HSBC信用卡| 最紅自主配合最紅網上及海外$1.79=1里 善用HSBC附屬卡特性賺多倍

最紅自主獎賞玩法

匯豐信用卡| 最紅自主獎賞 最紅網上及海外簽賬分析 善用HSBC附屬卡特性賺多倍

相信各位里友都會留意到成日講到話滙豐信用卡中類別儲里數既話係最低,咁到底成日講既HSBC中類別係乜野黎,點樣分配最紅自主獎賞倍數又係最抵呢?以下為你一一分析。

(如果從未登記) 睇完以下第1-3部決定好就好去登記喇!記得要留返三個工作天等佢生效先好簽賬,登記網址→官網登記連結

HSBC信用卡| 最紅自主獎賞基本慨念教學

首先滙豐銀行白金卡或銀聯鑽石卡(年薪要求$15萬果張),正常無倍數情況下滙豐就只係做到$25 = 1里Asia Miles(呢個又稱之為1倍基本/1X),咁既兌換率真係搵鬼去用佢咩…正正因為咁,HSBC就出咗個俾所有HSBC信用主卡戶都有得選擇一個叫做「最紅自主獎賞倍數」既東東,每人(重要:按身份証全部名下主附卡加埋一起計)有5個額外倍數(或者叫額外5X)放入6個HSBC定出黎既類別(你可以all-in晒一個類別,或者選晒唔同既類別又得,任君選擇),咁啫係話中5X類別既話就會變成$4.17 = 1里 (基本1X+中類別5X=6X, 25除以6)選左之後無得改(除非新一曆年),另主卡及你開俾人嘅附屬卡可以自選啱用選別,持有人各人都有一年$100,000既上限可以玩。Visa Signature唔洗中自主類別(但中HSBC 6個類別)都會多3X(連基本果1X有4X),所以Visa Signature唔中任何自主類別但中6個選別中的其中一個都有$6.25 = 1里,中埋額外5X就$2.78=1里。如果想睇返匯豐卡計完5倍之後個比率可以睇返→HSBC信用卡分析。想玩Avios要配合埋→HSBC Premier卡資格及里數分析

I recap in points (lower is better): 

  • HSBC白金卡唔中自主六類別: $25=1里
  • HSBC白金卡全中自主六類別: $4.17=1里 (全中指自主5X放入同一類別)
  • HSBC VS唔中自主六類別: $25=1里
  • HSBC VS全中自主六類別: $2.78=1里 (全中指自主5X放入同一類別 加上VS的3X)
  • HSBC VS中自主六類別但唔係全中: $6.25=1里 (啫係你無放任何自主類別 只中VS的3X)
  • 除了以上六個自主類別,HSBC信用卡 2018年仲有個最紅網上及海外,所有網上及海外簽賬仲有額外5X,VS中埋就total有14X,$1.79=1里就係咁嚟(→HSBC最紅網上及海外簽賬玩法及分析有講)但注意!有每季$3,000最低簽賬要求,$15,000額外5X上限

#如果未明白或者想睇現金回贈比率,詳細可以睇→HSBC最紅網上及海外簽賬玩法及分析


HSBC信用卡全年獎賞分析(按字向下彈)

詳細版→HSBC最紅網上及海外簽賬玩法及分析


HSBC信用卡最紅自主獎賞分配/更改策略

講到分配策略,里先生主張將5倍既倍數放晒入去同一個類別到,考慮到以下幾點

  • 一年10萬黎講唔係話咁易就簽得爆
  • 唔想煩,全部放晒落同一類別會容易D計數,減低簽錯卡既風險
  • 今時今日已經唔存在一卡走天涯,既然都諗住用呢張食飯用果張超市又用那張網購,咁不如集中晒一個類別將張HSBC信用卡變成某一類別既must use card
  • 考慮你手上的里數組合卡,邊張可以做代替品
  • 對於里先生黎講其實得2個類別值得我放落去…哈哈…所以都無心大心細

如果覺得先前用既分配策略錯左,呢加想改得唔得?

Sorry…HSBC寫到明無得改…你要等到下年佢再推/延續呢個最紅自主既時候先再有機會改,如果真係放錯咗又做唔到$5 = 1里或以下既話…真係用其他卡簽賬好過!

睇完【懶人包】6個自主獎賞類別決定好就好去登記喇!記得要留返三個工作天等佢生效先好簽賬,登記網址→官網登記連結


善用HSBC附屬卡合力賺到盡

  • 如果預計已選類別簽得爆10萬,開張附屬卡俾屋企人咁屋企人(按身份証計)果張附屬卡就有多10萬Quota(原則: 按身份證計算每年10萬Quota)
  • 如果兩公婆有幾個類別(如食飯+海外)都經常簽,可以:-
  • (1)老公(卡)押5X落賞世界→老公名下賞世界有10萬quota
  • (2)開附屬卡俾老婆(老婆張附屬卡自主類別可以選擇同老公唔同)
  • (3)老婆(屬卡)押5X落賞滋味→老婆名下賞滋味有10萬quota
  • (4)咁以後外地商戶簽賬(網購/book酒店etc.)就由老公張卡簽,食飯簽賬就由老婆張屬卡簽
  • 咁樣就2個類別可以各自用唔同卡簽啦!儲得快好多架!
  • 注意!分清關係,記住HSBC規定主卡持有人可以附屬卡積分轉換飛行里數至主卡人名下飛行里數戶口
  • 附屬卡持有人不可以主卡積分轉換飛行里數至附屬卡持有人名下飛行里數戶口

【懶人包】HSBC定義6個類別及商戶

HSBC 賞世界

包括任何於海外進行的合資格簽賬(不包括中國內地但包括澳門)。里先生就覺得呢個類別係最啱我自己,因為一年點都要book好幾次酒店/外國網買野。HSBC所指既海外進行的合資格簽賬係包括左網上購物既非香港商戶,而且HSBC 海外商戶港元計價付款(CBF)無手續費! 啫係你係AirBnB, Booking.com, iHerb 或是英航官網買Avios,需要用港幣計價嘅交易都好,只要佢係海外註册既商戶HSBC賞世界都落入呢個類別而且無海外商戶港元計價付款手續費!去外國網站購物或者海外實地簽賬用外幣俾錢就更加唔洗講梗係中啦!配合埋5X最紅網上簽賬或海外簽賬獎賞(下面有再→介紹),真正做到VS卡$1.79 = 1里,白金卡$2.27 = 1里! 加上埋呢個類別正正修補到其他信用卡海外註册商戶要收嘅1% charge或無積分!我唔諗喇,All in 賞世界!!!

HSBC 賞滋味

包括任何於香港的餐廳食肆的合資格簽賬。但並不包括酒席宴會、私人宴會、包場派對、設於酒店/百貨公司/俱樂部/會所內的飲食專櫃/商戶及其他簽賬類別的指定商戶所提供的餐飲服務。呢個係里先生都極力推介既類別,因為始終容易簽到所有飲食簽賬又唔洗煩,呢個類別最啱無飯夫婦或者經常都要係出面食嘅後生仔或者家庭。里先生自己都諗咗好耐放唔放落呢到,不過始終渣打Asia Miles做到長年$4 = 1里嘅食飯簽賬,有咁好既代替品所以我都係唔放倍數落呢到。我會推薦年薪未夠24萬申請渣打Asia Miles又要搵張食飯卡,放晒5X落去HSBC賞滋味,咁就白金卡都有$4.17=1里算唔錯。

HSBC 賞家居

比較常用到既係百佳超級市場、 惠康超級市場、萬寧、莎莎及屈臣氏、百老滙、中原電器、豐澤。里先生覺得除非有計劃裝修或者屋企多人一齊買晒日用品,如果唔係都好難用爆佢個Cap $100,000。如果配合年年做果個HSBC萬寧買coupon賺里數/百老滙玩都爽既,不過我梗係覺得用唔爆$10萬cap唔係咁抵囉!如果平時好少好少網購/book酒店而好多藥/日用品/家電要買嘅/買coupon轉售變相買里數都會推薦你放5X入呢個類別,前題都係要啱你自己,一係你唔怕煩去買coupon再打折賣返出去咁賺里數。P.S. Citi Rewards信用卡超市$3=1里,都係好好嘅賞家居代替品

HSBC 賞品味

比較常用到既係D 百貨公司,包括AEON、千色Citistore、先施百貨、崇光百貨、UNY、 永安百貨、一田百貨及一田超市。零售部份就有GigaSports、 le saunda、馬拉松、MARELLA、 UNIQLO。旅行社都包左係呢個類別,包括國泰航空、國泰假期、國泰港龍航空、康泰旅行社、hutchgo.com、安達旅運、 美麗華旅遊、星晨旅遊、新華旅遊及永安旅遊。里先生覺得呢個類別都有D難簽,除非你經常要幫人訂國泰機票或者計劃咗來年去旅行社報家族旅行,唔係嘅話就咁去百貨公司/大型運動舖買野好難一年用到10萬蚊喎…

HSBC 賞中華

包括任何於中國內地(香港及澳門除外)進行的合資格簽賬。里先生覺得呢個啱晒經常去大陸出差,仲會幫公司/客人代付酒店費用既上班族。不過小心就係大陸D酒店唔係間間收Visa架!你諗住玩呢個都申請定張HSBC銀聯卡穩陣D!

HSBC 賞玩樂

老實講呢個類別最值得留意係通利琴行,其次係CEO、Neway 及RedMR 。如果有打算買樂器俾小朋友既就可以考慮選呢個類別。唱K搞party要下下look卡先再收錢?好似壞賬bad debt收唔返風險都幾高喎…um…PayMe收款功能可能幫到你嘅…

睇完就快D去登記喇!記得要留返三個工作天等佢生效先好簽賬,登記網址→官網登記連結


5X最紅網上簽賬或海外簽賬獎賞(簡單版)

最紅網上簽賬及海外簽賬獎賞記得要打去或網上登記。

  • 階段1:2018年1月1日至3月31日 (6月入賬)
  • 階段2:2018年4月1日至6月30日 (9月入賬)
  • 階段3:2018年7月1日至9月30日 (12月入賬)
  • 階段4:2018年10月1日至12月31日(3月入賬)
  • 注意: 每階段最少要網上/海外累積簽夠$3,000先有額外獎賞錢
  • 每個階段上限多300獎賞錢,啫係每階段簽夠$15,000就爆
  • 最紅網上簽賬及海外簽賬獎賞→登記網址/或致電8228 8088
  • 詳細版→最紅網上及海外簽賬詳細玩法解釋

同一信用卡賬戶下的基本卡持卡人與附屬卡持卡人則會被視為個別持卡人,每人均可使用其合資格信用卡簽賬而分別獲享額外「獎賞錢」。簡單黎講每張附屬卡會有多$15,000 quota嘅5倍積分(每階段)!所以記得善用附屬卡合力賺到盡啊!

官方→活動網址


HSBC紅自主/網上及海外簽賬獎賞網魔鬼條款及細則TnC

注意!由於以下字太多既關係可能令閣下情緒不安。其實上面所寫既已經係簡化左既條款,以下可以作參考或日後翻查既條款及細則(節錄自銀行官方網站):

最紅自主獎賞條款及細則

推廣期由2018年1月1日至2018年12月31日。須於2018年10月31日或之前登記參加此推廣,並收到HSBC發出的成功登記通知。有關登記詳情將會於下一期信用卡月結單上顯示。未能成功登記的持卡人的簽賬將不會獲享額外「獎賞錢」。

持卡人於信用卡月結單上列明的有效期內首港幣100,000元的合資格簽賬方可獲享額外「獎賞錢」。在計算首港幣100,000元合資格簽賬時,同一持卡人名下(以同一香港身份證或護照號碼為準)所有的合資格基本卡及附屬卡的合資格簽賬將會合併計算。

登記過程中,持卡人須選擇下列簽賬類別並將額外「獎賞錢」分配至已選定的簽賬類別。成功登記後,已選定的簽賬類別及額外「獎賞錢」倍數將不可更改或撤銷。所有在有效期內以合資格信用卡於已選定的簽賬類別的簽賬交易(包括商戶分期付款每月供款、電話購物、郵寄購物及網上購物)均可獲額外「獎賞錢」。
最紅自主獎賞條款及細則→
官網連結

「最紅網上及海外簽賬獎賞」條款及細則

「合資格網上簽賬」是指於推廣期內以合資格信用卡透過網上進行並附有正式交易紀錄的簽賬,並於核實持卡人有資格獲享額外「獎賞錢」優惠時已誌賬的交易。網上簽賬將根據VISA國際組織、MasterCard Asia/Pacific (Hong Kong) Limited、中國銀聯或個別商戶之收單銀行的商戶編號或交易類別釐定,簽賬之交易地點及貨幣種類均不限。透過匯豐網上理財進行的簽賬交易、購買及/或充值儲值卡或電子錢包的簽賬交易、於「獎賞錢」購物網及其他推廣進行的換購交易及在各「最紅熱捧限定」推廣之相關推廣期內於相關商戶進行的任何網上簽賬(本行將不時於「最紅熱捧限定」推廣中列明不適用於本推廣的有關網上簽賬)均不會算作合資格網上簽賬。持卡人於進行網上簽賬交易前,本行恕不負責澄清該項交易可否獲享額外「獎賞錢」優惠。若合資格網上簽賬並非以香港貨幣進行,有關簽賬金額將以信用卡月結單上已折算為港幣之金額為準。

「合資格海外簽賬」是指於推廣期內以合資格信用卡於海外進行並附有簽賬存根正本或正式交易紀錄的簽賬,惟非以(i)香港貨幣進行的簽賬及(ii)銀聯雙幣信用卡人民幣戶口進行的人民幣簽賬,並於核實持卡人有資格獲享額外「獎賞錢」優惠時已誌賬的交易。簽賬金額以信用卡月結單上的簽賬貨幣及已折算為港幣之金額為準。

本推廣的額外「獎賞錢」將根據合資格網上簽賬及合資格海外簽賬的交易日期計算,而所有有關簽賬均須於推廣期內進行。同一持卡人(以同一身分證明文件為準)名下不同合資格信用卡於單一階段所作的所有合資格網上簽賬及合資格海外簽賬將會合併計算,以釐定該持卡人於該階段可獲享的額外「獎賞錢」(受上列第4條所述的上限所限)。同一信用卡賬戶下的基本卡持卡人與附屬卡持卡人則會被視為個別持卡人,每人均可使用其合資格信用卡簽賬而分別獲享額外「獎賞錢」

「最紅網上及海外簽賬獎賞」條款及細則→官網連結


HSBC信用卡全年獎賞分析(按字向上彈)

其他信用卡優惠或里數攻略



45 comments

  • Climbx

    Hotels.com收款註冊地係ES/HK, 咁姐係計唔計入賞世界??

  • Dennis

    想問一下AEON超市是屬於賞家居/賞品味?

  • Man

    想問HSBC咭登記payme, 簽帳會有REWARD CASH嗎?

  • Polly

    里先生, 你好!
    我跟你方法,VS 開了一張附屬卡,打算揀賞世界…但係Hotline 職員話6個自選是跟I.D , 不是跟卡。因為我家人自己另外有一張HSBC credit card (主卡),該卡已分配在某3類,所以就跟那3 類,我無得改…
    真的是這樣嗎?請問有無其他方法?
    謝謝~

  • R

    Hello Mr. miles,

    請問如果我用作網上報外國的考試, 應該如何分配最紅自主?是否應揀賞世界?
    以及是否屬於最紅網上?

    Thanks!

  • Sasa

    里先生, 最近我不停地睇你的教學, 學了很多, 還成功出了one world 5 stopover 票, 感謝你, 開心了一星期! 跟完你的機票教學, 現在學緊你教的HSBC 信用卡教學. 我一直冇留意我放了什麼category😭 可惜要下年才能改
    我現有
    1)HSBC VS (statement extra reward cash lifestyle 1x overseas 5x dining 14x)
    2)HSBC premier (dining 5x)
    3) AE CX elite
    4) SC simply cash
    其實我好少出街吃飯, 來緊要book hotels for the 5stopover trip, 想請教用邊張book hotel, 邊張oversea spend 好, 我知我放錯晒category🙏再次感謝🙏🙏

  • henry chan

    我只有一張HSBC 白金卡, 因有一筆海外簽賬給外國客戶, 總共大約美元70,000元. 咁我應該點簽法先抵?? (我另外仲有一張渣打ASIAMILES)

  • vvhui

    10萬 quota 問題:
    問左 HSBC, 想同里先生Double check, visa signature 的額外3X「獎賞錢」同 最紅自主奬賞」計劃的額外5X「獎賞錢」係分開quota 計……

    如果all-in 「賞世界」= 5X
    但好傻仔地簽爆10萬 係令外個5大簽賬類別, 你都仲可以簽10萬「賞世界」, 但呢10萬就只是5X「獎賞錢」, 無左VS 個3X「獎賞錢」, 因為VS quota 已經簽爆..

    里先生有無CHECK 過係咪真?

    • 里先生

      1. 係,分開計的
      2. 都啱,你用晒VS 10萬就係咁。但hsbc仲有網上海外5x每季上限$15000,啫係你仲有10x

  • J

    請問我有張hsbc銀聯卡, 成日去大陸請客食飯,應該如何搭配最紅獎賞?用人民幣定系用港紙?

  • AMY

    想問如果係.cheaptickets.hk買機票屬唔屬於賞世界??

  • Yuki

    Hello, 如果Link 左HSBC VS落支付寶,咁以支付寶俾任何錢都當網上消費?
    Thank you.

  • Alan

    請問附屬卡積分可否轉到附屬卡名下的飛行里數戶口嗎?

  • Ms Ng

    里先生!8228 2555 doesn’t function!
    唔係去到2018年12月7日咩?
    我仲未做更改 :’(

  • qq70

    Hi Mr.Miles,

    我有張 VS, 如果我揀賞世界, 響淘寶買野唔中類別? thx !

    • 里先生

      HI QQ,如果HSBC淘寶直接用信用卡俾錢應該當大陸商戶, 算係賞中華, 但咁做個手續費好貴喎。你不如用返支付寶HK俾錢咁可以免手續費?

  • H

    Hello Mr. miles,
    請問淘寶買嘢計唔計落「賞中華」?
    THANKS

    • 里先生

      hello H, 呢個我都唔清楚, 但淘寶梗係用返支付寶HK俾錢可以免手續費, HSBC積分都cover唔返本身要收嘅手續費啊

      • hung

        里生, 用HSBC VS 係淘寶網消費,就算收1.5%手續費,唔係都仍然好抵咩?是否我有計錯or有其他嘢未有考慮在內?
        賞中華x5 加 網上消費x6 加 VSx4 共 x15 回贈6%
        6%-1.5%=4.5% 即係$2.22=1里。

        • 里先生

          你放賞中華都抵, 但條數咁計
          賞中華x5 加 網上消費x5 加 VSx3 加 基本x1 共 x14 回贈5.6% (廣告上的網上消費5X 同VS 4X係包咗1X基本)
          而你的手續費係用錢計咁收你, 你唔可以直減咁嚟計幾$幾里喎

  • Bernard

    Does 合資格海外簽賬 applies to online transactions from overseas merchants (i.e. UK merchant charging Pounds)?

  • Bernard

    最紅網上及海外簽賬獎賞, is it applicable if it is non-HK merchants charging HKD?

    • 里先生

      呢個優惠有2部份,(1)最紅網上 and (2)最紅海外。你條問題所講多數係去到外國名店(實體店唔係網店)買野佢問你要唔要用HKD付款,if you said yes, 咁樣就唔計落(2)到,但我唔建議咁做因為個charge會特別貴而且無額外積分。
      但如果你只係去Expedia訂房用港幣俾錢,計(1)最紅網上,所以都會有額外獎賞錢。

Leave a Reply

Your email address will not be published. Required fields are marked *