St. Regis Hong Kong 香港瑞吉酒店 (多圖入住報告)豪華房/套房/Afternoon Tea下午茶/St. Regis Bar
St. Regis Hong Kong 香港瑞吉酒店 (多圖入住報告)豪華房/套房/Afternoon tea下午茶/St. Regis Bar
The St. Regis Hong Kong 香港瑞吉於2019年4月11日正式開幕。Amazing, 我居然係St. Regis Hong Kong第一位guest。今次入住並非傳媒邀請而作為St. Regis brand lover所以更別具意義。多口問咗句有無special event on opening day而作為guest的身份都被邀請睇佢地opening ceremony，對我來說都係個unique experience，感覺呢次嘅入住值了。
The St. Regis Hong Kong為萬豪集團第7,000間酒店，而都係香港第一間嘅St. Regis。酒店設計由著名建築師Andre Fu 傅厚民操刀。同珠海瑞吉嘅感覺都幾唔同，香港瑞吉整體感覺Modern而我發現酒店用咗好多「木元素」去營造出家嘅感覺(連牙刷都係木牙刷@@)。可能因為設計師想切合返St. Regis呢個品牌來自於St. Regis founder, John Jacob Astor，到來St. Regis就是Welcome to the House of Astor吧。
酒店價錢
- 萬豪官網→https://www.marriott.com/hotels/travel/hkgxr-the-st-regis-hong-kong/
- Hotels.com→https://zh.hotels.com/ho1138778656/the-st-regis-hong-kong-xiang-gang-xiang-gang-te-bie-xing-zheng-qu/
- Trip.com→https://hk.trip.com/hotels/hong-kong-hotel-detail-33501798/the-st-regis-hong-kong/
St. Regis Hong Kong 香港瑞吉精華介紹短片
本身有諗過配唔配音，不過諗諗下加咗配音反而令到間酒店嘅感覺會low咗，都係留返俾睇片嘅你慢慢感受下好過喇，就算我去講嘅都係廢話嚟。
St. Regis Hong Kong, Grand Deluxe Room 香港瑞吉豪華客房
全酒店房間都慕求做到in-room check in，而我到來嘅時候就一直有butler由入酒店門口至房間都一直為我講解酒店並到房內以ipad check in。整個過程都係感覺備受照顧的。迎賓禮物有椰子水及水果。
St. Regis Hong Kong, Suite 香港瑞吉套房
套房客廳可見ICC景，個廳都幾大並備有奢華浴室。可惜浴室嘅景觀一般。
St. Regis Hong Kong 設施/周邊/馬刀開香檳
Gym room好靚，沒有景觀泳池就差咁啲喇。位於灣仔鄰近會展，相信入住得嘅都會係商務人士居多。每天都會瑞吉傳統馬刀開香檳環節，象徵每天由日轉夜嘅時候。我幸運地作為第一位入住客人被選作送贈個香檳「蓋」作為留念。
St. Regis Hong Kong 香港瑞吉早餐
香港瑞吉嘅早餐會係中餐廳「潤」會面食，而佢嘅早餐都幾特別，唔同一般酒店嘅自助餐嘅形式而會係選中式西式另外再附有半自助餐選擇。我點咗中餐，有相當精緻嘅點心同埋不會太濃味嘅粥品。我自己幾buy吃精不吃多而St. Regis Hong Kong有咁嘅安排我覺得好。萬豪白金卡待遇入住禮物可以選擇要2份早餐。
St. Regis Hong Kong Afternoon Tea 下午茶/St. Regis Bar
St. Regis Hong Kong嘅Afternoon Tea位於The Drawing Room，價錢為HK$688兩位，每位8件。同香港其他酒店嘅afternoon tea有幾大分別係佢serve嘅形式唔同。經理話佢地遲下會有架好有特色嘅車仔推嚟俾你選，我開幕當天食嘅時候就架車仔未到仲係法國造緊咁話。特別一提係佢嘅香檳杯都好講究，有幾款杯有唔同花紋，如果去到試嘅話我相信酒店Host會同你講解佢地嘅理念。
St. Regis有好幾個唔同品牌特色。其中一個係關於酒🍸 而St. Regis嘅Signature drink要數到Bloody Mary。因為每間St. Regis都有佢地獨特的Bloody Mary，而香港的叫Canto Mary，特別成份就有：
- 陳皮
- 豆瓣醬
- 豉油
其實即使唔入住都可以同朋友同事嚟下Happy Hour感受一下St. Regis culture。
