HSBC 萬寧優惠 簽$6,000最高有8,960里或13,440 Avios 買現金券coupon都合資格

HSBC信用卡又出HSBC萬寧優惠啦！今次星期五/六/日用乜乜Pay簽$6,000最高有8,960里或13,440 Avios，最少都有7,040里或10,560 Avios (depend on最紅自主放咗咩類別)。留意呢個萬寧額外12%獎賞錢唔可以夾埋先前介紹果個最紅大折日-本地簽賬4%一齊玩。以下分咗類你用HSBC唔同卡簽賬分別可以有幾Asia Miles或Avios。

HSBC 萬寧優惠詳情及玩法

• 適用至2018年8月31日
• 簽賬要求: 單次最少$500/ 累積最少$1,000 (唔夠數可以買券補夠數)
• (又蝦人唔睇優惠)需要登記→ 登記網址 / 電話: 8228 1618
• 登記完簽夠$1,000可以有5%獎賞錢 (啫係每$1,000有50獎賞錢/ 500 Asia Miles/ 750 Avios)
• 星期五六日可以有額外3%獎賞錢 (啫係每$1,000有30獎賞錢/ 300 Asia Miles/ 450 Avios)
• 用Apple Pay/Google Pay/Samsung Pay用「HSBC Visa信用卡」俾錢有額外4%獎賞錢 (啫係每$1,000有40獎賞錢/ 400 Asia Miles/ 600 Avios)
• 加總以上，未計基本簽賬所得啫係有$0.88=1里/1.5 Avios，星期五六日用手機支付簽爆$6,000就有6,800里或10,200 Avios

HSBC萬寧用HSBC白金卡/鑽石銀聯卡唔中5X賞家居所得Asia Miles計算

• HSBC白金卡唔中5X賞家居所得里數: $25=1里，$6,000 = 240里
• HSBC萬寧promotion所得里數: 6,800里
• 加總會有7,040里
• $6,000/7,040里=$0.85/AM
• **Avios將加總*1.5就係啦！(未計HSBC Avios 25% bonus)

HSBC萬寧用HSBC Visa Signature唔中5X賞家居所得Asia Miles計算

• HSBC Visa Signature唔中5X賞家居所得里數: $6.25=1里，$6,000 = 960里
• HSBC萬寧promotion所得里數: 6,800里
• 加總會有7,760里
• **Avios將加總*1.5就係啦！(未計HSBC Avios 25% bonus)

HSBC萬寧用HSBC Visa Signature簽配合HSBC Premier唔中5X自主類別所得Avios計算

• HSBC Visa Signature唔中5X賞家居又有HSBC Premier所得Avios: $4.167=1里，$6,000 = 1,440 Avios
• HSBC萬寧promotion所得里數: 10,200 Avios
• 加總會有11,640 Avios
• **記得要換Avios就必須有HSBC Premier信用卡

如果Visa Signature全中5X賞家居就8,960 Asia Miles/13,440 Avios！想睇返個全中5X里數比率就睇返→HSBC Visa Signature 里數計算 (Asia Miles) →HSBC Premier 里數計算 (Avios)再自己計計啦:P

HSBC萬寧額外12%獎賞錢入賬時間

• 2018年11月30日或之前

彩旦: 萬寧貓貓經典廣告回故

HSBC萬寧 魔鬼條款細則

注意！由於以下字太多既關係可能令閣下情緒不安。其實上面所寫既已經係簡化左既條款，以下可以作參考或日後翻查既條款及細則(節錄自銀行官方網站):

成功登記的持卡人於推廣期內以合資格信用卡作合資格簽賬並累積簽賬淨額（定義見下列第6條）滿港幣1,000元（「簽賬要求」），可就合資格簽賬獲享額外5%「獎賞錢」回贈（「5%『獎賞錢』優惠」）。就任何該等於星期五、星期六或星期日作的合資格簽賬，可另獲享額外3%「獎賞錢」回贈（「額外3%『獎賞錢』優惠」），即持卡人於該等日子的合資格簽賬可獲享合共8%「獎賞錢」回贈。此外，就任何該等於推廣期內任何日子以合資格Visa卡（包括滙豐運籌理財白金Visa卡、滙豐Visa Signature卡、滙豐白金Visa卡、滙豐green信用卡及滙豐Visa卡）透過Apple Pay、Google Pay或Samsung Pay作合資格簽賬，可再獲享額外4%「獎賞錢」回贈（「流動電話付款優惠」）。每位持卡人於整個推廣期內可獲享的「獎賞錢」回贈金額上限如下：就5%「獎賞錢」優惠而言$300「獎賞錢」;就額外3%「獎賞錢」優惠而言 $180「獎賞錢」;就流動電話付款優惠而言$200「獎賞錢」

本推廣的「合資格簽賬」為推廣期內所有於香港的萬寧、Mannings Plus、Mannings Baby及GNC專門店（統稱為「指定商戶」）以合資格信用卡單一簽賬淨額最少滿港幣500元的交易並於核實持卡人有資格獲享「獎賞錢」回贈時（如下列第10條）已誌賬的簽賬交易。本行可全權絕對決定那些是合資格簽賬。購買初生嬰兒配方奶粉（一號嬰兒奶粉）、塑膠購物袋收費、所有未誌賬、取消以及退款的交易均不會算作本推廣的合資格簽賬及不會計算入簽賬要求內。

「獎賞錢」回贈將根據合資格簽賬的交易日期計算，所有合資格的簽賬均須在推廣期內完成。同一持卡人（以同一身份證明文件為準）名下不同合資格信用卡的所有合資格簽賬將會合併計算於推廣期內最多可獲的「獎賞錢」回贈金額。在本推廣中，同一合資格信用卡戶口下的基本卡持卡人與附屬卡持卡人會被視為獨立的持卡人，並可各自以其合資格信用卡簽賬獲享優惠。本行將根據儲存於本行的交易紀錄，以決定持卡人是否符合獲贈「獎賞錢」回贈的資格及可獲贈的「獎賞錢」回贈金額。成功登記並不代表本行已確認有關信用卡、交易或持卡人符合獲得「獎賞錢」回贈的資格。

本行核實及確認有關合資格簽賬可獲「獎賞錢」回贈後，有關的「獎賞錢」回贈將於2018年11月30日或之前自動誌入持卡人首張用作登記的合資格信用卡戶口內。

Source: 銀行官網條款