存款
      -投資產品市值(股票,債券…)
      -高息投資存款、結構投資存款內的存款額
      -已動用信貸(按揭及信用卡結欠除外)
      -具備儲蓄或投資成分的人壽保險
      -由匯豐人壽保險(國際)有限公司管理之MPF/ORSO
      個CS仲同我講話係其他銀行都得(佢有帶頭盔話審批根據新卡批核部而定),老實講呢點我唔係好信…不過如果你好想要VS卡可以試下申請時交資料俾晒資產資料佢

Leave a Reply

Your email address will not be published. Required fields are marked *