【國泰會籍匹配Status Match】2024國泰萬豪會籍配對一鍵升級國泰銀卡+挑戰金卡 Cathay Marriott Bonvoy status match challenge
(Status Match to CX係2024年2月底時有讀者話名額已滿但我証實唔到，想玩既朋友留意返)
國泰同萬豪會員強勢合作！今次兩個會員計劃合作除咗提供一般嘅積分轉換功能之外，仲推出咗個限時國泰萬豪會籍配對 status match challenge。只要你係指定級別嘅國泰/萬豪會員，就可以匹配到相對應嘅會員級別，令你更快咁享用更多嘅會員福利同優惠。雙方合作亦令身為國泰會員嘅你可以更快升級到萬豪嘅高級會籍，身為萬豪會員嘅你亦都可以更快升級到國泰嘅高級會籍。
Match到有得入下國泰lounge同埋之後升級會容易咗，Match到的話係幾唔錯。
記得信用卡入免費機場Lounge同國泰Lounge差別好大架，國泰機場貴賓室無得就咁用信用卡入。
申請國泰會籍匹配Status Match
- 國泰會員匹配萬豪會員：
- 國泰銀卡、金卡、鑽石卡會員可直接匹配為萬豪金卡
- 6個月內住滿10晚，可升級為萬豪白金卡會員，並獲得升級獎勵3,000點萬豪獎勵積分
- 萬豪會員匹配國泰會員：
- 萬豪白金卡、鈦金卡、大使會員可直接匹配為國泰銀卡
- 萬豪金卡會員於12個月內儲滿150國泰會籍積分可升級至國泰銀卡
- 12個月內儲滿300國泰會籍積分可升級至國泰金卡
- 官網活動詳情：https://travel-partner.marriott.com/cathay/en-us
- 未有國泰會員的話，可以先申請： https://www.cathaypacific.com/cx/zh_HK/membership/sign-up.html
- 未有萬豪會員的話，可以先申請：https://www.marriott.com/loyalty/createAccount/createAccountPage1.mi
會籍匹配Status Match時效
當你獲得更高級別的國泰會籍後，會籍年度將會重置，並於1年內有效。
延續各國泰會員計劃會籍級別資格所需的會籍積分，請瀏覽：https://www.cathaypacific.com/cx/zh_HK/membership/status-points.html
玩完1年想繼續keep？都有著數啊！
如果status match到國泰，而國泰玩次個會籍係每級會籍積分分開計，而唔係累積制，國泰本身係每級清零，即係正常由綠卡開始係要總定級分
- 300分升銀 + 600分升金 + 1,200分升鑽石
- 合共2,100分先上到Diamond
如果你match到Gold，之後會籍失效前，就只要1,200分就上到diamond
反面嚟睇，例如ANA比Platinum你，但你想再上diamond就要由零開始再儲定級分去到diamond標準先可以升到
先前介紹Marriott白金match國泰銀卡果個活動先前就已經知道成功咗（但現在有讀者話名額已滿）。本身我諗住match返嚟唔會有國泰銀卡行李牌送，點知啱啱又收到國泰寄嚟，個銀色好靚。
封信有寫返我係由Marriott match過去，都話返我知有得fast track上金卡。真係好心思思想跑埋上個Cathay Gold但我本身已有oneworld sapphire 又好似再跑嚟都無乜用。
國泰匹配會籍Status Match過往成功案例
睇返條款就無話點樣先可以成功匹配到同埋可以匹配到啲乜，睇返前人經驗一般都只會俾銀卡，想Match金卡/鑽石卡應該好少有。不過銀卡都用到國泰貴賓室，有其他會的話都可以試下。比較簡單就新加坡航空你有個星盟金的話最近又有搭下新航，咁咪去試下。
前人經驗可以睇返呢個網：https://statusmatcher.com/company/cathay-pacific
我自己經驗就多數玩Status match都係要有實際俾過錢買機票的(於其他航空公司)，如果你第間係換里數機票的話要match應會有更困難，即使有高階會籍。
國泰 X 萬豪Marriott 積分轉換比率
- 3點萬豪獎勵積分 = 1亞洲萬里通里數
- 2亞洲萬里通里數 = 1點萬豪獎勵積分
短評：會員計劃之間嘅積分轉換向來都係無乜著數，不過如果心頭上有少少積分就過期唔想浪費都可以考慮轉換到比較常用嘅會員計劃到。
國泰銀卡/金卡/鑽石卡會員Benefits
坐國泰果陣入到國泰營運的機場貴賓室，如國泰玉衡堂The Pier… >>於新分頁打開全文 “【國泰會籍匹配Status Match】2024國泰萬豪會籍配對一鍵升級國泰銀卡+挑戰金卡 Cathay Marriott Bonvoy status match challenge”
» Read more
